🥷🏼⚔️ലുമിനാർ 🥷🏼⚔️ 10അടിപൊളി 

“അങ്ങനെയെങ്കിൽ നിനക്കായ് തന്നെയാണ് ഞങ്ങൾ കാത്തിരുന്നത്.. പ്രവചനം കാരണമല്ല.മറ്റുള്ളവരുടെ ദുഃഖം നിനക്ക് മനസ്സിലാകും. അത് നീ എത്ര ഒളിക്കാൻ ശ്രമിച്ചാലും.”

സംസാരിച്ചു സംസാരിച്ചു താനൊരു കുരുക്കിലേക് ചാടുകയാണ് എന്ന് തോന്നിയ അഭി നിശബ്ദനായി ദൂരേക്കു നോക്കി യിരുന്നു.

“ഞങ്ങളെ രക്ഷിക്കാൻ ഞാൻ പറയുന്നില്ല. പക്ഷെ കുറച്ചുദിനങ്ങൾ കൂടെ നമ്മുടെ കൂടെ ചിലവഴിച്ചാൽ നീ ചോദിക്കാതെ തന്നെ പല ഉത്തരങ്ങളും നിന്നെത്തേടി എത്തും”വൃദ്ധ പറഞ്ഞു.

🌐🌐🌐

രാത്രി സമയം. ഗ്രാമത്തിന്റെ ഒരു മൂലയിലെ മരച്ചുവട്ടിൽ അഭിയും പികച്ചുവും ഇരുന്നു.ഇരുണ്ട ആകാശത്തു ഒരു നക്ഷത്രം മാത്രം തിളങ്ങി നിൽക്കുന്നു.അഭിയുടെ അടുത്തായി പികാച്ചുവും വന്നിരുന്നു.

“സത്യം പറ.നിനക്കും ഈ നശിച്ച ലോകത്തിൽ നിന്നും പോകാൻ ആഗ്രഹം ഇലെ..?” അഭി ചോദിച്ചു. “എനിക്കറിയാം, നിനക്ക് പോകാൻ ആഗ്രഹമുണ്ടെന്ന്. ഞാൻ തിരിച്ചു ഭൂമിയിൽ പോകുമ്പോൾ നിന്നെയും കൊണ്ട് പോകാം.”അഭി അവനെ തലോടി.

“ആ കിളവി പറയുന്നത് ഞാനവരെ രക്ഷിക്കുമെന്നാ.. എന്റെ നാട്ടിൽ ഈ സെയിം കഥ വെച്ച് ഒരായിരം സിനിമ ഇറങ്ങിയിട്ടുണ്ട്.. ഓരോന്ന് വരും രക്ഷകൻ, അവതാരം,പറി എന്നൊക്കെ പറഞ്ഞോണ്ട്”

“ഡാ.. പികാച്ചു.. ഞാൻ അത്രക്ക് നല്ലവൻ ഒന്നുമല്ല.. ഞാൻ ഒരുപാട് പേരെ കൊന്നിറ്റുണ്ട്. എന്റെ രാജ്യത്തിന്റെ സുരക്ഷക്ക് വേണ്ടി.ഒരുപാട് ഒരുപാട് തെറ്റുകൾ ചെയ്തിട്ടുണ്ട്..ഇപ്പോൾ ഇവര് പറയുവാ.. ആ ഞാൻ ഈ ലോകത്തിലെ ജനങ്ങളെ രക്ഷിക്കണം എന്ന്.. കോപ്പ്”

“ഞാൻ പറയുന്നത് എന്തെങ്കിലും നിനക്ക് മനസ്സിലാകുന്നുണ്ടോ..?” അഭി pikachu വിനെ നോക്കി ചോദിച്ചു.

പികാച്ചു അഭിയെ തന്നെ നോക്കിയിരിപ്പാണ്.

അഭി pikachu വിന്റെ തോളിൽ തല ചായ്ച്ചു “ എനിക്ക് തിരിച്ചു പോകണമെടാ.എന്നെയും കാത്ത് അവിടെ ആരുമില്ല.. എങ്കിലും എനിക്ക് പോകണമെടാ.” അഭി തീർന്നു ഇരുട്ട് നിറഞ്ഞ ആകാശത്തിലെ തിളങ്ങി നിൽക്കുന്ന നക്ഷത്രത്തെ നോക്കിയിരുന്നു.

