:- എന്നിട്ടു നീ എന്താ ചെയ്തേ ?
:- ഞാൻ ബസില്നിന്നും ഇറങ്ങി നടന്നു .. എന്നിട്ട് ചോദിച്ചു , ഏത് സ്കൂളിലാ പഠിക്കുന്നെ എന്ന് .. അപ്പോൾ അവൾ സ്കൂളിന്റെ പേര് പറഞ്ഞു തന്നു , അങ്ങിനെയാ ആളെ മനസിലായെ, അവളന്ന് പ്ലസ് ടു ആണ് .. മറ്റേ പെണ്ണ് എന്തോ എയർ ഹോസ്റ്റസ് ആവാൻ ഉള്ള കോഴ്സ് ആണ് ചെതിരുന്നത് ..
:- ഓ .. നല്ല ഐഡിയ
:- അതെ
:- എന്നിട്ട് ..
:- എന്നിട്ടെന്താ ആദ്യമായ് കിട്ടിയ അവസരമല്ലേ .. ഞാൻ നന്നായി ആസ്വദിച്ചു .. എന്നും വൈകീട്ട് കാണും , കുറച്ചു സംസാരിക്കും ,വീട്ടിൽ ചെന്ന് വിളിക്കും .. അങ്ങിനെ ഒരു വര്ഷം പോയി .. അവൾ എന്നേക്കാൾ പാവപ്പെട്ട ഒരു ഫാമിലി ആയിരുന്നെടീ , വീടെല്ലാം കാണണം .. പിന്നെ വേറെ ജാതിയും .. അതൊന്നും ഞങ്ങൾക്ക് പ്രേശ്നമായിരുന്നില്ല .. ഞാൻ
അവൾക്കു ഒരുപാട് പ്രതീക്ഷ നൽകി .. കാരണം എനിക്ക് അവളെ അത്രക്കിഷ്ടമായിരുന്നു ..
കോളേജ് കഴിഞ്ഞു , ഞാൻ അവളോട് യാത്ര പറഞ്ഞു വീട്ടിൽ പോന്നു , പ്ലസ് ടു കഴിഞ്ഞു അവളെന്തോ ഒരു വർഷത്തെ നഴ്സിങ് കോഴ്സ് ചെയ്തു .പിന്നെ ഒരു ഗവണ്മെന്റ് ഹോസ്പിറ്റലിൽ കയറി .എനിക്ക് ആ സമയം ജോലി തപ്പൽ ആയിരുന്നു ജോലി ..
:- ശെരി ..
:- ഒരു ദിവസം രാത്രി , ഞാൻ ഒരു കൂട്ടുകാരന്റെ കൂടെ വീടിനടുത്തുള്ള തോട്ടിന്റെ കരയിൽ ഇരിക്ക്യ ആയിരുന്നെ , അന്നേരം അവൾ വിളിച്ചു .. , സാധാരണ ആ നേരത്ത് അവൾ വിളിക്കാറില്ല .. ഞാൻ കുറച്ചു മാറിനിന്ന് അവളോട് സംസാരിച്ചു .. നാളെ എന്താ പരിപാടിയെന്ന് ചോദിച്ചപ്പോൾ കൂട്ടുകാരന്റെ കൂടെ ടൗണിൽ പോകാൻ ഉണ്ടെന്നു പറഞ്ഞു .. അവളും ടൗണിൽ ഉണ്ടേ ..അവിടെയാണ് വർക്ക് ചെയ്യുന്നത് .. ദിവസവും വീട്ടിൽ പോയി വരും .. എപ്പോളാ വരുന്നേ ചോദിച്ചു , ഞാൻ ഒരു ഒമ്പതുമണിക്ക് എത്തുംപറഞ്ഞു .. ആദ്യം വന്നെന്നെ കാണണം ,ശേഷം ബാക്കി പരിപാടി . എനിക്ക് സംസാരിക്കാൻ ഉണ്ടെന്നു പറഞ്ഞു .. വേറെ ഒന്നും അവൾ പറഞ്ഞില്ല , മറക്കണ്ട എന്ന് പറഞ്ഞു കാൾ കട്ട് ചെയ്തു .. എടീ ,ഏകദേശം അര മണിക്കൂർ കഴിഞ്ഞപ്പോൾ ഒരു നമ്പറിൽ നിന്നും കാൾ വന്നു .. ഞാൻ ആരാ ചോദിച്ചു .. ഞാൻ ശരണ്യയുടെ അച്ഛനാണ് ഇതാരാ എന്ന് ചോദിച്ചു .. ഞാൻ എന്റെ പേരും സ്ഥലവും എല്ലാം
പറഞ്ഞു . അപ്പോൾ അങ്ങേരു ചോതിക്ക്യ അവിടെ കിടക്കണ നിങ്ങൾക്കെങ്ങനെ എന്റെ മോളെ അറിയാന്ന് , ഞാൻ പറഞ്ഞു ഞാൻ അവിടെയാ പഠിച്ചതെന്ന് .. അങ്ങേരു വളരെ സൗമ്യനായാണ് സംസാരിച്ചത് , പറഞ്ഞ കാര്യങ്ങൾ എല്ലാം എന്നൊക്കറിയുന്നതും ആയിരുന്നു .
