അവർ പോയിക്കഴിഞ്ഞപ്പോൾ അനന്യ അർജുനെ നോക്കി ചോദിച്ചു, “അർജുൻ… ആരാണ് നീ ശരിക്കും?”
അർജുൻ ജനാലയിലൂടെ പുറത്തെ ട്രാഫിക്കിലേക്ക് നോക്കി ഒരു ചെറിയ ചിരിയോടെ പറഞ്ഞു, “വെറുമൊരു മിസ്റ്റേക്ക് വരുത്തുന്ന ടൈപ്പിസ്റ്റ്… അത്രയേയുള്ളൂ മാം.”
കോൺഫറൻസ് ഹാളിലെ പുകയടങ്ങിയപ്പോൾ അടുത്ത യുദ്ധം തുടങ്ങിയത് ഓഫീസിലെ കഫറ്റീരിയയിലാണ്. കുമാറും സിദ്ധാർത്ഥും കൈവിലങ്ങുമായി ഇറങ്ങിപ്പോയത് ടീമിനിടയിൽ വലിയ ചർച്ചയായി.
”ആരാണപ്പാ ആ അജ്ഞാത ഹാക്കർ? സിബിഐയ്ക്ക് ഇത്രയും കൃത്യമായ തെളിവ് കൊടുത്തത് നമ്മുടെ ഇടയിലുള്ള ആരോ ആണല്ലോ!” ശ്രീനിവാസൻ സാർ ചായ കുടിക്കുന്നതിനിടയിൽ സംശയം പ്രകടിപ്പിച്ചു.
അകലെ ഒരു ടേബിളിൽ അർജുൻ പതിവുപോലെ തന്റെ ലാപ്ടോപ്പിന് മുന്നിൽ തല കുനിച്ചിരിപ്പുണ്ട്. ദൂരെ നിന്ന് അനന്യ അവനെ നോക്കി ഒന്ന് പുഞ്ചിരിച്ചു. ആ പുഞ്ചിരിയിൽ അഭിമാനവും പ്രണയവും കലർന്നിരുന്നു. ഇത് കണ്ടുനിന്ന ഒരു ജൂനിയർ അനന്യയുടെ അടുത്തേക്ക് ചെന്നു. “മാം, അർജുൻ വീണ്ടും എന്തോ മിസ്റ്റേക്ക് വരുത്തിയോ? മാം എന്തിനാ അവനെ നോക്കി ചിരിക്കുന്നത്?”
അനന്യ തന്റെ ഗൗരവം വീണ്ടെടുത്ത് പറഞ്ഞു, “അവൻ വരുത്തുന്ന ‘മിസ്റ്റേക്കുകൾ’ തിരുത്താൻ വലിയ പാടാണെന്ന് ഇപ്പോൾ മനസ്സിലായി. നീ പോയി നിന്റെ പണി നോക്ക്.”
അന്ന് വൈകുന്നേരം ഓഫീസ് വിട്ട് അവർ നഗരത്തിന് പുറത്തുള്ള ഒരു ശാന്തമായ കഫേയിൽ കണ്ടുമുട്ടി…
അനന്യ: (ചിരിച്ചുകൊണ്ട്) “നീ വലിയൊരു ‘ഡബിൾ ഏജന്റ്’ ആണെന്ന് ഞാൻ അറിഞ്ഞില്ലല്ലോ അർജുൻ. സിബിഐ ഓഫീസർ നിന്നെ നോക്കി കണ്ണ് ചിമ്മിയത് കണ്ടപ്പോൾ ഞാൻ പേടിച്ചുപോയി.”
അർജുൻ: “അത് പിന്നെ… പഴയ ശീലങ്ങൾ അത്ര പെട്ടെന്ന് പോകില്ലല്ലോ മാം. പക്ഷെ എന്റെ സ്പെല്ലിംഗ് മിസ്റ്റേക്കിന് നിങ്ങൾ തന്ന ചീത്ത ഇപ്പോഴും കാതിൽ മുഴങ്ങുന്നുണ്ട്.”
അനന്യ: “അത് നിന്റെ അഭിനയം കണ്ടിട്ടല്ലേ! പിന്നെ, നിന്റെ ഈ ‘ഹാക്കർ’ ഇമേജ് ഒക്കെ കൊള്ളാം, പക്ഷെ വീട്ടിൽ ചെന്നാൽ നീ എന്റെ പഴയ അർജുൻ തന്നെയാണ്.”
