🥷🏼⚔️ലുമിനാർ 🥷🏼⚔️ 10അടിപൊളി 

“ങേ…ഇ.. ഇവനിവിടുത്തെ ദൈവം ആണോ..”പികച്ചുവിനെ നോക്കി അഭി പറഞ്ഞു.

“Kshe kora pak sha dorhak sha morvath”ആദ്യം നിലത്തു വീണ സ്ത്രീ പികച്ചുവിനെ നോക്കി പറഞ്ഞു.

“മൈര്. ഒന്നും മനസിലാകുന്നില്ലല്ലോ..” അഭി മനസ്സിൽ പറഞ്ഞു.

“Zhilak mor kosh dor, kshe kora ni zhilak sha komander”ഒരു ഞെട്ടലോടെ ആ സ്ത്രീ അഭിയെ നോക്കി ചോദിച്ചു.

ഭാഷ മനസിലായില്ലെങ്കിലിം എന്തോ പണി ആണെന്ന് മാത്രം അവന് മനസ്സിലായി.

“Luminar…..” നിറ കണ്ണുകളോടെ ആ സ്ത്രീ അഭിയെ നോക്കി പറഞ്ഞു.

“Luminar…????” കൂടെ നിന്നിരുന്ന എല്ലാവരും അത്ഭുതത്തോടെ പരസ്പരം നോക്കി പറഞ്ഞു.

“Luminar…..” ആ സ്ത്രീ ഓടി വന്നു അഭിയുടെ കാൽക്കൽ വീണു കരഞ്ഞു. അവരെ എടുത്തു ഉയർത്തിയതും ആ സ്ത്രീ അഭിയെ കെട്ടിപ്പിടിച്ചു കരഞ്ഞു. ഗ്രാമവാസികളിൽ പലരും അഭിയെ മാറിമാറി വാരിപ്പുണർന്നു. യുവതികളായ സ്ത്രീകൾ അവനെ അതിശത്തോടെ നോക്കി നിൽക്കുന്നത് അവൻ ശ്രദ്ധിച്ചു.

സ്ത്രീകൾ ചേർന്ന് അഭിയെയും പികച്ചുവിനെയും ഗ്രാമത്തിന് അകത്തേക്കു സ്വീകരിച്ചുകൊണ്ടുപോയി.അല്പം മുൻപ് വരെ പിടിച്ചുകൊണ്ടുപോയ ഗ്രാമത്തിലെ പുരുഷന്മാരെ ഓർത്ത് കരയുകയായിരുന്ന അവരുടെ മുഖത്തു പെട്ടെന്ന് സന്തോഷം നിറഞ്ഞത് എങ്ങനെയെന്നു അഭിക്ക് എത്ര ആലോചിട്ടും മനസിലായില്ല.

താൻ അല്പം മുൻപ് കൊന്ന് തള്ളിയ സൈനികനെ കുറച്ചു സ്ത്രീകൾ ചേർന്ന് എങ്ങോട്ടോ തൂകിക്കൊണ്ട് പോയി. അവനും നോർമൽ മനുഷ്യ രൂപം തന്നെ ആയിരുന്നു. അല്ലെങ്കിൽ elf.. അല്ലെങ്കിൽ മറ്റെന്തെങ്കിലും.ചില സ്ത്രീകൾ കത്തിയെരിയുകയായിരുന്ന കുടിലിലെ തീ കെടുത്താൻ തുടങ്ങി

