🥷🏼⚔️ലുമിനാർ 🥷🏼⚔️ 10അടിപൊളി 

“തടക്ക്….” കയ്യിൽ കിട്ടിയ പാറക്കല്ല് കൊണ്ടാവൻ മുറിയുടെ താഴു തല്ലിത്തുറന്നു.

“ഇതെന്താണ്.. അമ്മാവന് ഈ റൂം കൂടെ ക്ലീൻ ചെയ്തു വെച്ചൂടെ…” വാതിൽ തുറന്നു മുന്നിൽ കണ്ട മാറാല കൈ കൊണ്ട് വലിച്ചു മാറ്റിക്കൊണ്ട് അഭി അകത്തേക്ക് കയറി “അഹ്.. അമ്മാവനെ പറഞ്ഞിട്ട് എന്തു കാര്യം. സ്വന്തം മോൻ പോലും ഈ വഴിക് വരണില്ല.”

മുറിയിൽ നല്ല രീതിയിൽ മാറാല പിടിച്ചു കിടപ്പുണ്ട്. മുറിയുടെ മൂലയിലായി മേശയിൽ പഴയ മോഡൽ കമ്പ്യൂട്ടർ മാറാലയിൽ പൊതിഞ്ഞു ഇരിപ്പുണ്ട്. അത് വർക്കിംഗ്‌ അല്ല.. അഭി ഓൺ ആക്കി നോക്കി. ഇനി ആ റൂമിൽ നിലത്തായി ഒരു പെട്ടി മാത്രമേ ഇരിപ്പുള്ളൂ. അഭി ആ ഇരുമ്പ് പെട്ടി തുറന്ന് നോക്കി. തന്റെയും അച്ഛന്റെയും ഒരുപാട് ചിത്രങ്ങൾ അടങ്ങിയ ആൽബം അവനതിൽ നിന്നും ലഭിച്ചു.

ആൽബത്തിന്റെ ഓരോ താളുകൾ മറിക്കും തോറും അഭിയുടെ മുറിവേറ്റ കവിൾ കണ്ണീരാൽ ഈറൻ അണിഞ്ഞു.അഭി ആൽബം മാറ്റി വെച്ച് പെട്ടിയുടെ ഉള്ളിലേക്ക് നോക്കി. തന്റെ പഴയ കുറച്ചു കളിപ്പാട്ടങ്ങളും, കുറച്ചു basic weapon modelsസും മാത്രം ആയിരുന്നു പെട്ടിയിൽ ബാക്കി ഉണ്ടായിരുന്നത്. അച്ഛന്റെ റൂമിലെ ഒഫീഷ്യൽ ഫയൽസ് എല്ലാം തന്നെ മുൻപ് തന്നെ officers കൊണ്ട് പോയിരുന്നു.പെട്ടെന്നാണ് അഭിയുടെ കണ്ണുകൾ പെട്ടിക്കുള്ളിൽ ഇരിക്കുന്ന എന്തോ ഒന്നിൽ ഉടക്കിയത്. അവനത് കയ്യിലേക്ക് എടുത്തു.

മുഷ്ടി വലുപ്പം മാത്രമുള്ളൊരു മെറ്റാലിക് cube ആയിരുന്നു അത്.അതിന്റെ ആറ് മുഖങ്ങളിലും എന്തോ കൊത്തി വെച്ചിട്ടുണ്ട്.റൂബിക്സ് ക്യൂബ് പോലെ മാറ്റാൻ പറ്റുന്നതാണ് അതിന്റെ മുഖങ്ങൾ, അഭി തിരിച്ചു നോക്കിയെങ്കിലും അത് മാറിയില്ല.

“ഇതെന്താ സാധനം.. എന്റെ പഴയ toy ഒന്നുമല്ല…ആദ്യമായ ഇങ്ങനൊരു ഐറ്റം കാണുന്നത്” ആദ്യായി ക്യൂബ് കണ്ട അഭി സ്വയം പറഞ്ഞു.

കൈയിൽ കിട്ടിയ ക്യൂബും തൂക്കി അഭി നേരെ ബെഡ്റൂമിലേക്ക് പോയി. തന്റെ കയ്യിൽ ഇരിക്കുന്നത് എന്ത് സാധനം ആന്നെന്നു മനസിലാക്കാൻ അഭിക്ക് ആവേശം കൂടി. അതൊരു ടോയ് ആന്നെന്നു തന്നെയാണ് അവൻ വിശ്വസിക്കുന്നത്. അതിന്റെ വർക്കിംഗ്‌ എങ്ങനെയെന്നു അറിയണം. അതാണ് ഇപ്പോഴത്തെ അവന്റെ ആവശ്യം.

