💞ആയിരം കണ്ണുമായി – 4 17

 

അഖിൽ : ഇവളെകൊണ്ട്…

 

അഖിൽ വേഗം ഫോൺ കട്ടാക്കി എന്നാൽ ഫോൺ വീണ്ടും റിങ് ചെയ്തു ഇത്തവണ അഖിൽ കാൾ അറ്റണ്ട് ചെയ്തു

 

“എന്താടി…”

 

ശ്രുതി : ചീത്ത ഒന്നും വിളിക്കരുത് ഞാൻ പെട്ടെന്ന് വച്ചോളാം… നിനക്ക് എങ്ങനെയുണ്ട്

 

അഖിൽ : ഇത് ചോദിക്കാനാണോ നീ വിളിച്ചേ

 

ശ്രുതി : അല്ലാതെ പിന്നെ… ആദ്യം കാൾ എടുക്കാത്തപ്പോൾ ഞാൻ നല്ല പേടിച്ചു ബോധം പോയി വല്ലതും കിടക്കുവാണോന്ന്

 

അഖിൽ : ഇപ്പോൾ ഒരു കുഴപ്പവും ഇല്ല നീ ആയിട്ട് ഉണ്ടാക്കാതിരുന്നാൽ മതി… ഏത് നേരത്താണോ നിന്നെ അവിടുന്ന് വലിച്ചോണ്ട് വരാൻ തോന്നിയത്

 

ശ്രുതി : ഉം അതിന് താങ്ക്സ് പറയാൻ കൂടിയാ ഞാൻ വിളിച്ചേ നേരത്തെ മറന്നു പോയി.. അപ്പോൾ താങ്ക്സ്

 

അഖിൽ : ശെരി വച്ചിട്ട് പോ

 

ശ്രുതി : നീ കഴിച്ചായിരുന്നോ

 

അഖിൽ : ഇല്ല കഴിപ്പിക്കാൻ വരുന്നോ നാളെ രാവിലെ പോകാം എന്താ…

 

ശ്രുതി : അപ്പോൾ ഞാൻ വെക്കുവാ പഠിക്കാനുണ്ട്

 

ഇത്രയും പറഞ്ഞു ശ്രുതി ഫോൺ കട്ട് ചെയ്തു

 

അഖിൽ പതിയെ തന്റെ ഫോണിലേക്ക് നോക്കിയ ശേഷം ശ്രുതിയുടെ പേര് മാറ്റി ടൈപ്പ് ചെയ്തു

 

“ശ്രുതി ( ലൂസ് ) ഇത് മതി ”

 

ശേഷം അഖിൽ പതിയെ ചിരിച്ചു

 

അല്പസമയത്തിന് ശേഷം ശ്രുതിയുടെ വീട് അവൾ ബെഡിൽ ഇരുന്നുകൊണ്ട് അന്ന് നടന്നകാര്യങ്ങൾ ആലോചിക്കുകയായിരുന്നു അഖിൽ അവളെ രക്ഷിക്കാൻ വന്നതും അവളുടെ കയ്യിൽ പിടിച്ചുകൊണ്ട് ഓടിയതുമെല്ലാം അവളുടെ മനസ്സിലേക്ക് വന്നു

 

“നീ എന്താ സ്വപ്നം കാണുവാണോ ”

 

അത് അവളുടെ അച്ഛനായിരുന്നു ശ്രുതി വേഗം ചിന്തയിൽ നിന്നും ഉണർന്നു

 

ശ്രുതി : ഹേയ് ഒന്നുമില്ല അച്ഛാ… പിന്നെ ആ പൈസയുടെ കാര്യം എന്തായി

 

അച്ഛൻ : അത് അടുത്ത ആഴ്ച കിട്ടും മോളെ നീ വിഷമിക്കണ്ട

 

*************

 

പിറ്റേന്ന് ലക്ഷ്മി കോളേജിന് മുന്നിൽ അപ്പോഴാണ് ശ്രുതി കോളേജിനുള്ളിലേക്ക് പോകുന്നത് അവൾ കണ്ടത്

 

“ശ്രുതി നിക്ക് ”

 

അവൾ വേഗം തന്നെ ശ്രുയുടെ അടുത്തേക്ക് എത്തി

 

ലക്ഷ്മി : ഇന്ന് നേരത്തെയാണല്ലോ

 

ശ്രുതി : ഉം അല്പം നേരത്തെ ഇറങ്ങി

 

