🥷🏼⚔️ലുമിനാർ 🥷🏼⚔️ 10അടിപൊളി 

🧝🏻‍♂️“നിനക്കെന്റെ ഭാഷ അറിയാത്തത് നല്ലതോ മോശമോ എന്നെനിക്ക് അറിയില്ല…ഒരുപക്ഷെ നിന്നോട് സംസാരിക്കുന്നതിനേക്കാൾ ചിലത് പ്രവർത്തിച്ചു കാണിക്കുന്നതാവും നല്ലതെന്ന് എനിക്ക് തോന്നുന്നു.”

അവൾ അഭിയുടെ മുന്നിലായി വന്നു നിന്നു അവന്റെ തോളുകളിൽ മെല്ലെ മസ്സാജ് ചെയ്തു.

“ഞാൻ നിന്നെ ചുംബിച്ചാൽ എന്നെ തട്ടി മാറ്റി ഓടുമോ നീ…”ചിരിക്കുന്ന മുഖഭാവത്തോടെ അവൾ ചോദിച്ചു.

അഭി തല ഉയർത്തി അവളെ നോക്കി മറുപടി നൽകി.

“ഞാൻ ഓടില്ല…”അവൻ പച്ച മലയാളത്തിൽ പറഞ്ഞു.

അഭിയുടെ മറുപടി കേട്ട സുന്ദരി ഒരു നിമിഷം അനങ്ങാതെ നിന്നുപോയി.

“നീ.. നിനക്ക് ഞങ്ങളുടെ ഭാഷ മനസ്സിലാകുമോ.. നീ.. നീ എങ്ങനെയാ നമ്മുടെ ഭാഷ സംസാരിച്ചേ…?” അവൾ ഞെട്ടലോടെ ചോദിച്ചു.

“ങേ.. അതിനു ഞാൻ മലയാളം അല്ലെ പറഞ്ഞത്!!”എന്ന ചോദ്യം അഭിയുടെ മനസ്സിൽ ഉണ്ടായിരുന്നെങ്കിലും അത് പുറത്തേക്ക് കാണിക്കാതെ “ഹ ഹ .” എന്നവൻ ചിരിച്ചു.

“ഇല്ല..2 ദിവസം കൊണ്ട്.. ഇല്ലാ..…നിനക്കതിനു പറ്റില്ല…പുറം ലോകത്ത് നിന്നുള്ള ആർക്കും അതിനു പറ്റില്ല…” കാമത്തോടെ അഭിയുടെ മുന്നിൽ നിന്ന അവളുടെ മുഖമാകെ വിളറി വെളുത്തിരുന്നു.

“പക്ഷെ എനിക്ക് പറ്റും.”

അഭിയുടെ ആ മറുപടി കേട്ടതും ആ സ്ത്രീ അവിടെ നിന്നും ഓടി മറഞ്ഞു. അവൾക് താൻ അവരുടെ ഭാഷ മനസിലാക്കിയതിൽ ഞെട്ടിൽ ഉണ്ടായത് അഭിക്ക് ഉൾക്കൊള്ളാമായിരുന്നു…പക്ഷെ ആദ്യമായി ഒരു എൽവിഷ് സ്ത്രീയുടെ കൂടെ ശരീരം പങ്കുവെയ്ക്കാം എന്ന് കരുതിയ അഭിയുടെ മോഹം മുളയിലേ നുള്ളിപ്പോയി. അവൾ തിരികെ വരുമെന്ന് അഭി പ്രതീക്ഷിച്ചെങ്കിലും അവൾ വന്നില്ല. ഒടുവിൽ പികാച്ചുവിന്റെ അരികിൽ പോയി കിടന്ന് അഭി ഉറങ്ങാൻ തുടങ്ങി.

🌐🌐🌐

അഭിക്ക് തങ്ങളുടെ ഭാഷ മനസ്സിലാകും എന്ന സത്യം ഗ്രാമത്തിൽ ആദ്യ വെളിച്ചം വീഴും മുൻപേ തന്നെ ആ എൽവിഷ് സ്ത്രീ എല്ലാവരെയും അറിയിച്ചിരുന്നു.

