💞ആയിരം കണ്ണുമായി – 4 17

 

ശ്രുതി : വേണ്ടല്ലേ

 

ലക്ഷ്മി : വേണ്ട അത്ര തന്നെ

 

ലഞ്ച് ടൈമിന് ശേഷം കുട്ടികൾ എല്ലാം അടുത്ത ക്ലാസ്സിനായി വെയിറ്റ് ചെയ്യുകയായായിരുന്നു പെട്ടെന്നാണ് കുറച്ച് പേർ അവരുടെ ക്ലാസ്സിലേക്ക് കയറി വന്നത്

 

അഖിൽ : ആരാടാ റോണി ഇവമ്മാര്

 

റോണി : പാർട്ടിക്കാരാ എന്തോ പ്രശ്നം ഉണ്ട്

 

” ഇന്നിനി ക്ലാസ്സ് ഇല്ല സ്ട്രൈക്കാ എല്ലാവരും ഇറങ്ങ് സെക്രട്ടറിയേറ്റിനു മുന്നിൽ ഒരു പ്രകടനം ഉണ്ട് എല്ലാവരും ഉണ്ടാകണം”

 

“എന്താ എല്ലാവരും നോക്കി നിൽക്കുന്നെ അങ്ങോട്ട് ഇറങ്ങ് ”

 

ഇത് കേട്ട ശ്രുതി പതിയെ ബെഞ്ചിൽ നിന്നും എഴുനേറ്റു

 

ശ്രുതി : ചേട്ടാ എന്റെ കാല് അല്പം പ്രശ്നമാണ്… അതുകൊണ്ട്

 

“അതുകൊണ്ട് എന്താ… തന്നോട് ഇതിനു മുൻപൊന്നും വരാൻ പറഞ്ഞിട്ടില്ലല്ലോ ഇന്ന് വന്നേ പറ്റു താൻ വേണം ഇന്ന് മുന്നിൽ നിൽക്കാൻ ഈ കാലൊക്കെ കാണുമ്പോൾ സമരത്തിന് ഒരു മൈലേജ് കിട്ടും ”

 

ശ്രുതി : ചേട്ടാ അത്

 

“തനിക്ക് ഒന്നും പറ്റില്ല അവിടെ പോയി ഒന്ന് രണ്ട് മുദ്രാവാക്യം വിളിച്ചിട്ട് തിരിച്ചു വരുന്നു അത്ര തന്നെ വാ മുന്നിൽ നടക്ക്‌ ”

 

ഇത് കേട്ട ശ്രുതി മറ്റു കുട്ടികളോടൊപ്പം മുന്നോട്ട് നടന്നു

 

അഖിൽ : മൈര് ഇവമ്മാർക്കൊക്കെ ഇത് എന്തിന്റെ കേടാടാ

 

അജ്മൽ : മിണ്ടാതെ വാ അഖിലേ ഉടക്കാൻ നിന്നാൽ പണിയാകും

 

ഇത് കേട്ട അഖിൽ അല്പം മുന്നിലായി നടക്കുന്ന ശ്രുതിയെ ഒന്ന് നോക്കി

 

അഖിൽ : അതല്ലടാ ഇവമ്മാര് എന്തിനാ ഈ വയ്യാത്തവളെയും ഇതിനൊക്കെ വലിച്ചിഴക്കുന്നെ പറയേണ്ട താമസം പോകാൻ അവളും

 

രോഹിത്ത് : ഒരു വികലാങ്ക കൂടെ ഉള്ളത് അവർക്ക് നല്ലതല്ലേ സമരം ശ്രദ്ധിക്കപ്പെടും

 

അൽപനേരത്തിനുള്ളിൽ ഒട്ടനവധി കുട്ടികൾ സെക്രട്ടറിയേറ്റിനു മുന്നിൽ എത്തി അവർ പതിയെ പ്രകടനം തുടങ്ങി പോലീസുകാർ അവർക്ക് മുന്നിൽ ബാരികേടുകൾ വച്ച് തട സൃഷ്ടിച്ചു… പ്രകടനത്തിനിടയിയിൽ ഓരോ യുവജന നേതാക്കൾ ഓരോരുത്തരായി കുട്ടിളോട് സംസാരിക്കാൻ തുടങ്ങി… അല്പനേരത്തിനുള്ളിൽ പ്രസംഗങ്ങൾ കേട്ട് ആവേശം കൊണ്ട ചില കുട്ടികൾ ബാരികേടുകൾ പിടിച്ചു കുലുക്കുവാനും അതിന് പുറത്ത് ചാടി കയറുവാനും തുടങ്ങി