കുഞ്ഞായിരുന്നപ്പോൾ ഒരുപക്ഷെ അച്ഛൻ തനിക്ക് സമ്മാനമായി നൽകാൻ വെച്ചിരുന്നത് ആവാം അതെന്നവൻ തീർത്തും വിശ്വസിച്ചു.അഭി google lens ഉപയോഗിച്ച് അത് എന്ത് കളിപ്പാട്ടം ആന്നെന്നു സെർച്ച്‌ ചെയ്തെങ്കിലും ഗൂഗിളിൽ ഉത്തരം കിട്ടില്ല.

റൂബിക്സ് ക്യൂബ് എന്നായിരുന്നു സെർച്ച്‌ റിസൾട്ട്‌. ഒരുപാട് സെർച്ച്‌ ചെയ്തെങ്കലും ഒടുവിൽ നിരാശ ആയിരുന്നു ഫലം.ഒടുവിൽ വീണ്ടും അവൻ ആ cube ന്റെ മുഖങ്ങൾ അങ്ങോട്ടും ഇങ്ങോട്ടും തിരിച്ചു നോക്കിയെങ്കിലും നിരാശ തന്നെ യായിരുന്നു ഫലം.

“മൈര്…”ദേഷ്യം വന്ന അഭി cube ബെഡിലേക്ക് വലിച്ചെറിഞ്ഞു.അവന്റെ തലയിലേക്ക് ദേഷ്യവും,വേദനയും ഇരച്ചു കേറി.പെട്ടെന്നാണ് ബെഡിൽ വീണ cube താനൊന്നു തൊടുക പോലും ചെയ്യാതെ അതിന്റെ മുഖങ്ങൾ ഓട്ടോമാറ്റിക്ക് ആയി മാറുന്നത് അഭി ശ്രദ്ധിച്ചത്. അവന് സ്വന്തം കണ്ണുകളെ വിശ്വസിക്കാൻ കഴിഞ്ഞില്ല.

തന്റെ മനസിന്റെ വികാരങ്ങളാണ് ആ ക്യൂബ് പ്രവർത്തിപ്പിക്കാനുള്ള താക്കോൽ എന്ന് അഭിക്ക് ഇപ്പോഴും മനസ്സിലായിട്ടില്ല.

പെട്ടെന്ന് cube ന്റെ പ്രവർത്തനം നിലച്ചു. എല്ലാ മുഖങ്ങളും യഥാ സ്ഥാനത്ത് എത്തിച്ചേർന്നു.cube ന് ഉള്ളിൽ നിന്നും ജ്വലിക്കുന്ന നീല പ്രകാശം ഉയർന്നു വന്നു.

“വാട്ട്‌ തെ ഫക്ക്…” അഭി അത്ഭുതത്തോടെ ആ cube കയ്യിലേക്ക് എടുക്കാൻ നോക്കി. കയ്യിലെ മുറിവിൽ കെട്ടിയ ബാൻഡ് ഐഡിന് തടഞ്ഞു നിർത്താൻ കഴിയാതെ പോയ അഭിയുടെ ഒരു തുള്ളി ചോര ക്യൂബിൽ പതിഞ്ഞതും ക്യൂബ് ബെഡ്‌റൂമാകെ നീല പ്രകാശം പരത്തി. വെളിച്ചത്താൽ അഭി കണ്ണ് പൊത്തിപോയി. “ബുമ്മ്മ്മ്….”ഒരലറലോടെ ക്യൂബ് മുറിയിൽ നിന്നും അപ്രത്യകഷം ആയി. ഒപ്പം അഭിയും.

“ആഹ്ഹ്ഹ്ഹ്ഹ്….”കുഴിയിലേക്ക് വീഴും പോലെ തോന്നിയ അഭി കണ്ണുകൾ തുറന്നു നോക്കി..അഭിയുടെ തോന്നൽ ശെരി തന്നെ ആയിരുന്നു. അഭി ആശ്ചര്യത്തോടെ ചുറ്റുപാടും നോക്കി. അവൻ യഥാർത്ഥത്തിൽ ആകാശത്തിൽ നിന്നു താഴേക്ക് വീഴുകയാണ്!ഭൂമിയില്ല, ആകാശം ഇല്ല, ചുറ്റും കറുപ്പും വെളുപ്പും നിറങ്ങൾ മാത്രം.