ലുമിനാർ ⚔️

Luminar | Author : Gladiator

ഞാൻ എഴുതിയ ബോസ്റ്റൻ ബംഗ്ലാവ് എന്ന കഥയ്ക്ക് നിങ്ങൾ നൽകിയ സ്നേഹത്തിനു നന്ദി.

ഞാനിതാ മറ്റൊരു fantasy കഥയുമായി എത്തിയിരിക്കുകയാണ്. ❤️ നൽകി support ചെയ്യുക 🙂

വഴി തെറ്റിയ കുഞ്ഞ് അന്താളിച്ചു നിൽക്കും പോലെ അഭി അടഞ്ഞു കിടന്ന ഗേറ്റിനു മുന്നിൽ നിന്നു.അകത്തേക്ക് കയറാൻ ആഗ്രഹമുണ്ടെങ്കിലും പഴയ ഓർമ്മകൾ അവന്റെ ശരീരത്തെ അനങ്ങാൻ അനുവദിച്ചില്ല. ഗേറ്റിനു മുന്നിൽ നിൽക്കുന്ന ഓരോ നിമിഷവും നെഞ്ചിന്റെ ഭാരം കൂടുന്നതായി അവന് തോന്നി.

ഒടുവിൽ സർവ്വ ധൈര്യവും സംഭരിച്ചുകൊണ്ട് അഭി ഗേറ്റ് തുറന്ന് അകത്തേക്ക് കയറി. അവന്റെ ഇടത്തെ കാലിലെ 16 സ്റ്റിച്ചിന്റെ വേദനയെക്കാൾ നീറുന്നത് ആയിരുന്നു അവന്റെ മനസ്സിലെ ഓർമ്മകൾ. ബാൻഡ് എയ്ഡ് കെട്ടിയ വലം കൈ കൊണ്ടവൻ മുറിവേറ്റ കവിളിലൂടെ ഒഴുകിയ കണ്ണുനീർ തുടച്ചു.

തന്റെ വരവ് അറിഞ്ഞ അമ്മാവൻ വീടും പരിസരവും വൃത്തിയാക്കി ഇട്ടിറ്റുണ്ട് എന്ന് ഒറ്റ നോട്ടത്തിൽ തന്നെ മനസ്സിലാകും.നിലത്ത് വെച്ച ബാഗും എടുത്ത് അഭി തറവാട് വീടിനു അകത്തേക്ക് നടന്നു.

വാതിൽ തുറന്ന് അകത്തേക്ക് കയറിയ അഭി ഒരു ഞൊടിയിടകൊണ്ട് 15 വർഷം പിന്നിലേക്ക് സഞ്ചരിച്ചു.

താൻ കളിച്ചു വളർന്ന വീട്.പ്രസവത്തോടെ തന്നെ അഭിയുടെ അമ്മ മരിച്ചു. അവന്റെ അച്ഛൻ അമ്മയുടെ അഭാവം അറിയിക്കാതെ അവനെ പൊന്ന് പോലെയാണ് വളർത്തിയത്. ഇന്ത്യൻ ഡിഫെൻസിൽ സയന്റിസ്റ് ആയി വർക്ക്‌ ചെയ്തിരുന്ന വ്യക്തി ആയിരുന്നു അവന്റെ അച്ഛൻ അരവിന്ദ്. 15 വർഷങ്ങൾക്ക് മുൻപ് തന്റെ പത്താം വയസ്സിൽ അച്ഛനോട് ഗുഡ്നൈറ്റ് പറഞ്ഞു ഉറങ്ങാൻ കിടന്നതാണ് അഭി. അച്ഛനെ അവസാനമായി കാണുന്ന നിമിഷമാണതെന്ന് അഭി ഒരിക്കലും കരുതിയില്ല.

