💞ആയിരം കണ്ണുമായി – 4 17

 

അഖിൽ : എനിക്ക് പോണം

 

സാർ : അതിന് താൻ

 

എന്നാൽ സാർ പറഞ്ഞു തീരുന്നതിന് മുൻപ് തന്നെ അഖിൽ അവിടെ നിന്നും ഇറങ്ങി ശ്രുതിയെ ഒന്നുകൂടി നോക്കിയ ശേഷം അവൻ ക്ലാസിനു പുറത്തേക്ക് പോയി

 

ലക്ഷ്മി : അവന് എന്താടി പറ്റിയെ

 

ശ്രുതി : എനിക്ക് എങ്ങനെ അറിയാം…..

 

**********************

 

രാത്രി ശ്രുതി തന്റെ വീട്ടിൽ

 

“നിന്നെ കൂടെ കിടത്താൻ പറ്റുമോ എന്ന് ഞാൻ ഒന്ന് നോക്കട്ടെ ”

 

ഉറങ്ങാൻ കിടന്നെങ്കിലും ശ്രുതിക്ക്‌ ഉറങ്ങുവാനായില്ല അവളുടെ ചെവിയിൽ അഖിലിന്റെ ഈ വാക്കുകൾ മുഴങ്ങിക്കൊണ്ടേ ഇരുന്നു നിറഞ്ഞ കണ്ണുകൾ അവൾ പതിയെ തുടച്ചു..

 

ശ്രുതി : നാറി..

 

ഇത്രയും പറഞ്ഞു ശ്രുതി പതിയെ അവൻ നൽകിയ സ്റ്റിക്ക്‌ കയ്യിലേക്ക് എടുത്തു

 

ശ്രുതി : ഏത് നേരത്താണോ ഇത് വാങ്ങാൻ തോന്നിയെ… അച്ഛനോട് കള്ളവും പറയേണ്ടി വന്നു…തിരിച്ചുകൊടുക്കാനും പറ്റാത്ത അവസ്ഥയാണല്ലോ ഇങ്ങനെ ഒരു ഗതി ആർക്കും കൊടുക്കല്ലേ

 

“നീ ഇതുവരെ കിടന്നില്ലേ”

 

പെട്ടെന്നാണ് ശ്രുതിയുടെ അച്ഛൻ അവിടേക്ക് വന്നത്

 

ശ്രുതി : കിടക്കാൻ പോകുവായിരുന്നു

 

അച്ഛൻ : ഉം ആ സ്റ്റിക്ക് ഒക്കെ അവിടെ വെക്ക് ഏത് നേരവും അതിന്റെ ഭംഗി നോക്കികൊണ്ടിരുന്നാൽ എങ്ങനെയാ

 

ഇത്രയും പറഞ്ഞു അയാൾ അവിടെ നിന്നും പോയി ശ്രുതി വീണ്ടും പതിയെ ബെഡിലേക്ക് കിടന്നു

 

എന്നാൽ ശ്രുതിയുടെ മനസ്സിലേക്ക് വീണ്ടും അവന്റെ വാക്കുകൾ വന്നു ശ്രുതി ദേഷ്യത്തിൽ കൈമുറുക്കി ബെഡിൽ ഇടിച്ചു

 

ശ്രുതി : അവന് എങ്ങനെ പറയാൻ തോന്നി… അവൻ മനുഷ്യനാണോ…

 

അപ്പോഴേക്കും ശ്രുതിയുടെ മനസ്സിൽ അഖിലിന്റെ കരയുന്ന മുഖം തെളിഞ്ഞു

 

ശ്രുതി : എന്തിനായിരിക്കും അവൻ കരഞ്ഞത്… അവന് എന്തെങ്കിലും കുഴപ്പം ഉണ്ടോ.. ഓരോ സമയം ഓരോ സ്വഭാവം…

 

ഈ വക ചിന്തകളുമായി ശ്രുതി കണ്ണടച്ചു

 

ഇതേ സമയം അഖിൽ തന്റെ വീട്ടിൽ 6 ആമത്തെ സിഗരറ്റ് പുകച്ചുവിടുകയായിരുന്നു

 

