”ശരി ഹരി… ഞാൻ പോവാ,” അവൾ എന്നെ നോക്കി ഒന്ന് മന്ദഹസിച്ചു. പക്ഷെ അവളുടെ കണ്ണുകളിൽ നനവ് പടരുന്നത് ഞാൻ കണ്ടു.
”നന്നായിട്ട് പോയി വാ അച്ചു. എന്തെങ്കിലും ബുദ്ധിമുട്ടുണ്ടെങ്കിൽ അപ്പോൾ തന്നെ എന്നെ വിളിക്കണം, കേട്ടോ?”
ഞാൻ അവളുടെ കൈകൾ ചേർത്തുപിടിച്ചു പറഞ്ഞു.
അവൾ തലയാട്ടി. എന്നിട്ട് എന്നെ വിട്ടിട്ട് പതിയെ സെക്യൂരിറ്റി ഗേറ്റിന് നേരെ നടന്നു. കുറച്ചു ദൂരം ചെന്നിട്ടും അവൾ തിരിഞ്ഞു നോക്കിയില്ല. ഞാൻ അവളേയും നോക്കി അവിടെ തന്നെ നിന്നു. എന്റെ ഹൃദയം പതുക്കെ മിടിക്കുന്നത് എനിക്ക് അനുഭവപ്പെടാമായിരുന്നു.
പെട്ടെന്നാണ് അപ്രതീക്ഷിതമായി അവൾ തിരികെ ഓടി വന്നത്. ഞാൻ എന്താണെന്ന് ചോദിക്കാൻ നാക്കും പൊക്കും മുൻപേ, അവൾ എന്റെ കഴുത്തിൽ കൈകൾ ചുറ്റി വലിച്ച് എന്നെ തന്റെ അടുത്തേക്ക് ചേർത്തു. എന്റെ ചുണ്ടുകളിൽ അവൾ ഒരു നീണ്ട ഫ്രഞ്ച് കിസ്സ് നൽകി. ചുറ്റുമുള്ള ലോകം മറന്നുകൊണ്ടുള്ള ആ ചുംബനം എന്റെ ഉള്ളിൽ തീ കോരിയിട്ടു.
ഞാൻ ഒന്ന് പതറിപ്പോയി. ചുറ്റും പലരും ശ്രദ്ധിക്കുന്നുണ്ടായിരുന്നു. ഞാൻ പെട്ടെന്ന് തന്നെ അവളിൽ നിന്നും ഒഴിഞ്ഞുമാറി, നാണത്തോടെ ചുറ്റും നോക്കിക്കൊണ്ട് പറഞ്ഞു,
“അച്ചു… എടി എന്ത് കാണിക്കാനാ ഇത്? ആളുകൾ ഒക്കെ നോക്കുന്നുണ്ട്… ഒന്ന് വിട്!”
അവൾ എന്നെ നോക്കി കുസൃതിയോടെ ചിരിച്ചു. എന്റെ കവിളിൽ ഒന്ന് നുള്ളിയിട്ട് അവൾ പറഞ്ഞു,
“ഇതൊക്കെ എന്ത് ഹരി… ഇത് യുകെ ആണ് മോനെ! ഇവിടെ ഇതൊക്കെ നോർമൽ ആണ്. നീ ഇത്ര നാണിക്കണ്ട.”
അവൾ വീണ്ടും എന്റെ കവിളിൽ ഒരു ചുംബനം നൽകി, ആത്മവിശ്വാസത്തോടെ തിരിഞ്ഞുനടന്നു. ഗേറ്റിന് അപ്പുറത്തേക്ക് അവൾ മറയുന്നത് വരെ ഞാൻ നോക്കിനിന്നു. അവളുടെ വാക്കുകൾ എന്റെ ചെവിയിൽ മുഴങ്ങുന്നുണ്ടായിരുന്നു. ഒരു വലിയ യാത്രയുടെ തുടക്കമായി അത് മാറി.
