അതിരുകൾ കടന്ന സൗഹൃദം

[ രതിമന്മഥൻ ]

തുടക്കം

രാവിലെ അഞ്ചരയോടെ കോട്ടയം കഞ്ഞിക്കുഴിയിലെ ‘ഗ്രീൻ വ്യൂ’ അപ്പാർട്ട്മെന്റ് സമുച്ചയത്തിന്റെ താഴത്തെ ഗേറ്റിലേക്ക് ഒരു ടൊയോട്ട ഹൈറൈഡർ കാർ വന്നുനിന്നു. ആകാശത്ത് കാർമേഘങ്ങൾ കനത്തുനിൽക്കുന്നുണ്ട്.

കാറിന്റെ ഡ്രൈവിംഗ് സീറ്റിലിരുന്ന് മുപ്പത് വയസ്സുകാരനായ സച്ചിൻ സ്റ്റിയറിംഗ് വീൽ ഒന്നു കൂടി തിരിച്ചുപിടിച്ച് മീറ്ററിലേക്കൊക്കെ ഒന്ന് നോക്കി. തൊട്ടടുത്ത സീറ്റിലിരുന്ന അവന്റെ ഉറ്റസുഹൃത്തും മുപ്പത് വയസ്സുകാരനുമായ ടോണി തന്റെ കയ്യിലെ ഒരു ബോക്സ് തുറന്ന് സുഹൃത്തുക്കൾക്കായി നീട്ടി.

അവരുടെ ജീവിതം ഒരേ അച്ചിൽ വാർത്തെടുത്തതുപോലെയായിരുന്നു. സച്ചിന്റെ ഭാര്യ നമിത കോട്ടയത്തെ ഒരു പ്രൈവറ്റ് സ്കൂളിൽ അദ്ധ്യാപികയായി ജോലി ചെയ്യുന്നു. ടോണിയുടെ ഭാര്യ ദിവ്യയും ഒരു ടെക്കിയാണ്, എങ്കിലും അവളുടെ ഓഫീസ് ബാംഗ്ലൂരിലാണ്, അതുകൊണ്ട് അവിടെയാണ് താമസിക്കുന്നത്.

മീരയും അഞ്ചുവും എലിസബത്തും കാറിന്റെ പിൻസീറ്റിലേക്ക് വണ്ടി സ്റ്റാർട്ട് ചെയ്യുന്ന ശബ്ദത്തോടൊപ്പം കയറിപ്പറ്റി.

ഇരുപത്തിയൊൻപത് വയസ്സുകാരിയായ മീരയും അവളുടെ ഭർത്താവ് നിതിനും തമ്മിലുള്ള ദാമ്പത്യം കുറച്ചുകൂടി അകലങ്ങളിലാണ്. നിതിൻ വിദേശത്ത് ജോലി ചെയ്യുന്നതിനാൽ മീര തന്നെയാണ് ഫ്ലാറ്റിൽ ഉള്ളത്.

ഇരുപത്തിയൊൻപത് വയസ്സുകാരിയായ അഞ്ചുവിന്റെ ഭർത്താവ് അബ്രഹാം കോട്ടയത്ത് സ്വന്തമായി ബിസിനസ്സ് നടത്തുന്നയാളാണ്. ആ കൂട്ടത്തിലെ ഏറ്റവും പ്രായം കുറഞ്ഞവളും ഇരുപത്തിയെട്ട് വയസ്സുകാരിയുമായ എലിസബത്തിന്റെ ഭർത്താവ് സിബി കോട്ടയത്തെ ഒരു പ്രമുഖ ബാങ്കിൽ ഉദ്യോഗസ്ഥനാണ്.

ഇങ്ങനെ വെവ്വേറെ ഫ്ലാറ്റുകളിൽ താമസിക്കുന്ന അഞ്ചു കുടുംബങ്ങൾ തമ്മിലുള്ള ബന്ധം വെറുമൊരു അയൽപക്കബന്ധത്തിനപ്പുറം സ്വന്തം സഹോദരങ്ങളെപ്പോലെയുള്ള വലിയൊരു കുടുംബമായിരുന്നു. വാരാന്ത്യങ്ങളിൽ ഇവരുടെ ഫ്ലാറ്റുകളിൽ ആരുടെയെങ്കിലും സ്വീകരണമുറി ഒത്തുകൂടലുകളുടെ വേദിയാകും.

