തേജാത്മികം 13

Thejathmikam Part 13 | Author : Nishinoya

[ Previous Part ] [ www.kambi.pw ]

---

രാത്രിയോടെ ഞങ്ങൾ തിരികെ വീട്ടിലേക്ക് പോയി. വീട് എത്തും വരെ ഞാനും ദേവൂവും തമ്മിൽ ഒന്നും സംസാരിച്ചില്ല. എന്നത്തേയും പോലെ പിറ്റേന്നും എഴുനേറ്റ് ദേവൂവും തേജസും ജോലിക്കും കല്ലു സ്കൂളിലും പോയി. വൈകിട്ട് വന്ന് കല്ലുവിനെ കുളിപ്പിച്ച് വേറെ കുപ്പായം ഇടുമ്പോൾ ആണ് ഫോണിൽ കാൾ വരുന്നത്.

 

 

 

“…ഹെലോ… ഞാൻ ദേവു ആണ്…” ഫോൺ വിളിച്ചത് ദേവു ആയിരുന്നു.

 

 

 

“… ആഹ് മനസിലായി. പറഞ്ഞോ…”

 

 

 

“…ഇവിടത്തെ പണി കഴിഞ്ഞില്ല ഞാൻ വരാൻ ഇച്ചിരി ലേറ്റ് ആവും…”

 

 

 

“…ആണോ. ഒരുപാട് ലേറ്റ് ആവുമെങ്കിൽ ഞാൻ വിളിക്കാൻ വരാം…”

 

 

 

“… വേണ്ട നിങ്ങൾ ഇങ്ങോട്ട് വന്നാൽ കല്ലു അവിടെ ഒറ്റക്ക് ഇരിക്കണ്ടേ. അതുകൊണ്ട് ഞാൻ എത്തിക്കോളാം…” അതും പറഞ്ഞ് ദേവു ഫോൺ വെച്ചു.

 

 

 

കല്യാണ ശേഷം ആദ്യമായി ആണ് ദേവു എന്നെ ഫോൺ വിളിക്കുന്നത്. അതിനാൽ ഞാൻ അതിന്റെ സന്തോഷത്തിൽ ആയിരുന്നു. പിന്നെ കല്ലുവിന്റെ സ്കൂളിലെ കഥകൾ കേട്ട് അവളെയും കളിപ്പിച്ച് ഞാൻ ഇരുന്നു. അൽപ്പം വൈകിയാണ് ദേവു വന്നത്. വന്നതും കുളിച്ച് ഡ്രസ്സ് മാറി അവൾ അടുക്കളയിൽ കേറി.

 

 

 

“…ഇത്രയും നേരം പണി ഉണ്ടാവോ…” എന്തെങ്കിലും സംസാരിക്കണമല്ലോ എന്ന് ആലോചിച്ചു ഞാൻ ദേവുവിനോട് ചോദിച്ചു.

 

 

 

“…പണിയൊക്കെ കുറച്ചു നേരമേ ഉണ്ടായിരുന്നുള്ളു. ഇങ്ങോട്ടേക്കുള്ള ബസ് കിട്ടാൻ ആണ് താമസിച്ചേ…”

 

 

 

“… അത്രയും നേരം നീ അവിടെ ഒറ്റക്ക് നിന്നോ..? എന്നെ വിളിച്ചിരുന്നെങ്കിൽ ഞാൻ കല്ലുവിനെയും കൂട്ടി നിന്നെ പിക്ക് ചെയ്യാൻ വരുമായിരുന്നല്ലോ…”

 

 

 

“… ഏയ് അത് സാരമില്ല. ഈ രാത്രി അവളെയും കൂട്ടി അങ്ങോട്ട് വന്ന് അവൾ ആകെ ടൈഡ് ആവും…” അതിന് ഞാൻ ഒന്ന് മൂളി.