തന്നോട് സംസാരിക്കാനായി എത്തിയ വൃദ്ധയായ ഗ്രാമത്തലവയെ കണ്ടുകൊണ്ടാണ് അഭി ഉറക്കം ഉണർന്നത് തന്നെ.അവർ അഭിയോട് ഒന്നും തന്നെ മിണ്ടിയില്ല.അഭി ഭക്ഷണം കഴിച്ചു ഉന്മേഷവാനായി വരുന്നതും കാത്തവർ അരികിലെ മരത്തണലിൽ ഇരുന്നു.ആദ്യം വന്ന ദിനം അഭിയുടെ കാലിൽ വീഴുകയും, കെട്ടിപിടിച്ചു എന്തൊക്കെയോ പറഞ്ഞതും ഈ സ്ത്രീ ആയിരുന്നു. മെലിഞ്ഞ ശരീരം, തീക്ഷണ നിറഞ്ഞ പച്ച കണ്ണുകൾ.

“എനിക്ക് ഉറപ്പായിരുന്നു, നീ ഞങ്ങളുടെ ഭാഷ മനസ്സിലാക്കും എന്ന്..”വൃദ്ധ അഭിയെ നോക്കി പറഞ്ഞു. “ഒരുപാട് ചോദ്യങ്ങൾ ഉണ്ടെന്നറിയാം, എല്ലാത്തിനും എന്റെ കൈയിൽ ഉത്തരം കാണില്ല.എനിക്കറിയാവുന്നത് ആന്നെകിൽ ഞാൻ മറുപടി നൽകാം. വരൂ….” പറഞ്ഞ ശേഷം വൃദ്ധ ഗ്രാമത്തിന് പുറത്തേക്ക് നടന്നു. അഭിയും, അഭിയുടെ പിന്നാലെ pikachu വും അവരെ പിന്തുടർന്നു.

“അഭി.. അതാണ് എന്റെ പേര്.

“Elaria.. ഇപ്പോൾ ഈ ഗ്രാമത്തിനായി സംസാക്കാനുള്ള അധികാരം എനിക്കാണ്.

“ എങ്ങനെയാ നമ്മളെല്ലാം മലയാളത്തിൽ സംസാരിക്കുന്നത്..? English വരെ പരസ്പരം പറയുന്നുണ്ട്.”അഭി ചോദിച്ചു.

“ഞങ്ങൾ Elves എന്ന വർഗ്ഗത്തിൽ പെട്ടവരാണ്.ഞങ്ങൾക്ക് എൽവിഷ് ഭാഷ അല്ലാതെ മറ്റൊരു ഭാഷയും അറിയില്ല. മോനിപ്പോൾ പറഞ്ഞ ഭാഷകളുടെ പേര് പോലും ഞങ്ങൾ കേട്ടിട്ടില്ല.” വൃദ്ധ പറഞ്ഞു.

“അപ്പോ ഇപ്പോൾ എന്നോട് മലയാളത്തിൽ സംസാരിക്കുന്നതോ..?”അഭി ചോദിച്ചു.

വൃദ്ധ നടത്തം നിർത്തി അഭിയെ തിരിഞ്ഞു നോക്കി “എന്റെ ചുണ്ടിന്റെ ചലനം നോക്കി പറയു. ഞാൻ നിന്റെ ഭാഷയാണോ സംസാരിക്കുന്നത്..?”

അഭി അവരുടെ ചുണ്ടിലേക് നോക്കി.. അവർ മലയാളം പറയുന്ന രീതിയിലല്ല ചുണ്ടനക്കിയത്.

“എന്നോട് അഭി സംസാരിക്കുന്നത് എൽവിഷ് ഭാഷയിൽ ആണ്. പക്ഷെ അഭി പോലും അതറിയുന്നില്ല. മനസ്സ് കൊണ്ട് താൻ തനിക് അറിയാവുന്ന ഭാഷയിൽ സംസാരിക്കുന്നു. പക്ഷെ എതിരെ നിൽക്കുന്നവർക്ക് മനസിലാകുന്ന ഭാഷയിൽ ആണ് പുറത്തേക്ക് വരുന്നത് എന്ന് മാത്രം.അഭിക്ക് മനസ്സിലായോ ഞാൻ പറഞ്ഞത്.?” വൃദ്ധ ചോദിച്ചു.

“അപ്പോൾ ഞാൻ മലയാളം, ഇംഗ്ലീഷ്, ഹിന്ദി യിലൊക്കെ പറഞ്ഞാൽ അത് നിങ്ങൾ കേൾക്കുന്നത് നിങ്ങളുടെ ഭാഷയിൽ ആയിരിക്കും അല്ലെ..?”അഭി അതിശയത്തോടെ അവരെ നോക്കി പറഞ്ഞു “അത് പോലെ നിങ്ങൾ പറയുന്ന ഭാഷ എനിക്ക് അറിയാവുന്ന ഭാഷയുടെ രൂപത്തിൽ ആവും ഞാൻ കേൾക്കുന്നത് അല്ലെ..?”