 

റോണി : മൈര് ഇത് പ്രശ്നമാകും… ടാ ഓടാൻ റെഡിയായ്ക്കോ ചിലപ്പോൾ അടികിട്ടും

 

ഇതേ സമയം ശ്രുതി മുൻവശത്തു പെട്ട് പോയിരുന്നു

 

ശ്രുതി : ഇവിടുന്ന് പോകാനും പറ്റുന്നില്ലല്ലോ ഈ ലക്ഷ്മി എവിടെ…ഒന്ന് മാറുമോ എനിക്ക് പുറകിലോട്ട്…

 

ഇതേ സമയം അഖിൽ ശ്രുതിയെ ശ്രദ്ധിക്കുന്നുണ്ടായിരുന്നു

 

അഖിൽ : മൈര് ഈ പെണ്ണ്…

 

പെട്ടെന്നാണ് കുട്ടികൾക്കിടയിൽ നിന്നും ആരോ പോലീസിന് നേർക്ക് കല്ലെറിഞ്ഞത്

 

“ചാർജ്”

 

അടുത്ത നിമിഷം ബാരികേടുകൾ മാറ്റികൊണ്ട് പോലീസുകാർ ലാത്തിയുമായി കുട്ടികൾക്ക് നേരെ പാഞ്ഞെത്തി

 

അരുൺ : റോണി വാടാ പണിപാളി

 

രോഹിത്ത്‌ : അഖിലേ എന്ത് നോക്കി നിക്കുവാടാ ഓട്…

 

എന്നാൽ ഇതേ സമയം കുട്ടികൾക്ക് ഇടയിൽ പെട്ട ശ്രുതിയുടെ സ്റ്റിക്ക് താഴെവീണിരുന്നു അവൾ അത് എടുക്കുവാനായി ശ്രമിക്കാൻ തുടങ്ങി

 

അഖിൽ : നിങ്ങള് വിട്ടോ ഞാൻ ദാ വരുന്നു

 

ഇത്രയും പറഞ്ഞു അഖിൽ മുന്നിലേക്ക് ഓടി

 

രോഹിത്ത് : ഈ കോപ്പൻ

 

അജ്മൽ : അവൻ എന്തോ ഉണ്ടാക്കട്ടെ നീ വാ

 

“അമ്മാ കാല്… ഒന്ന് മാറ്… ആ…”

 

പോലീസുകാർ മുന്നിലുള്ള കുട്ടികളെ അടിച്ചൊടിക്കാൻ തുടങ്ങി പെട്ടെന്നാണ് അഖിൽ മുന്നിലേക്ക് കയറി ശ്രുതിയുടെ കയ്യിൽ പിടുത്തമിട്ടത് ശേഷം വേഗംമുന്നിലുള്ള ആളെ തള്ളി മാറ്റി താഴെ നിന്നും അവളുടെ സ്റ്റിക്ക് കയ്യിലേക്ക് എടുത്തു ശേഷം അത് അവളുടെ കയ്യിലേക്ക് നൽകി

 

അഖിൽ : എന്താടി നോക്കുന്നെ വാ…

 

അവർ തിരിഞ്ഞ് നടക്കുവാൻ തുടങ്ങി പെട്ടെന്നാണ് ഒരു പോലീസു കാരൻ അവർക്ക് നേരെ വന്നത് അയാൾ ശ്രുതിക്ക്‌ നേരെ ലാത്തി വീശി അടുത്ത നിമിഷം അഖിൽ അവളെ പിടിച്ചു മാറ്റി എന്നാൽ അതെ സമയം തന്നെ അഖിലിന്റെ തലയിൽ മറ്റൊരു പോലീസുകാരനിൽ നിന്നും അടി കൊണ്ടിരുന്നു