:- അതെന്താ ? അവൾ ചോദിച്ചു .
:- ഞാൻ അവളുടെ വീടിന്റെ പറ്റി പറഞ്ഞില്ലെടീ .. അതിന്റെ പണി മൊത്തം കോൺട്രാക്ട് എടുത്തത് അവരുടെ വീടിന്റെ അടുത്തുള്ള ഒരു പയ്യൻ ആണ് . അവനു അവളെ ഇഷ്ടവുമാണ് , പണി നടക്കുന്നതിന്റെ ഇടയിൽ ഒരു ദിവസം അവൻ അമ്മയെ കൂട്ടിക്കൊണ്ടുവന്നു അവളെ പെണ്ണ് ചോദിച്ചു , അവർ കുറച്ചു ദിവസം കഴിഞ്ഞു അവളോട് സമ്മതം ചോദിക്കാതെ ഓക്കേ പറഞ്ഞു ..
:- ഓ, എന്നിട്ട് ?
:- അവൾക്ക് അയാളെ തീരെ താൽപര്യം ഇല്ലായിരുന്നെടീ , അവളെന്നോട് പറഞ്ഞിട്ടുണ്ട് . പക്ഷെ അങ്ങേരു ലാസ്റ്റ് പറഞ്ഞു പറഞ്ഞു കരയാൻ തുടങ്ങി , ഞങ്ങൾക്കിടയിലുള്ള ബന്ധം എന്താണെന്ന് ഞാൻ ഇപ്പോൾ ചോതിക്കുന്നില്ലെന്നും , ഇത് തുടർന്നാൽ ഞങ്ങൾ വീണ്ടും പഴയപോലെ തന്നെ തുടങ്ങേണ്ടി വരുമെന്നുമെല്ലാം പറഞ്ഞു ഏങ്ങികൊണ്ടിരുന്നു .. അവൾക്കു താഴെ രണ്ടു പെണ്മക്കൾ ആയിരുന്നെടീ , അവർക്കു പ്രായമായി വാരികയാണ്, സേഫ് ആയി കിടക്കാൻ ഉള്ള വീടുണ്ടാക്കാൻ പോലും എനിക്ക് കഴിഞ്ഞില്ല, ഇപ്പൊ ഒരു വഴി തെളിഞ്ഞു വന്നതാ അവരെയോർത്തെങ്കിലും മോൻ പിന്മാറണം എന്നൊക്കെ പറഞ്ഞു .. ഞാൻ ആകെ എന്തോ പോലായാടീ.. നിനക്കറിയുന്നതല്ലേ എന്റെ അന്നത്തെ അവസ്ഥ .. ഞാൻ അന്ന് മുഴുവൻ
കിടന്നു ചിന്തിച്ചു , എന്നിട്ട് രാവിലെ അവളെ കാണണം എന്ന് തീരുമാനിച്ചു കിടന്നു .. രാവിലെ ട്രെയിൻ കേറിയ സമയം അവളുടെ കാൾ വന്നു .. ഞാൻ എത്തിയിട്ടുണ്ട് , പുറത്തു വന്നു വിളിച്ചാൽ മതിയെന്ന് പറഞ്ഞു ..ഹമ് .. അതായിരുന്നു ഞങ്ങളുടെ അവസാനത്തെ കാൾ ..