അച്ചു എയർപോർട്ടിൽ നിന്നും വിമാനത്തിലേക്ക് കയറി എന്ന് മെസ്സേജ് അയച്ചപ്പോൾ, എന്റെ ഉള്ളിലെ ആധിക്ക് അല്പം ശമനം കിട്ടി.
ഞാൻ നേരെ ഓഫീസിലേക്ക് വെച്ചുപിടിച്ചു. HR ഹെഡ് ആയതുകൊണ്ട് തന്നെ തിരക്കുകൾ ഒട്ടും കുറവായിരുന്നില്ല. മീറ്റിംഗുകളും ഇന്റർവ്യൂകളും ഒക്കെയായി സമയം പെട്ടെന്ന് പോയി.
ഉച്ചഭക്ഷണ സമയത്താണ് ലക്ഷ്മി ചേച്ചിയെ കാണുന്നത്. ഓഫീസിലെ ഏക മലയാളി സാന്നിധ്യമാണ് അവർ. കുറെ കാലമായി യുകെയിൽ സെറ്റിൽഡ് ആണ്.
”എന്താടാ ഹരി, മുഖത്തൊരു വാട്ടം? ഇന്നല്ലേ അവള് നാട്ടിലേക്ക് പോകുന്നത് ? അപ്പൊ ആള് പോയപ്പോൾ സങ്കടം കൂടിയോ?”
ലക്ഷ്മി ചേച്ചി കുസൃതിയോടെ ചോദിച്ചു.
ഞാൻ ഒന്ന് ചിരിച്ചു,
“അതൊക്കെ പോട്ടെ ചേച്ചി. കുറെ കാലം കഴിഞ്ഞല്ലേ പിരിഞ്ഞു നിൽക്കുന്നത്, അതാ ഒരു ചെറിയ വിഷമം.”
”അതെടാ… പെണ്ണുങ്ങൾ പോയാൽ പിന്നെ ഈ വീട്ടിലെ അവസ്ഥ തന്നെ മാറും. പ്രത്യേകിച്ച് അച്ചുനെപ്പോലെ ചുറുചുറുക്കുള്ള ഒരുത്തി കൂടെയുള്ളപ്പോൾ. നീ ഒക്കെ മാനേജ് ചെയ്യും, സാരമില്ല. നാട്ടിൽ പോയി ഡാൻസ് സ്റ്റുഡിയോ ഒക്കെ തുടങ്ങുന്നത് വലിയ കാര്യമാണല്ലോ.”
ചേച്ചിയുടെ വാക്കുകൾ കേട്ടപ്പോൾ അച്ചുവിനോടുള്ള സ്നേഹം ഒന്നുകൂടെ കൂടി. എങ്കിലും, സിദ്ധാർത്ഥിനെ കുറിച്ചുള്ള ഓർമ്മ മനസ്സിൽ വന്നപ്പോൾ ഞാൻ ഒന്ന് പരുങ്ങി. അതൊന്നും ഞാൻ പുറത്ത് കാണിച്ചില്ല.
ജോലി കഴിഞ്ഞു വീട്ടിലെത്തുമ്പോൾ സമയം എട്ടു മണിയായിരുന്നു. ഫ്ലാറ്റ് ആകെ ശൂന്യമായി കിടക്കുന്നു. അച്ചു ഇല്ലെന്ന തിരിച്ചറിവ് എന്നെ വല്ലാതെ അലട്ടി. ഞാൻ വേഗം ഫോൺ എടുത്തു അച്ചുവിന് ഒരു മെസ്സേജ് അയച്ചു.
”എത്തിച്ചേർന്നോ അച്ചു? ഇവിടെ ആകെ ബോറടിക്കുന്നു. നീയില്ലാതെ ഈ ഫ്ലാറ്റ് എന്തോ പോലെ. ഉറങ്ങിയോ?”
ഇതുവരെ കൊള്ളാം , ഇനിയും നമ്മൾ പ്രതീക്ഷിക്കുന്നത് തന്നെ നടക്കും എന്ന് ആകാംഷയോടെ.