🥷🏼⚔️ലുമിനാർ 🥷🏼⚔️ 10അടിപൊളി 

“അതെ..ഈ ലോകത്തെ ഭാഷയ്ക്ക് പരിചിതം അല്ലാത്ത വാക്കുകൾ മാത്രം നിങ്ങൾ പറയുന്നത് പോലെ നമ്മൾ കേൾക്കും. അത് പോലേ തിരിച്ചും.”വൃദ്ധ പറഞ്ഞു.

“പക്ഷെ…അതെങ്ങനെ…?എങ്ങനെയാ എനിക്കിതിന് കഴിയുന്നത്?”അഭി തല ചൊറിഞ്ഞുകൊണ്ട് ചോദിച്ചു.

അതിനുത്തരം ആയി ആ വൃദ്ധ അഭിയുടെ പിന്നാലെ നടന്നു വരുന്ന pikachuവിനെ നോക്കിയൊന്ന് പുഞ്ചിരിച്ചു.

“Pikachu കാരണമാണ് എനിക്കിത് സാധിക്കുന്നത് എന്നാണോ..?”അഭി ചോദിച്ചു.

“Pikachu? താൻ അതിനിട്ട പേരാണോ അത്?

“അതെ..

“. ആ ജീവിയുടെ പേര് “Thrill’in” എന്നാണ്. ഈ ലോകത്തിന്റെ ഉത്ഭവ സമയം ജീവൻകൊണ്ട അത്ഭുതജീവികളിൽ ഒന്ന്. വർഷങ്ങൾക്ക് മുൻപ് അവസാന Thrill’n നെയും Zorthakകൊന്നതോടെ ഇവയ്ക്ക് വംശനാശം സംഭവിച്ചു എന്നാണ് വിശ്വസിച്ചിരുന്നത്.. പക്ഷെ Thill”in വർഗം അവസാനിച്ചിട്ടില്ല എന്ന് തന്റെ വരവോടെ മനസിലായിരിക്കുന്നു.

“പക്ഷെ…എങ്ങനെ എനിക്ക്…?”അഭി വാക്കുകൾ കിട്ടാതെ പതറി.

“ഈ ലോകത്തേക്ക് കടന്ന് വരുന്ന അപരിചിതരോട് പെട്ടെന്ന് ഉണങ്ങാൻ Thrill”in വർഗ്ഗത്തിന് കഴിയും.അവരുടെ വിശ്വാസം നേടിയെടുത്താൽ ഈ ലോകത്തിലെ ജന്തുക്കൾ, പുഴകൾ, ജീവചലാചാലങ്ങൾ, എന്തിനോടും സംസാരിക്കാനുള്ള കഴിവ് Thrill’in നിങ്ങൾക്ക് നൽകും.”വൃദ്ധ പറഞ്ഞു.

“ഓക്കേ ഓക്കേ…ഞാനിപ്പോൾ ഇതെവിടാ..? ഏതാ ഈ സ്ഥലം.

“ഹ ഹ ഹ…ആദ്യം ചോദിക്കേണ്ട ചോദ്യം ഇപ്പോഴാണോ ചോദിക്കുന്നത്..?”വൃദ്ധ പൊട്ടിച്ചിരുന്നു.

“അത്.. ആദ്യം ഭാഷയെപ്പറ്റി അറിയാനുള്ള മൈൻഡിൽ ആയിരുന്നു.

“മ്മ്…നിങ്ങൾ ഇപ്പോൾ ഉള്ളത് Luminia എന്ന ലോകത്തിലാണ് .”

“Luminia…മ്മ്.. കൊള്ളാം.. ഞാൻ ഭൂമിയിൽ നിന്നാണ്..

“മനസ്സിലായി…തന്റെ ലോകത്ത് നിന്നും പലരും ഇതിനു മുൻപ് Luminia യിൽ വന്നിട്ടുണ്ട്. തന്റെ രൂപത്തിൽ നിന്ന് തന്നെ ഏത് ലോകത്തിൽ നിന്നുള്ളതാണെന്ന് മനസ്സിലായി.

“ങേ.. ഇതിനു മുമ്പ് മനുഷ്യർ വന്നിട്ടുണ്ടെന്നോ..? എന്നിട്ട് അവർ എവിടെ..?

