💞ആയിരം കണ്ണുമായി – 4 17

 

“ആ… കോപ്പേ…”

 

അഖിൽ അയാളെ തള്ളി മാറ്റി എന്നാൽ മറ്റൊരു പോലീസുകാരൻ അവർക്ക് അരികിലേക്ക് വീണ്ടും എത്തി അയാൾ ശ്രുതിയുടെ നേരെ ലാത്തി വീശിയെങ്കിലും അഖിൽ ലാത്തിയിൽ പിടുത്തമിട്ടു

 

അഖിൽ : വയ്യാത്ത കൊച്ചാടോ 😡

 

അയ്യാളെയും തള്ളിമാറ്റി അവർ മുന്നോട്ടേക്ക് പോയി

 

അഖിൽ : എടി നോക്കി നിൽക്കാതെ ഓട്…

 

അവർ വേഗം മുട്ടേക്ക് ഓടി

 

അല്പദൂരം ചെന്ന ശേഷം അവർ അവിടെ നിന്നു

 

ശ്രുതി : ആ… എന്റെ കാല്…

 

അഖിൽ : എന്താടി അടി എന്തെങ്കിലും കിട്ടിയോ

 

ശ്രുതി : ഇല്ല വേഗത്തിൽ നടന്നത് കൊണ്ട് കാല് നോവുവാ

 

അഖിൽ : നാശം അത്രയല്ലേ ഉള്ളു മനുഷ്യന്റെ പുറം ഇവിടെ അടികൊണ്ട് പൊളിഞ്ഞു… നീ എന്തിനാടി ഇതിന്റെയൊക്കെ മുന്നിൽ പോയി നിൽക്കുന്നെ

 

ശ്രുതി : അവരാ കൊണ്ട് പോയെ…

 

അഖിൽ : അവരാ പോലും…

 

ശ്രുതി : അയ്യൊ ചോര

 

അഖിൽ : ചോരയോ

 

ശ്രുതി : നിന്റെ തലയിൽ

 

അഖിൽ പതിയെ അവന്റെ നെറ്റിയുടെ ഭാഗത്ത് തൊട്ട് നോക്കി അവിടെ നിന്നും രക്തം ഒലിച്ചു വരുന്നുണ്ടായിരുന്നു

 

ശ്രുതി : ദൈവമേ ഒരുപാട് വരുന്നുണ്ട്

 

ഇത്രയും പറഞ്ഞു അവൾ അവന്റെ നെറ്റിയിൽ തൊട്ടു എന്നാൽ അഖിൽ വേഗം തന്നെ അവളുടെ കൈ തട്ടി മാറ്റി

 

അഖിൽ : എനിക്ക് കുഴപ്പമൊന്നുമില്ല

 

എന്നാൽ അടുത്ത നിമിഷം അഖിൽ ബോധരഹിതനായി താഴേക്ക് വീണു

 

ശ്രുതി : അഖിലെ… അഖിലെ….

 

നിലത്ത് വീണു കിടന്ന അഖിലിനെ പിടിച്ചുകുലുക്കികൊണ്ട് ശ്രുതി വിളിക്കാൻ തുടങ്ങി..

 

അല്പനേരത്തിനുള്ളിൽ കണ്ണ് തുറന്ന അഖിൽ കാണുന്നത് തന്റെ മുന്നിൽ നിൽക്കുന്ന ശ്രുതിയേയും ലക്ഷ്മിയേയുമാണ് അവൻ പതിയെ ചുറ്റും നോക്കി കുറച്ച് മുൻപ് താൻ നിന്നിരുന്ന സ്ഥലത്തിനടുത്തുള്ള ചുമരിൽ തന്നെ ചാരി ഇരുത്തിയിരിക്കുകയാണെന്ന് അവന് വേഗം മനസ്സിലായി

 

ശ്രുതി : ഇതാ ഈ വെള്ളം കുടിക്ക്

 

