💞ആയിരം കണ്ണുമായി – 4 17

 

അഖിൽ ഓട്ടോ കാരനോട് മറുപടി പറഞ്ഞു

 

ശ്രുതി : ഇപ്പോൾ എങ്ങനെയുണ്ട്..

 

അഖിൽ : എനിക്കൊരു കുന്തവും ഇല്ലെന്ന് നിന്നോട് ഞാൻ പറഞ്ഞില്ലേ

 

ഇത് കേട്ട ശ്രുതി പതിയെ കയ്യിലിരുന്ന കർചീഫ് എടുത്ത് അഖിലിന്റെ നെറ്റിയിലെ ചോര തുടക്കാൻ തുടങ്ങി എന്നാൽ അഖിൽ വേഗം തന്നെ അവളുടെ കയ്യിൽ പിടുത്തമിട്ടു

 

അഖിൽ : നീ എന്താ കാണിക്കുന്നേ ങ്ങേ…

 

എന്നാൽ ശ്രുതി അഖിലിന്റെ കൈ തട്ടി മാറ്റിയ ശേഷം വീണ്ടും അവന്റെ നെറ്റി തുടച്ചു ഇത് കണ്ട അഖിൽ പതിയെ അവളുടെ മുഖത്തേക്ക് നോക്കി

 

ശ്രുതി : ഇങ്ങനെ പ്രസ്സ് ചെയ്ത് പിടിച്ചാൽ രക്തം നിൽക്കും

 

അഖിൽ : ഞാൻ പിടിച്ചോളാം

 

ഇത്രയും പറഞ്ഞു അഖിൽ കർചീഫ് അമർത്തി പിടിച്ചു

 

അഖിൽ : അതെ… ഇവിടെ മതി

 

ഇത് കേട്ട ഓട്ടോ കാരൻ വണ്ടി അവിടെ നിർത്തി

 

അവർ പതിയെ ഓട്ടോയിൽ നിന്നും പുറത്തേക്ക് ഇറങ്ങി

 

ശ്രുതി : എത്രയായി

 

“50 രൂപ ”

 

ശ്രുതി പതിയെ പൈസക്കായി ബാഗ് തപ്പി എന്നാൽ അപ്പോഴേക്കും അഖിൽ അയാൾക്ക് പൈസ കൊടുത്തു

 

അഖിൽ : എടി നീ ഈ ഓട്ടോയിൽ തന്നെ തിരിച്ചു പൊക്കൊ

 

ശ്രുതി : നിന്നെ വീട്ടിൽ ആക്കിയിട്ട് പോകാം…വീട്ടുകാരോട് കാര്യം പറയണ്ടേ

 

അപ്പോഴേക്കും ഓട്ടോകാരൻ അവിടെ നിന്നും പോയി

 

അഖിൽ : എടി കോപ്പേ അയാള് ദോ പോയി

 

ശ്രുതി : പോട്ടെ ഇവിടെ അടുത്ത് ബസ് സ്റ്റോപ്പ് ഉണ്ടല്ലോ.. ഞാൻ ബസിൽ പൊക്കോളാം… പേടിക്കണ്ട ഓരോന്ന് പറഞ്ഞു ഞാൻ വീട്ടുകാരെ പേടിപ്പിക്കയൊന്നുമില്ല…

 

അഖിൽ : ഏത് വീട്ടുകാര് ഇവിടെ ആരുമില്ല

 

ഇത്രയും പറഞ്ഞു അഖിൽ ഗേറ്റ് തുറന്ന് വീട്ടുമുറ്റത്തേക്ക് കയറി

 

ശ്രുതി : പതിയെ നടക്ക് ഞാൻ പിടിക്കാം

 

അഖിൽ : ഒന്ന് പോകാൻ നോക്കെടി

 

ഇത്രയും പറഞ്ഞു വാതിനടുത്തേക്ക് എത്തിയ അഖിൽ കീ കയ്യിലേക്ക് എടുത്തു അപ്പോഴേക്കും ശ്രുതി അവിടേക്ക് എത്തി

 

