ആന്റണിയുടെ വെളിപാടുകൾ

Antaniyude Velipadukal | Author : Poker Haji

---

“…നീ ആരെയാടാ പേടിപ്പിക്കുന്നെ …”

 

ടീവിയിലെ സിനിമയിൽ ലയിച്ചിരിക്കുമ്പോഴാണ് മൊബൈൽ റിങ് ചെയ്യുന്നത് കണ്ട് എടുത്ത് നോക്കിയപ്പോ ജെസ്സി. പേര് കണ്ടപ്പോൾ തന്നെ നാശം പിടിക്കാൻ എന്ന മനസ്സിൽ പറഞ്ഞ് കൊണ്ട് ആന്റണി അറ്റൻഡ് ചെയ്തപ്പോഴേയ്ക്കും അപ്പുറത്ത് നിന്ന് ഹലൊ വന്നു .

..ഹലൊ ..

.ആ .ഹലോ ..ഡീ …”

..ആ ഇച്ചായാ..എന്തെടുക്കുവാ ..

അപ്പുറത്ത് പെങ്ങൾ ജെസ്സിയുടെ സ്വരം കേട്ടപ്പോഴാണ് ആന്റണിയ്ക്ക് ടീവി ഓൺ ആണല്ലോന്നുള്ള കാര്യം ഓർത്തതു .പെട്ടന്നയാൾ ടീവിയുടെ ശബ്ദം കുറച്ചു .

..ഏഹ് .. ഇച്ചായാ ഇച്ചായൻ ടീവി മേടിച്ചോ ..

പെട്ടന്ന് അബദ്ധം പറ്റിയ പോലെ അയാളൊന്നു പല്ലു കടിച്ചിട്ടു പറഞ്ഞു .

..ആ മേടിച്ചെടി ..

..ഏഹ് എന്ന് മേടിച്ച് ..

..കഴിഞ്ഞയാഴ്ച്ച ..ന്യൂ ഇയറിന്റെ ഒഫർ തീർന്നില്ലാരുന്നു ..

..ആ അത് ശരി .. വലുതാണോ ..

..നാല്പത്തിമൂന്ന് ഇഞ്ച് ടീവിയാണ് ..

..ഹോ എന്റ്റിച്ചായാ ഇത്രേം ദിവസമായിട്ടു എന്നിട്ടു എന്നോടൊന്ന് പറഞ്ഞില്ലല്ലോ ..

..എടി അത് പറയാനും മാത്രമുണ്ടോ ..

..പിന്നില്ലേ ..ഇച്ചായന്റെ കയ്യില് കാശൊക്കെ കൊറേ ഉണ്ടല്ലേ ..

..യ്യോ എടി മോളെ .. ഞാനിതു ഈഎംഐ ഇട്ട് എടുത്തതാ …അറിയോ ..

..ഒന്ന് പോ ഇച്ചായാ വെറുതെ കള്ളം പറയാതെ ..എന്നെ പേടിച്ചല്ലേ പറയാത്തെ ..

..അല്ലെടി നിന്നെയെന്തിനാ ഞാൻ പേടിക്കുന്നെ .നീയെന്റെ ഒരേയൊരു പെങ്ങളല്ലേ . ..

..ആ അതൊക്കെ ശരി തന്നെ ഈ വിചാരമൊക്കെ ഇച്ചായന് പറച്ചിലിൽ ഉള്ളല്ലോ ..അല്ലെങ്കി ടീവി മേടിച്ച കാര്യം പറഞതു പോലുമില്ലല്ലോ ..

..എടി നീയത് വിട് ..വേറെ എന്തെങ്കിലും പറ ..നീയിപ്പോ എന്തിനാ വിളിച്ചെ

..എന്തിനാ വിളിച്ചെ ന്നു അല്ലെ … ഇപ്പം മനസ്സിലായി ഒരേയൊരു പെങ്ങളോടുള്ള ഇച്ചായന്റെ സ്നേഹം ..