🧝🏻‍♀️ “നൂറ്റാണ്ടുകൾക്ക് മുൻപ് തന്നെ ഭൂമിയിൽ ഉള്ളവർ luminia യിൽ എത്തിയിട്ടുണ്ട്. പലരും luminia യിൽ തന്നെ മരിച്ചു വീണു, ചിലർ luminia യിൽ ഉള്ള പല വർഗ്ഗത്തിൽപെട്ടവരെ ഇണയായി തിരഞ്ഞെടുത്തു. luminia യിൽ വസിക്കാൻ തുടങ്ങി, അവരുടെ തല മുറകൾ ഇപ്പോഴും ലുമീനിയയിൽ ഉണ്ട്.” വൃദ്ധ പറഞ്ഞു.

“ങേ.. അപ്പോൾ മലയാളികൾ ഉണ്ടോ..?

🧝🏻‍♀️ “നിന്റെ ലോകത്ത് നിന്നുള്ള പലരും…അവർ സംസാരിക്കുന്ന ഭാഷ ഏതെന്നു എനിക്ക് അറിയില്ല.അവരുടെ ഭാഷയിലെ വാക്കുകൾ ഞങ്ങളുടെ എൽവിഷ് ഭാഷയിലും ഒരുപക്ഷെ ഉപയോഗിക്കുന്നുണ്ടാവും.

“ഒ…ഞാൻ ചോദിക്കാൻ വരുവായിരുന്നു.. നിങ്ങൾ elves ആണല്ലേ.. ചെവി കണ്ടപ്പോൾ എനിക്ക് തോന്നി.”അഭി പറഞ്ഞു.

“നിങ്ങളുടെ ലോകത്തും elves ഉണ്ടോ..?

“ഇല്ല ഇല്ല.. സിനിമയിൽ കണ്ടിട്ടുണ്ട്. അതൊക്കെ സത്യം ആന്നെന്നു സ്വപ്നത്തിൽ പോലും കരുതിയില്ല. അതൊക്കെ പടച്ചു വിട്ടവനെ സമ്മതിച്ചേ മതിയാവു..

“സിനിമ എന്നാൽ എന്താ..?”വൃദ്ധ ചോദിച്ചു.

“അത്…. അത്…അഹ്.. അത് പിന്നെ പറഞ്ഞു തരാം…ആദ്യം ഇത് ഏതാ സ്ഥലമെന്ന് ഒന്ന് വ്യക്തമായി പറഞ്ഞു താ.. ചുറ്റും നടക്കുന്നത് ഒന്നും മനസിലാകുന്നില്ല…”അഭി പറഞ്ഞു.

“ഹ ഹ.. ആദ്യം മുതൽ തന്നെ വീണ്ടും തുടങ്ങാം…”

ആ വൃദ്ധ അഭിയെയും കൂട്ടി ഒരു കുടിലിലേക്ക് കയറി. ഇരുട്ട് നിറഞ്ഞ കുടിലിൽ വെളിച്ചം നിറയ്ക്കാനായി റാന്തൽ കത്തിച്ച ശേഷം ഒരു തുണി അവിടെ കിടന്ന മേശപ്പുറത്തേക്ക് വൃദ്ധ വിരിച്ചു. തുണിയിൽ നെയ്ത Map ആയിരുന്നു അത്

 

 

🧝🏻‍♀️അഭി തന്റെ ലോകത്തിന്റെ പേര് ഭൂമി എന്നാണെങ്കിൽ ഞങ്ങളുടേതിന്റെ പേര് Luminia എന്നാണ്. 6 രാജ്യങ്ങൾ ചേരുന്നതാണ് Luminia. നീയിപ്പോൾ ഉള്ളത് Luminia യിലെ ഏറ്റവും വലിയ രാജ്യമായ Monalova യിലാണ്. Monalova ആരുടെ അധികാരത്തിൽ ആണോ, അവരായിരിക്കും Luminia യുടെ ചക്രവർത്തി. മറ്റു 5 രാജ്യങ്ങളും Monalova യോട് കടപ്പാട് ഉള്ളവരായിരിക്കും.

അഭി:-അഹ്.. ഏറെക്കുറെ മനസ്സിലായി.