ശ്രുതി : അപ്പോൾ സത്യമായും ഇവിടെ ആരുമില്ലേ

 

അഖിൽ : ഞാൻ നിന്നോട് മലയാളത്തിലല്ലേ പറഞ്ഞെ

 

ശ്രുതി : ദൈവമേ ഇനിയിപ്പോൾ എന്ത് ചെയ്യും ഇപ്പോഴെങ്ങാനും വരുമോ

 

അഖിൽ : ആരും വരില്ല ഞാൻ ഒറ്റക്കാ താമസം

 

ഇത്രയും പറഞ്ഞു അഖിൽ വാതിൽ തുറന്നു ശേഷം ശ്രുതിയെ അടിമുടി ഒന്ന് നോക്കി

 

അഖിൽ : എന്താ അകത്തോട്ട് വരുന്നുണ്ടോ

 

ശേഷം അഖിൽ ശ്രുതിയെ നോക്കി ഒരു വഷളൻ ചിരി ചിരിച്ചു ഇത് കണ്ട ശ്രുതി വേഗംതന്നെ അല്പം പുറകോട്ട് നീങ്ങി

 

അഖിൽ : അതാണ്… വേഗം സ്ഥലം വിടാൻ നോക്ക്

 

ഇത്രയും പറഞ്ഞു അഖിൽ വീടിനുള്ളിലേക്ക് കയറി

 

അഖിൽ : കോപ്പ് തലയും വേദനിക്കുന്നു… രണ്ടെണ്ണം അടിച്ച് കയറി കിടക്കാം

 

“അമ്മോ ഇതെന്തൊരു നാറ്റമാ ”

 

ഇത് കേട്ട് അഖിൽ പെട്ടെന്ന് തിരിഞ്ഞു നോക്കി തന്റെ പിന്നിൽ മൂക്കും പൊത്തികൊണ്ട് നിൽക്കുന്ന ശ്രുതിയെയാണ്‌ അവൻ കണ്ടത്

 

അഖിൽ : എടി നീ…. ആരോട് ചോദിച്ചിട്ടാടി ഇതിനുള്ളിൽ കയറിയത്

 

ശ്രുതി : അയ്യേ…. നിനക്ക് ഇത്രക്ക് വൃത്തിയില്ലേ…

 

ടേബിളിൽ കഴിച്ച ശേഷം കഴുകാതെ വച്ചിരുന്ന പാത്രങ്ങൾ നോക്കിയ ശേഷം അവൾ പറഞ്ഞു

 

അഖിൽ : ഇറങ്ങെടി ഇവിടുന്നു എന്നെ നിനക്ക് ശെരിക്ക് അറിയില്ല

 

ശ്രുതി : ഇത് വീടാണോ അതോ കാടോ… അപ്പോൾ ഒറ്റക്കാണ് താമസം എന്ന് പറഞ്ഞത് സത്യമാണ് അല്ലേ

 

അഖിൽ : ഇറങ്ങെടി മൈരേ…

 

ശ്രുതി : ദേ ചീത്ത വിളിക്കരുത് എന്ന് ഞാൻ മുന്നേ പറഞ്ഞിട്ടുണ്ട് ഞാൻ ഇപ്പോൾ പൊക്കോളാം

 

അഖിൽ: എന്നാൽ പോ

 

അപ്പോഴാണ് ശ്രുതി ഒരു വശത്തായി അടുക്കി വച്ചിരിക്കുന്ന കള്ള് കുപ്പികൾ കണ്ടത് അതിലേക്ക് ഒന്ന് നോക്കിയ ശേഷം ശ്രുതി അഖിലിന്റെ മുഖത്തേക്ക് കൂടി നോക്കി

 

ശ്രുതി : ഇതൊക്കെ ഒറ്റക്ക് കുടിച്ച് തീർത്തതാണോ

 

അഖിൽ : അല്ല കമ്പനിക്ക് നിന്റെ അച്ഛൻ കൂടി ഉണ്ടായിരുന്നു 😡

 

ശ്രുതി : വെറുതെ അച്ഛനെ പറയരുത് അത് മാത്രം ഞാൻ സഹിക്കില്ല…