“അവര് പാടുന്നത് പോലെ തന്നെ അതെ ശബ്ദം… ഇനി എനിക്ക് തോന്നിയതാണോ… അല്ല അവളെന്നോട് ആദ്യം സംസാരിച്ചപ്പോൾ തന്നെ എന്തോ ഒരു പ്രതേകത എനിക്ക് തോന്നിയതാ..ഇന്ന് പാട്ട് കൂടി കേട്ടപ്പോൾ ഉറപ്പായി… ”

 

അഖിൽ സിഗരറ്റ് പതിയെ കുത്തി കെടുത്തി

 

പിറ്റേന്ന് രാവിലെ അഖിൽ കോളേജിൽ

 

രോഹിത്ത് : അഖിലെ ഇന്നലെ എന്താടാ ഉണ്ടായെ എന്തെങ്കിലും പ്രശ്നം ഉണ്ടോ

 

അഖിൽ : ഹേയ് ഒന്നുമില്ലടാ ഞാൻ വെറുതെ..

 

അജ്മൽ : അളിയൻ കാര്യമായി എന്തോ പുകച്ചുകയറ്റുന്നുണ്ട് അതിന്റെ സൈഡ് എഫക്റ്റാ

 

രോഹിത്ത് : ടാ അങ്ങനെ എന്തെങ്കിലുമാണോ

 

അഖിൽ : അല്ലടാ.. അങ്ങനെ ഒന്നുമില്ല

 

ഇതേ സമയം ഫ്രണ്ട് ബെഞ്ചിൽ

 

ശ്രുതി : ലക്ഷ്മി ഇന്നലെ ഞാൻ ഈ അഖിലിനെ കുറിച്ച് കുറേ ആലോചിച്ചു

 

ലക്ഷ്മി : എന്തിന് നീ എന്തിനാ അവനെ കുറിച്ച് ആലോചിക്കാൻ പോകുന്നെ എടി നീ വെറുതെ… വേറെ ചിന്ത ഒന്നും വേണ്ട കേട്ടോ

 

ശ്രുതി : എന്ത് ചിന്ത… ഞാൻ ചിന്തിച്ചത് അവന്റെ മാനസിക നിലയെ പറ്റിയ അവന് എന്തോ പ്രശ്നം ഉള്ളത് പോലെ തോന്നുന്നു… ഇന്നലെ കരഞ്ഞോണ്ട് പോയത് നീയും കണ്ടതല്ലേ അതിന് കുറച്ച് മുൻപ് എന്നോട് മോശമായി പെരുമാറുകയും ചെയ്തു

 

ലക്ഷ്മി : അവന് എന്തെങ്കിലും പ്രശ്നം ഉണ്ടായിക്കൊള്ളട്ടെ അതിലൊന്നും നീ ഇടപെടണ്ട

 

ശ്രുതി : അല്ലടി ഞാൻ ക്ലാസ്സ്‌ പ്രസിഡന്റ് അല്ലേ അവന് കൗൺസിലിംഗ് വല്ലതും വേണമെങ്കിൽ… ഇന്നലെ അവനോട് എനിക്ക് വലിയ ദേഷ്യമായിരുന്നു പിന്നീട് ആലോചിച്ചപ്പോഴാ എനിക്ക് ഇങ്ങനെ ഒരു കാര്യം തോന്നിയത്… മയക്ക് മരുന്നോ മറ്റോ ഉപയോഗിക്കുന്നുണ്ടോ എന്നും എനിക്ക് സംശയം ഉണ്ട്… കൗൺസിലിംഗ് കൊണ്ട് ചിലപ്പോൾ നന്നായാലോ

 

ലക്ഷ്മി : എന്റെ ശ്രുതി നീ ഇങ്ങനെ കണ്ണിൽ കണ്ടവരെ ഒന്നും നന്നാക്കാൻ നടക്കല്ലേ അന്ന് റോണിയെ നന്നാക്കാൻ നടന്ന് അവസാനം എന്തായി… അവൻ നന്നായോ ഇല്ലല്ലോ