🌐🌐🌐

ഗ്രാമത്തിലുള്ള സ്ത്രീകൾ അഭിക്ക് മാറാൻ അവരുടേത് പോലുള്ള വസ്ത്രവും, കഴിക്കാൻ ഫലങ്ങളും കുടിക്കാൻ പാനീയങ്ങളും നൽകി. കൊച്ചു കുട്ടികളുടെ ഒപ്പം കളിക്കുന്ന തിരക്കിൽ ആയിരുന്നു pikachu. അവരുടെ ഭാഷ മനസ്സിലാകാത്തത് വലിയൊരു പ്രശനം തന്നെ ആയിരുന്നു. എന്നിരുന്നാലും അത് മനസ്സിലായിട്ടേനോണം കൂടുതലും ആംഗ്യം കാണിച്ചാണ് അവർ അവനോട് സംസാരിച്ചത്. അതെ സമയം അവർ പറയുന്നത് പികച്ചുവിന് മനസിലാകുന്നുണ്ടായിരുന്നു എന്നവന്റെ ചില സമയത്തെ പ്രവർത്തികളിൽ നിന്നും വ്യക്തം ആയിരുന്നു. പ്രായം ചെന്ന സ്ത്രീകളിൽ നേതാവ് എന്ന് തോന്നിക്കുന്ന സ്ത്രീ അവരുടെ ഭാഷയിൽ എന്തൊക്കെയോ സീരിയസ് ആയി തന്നെ അവനോട് പറഞ്ഞെങ്കിലും പൊട്ടൻ ആട്ടം കണ്ട ഭാവം ആയിരുന്നു അഭിക്ക്.. തിരിച്ചു അവരോട് ഇത് ഏതാ സ്ഥലം എന്ന് ചോദിക്കാൻ പോലും പോലും അവന് കഴിയുന്നില്ലായിരുന്നു.60 ഓളം കല്ലുകൊണ്ട് നിർമിച്ച കുടിലുകളുള്ള ഗ്രാമം ആയിരുന്നു അത്. അവരുടെ രൂപം അവന് അത്ഭുതം ആയിരുന്നു.നീണ്ട ചെവികളും പച്ച കണ്ണുകളും ഉള്ള മനുഷ്യർ. സിനിമയിൽ മാത്രം കണ്ടിട്ടുള്ള മുഖങ്ങൾ കൺമുന്നിൽ നടക്കുന്നു.അന്ന് രാത്രി അഭിയും പികച്ചുവും ഗ്രാമത്തിൽ തന്നെ തങ്ങി. എന്നാൽ രാവിലെ തന്നെ ഇന്നലെ മരണപെട്ട സൈനികനെ തിരക്കി ഇരുമ്പ് കവചങ്ങളും കറുത്ത ഹെൽമറ്റും ധരിച്ച 5 സൈനികർ ഗ്രാമത്തിലേക്ക് എത്തി. അവരുടെ വരവ് മുൻകൂട്ടി കണ്ട ഗ്രാമത്തലവ അഭിയേയും, പികച്ചുവിനെയും, ഇന്നലെ അവൻ രക്ഷിച്ച സ്ത്രീയെയും മകനെയും ഗ്രാമത്തിൽ നിന്നും അടുത്തുള്ള പൊന്തക്കാട്ടിലേക്ക് ഒളിപ്പിച്ചിരുത്തി. അവരോട് ഗ്രാമത്തലവ അവരുടെ ഭാഷയിൽ എന്തൊക്കെയോ പറഞ്ഞെങ്കിലും ഗ്രാമം മുഴുവൻ അരിച്ചു പെറുക്കിയിട്ടാണ് അവർ തിരികെ പോയത്.ഗ്രാമത്തിന്റെ അവസ്ഥയും പരിതാപകരം ആയിരുന്നു. എല്ലാവരുടെയും മുഖത്ത് ദുഃഖം മാത്രം. പല കുടിലുകളും തകർന്ന അവസ്ഥയിൽ ആയിരുന്നു. അഭിക്ക് ഭക്ഷണം കിട്ടുന്നുണ്ടായിരുന്നെങ്കിലും മറ്റുള്ളവർക്ക് തികയുന്നുണ്ടോ എന്നത് സംശയമാണ്.

🌐🌐🌐

അഭി ഗ്രാമത്തിൽ എത്തിയിട്ട് 3 ദിവസം ആയിരിക്കുന്നു.ആളുകൾ അവന് ഭക്ഷണവും താമസവും വാഗ്ദാനം ചെയ്തിരുന്നെങ്കിലും, അവരുടെ കണ്ണുകളിൽ അഭിയോടുള്ള ജാഗ്രത നിഴലിച്ചിരുന്നു.അവരോട് സംസാരിക്കാൻ അഭി ഒരുപാട് വഴി നോക്കിയെങ്കിലും നിരാശ ആയിരുന്നു ഫലം.ആംഗ്യങ്ങൾ, മണ്ണിൽ ചിത്രം വരച്ചു സംസാരിക്കാൻ ഉള്ള ശ്രമം എല്ലാത്തിനും അവന് ലഭിച്ച മറുപടി മൗനം ആയിരുന്നു. ചിലർ അവന്റെ അരികിൽ വന്നു പേരറിയാത്ത ഭാഷയിൽ കരഞ്ഞുകൊണ്ട് വിഷമങ്ങൾ പറഞ്ഞിട്ട് പോകും. അവനത് മിണ്ടാതെ കേട്ടിരിക്കും.