🥷🏼⚔️ലുമിനാർ 🥷🏼⚔️ 10അടിപൊളി 

ലുമിനിയയുടെ ഹൃദയം കണ്ണീരൊഴുക്കുമ്പോൾ,

നക്ഷത്രങ്ങൾക്കും അകലെനിന്ന് ഒരുവൻ വരും,

ആകാശത്തിന്റെ തൊടുപിടിയാൽ അനുഗ്രഹിക്കപ്പെട്ടവൻ,

എന്നോ പോയി മറഞ്ഞവൻ അവന് വഴികാട്ടാനായി തിരികെ വരും,

ചോരയും അഗ്നിയും നിറഞ്ഞ പാതകളിൽ അവൻ തളരില്ല,

നാരീ സൈന്യം അവന് വിളക്കാകും,

അവന്റെ കൈകളാണ് അടിമത്തത്തിന്റെ ചങ്ങല പൊളിക്കുക,

അവന്റെ ശബ്ദമാണ് ഇരുട്ടിനെ ശാന്തമാക്കുക,

അഞ്ച് ഭൂഖണ്ഡങ്ങൾ അവനെ സ്വീകരിക്കണം,

അല്ലെങ്കിൽ ഒന്നാകെ തകർന്നുപോകും,

അവന് കിരീടം വേണ്ട,

പ്രശസ്തിയും വേണ്ട,

അവന് വേണ്ടത് സത്യമാണു.

ഹൃദയങ്ങൾ ഒന്നാകുമ്പോൾ, നിഴലുകൾ മങ്ങുമ്പോൾ പോയി മറഞ്ഞ പ്രതീക്ഷ വീണ്ടും പിറക്കും.”

വൃദ്ധ വായിച്ചു നിർത്തിയ ശേഷം അഭിയെ നോക്കി.

“നിന്റെ വരവിനെക്കുറിച്ച് ഞങ്ങളുടെ പൂർവികർ എഴുതിയ വാക്കുകൾ ആണിത്.”വൃദ്ധ പറഞ്ഞു.

വൃദ്ധ വായിച്ച വരികൾ അഭിയെ തെല്ലോന്ന് ഭയപ്പെടുത്തി. പുസ്തകത്തിലെ പ്രവചനത്തിലെ ആദ്യ വരികളും താൻ ഇവിടെ എത്തിപ്പെട്ടതും തമ്മിൽ ചെറിയൊരു സാമ്യമില്ലേ എന്നവനും തോന്നി.

വൃദ്ധയും അഭിയും കുടിലിനു പുറത്തേക്ക് ഇറങ്ങി അടുത്തുള്ള മരത്തണലിൽ ഇരുന്നു. അഭിയുടെ മടിയിൽ പികാച്ചു വന്നു കിടന്ന് ഉറങ്ങാൻ തുടങ്ങി.

“മറ്റൊരു ലോകത്തിൽ നിന്നെത്തിയവനാണ് നീ.ദാ നോക്ക്.. എന്നോ വംശമറ്റ് പോയി എന്ന് കരുതിയവൻ നിനക്ക് വഴികാട്ടാൻ തിരികെ വന്നിരിക്കുന്നു” വൃദ്ധ അഭിയുടെ മടിയിൽ കിടക്കുകയായിരുന്ന പികാച്ചുവിനെ മെല്ലെ തലോടി. “ഞങ്ങളെ ആക്രമിക്കാൻ ശ്രമിച്ച സൈനികനിൽ നിന്നും നമ്മളിൽ ഒരുവളെ നീ രക്ഷിച്ചില്ലേ..dark lord ന്റെ ശക്തി വർധിച്ച ശേഷം ഇന്നലെ ആദ്യമായി രാത്രിയിൽ നക്ഷത്രം തെളിഞ്ഞു. സൂചനകൾ എല്ലാം പറയുന്നത് നീ തന്നെയാണ് Luminar ന്റെ രക്ഷകൻ എന്ന് തന്നെയാണ്”വൃദ്ധ പ്രതീക്ഷയോടെ അഭിയെ നോക്കി.

അവരുടെ വാക്കുകൾ ഉൾക്കൊള്ളാൻ അഭിക്ക് കഴിഞ്ഞില്ല..

