“മ്മ്…എന്തേ…”
ചളിപ്പ് പുറത്ത് കാട്ടാതെയാവൻ ചോദിച്ചു…
“എനിക്കൊന്ന് മുള്ളാൻ…” പറഞ്ഞുതീർന്നതും കാലിനിടയിലൂടെ മൂത്രം ഒഴുകിയിറങ്ങി…ഇതിപ്പോ പതിവായതുകൊണ്ട് അവൾക്കത്ര ചമ്മലൊന്നുമുണ്ടായില്ല…
“കുഞ്ഞുമണിയെ…ഉമ്മിനെ ഇങ്ങനെ കഷ്ടപ്പെടുത്തല്ലേട്ടാ..” ചെറുചിരിയോടെ അവളുടെ വയറിലേക്ക് കൈ വച്ചു പറഞ്ഞവൻ മുന്നോട്ട് നടന്നു..അവൾ ബാത്റൂമിനുള്ളിലേക്ക് കയറി…ആദ്യമായാണിങ്ങനെയൊക്കെ…താനുറങ്ങുവാണെന്ന് കരുതി അവൻ വയറിൽ കൈ വെക്കുന്നതും അനക്കം അറിയുന്നതുമെല്ലാം അവൾ അറിയാറുണ്ട്…മുഴച്ചുവരുന്ന ഭാഗത്തു ഒരു കുഞ്ഞുമ്മയും…അപ്പോൾ ഉള്ളം നിറയും..തന്റെ അറിവോടെ ഇതാദ്യം..അവന്റെ മാറ്റം…..
അവൾക്കിടാനുള്ള മാക്സി അലമാരയിൽ നിന്നും എടുക്കുകയായിരുന്നു അവൻ…
“ ഏത് നേരത്താണോ ഡോർ കുറ്റിയിടാൻ മറന്നേ…ആ പെണ്ണെന്ത് വിചാരിച്ചുകാണും…കണ്ടു കാണുമോ അവൾ….ഛെ…ഒള്ള വിലയും കൂടെ പോയി…”
ചിന്തിച്ചു കൊണ്ടിരിക്കെ ആണ് അവളുടെ കരച്ചിൽ കേട്ടത്…
ഓടിയെത്തുമ്പോൾ വേദന കൊണ്ടുചുളിഞ്ഞ മുഖവുമായി വയറിൽ അമർത്തിപിടിച്ചവൾ നില്കുന്നു….മുഖമാകെ ചുവന്നുകയറി കണ്ണുകൾ നിറഞ്ഞൊഴുകുന്നു….
“ ഹോസ്പിറ്റലിൽ പോകാം…വാട്ടർ ബ്രേക്ക് ആയതാ മൂത്രം അല്ലായിരുന്നു..”
അവൾ പറഞ്ഞുതീർന്നതും വാരിയെടുത്തുകൊണ്ടവൻ മുൻവശത്തേക്കൊടി…സിറൗട്ടിലിരുതി ….തോമച്ചായന്റെ കാർ മുറ്റത് കൊണ്ടിട്ടിരുന്നു വൈകിട്ട് സാധനങ്ങൾ വാങ്ങാൻ പോകാനായി….ഡോർ തുറന്നവളെ സീറ്റിലേക്ക് കിടത്തി വണ്ടിയെടുത്തവൻ ഹോസ്പിറ്റലിലേക്ക് പാഞ്ഞു…പോണ വഴിക്ക് മെരിച്ചേട്ടത്തിയേം വിളിച്ചറിയിച്ചു….
എത്തിയയുടൻ അവളെ ലേബർ റൂമിലേക്ക് കയറ്റി….