🌐🌐🌐

രാവിലെ. ഗ്രാമത്തിലെ പാതി തകർന്ന എൽവിഷ് ആരാധനാലയത്തിൽ പ്രാർഥിക്കുകയായിരുന്ന വൃദ്ധയുടെ അരികിലേക് അഭി വന്നു.

“എനിക്ക് തിരികെ പോകണം”അഭി പറഞ്ഞു.

വൃദ്ധ തിരിഞ്ഞു നോക്കി.അവരുടെ മുഖത്ത് യാതൊരുവിധ ദേഷ്യവും ഇല്ലായിരുന്നു “വന്നതല്ലേ ഉള്ളു.. അപ്പോഴേക്കും മനസ്സ് ഈ മണ്ണ് വിട്ട് പോയോ..?”

“അതിനെന്റെ മനസ്സ് ഇവിടേക്ക് വന്നെന്ന് ആര് പറഞ്ഞു.ഞാൻ ആഗ്രഹിച്ചിട്ടല്ല ഇവിടെ എത്തിയത്, ഈ ലോകം,ആ പ്രവചനം, dark ലോർഡ്,ഇതൊന്നും തന്നെ ഞാൻ ആഗ്രഹിച്ചതല്ല”

“എനിക്കറിയാം മോനെ…മോൻ പൊയ്ക്കോളൂ.”വൃദ്ധ പതിഞ്ഞ സ്വരത്തിൽ പറഞ്ഞു.

“നി.. നിങ്ങൾ എന്താ എന്നെ പോകുന്നതിൽ നിന്നും തടയാത്തത്..?”അഭി സംശയത്തോടെ ചോദിച്ചു,.

“എനിക്ക് മോനോട് യാചിക്കാനേ സാധിക്കുള്ളൂ.ഇവിടുള്ള ജനങ്ങൾക്ക് ധൈര്യമുള്ള,കരുത്തുള്ള നിന്നെപ്പോലെ ഒരുവനെ ആവശ്യം ഉണ്ടെന്നേ എനിക്ക് പറയാനാവു..പക്ഷെ അത് നീതികേടാണ്.ഈ ലോകം നീ തിരഞ്ഞെടുത്തത് അല്ലല്ലോ..ഞങളുടെ ദുരിതജീവിതം ഞങ്ങളുടെയും തിരഞ്ഞെടുപ്പ് അല്ലായിരുന്നല്ലോ.”

വൃദ്ധ അഭിയുടെ അരികിലേക്ക് നടന്നു വന്നു.

“നിന്റെ ലോകത്തിൽ നിന്നെ തിരിച്ചെത്തിക്കാൻ എനിക്കാവില്ല. പക്ഷെ ഒരാളുണ്ട്. എനിക്കുറപ്പില്ല.ഈ ലോകത്തിൽ ഒന്നിനും ഉറപ്പ് പറയാനും കഴിയില്ലല്ലോ..ഒരു സ്ത്രീ ഉണ്ട്. ഒരു മന്ത്രവാദിനി.നിങ്ങളുടെ ലോകത്തിൽ നിന്നും വന്നെത്തി മന്ത്രതന്ത്രങ്ങൾ പഠിച്ചവൾ എന്നാണ് അവളെപറ്റിയുള്ള കേട്ടു കേൾവി.ഗ്രാമത്തിന് കിഴക്ക് വശത്ത് 2 മലകൾക്ക് അപ്പുറത്തെ കരിംവനത്തിൽ എവിടെയോ ആണവളുടെ താമസം. നിന്നെ ആർക്കെങ്കിലും സഹായിക്കാൻ കഴിയുമെങ്കിൽ അതവൾക്കായിരിക്കും.

“മന്ത്രവാദിനിയോ..?അവൾ ഭൂമിയിൽ നിന്നാണോ?”അഭി സംശയത്തോടെ ചോദിച്ചു.

“പുറം ലോകത്ത് നിന്ന് വന്നവൾ ആണെന്നെ അറിയൂ..ഭൂതം ഭാവി വർത്തമാനം ഒക്കെ അവൾക്ക് കാണാൻ സാധിക്കുമെന്ന് കേട്ടിറ്റുണ്ട്.ഞങ്ങളാരും അവിടേക്ക് പോയിട്ടില്ല. പോയി നോക്കു. ഒരുപക്ഷെ നിനക്ക് തിരികെ വീട്ടിലേക് പോകാൻ സാധിക്കും!!”