“ഞാൻ നിങ്ങളുടെ രക്ഷകനൊന്നുമല്ല,ഞാൻ നായകനുമല്ല. എന്റെ ലോകത്ത് ഉള്ള ഏതൊരാണും ചെയുന്നതെ ഞാനും ചെയ്തുള്ളു.എനിക്കും മുൻപേ കുറെ പേര് എന്റെ ലോകത്തിൽ നിന്നും വന്നിറ്റുണ്ട് എന്നല്ലേ പറഞ്ഞത്, ചിലപ്പോൾ അവരിൽ ആരെങ്കിലും ആവും നിങ്ങളുടെ രക്ഷകൻ” അഭി പറഞ്ഞു.

“ഈ ലോകത്തിലെ പുരുഷന്മാർക്ക് പോരാടാനുള്ള ധൈര്യം ഇന്നില്ല, പക്ഷെ നിനക്ക് അത് ധാരാളം ഉണ്ട്”

വൃദ്ധയുടെ പ്രതീക്ഷ നിറഞ്ഞ കണ്ണുകളിൽ നോക്കി തന്നെ അഭി സംസാരിച്ചു “ഞാൻ നിങ്ങൾക്ക് വേണ്ടി പോരാടാൻ വന്ന ആളല്ല.അതിന് ഇങ്ങോട്ടേക്ക് കെട്ടി എടുക്കാൻ പോലും ഞാൻ ആഗ്രഹിച്ചിട്ടില്ല. അച്ഛന്റെ റൂമിൽ ഇരുന്ന ഞാൻ എങ്ങനെയോ നിങ്ങളുടെ നാശം പിടിച്ച കാട്ടിൽ വന്നെത്തി, അപ്പോൾ മുതൽ ഈ സാധനം എന്റെ പിറകെ കൂടിയെന്നെ ഉള്ളു.നിങ്ങളുടെ ലോകമോ ഇവിടുത്തെ പ്രേശ്നങ്ങളോ എനിക്ക് ബാധകം അല്ല. എനിക്കെന്റെ നാട്ടിൽ തിരിച്ചു പോകണം. അത്ര തന്നെ” ദേഷ്യം കലർന്ന ശബ്ദത്തിൽ അഭി പറഞ്ഞു നിർത്തി.

“ചില സമയങ്ങളിൽ ഒഴിവാക്കി പോകാൻ ശ്രമിക്കുന്നവർ ആവും ആ നാട്ടിൽ നിന്ന് ഒരിക്കലും വിട്ട് പോകാത്തത്.വിധി അങ്ങനെയാണ്,നിങ്ങൾ ആഗ്രഹിക്കുന്ന സ്ഥലത്തല്ല.. പോകേണ്ട സ്ഥലത്ത് കൃത്യമായി അത് എത്തിക്കും”വൃദ്ധ പറഞ്ഞു.

“എന്റെ വിധി നേരത്തെ തീരുമാനം ആയതാ.ഇവിടെ വരുന്നതിനു മുന്നേ ഞാൻ എന്ത് ചെയുവായിരുന്നു എന്നറിയാമോ..? court martial നേരിടേണ്ട,ചിലപ്പോൾ ജയിലിൽ കിടക്കാൻ പോകുന്നവനാ ഞാൻ. ഇപ്പോഴിതാ ഏതോ പ്രാന്തൻ മാജിക്‌ വേൾഡിൽ…സോറി മാജിക്‌ ജയിലിൽ കിടക്കുന്നു.!”അഭി പറഞ്ഞു.

“ നടപടി നേരിടേണ്ടവൻ ആയിട്ടും നീ ഞങ്ങളിൽ ഒരുവളെ രക്ഷിച്ചില്ലേ..നിനക്ക് ഒന്നും ചെയ്യാതെ ഇരിക്കാമായിരുന്നു, ഓടി ഒളിക്കാമായിരുന്നു.. പക്ഷെ എന്നിട്ടും നീ പോരാടി.”വൃദ്ധ പറഞ്ഞു.

“ഞാൻ പറഞ്ഞില്ലേ.. അത് അവർക്ക് വേണ്ടി അല്ല.. അത്.. ആ സ്ത്രീയുടെ മകൻ…. അവൻ അനാഥനാകും…അതിന്റെ വേദന എനിക്കറിയാം.. പിന്നെ ഞാനൊരു commando ആണ്.. എന്ന് വെച്ചാൽ ഒരു സൈനികൻ. എനിക്കത് നോക്കി നിൽക്കാൻ കഴിയുമായിരുന്നില്ല..”അഭി പറഞ്ഞു.