ശ്രുതി വേഗം കയ്യിലിരുന്ന വെള്ളം അഖിലിന് നൽകി അവൻ അത് അല്പം കുടിച്ച ശേഷം നിലത്ത് നിന്നും എഴുനേറ്റു

 

ശ്രുതി : പതിയെ…

 

അഖിൽ : എനിക്ക് കുഴപ്പമൊന്നുമില്ല

 

ശ്രുതി : ഇല്ല വാ ഹോസ്പിറ്റലിൽ പോകാം തലയ്ക്കാ മുറിവ്

 

അഖിൽ : വേണ്ട നീ പോകാൻ നോക്ക്‌

 

ശ്രുതി : പറ്റില്ല.. വാ ഇവിടെ അടുത്ത് ഹോസ്പിറ്റൽ ഉണ്ട്

 

അഖിൽ : വേണ്ടാന്ന് പറഞ്ഞില്ലേ… എനിക്ക് വീട്ടിൽ പോകണം നിങ്ങള് പോകാൻ നോക്ക്

 

ലക്ഷ്മി : ശ്രുതി നീ ഇങ്ങോട്ട് വന്നേ

 

ഇത്രയും പറഞ്ഞു ലക്ഷ്മി ശ്രുതിയെ മാറ്റി നിർത്തി സംസാരിക്കാൻ തുടങ്ങി

 

ലക്ഷ്മി : അവൻ പോകുന്നെങ്കിൽ പോക്കോട്ടേ നമുക്ക് വെറുതെ പുലിവാല് പിടിക്കണ്ട

 

ശ്രുതി : പറ്റില്ല എനിക്ക് വേണ്ടിയാ അവൻ അടികൊണ്ടേ.. ആ സമയത്ത്‌ അവൻ വന്നില്ലായിരുന്നെങ്കിൽ… നീ പോലും പോലീസ് വന്നപ്പോൾ ഓടി പോയില്ലേ

 

ലക്ഷ്മി : എടി നീ

 

ശ്രുതി : നീ പൊക്കൊ സാരമില്ല

 

ഇത്രയും പറഞ്ഞു ശ്രുതി അഖിലിന്റെ അടുത്തേക്ക് എത്തി

 

അഖിൽ : നിന്നോട് പോകാൻ അല്ലേ പറഞ്ഞെ എനിക്ക് ഒരു ഹോസ്പിറ്റലിലും പോകണ്ട

 

ശ്രുതി : എന്നാൽ വാ നിന്റെ വീടുവരെ ഞാൻ കൂടെ വരാം ഒറ്റക്ക് പോകണ്ട

 

അഖിൽ : എന്നെ കൊണ്ട് വിടാൻ നീ ആരാടി… മര്യാദക്ക് പോകാൻ നോക്ക് എനിക്ക് ബൈക്ക് ഉണ്ട് ഞാൻ പൊക്കോളാം

 

ശ്രുതി : ഈ അവസ്ഥയിൽ ബൈക്ക് ഓടിക്കണ്ട.. ഓട്ടോ വല്ലതും പിടിക്കാം ബൈക്ക് നാളെ വന്നു എടുക്കാലോ

 

അഖിൽ : ഇതൊക്കെ പറയാൻ നീ ആരാടി 😡

 

ശ്രുതി : പ്ലീസ്… പറയുന്നത് ഒന്ന് കേൾക്ക്… ബൈക്കിൽ പോകുമ്പോൾ എങ്ങാനും ബോധം പോയാലോ… ഞാൻ ഓട്ടോ പിടിക്കാം

 

ഇത്രയും പറഞ്ഞു ശ്രുതി അതുവഴി പോയ ഒരു ഓട്ടോ കൈകാണിച്ചു നിർത്തി

 

ശ്രുതി : നിന്റെ വീട് എവിടെയാ

 

അഖിൽ : ഇവള്…

 

അല്പനേരത്തിനു ശേഷം ശ്രുതിയും അഖിലും ഓട്ടോയിൽ

 

“ഇനി എങ്ങോട്ടാ ”

 

അഖിൽ : വലത്തോട്ട്