ഇതേ ഹാളിൽ തന്റെ കമ്പ്യൂട്ടറിനു മുന്നിൽ എന്തോ തല പുകഞ്ഞു ആലോചിച്ചു ഇരുന്ന അച്ഛന്റെ മുഖം ഇപ്പോഴും അവന്റെ മനസ്സിൽ വ്യക്തമായുണ്ട്. അച്ഛനായി പോലീസും പട്ടാളവും ഒരുപാട് തിരച്ചിൽ നടത്തി. ഡിഫെൻസ് വിഭാഗത്തിൽ weapons designing ൽ ലെ പ്രകൽഭനായ scientist ന്റെ തിരോധാനം സീരിയസ് ആയി തന്നെ കേന്ദ്ര, കേരള സർക്കാർ നോക്കിക്കണ്ടു. പക്ഷെ അസ്വഭാവികമായി ഒന്നും തന്നെ ആർക്കും കണ്ടെത്താൻ കഴിഞ്ഞില്ല.

അമ്മയെയും അച്ഛനെയും നഷ്ടമായ അഭിയെ വളർത്തിയത് കേന്ദ്രം ആയിരുന്നു. അതവനെ കൊണ്ടെത്തിച്ചത് ചെറു പ്രായത്തിൽ തന്നെ Indian സൈന്യത്തിന്റ ഭാഗമായ zeus forceലേക്കാണ്. Undercover operations നടത്തുന്ന സൈന്യത്തിന്റെ ഭാഗം. Commando അണ് അഭി…ഒരു പക്ഷെ ആയിരുന്നു എന്ന് പറയുന്നതാവും നല്ലത്.2 ആഴ്ച മുൻപ് വിശേ രാജ്യത്ത് നടന്നൊരു അണ്ടർ കവർ ഓപ്പറേഷൻ backfire ആയി.

അഭി മാത്രമാണ് ആക്രമണത്തിൽ സർവൈവ് ചെയ്തത്.മിഷൻ backfire ആയത് രാജ്യത്തിനു തന്നെ നാണക്കേട് ആയി. അതിനാൽ നിലവിൽ സസ്പെന്ഷനിലും, കോർട്ട് മാർഷലിനായി വെയിറ്റ് ചെയ്യുകയുമാണ് അഭി. അമ്മയും അച്ഛനും നഷ്ടമായതോടെ രാജ്യത്തിനായി ജീവിതം മാറ്റി വെച്ച അഭി വീണ്ടും അനാഥത്വത്തിലേക്ക് വീണു. അച്ഛന്റെ ഓർമ്മ തങ്ങുന്ന തറവാട്ടിൽ കുറച്ചു നാളത്തേക്ക് തങ്ങാനായി ആണ് അഭി നീണ്ട 15 വർഷത്തിന് ശേഷം കേരളത്തിലേക്ക് വന്നത്.കോർട്ട് മാർഷൽ തുടങ്ങും വരെ ഈ വീട്ടിൽ തങ്ങണം എന്നാണ് അഭിയുടെ തീരുമാനം.

അമ്മാവൻ പാചകത്തിനും സഹായത്തിനുമായി ഒരു സ്ത്രീയെ അയക്കാമെന്നു പറഞ്ഞെങ്കിലും അഭി വേണ്ടെന്ന് പറഞ്ഞു. വര്ഷങ്ങളായി അവനുള്ളത് അവൻ തന്നെയാണ് പാചകം ചെയ്യുന്നത്..

തറവാടിന്റെ മുക്കിലും മൂലയിലും നടന്നു ഓർമ്മകൾ അയവിറക്കി നടക്കുകയാണ് അഭി. വന്നിട്ട് രണ്ട് ദിവസം പോയത് അവൻ അറിഞ്ഞില്ല.

എന്നാൽ മൂന്നാം ദിനമാണ് പൂട്ടിക്കിടക്കുന്ന അച്ഛന്റെ പഴയ ഓഫീസ് മുറി അവൻ ശ്രദ്ധിച്ചത്. കുട്ടിക്കാലത്ത് തന്റെ അച്ഛൻ എന്തിനെങ്കിലും തന്നെ വിലക്കിയിട്ടുണ്ടെങ്കിൽ അതാ റൂമിൽ കയറാൻ മാത്രമായിരുന്നു. അച്ഛന്റെ ജോലിയുടെ ഗൗരവം അറിയാവുന്നതിനാൽ അവൻ അത് അനുസരിച്ചു പോന്നിരുന്നു. എന്നാൽ അതിനി വേണ്ടല്ലോ..