തന്റെ നാട്ടിൻപുറത്തെ വിശേഷങ്ങൾ പറയുന്നതിനിടയിൽ അനന്യ വാചാലയായി. “നീ കണ്ടിട്ടുണ്ടോ പാലക്കാട്ടെ ആ കരിമ്പനകൾ? അവിടെ വെയിലത്ത് നടക്കുമ്പോൾ കിട്ടുന്ന ഒരു സുഖമുണ്ട്. ഈ എസി മുറിയിലെ തണുപ്പിനേക്കാൾ എത്രയോ നല്ലതാണത്.”
അർജുൻ അവളുടെ കൈകളിൽ മെല്ലെ പിടിച്ചു. “നമുക്ക് പോകാം അനന്യ… ഒരിക്കൽ അവിടേക്ക്. പക്ഷെ ഇപ്പോൾ നമ്മുടെ ഈ രഹസ്യ ഡേറ്റിംഗ് ആരെങ്കിലും അറിഞ്ഞാൽ കുമാറിനേക്കാൾ വലിയ ഗോസിപ്പ് ആകും അത്.”
അനന്യ നാണത്തോടെ അവനെ നോക്കി ചിരിച്ചു. അവരുടെ പ്രണയം ആ നഗരത്തിലെ തിരക്കുകൾക്കിടയിൽ സുരക്ഷിതമായിരുന്നു…
രാത്രി 10 മണിയോടെ ഓഫീസിലെ ഒഫീഷ്യൽ ഗ്രൂപ്പിൽ ശ്രീനിവാസൻ സാറിന്റെ മെസ്സേജ് എത്തുന്നു.
Sreenivasan Sir: “Great news team! സിദ്ധാർത്ഥ് വർമ്മയുടെ വിടവാങ്ങലിനെ തുടർന്നുണ്ടായ ഒഴിവിലേക്ക് പുതിയ ബോർഡ് മെമ്പറെ ഐക്യകണ്ഠേന തിരഞ്ഞെടുത്തു. ആരാണെന്ന് ഇപ്പോൾ വെളിപ്പെടുത്തുന്നില്ല. സർപ്രൈസ് ആണ്! നാളെ രാവിലെ 10 മണിക്ക് ടൗൺഹാൾ മീറ്റിംഗിൽ നേരിട്ട് പരിചയപ്പെടാം. എല്ലാവരും സെമി-ഫോർമൽസിൽ എത്തുക.”
ഈ മെസ്സേജ് വന്ന ഉടനെ ഗ്രൂപ്പിൽ ഗോസിപ്പുകൾ നിറഞ്ഞു.
Rohit (Dev): “ആരായിരിക്കും? വല്ല വിദേശിയുമാണോ?”
Meera: “സിദ്ധാർത്ഥിനേക്കാൾ ഭീകരൻ ആകാതിരുന്നാൽ മതിയായിരുന്നു.”
Sreenivasan Sir: “Wait and watch! ഇത്തവണ ഒരു ‘സ്ത്രീ ശക്തി’ ആയിരിക്കും കമ്പനിയെ നയിക്കുന്നത് എന്ന് മാത്രം പറയാം.”
ടൗൺഹാൾ മീറ്റിംഗിന്റെ അന്തരീക്ഷം ആകെ പുകയുകയായിരുന്നു. സിദ്ധാർത്ഥിനെയും കുമാറിനെയും പുറത്താക്കിയ ആവേശത്തിൽ ജീവനക്കാർ പുതിയ ബോർഡ് മെമ്പർക്കായി കാത്തിരുന്നു. അർജുനും അനന്യയും മുൻനിരയിൽ തന്നെയുണ്ടായിരുന്നു.
ശ്രീനിവാസൻ സാർ മൈക്കിന് മുന്നിലെത്തി: “സുഹൃത്തുക്കളേ, നമ്മുടെ കമ്പനിയുടെ ചരിത്രത്തിലെ ഏറ്റവും നിർണ്ണായകമായ നിമിഷമാണിത്. പുതിയ ഡയറക്ഷനും പുതിയ വിഷനുമായി വരുന്ന നമ്മുടെ പുതിയ ബോർഡ് മെമ്പറെ സ്വീകരിക്കാം… മിസിസ് ശാലിനി വിശ്വനാഥൻ!”