ലക്ഷ്മി : ഇന്നലെ നീ കാണിച്ചത് ശെരിയായില്ല കേട്ടോ അവനെയും കൊണ്ട് ഓട്ടോയിൽ കയറി പോയേക്കുന്നു

 

ശ്രുതി : നീ വരുന്നില്ല എന്ന് പറഞ്ഞത് കൊണ്ടല്ലേ ഞാൻ പോയേ

 

ലക്ഷ്മി : പിന്നെ അവനെയും കൊണ്ട് പോകാൻ ഞാനും വരണമായിരുന്നോ.. ശെരി എന്നിട്ട് എന്തായി അവനെ കൊണ്ടാക്കിയോ

 

ശ്രുതി : ഉം.. വീട്ടിലാക്കി… പിന്നെ അവൻ ഒറ്റക്കാടി താമസിക്കുന്നെ

 

ലക്ഷ്മി : ഒറ്റക്കോ

 

ശ്രുതി : അതെ ഒരു വലിയ വീടാ അവിടെ ഒറ്റക്ക് വീടൊക്കെ കാട് പോലെ കിടക്കുവാ അവന് പേടിയൊന്നും ഇല്ലേ

 

ലക്ഷ്മി : കാട് പോലെ കിടക്കുന്നെന്ന് നിനക്ക് എങ്ങനെ അറിയാം ആരും ഇല്ലാത്ത വീട്ടിലോട്ട് നീ കയറി പോയോ

 

ശ്രുതി : പോയത് കൊണ്ടല്ലേ പറയുന്നെ

 

ലക്ഷ്മി : ശ്രുതി നിനക്കിത് എന്തിന്റെ കേടാടി അവൻ എന്തെങ്കിലും ചെയ്തിരുന്നെങ്കിലോ.. അവനെ പറ്റി എല്ലാം അറിഞ്ഞിട്ടും നീ അതിനകത്തേക്ക് പോയോ… നിനക്ക് എന്തെങ്കിലും പറ്റിയിരുന്നെങ്കിലോ

 

ശ്രുതി : ഒന്നും പറ്റിയില്ലല്ലോ… അവൻ അകത്ത് ആരും ഇല്ലെന്ന് പറഞ്ഞതാ എനിക്ക് വിശ്വാസം വന്നില്ല വീട്ടുകാരോട് കാര്യം പറയാൻ കയറിയതാ അപ്പോഴാ മനസ്സിലായെ അവൻ പറഞ്ഞത് സത്യമാണെന്ന്

 

ലക്ഷ്മി : അവര് പുറത്ത് വല്ലതും പോയതായിരിക്കും

 

ശ്രുതി : എന്നാൽ വീട് അങ്ങനെ കിടക്കുമോ ആരും ഇല്ല ഉറപ്പാ

 

ലക്ഷ്മി : ഓരോ വള്ളി പിടിക്കാനായിട്ട് എന്നിട്ട് ആരും ഇല്ലെന്ന് കണ്ടപ്പോൾ നീ വേഗം ഇറങ്ങിയോ

 

ശ്രുതി : അതൊക്കെ ഇറങ്ങി… ഇറങ്ങാതെ പിന്നെ അവിടെ നിക്കാനാണോ ഞാൻ പോയേ.. പിന്നെ അവന് എന്തൊക്കെയോ പ്രശ്നങ്ങൾ ഉണ്ട്

 

ലക്ഷ്മി : ഇനി നീ അവന്റെ പ്രശ്നങ്ങൾ കണ്ടുപിടിക്കാൻ നടക്കണ്ട

 

ശ്രുതി : എടി ഒറ്റക്കായത് കൊണ്ടാ അവൻ ഇങ്ങനെ റൂടായി പെരുമാറുന്നത് എന്ന് തോന്നുന്നു ഇതും ഒരു തരം ഡിപ്രഷനാ…ആളുകളോട് ഒന്ന് ഫ്രണ്ട്‌ലിയായിഇടപഴകി വരുമ്പോൾ ഇതൊക്കെ മാറും ഇപ്പോഴത്തെ അവസ്ഥയിൽ ആ റോണിയുടെ കൂടെ നടന്നാൽ കാര്യങ്ങൾ കൂടുതൽ മോശമാകും അവന്മാരുടെ സ്വഭാവം അറിയാലോ… ഞാൻ എന്തായാലും ഒന്ന് ശ്രമിക്കാൻ തീരുമാനിച്ചു ചിലപ്പോൾ ആള് മാറി വന്നാലോ