വണ്ടി കഞ്ഞിക്കുഴി ജംഗ്ഷനിലൂടെ മെയിൻ റോഡിലേക്ക് ഇറങ്ങിയപ്പോൾ ടോണി ബോക്സ് തുറന്നു എല്ലാവർക്കുമായി നീട്ടി “ഇന്നലെ വെറുതെ

ഇരുന്നപ്പോൾ ഉണ്ടാക്കിയ സ്വീറ്റ്സ് ആണ് എങ്ങനെ ഉണ്ടെന്നു നോക്കിയിട്ട് പറ”

പിൻസീറ്റിലിരുന്ന അഞ്ചു മീരയോടും എലിസബത്തോടും എന്തോ പറഞ്ഞ് ചിരിച്ചുകൊണ്ട് മുന്നിലേക്ക് നോക്കി പറഞ്ഞു. “ടോണി, ഇത് കൊള്ളാം കേട്ടോ എനിക്കിഷ്ടപ്പെട്ടു. സച്ചിൻ, നീ വണ്ടി കുറച്ചുകൂടി സ്പീഡിൽ വിട്.

ഇന്ന് ഒൻപത് മണിക്ക് മുന്നേ നമുക്ക് ഓഫീസിൽ എത്തണം. ഡെയിലി ഹഡിൽ ഇന്ന് 9 മണിക്ക് സ്കെടുൾ ചെയ്തിട്ടുണ്ട്. ഇന്ന് റോഡിൽ നല്ല ട്രാഫിക് കാണും.”

അവർ അഞ്ചുപേരും ടെക്കികളാണ്. ഒരേ കമ്പനിയിലെ ഒരേ പ്രോജക്റ്റ് ടീമിൽ ജോലി ചെയ്യുന്ന ഇവർ ദിവസവും കോട്ടയത്തു നിന്ന് കൊച്ചിയിലേക്ക് കാറിൽ നടത്തുന്ന യാത്ര അവരുടെ സൗഹൃദത്തിന്റെ ആഴം കൂട്ടുന്നതായിരുന്നു.

കാറിനുള്ളിലെ സംസാരങ്ങളും തമാശകളും ആ യാത്രയുടെ ക്ഷീണം മുഴുവൻ മാറ്റിമറിച്ചു.

നീണ്ട ദൂരയാത്രയുടെ ബോറടി മാറ്റാൻ അവർ പരസ്പരം വീടുകളിലെ വിശേഷങ്ങളും പങ്കുവെച്ചു. ബാംഗ്ലൂരിലുള്ള ദിവ്യയെക്കുറിച്ച് ടോണി വാചാലനായി. “അവൾ അവിടെ ഫ്ലാറ്റിൽ ഒറ്റയ്ക്കല്ലേ സച്ചീ, കഴിഞ്ഞ വീക്കെൻഡ് ഞാൻ അങ്ങോട്ട് ചെന്നപ്പോൾ ഉള്ള തിരക്കുകളും രാത്രിയിലെ ഞങ്ങളുടെ പരിപാടികൾ ഒക്കെ വേറെ ലെവൽ ആയിരുന്നു,” ടോണി കണ്ണിറുക്കിക്കൊണ്ട് പറഞ്ഞു.

അതുകേട്ട് മീര പൊട്ടിച്ചിരിച്ചു. “അതെടോണി, നീ അവിടെ ചെന്നാൽ പിന്നെ ഫോൺ പോലും എടുക്കില്ലെന്ന് ദിവ്യ കഴിഞ്ഞ ദിവസം എന്നോട് ഫോണിൽ പറഞ്ഞിരുന്നു! അത്രയ്ക്ക് ആവേശത്തിലാണല്ലോ നിങ്ങൾ.”

പിൻസീറ്റിൽ നിന്ന് എലിസബത്ത് ചെറുചിരിയോടെ പറഞ്ഞു. “ആണോ ടോണി? സിബി കഴിഞ്ഞ ദിവസം എന്നോട് ചോദിച്ചു, നിങ്ങൾ തമ്മിൽ അവിടെ എന്തൊക്കെയാണ് പ്ലാനുകൾ എന്ന്.

ലോംഗ് ഡിസ്റ്റൻസ് ആയതുകൊണ്ട് ആ ഒരു തീവ്രത വേറെ തന്നെയാണ് കേട്ടോ.”