എന്ന് പറഞ്ഞു കൊണ്ട് ജെസ്സി ഏങ്ങലടിച്ചു കരഞ്ഞു കൊണ്ട് ഫോൺ വെച്ചു .ആന്റണി അസ്വസ്ഥതയോടെ അൽപനേരം അനങ്ങാതിരുന്നിട്ട് ടീവിയുടെ ശബ്ദം കൂട്ടി സോഫയിലേക്ക് ചാരിക്കിടന്നു .ഇനിയിപ്പോ അടുത്ത ഏതെങ്കിലും ദിവസം ജെസ്സിയെയും കുടുമ്പത്തെയും പ്രതീക്ഷിക്കാം എന്ന് മനസ്സിലോർത്ത് കൊണ്ട് സിനിമയുടെ ബാക്കി കണ്ടു.

 

ഞായറാഴ്ച പള്ളിയിൽ പോയി വന്നപ്പോൾ ഇന്നും സാറാ തിരക്കിനിടയിൽ വളരെ അടുത്തുവന്ന് ചേർന്നു നടന്നുകൊണ്ട് ആന്റണിയോട് പറഞ്ഞു.

“..ദേ ..ഇച്ചായന്റെ മുടിയൊക്കെ നരച്ചു തുടങ്ങി കേട്ടോ . ഇനിയെങ്കിലും ഒരു തീരുമാനമെടുത്തൂടെ?’

ആന്റണി തിരിഞ്ഞു നോക്കി സാറയെ കണ്ടു ഒന്ന് പുഞ്ചിരിച്ചു .അവൾ പറഞ്ഞത് ശരിയാണ് തലമുടി നരച്ചു തുടങ്ങി. മുമ്പിൽ നെറ്റി മുകളിലേയ്ക്കുള്ള വിജയകരമായ മുന്നേറ്റം തുടങ്ങിയിട്ടുമുണ്ട്. മുപ്പത്താറു വയസ്സ് എന്നൊക്കെ പറയുന്നത് വിവാഹ കമ്പോളത്തിൽ നല്ലൊരു വയസ്സു തന്നെയാണ്.

സാറയ്ക്കു കഴിഞ്ഞ ആഗസ്റ്റിൽ മുപ്പതു വയസ്സ് തികഞ്ഞു . തോമസ്സിന്റെയും എൽസി തോമസ്സിന്റെയും മുത്ത മകൾ. ആന്റണി കറുകച്ചാലിൽ ഉള്ള ഒരു സ്വകാര്യ ബാങ്കിൽ ക്ലെർക്കായി ജോലി ചെയ്യുന്നു .സാറാ ആന്റണിയുടെ ഓഫീസിൽ ത്തന്നെ ടൈപ്പിസ്റ്റായി ജോലി നോക്കുന്നു.ആന്റണിയും സാറയും വളരെക്കാലമായിട്ടു പ്രണയത്തിലാണ് .ആന്റണിയുടെ കുറച്ചു സാമ്പത്തിക ബുദ്ദിമുട്ടുകൾ കാരണം ആയിരുന്നു രണ്ടു പേർക്കും വിവാഹം കഴിക്കാൻ കഴിയാതിരുന്നത് .

കുറച്ചു വർഷങ്ങൾക്കു മുമ്പ് ആന്റണിയുടെ പെങ്ങൾ ജെസ്സിയെ അവരുടെ അപ്പച്ചൻ വിവാഹം ചെയ്തു കൊടുത്തതിന്റെ കടങ്ങളാണ് ഇപ്പോഴും ആന്റണിയെ അലട്ടിക്കൊണ്ടിരിക്കുന്നതു .

അപ്പച്ചനും അമ്മച്ചിയും മരിച്ചിട്ട്‌ രണ്ടു വർഷമായി ഇതുവരെ ജെസ്സിക്കു കൊടുക്കാമെന്നു പറഞ്ഞ സ്ത്രീധനത്തുക കൊടുക്കാൻ പറ്റിയിട്ടില്ല .ഇനിയെന്ന് കൊടുത്തു തീർക്കാൻ പറ്റുമെന്ന് പോലും അയാൾക്കറിയില്ലായിരുന്നു . എന്നാൽ ഇന്നുവരെ തന്റെ അവസ്ഥ മനസ്സിലാക്കാൻ കഴിയാത്ത ഒരു അളിയനെയാണ് കിട്ടിയിരിക്കുന്നത് .