സ്ട്രെച്ച്റിൽ കിടത്തി കൊണ്ടുപോകുന്ന വഴി അവൾ തന്റെ കയ്യിൽ മുറുകെപിടിച്ചിരുന്നു…
“ ശബരിയേട്ടാ”
ഡോർ തുറന്നകത്തേക്ക് കയറ്റും മുന്നേ വേദന കൊണ്ടവൾ അലറിവിളിച്ച വിളി….താനത്രമേൽ കേൾക്കാൻ കൊതിച്ച വിളി…
ലേബർ റൂമിനു മുന്നിലിട്ട സീറ്റിലേക്കിരിമ്പോൾ കണ്ണുകൾ നിറഞ്ഞൊഴുകിയവന്റെ…
“ഒന്നും വരുത്തല്ലേ…നോവിക്കല്ലേ….ഒരുപാട് കരഞ്ഞവളാ..പൊന്നുപോലെ നോക്കിക്കോളാം ഞാൻ…അവളെയും കുഞ്ഞിനേയും ഒരു കുഴപ്പവും കൂടാതെ തന്നേക്കണേ…”
ഭിത്തിയിൽ തൂക്കിയിരുന്ന ക്രിസ്തീയ രൂപത്തിനുമുന്നിൽ നിറഞ്ഞൊഴുകുന്ന മിഴികളോട് കൈ കൂപ്പിയവൻ…
നേരം കടന്നുപോയികൊണ്ടിരുന്നു…
മേരിചെടത്തിയും തോമച്ചായനും അത്യാവശ്യം അമ്മയ്ക്കും കുഞ്ഞിനും വേണ്ട സാധനങ്ങളും വാങ്ങി അവിടേക്കെത്തി…
കൈക്കുള്ളിൽ മുഖം പൂഴ്ത്തിയിരിക്കുന്നവന്റെ തോളിൽ ഒന്നു കൈ വച്ചതും അവൻ മുഖമുയർത്തി നോക്കി…കണ്ണുകൾ ചുവന്നു കലങ്ങിയിരിക്കുന്നു…
“എന്നതാ സാറെ ഇത് കൊച്ചിങ്ങിപ്പോ വരൂലേ”
അവന്റെ ദേഷ്യവും മുരടിച്ച സ്വഭാവവും മാത്രം കണ്ടവർക്ക് ഇങ്ങനൊരു ഭാവം അന്യമായിരുന്നു…
“സമയം ഏകദേശം തികഞ്ഞതല്ലായിരുന്നോ..ഒരു കുഴപ്പോം ഉണ്ടാവുകേല അവരിപ്പോ ഇങ്ങെത്തും…”
മേരിചെടത്തി പറഞ്ഞു…
അതൊന്നും അവൻ കേൾക്കുന്നുപോലും ഉണ്ടായിരുന്നില്ല….
“ ഫിദ ശബരീനാഥ് ”
അവൻ പിടച്ചെഴുന്നേറ്റു…ഡോർ തുറന്നു വന്ന സിസ്റ്റർ നെ നോക്കി…
” ഫിദക്ക് പെൺകുഞ്ഞാണുട്ടോ….നോർമൽ
ഡെലിവറി ആയിരുന്നു..“
നെഞ്ചിലെ തീയൊന്നണഞ്ഞ പോലെ……
”ഫിദ “
” സുഖമായിട്ടിരിക്കുന്നു…കുറച്ചു കഴിഞ്ഞാൽ റൂമിലേക്ക് മാറ്റും…കട്ടൻ കാപ്പിയോ കട്ടൻ ചായയോ വാങ്ങിച് വച്ചോളു കൊടുക്കാൻ“
അതും പറഞ്ഞവർ അകത്തേക്ക് പോയി..അൽപനേരം കഴിഞ്ഞതും ഒരു വെള്ള ടർക്കിയിൽ പൊതിഞ്ഞ കുഞ്ഞുവാവയുമായി അവർ എത്തി…
ഇത്രയും ചെറിയ കുഞ്ഞിനെ കയ്യിൽ വാങ്ങാനുള്ള വിറയലോടെ അവൻ നിന്നപ്പോൾ മേരിയമ്മച്ചി കുഞ്ഞിനെ വാങ്ങിയവന്റെ കയ്യിലേക്ക് വച്ചു കൊടുത്തു…
കോട്ടൺ കാൻഡി പോലുള്ളയാ കുഞ്ഞുമുഖം കണ്ടതും ഉള്ളിലൊരു കുടം മഞ്ഞു വീണത് പോലെ അവനൊന്നു കുളിർന്നു…അവനറിയാതെയാ കുഞ്ഞുനെറ്റിയിൽ ചുണ്ടുചേർത്തു…മേരിയമ്മച്ചിയും തോമച്ചയാനുമത് ചിരിയോടെ നോക്കി നിന്നു…