 

 

 

ആ നിമിഷം ആണ് ഞാൻ മറ്റൊരു കാര്യം ഓർക്കുന്നത്. അന്നും ഇതുപോലെ ബസ് കിട്ടാതെ ആയിരിക്കും അല്ലെ ദേവു വരാൻ താമസിച്ചത്. ഈ രാത്രി ഒരു പെണ്ണ് അത്രയും സമയം ഒറ്റക്ക് ബസ്റ്റോപ്പിൽ നിന്നെങ്കിൽ അവൾ എന്ത് മാത്രം തുറിച്ചു നോട്ടങ്ങൾക്കും ചോദ്യങ്ങൾക്കും ഇരയായിരിക്കണം. അതൊന്നും ചിന്തിക്കാതെ അന്ന് ഞാൻ എന്തൊക്കെയാ വിളിച്ചു പറഞ്ഞത്. ആലോച്ചോചിച്ചപ്പോ എനിക്ക് എന്നോട് തന്നെ പുച്ഛം തോന്നി.

 

 

 

“… ദേവു സോറി…” എനിക്ക് എതിരെ നിന്ന് ഗ്യാസിൽ കല്ലുവിന് കുടിക്കാനുള്ള പാൽ കാച്ചുന്നതിന്റെ ഇടക്ക് എന്നെ അവൾ തിരിഞ്ഞു നോക്കി.

 

 

 

“… എന്തിനാ സോറി…”

 

 

 

“…സോറി ദേവു. നീ അന്ന് വൈകി വന്നപ്പോ ഞാൻ എന്തൊക്കെയോ പറഞ്ഞു നിന്നെ വേദനിപ്പിച്ചു. ഒന്നും മനഃപൂർവം പറഞ്ഞത് അല്ല…” ഞാൻ എന്റെ ഉള്ളിൽ ഉള്ളത് അങ്ങ് പറഞ്ഞു.

 

 

 

“…അന്ന് നിങ്ങൾ പറഞ്ഞത് എനിക്ക് വിഷമം ഉണ്ടാക്കിയെങ്കിലും ആ പറഞ്ഞതിലും കാര്യം ഇല്ലേ. കല്ലുവിന്റെ കാര്യങ്ങൾ ഞാൻ കുറച്ചുകൂടി ശ്രദ്ധിക്കണമായിരുന്നു…” പരസ്പരം രണ്ടുപേരും തുറന്നു സംസാരിച്ചപ്പോ ഞങ്ങൾക്ക് ഇടയിലെ അകലം കുറഞ്ഞത് പോലൊരു തോന്നൽ.

 

 

 

“… എന്താ ആശാനേ രാവിലെ മുതൽ ഒരേ ചിന്തയിൽ ആണല്ലോ. എന്താ കാര്യം…” പണിക് ഇടയിലും ഓരോന്ന് ചിന്തിച്ചുകൂട്ടുന്ന എന്നോട് കിച്ചു കാര്യം തിരക്കി.

 

 

 

“… എടാ കിച്ചു. ഇപ്പൊ മാർക്കറ്റിൽ കൊള്ളാവുന്ന സ്കൂട്ടി ഏത് ഉണ്ടടാ…” ചിന്തകൾക്ക് വിരാമം ഇട്ടുകൊണ്ട് ഞാൻ ചോദിച്ചു.

 

 

 

“… ഒന്ന് രണ്ട് കമ്പനിയുടെ സ്കൂട്ടി കൊള്ളാം. അല്ല എന്തിനാ ഇപ്പൊ ഇതൊക്കെ തിരക്കുന്നെ. ആർക്കെങ്കിലും വാങ്ങാൻ ആണോ…”

 

 

 

“…ദേവുവിന് ഒരു സ്കൂട്ടി വാങ്ങി കൊടുത്താലോ എന്ന് ആലോചിക്ക. ജോലി കഴിഞ്ഞ് കറക്റ്റ് സമയത്ത് ബസ് ഒന്നും ഇല്ല. വീട്ടിൽ എത്തുമ്പോൾ ഒരു സമയം ആവും. പിന്നെ വീട്ടിലെ ചെറിയ ചെറിയ പണിയൊക്കെ കഴിഞ്ഞ് നല്ല വൈകിയ പാവം കിടക്കുന്നെ. പിന്നെ രാവിലെ നേരത്തെ എഴുനേൽക്കെയും ചെയ്യണം. അതാ ഒരു സ്കൂട്ടി വാങ്ങി കൊടുത്താൽ പോക്ക് വരവ് എളുപ്പം ആവോലോ…” ഞാൻ കാര്യങ്ങൾ കിച്ചുവിന് വിശദമാക്കി കൊടുത്തു.