ഫിദ ബ്രെസ്റ്റ് പമ്പെടുത്തു അവന്റെ കൈയിലേക്ക് കൊടുത്തു..
“ഇത്ര മതിയോടി…” അവനാ ബോട്ടിലിനു താഴെയുള്ള അല്പം പാൽ നോക്കി ചോദിച്ചു…
“മ്മ്മ്….കുഞ്ഞുവയറല്ലേ….”
പാൽ കുടിച്ചു കുഞ്ഞി മണി വീണ്ടും ഉറക്കമായി…
“നല്ല മധുരം”
“എന്ത്….”
“നിന്റെ ചുണ്ടിന്…”
അവളൊരു പിടപ്പോടെ മുഖം മാറ്റി…
“ഒന്നു കൂടെ എടുത്തോട്ടെ…”
“വെ…വേണ്ട..”
“മ്മ്മ്…എന്റെ കുഞ്ഞിപ്പോ വയ്യാത്തല്ലേ….ഒന്നുഷാറാവട്ടെ…തരംപോലെ ഞാൻവാങ്ങുന്നുണ്ടെല്ലാം. ….”അവളുടെ വിരൽത്തുമ്പു പിടിച്ചുമ്മവച്ചവൻ പറഞ്ഞു….
“വേദന കുറഞ്ഞോടി…” ബെഡ് താഴ്ത്തി വെച്ചെടുത്തേക്ക് വന്നു ചോദിച്ചു…
“ഇപ്പോ അറിയുന്നില്ല…”
“ഉറങ്ങിക്കോ….”
മേരിയമ്മച്ചി ഇതൊന്നുമറിയാതെ ബോധം കെട്ടുറക്കം ആണ്….ഇന്നലെ രാത്രി ഉറങ്ങാതിരുന്നതല്ലേ…ക്ഷീണം കാണും…ഓർത്തു കൊണ്ടവൻ അപ്പുറത്തെ ബെഡിലേക്ക് കിടന്നു..അവളെ നോക്കുമ്പോൾ ഉറക്കം പിടിച്ചിട്ടുണ്ട്…
“എന്നാണോ ഇനിയൊന്നു കയ്യിൽ കിട്ടുന്നെ….ഇതിപ്പോ പച്ചമീൻ കുട്ടക്ക് കാവലിരിക്കുന്ന പൂച്ചേടെ അവസ്ഥയായി”
കണ്ണുകളടച്ചതും അവനുമുറങ്ങി….ഇടക്ക് കുഞ്ഞിപ്പെണ്ണേണീച് കരയും..അവനുമെണീക്കും…പാൽ പിഴിഞ്ഞെടുത്തവൾ കൊടുക്കും…അങ്ങനെയവർ എങ്ങനെയൊക്കെയോ നേരം വെളുപ്പിച്ചു….
രാവിലെ അവർക്കുള്ള ആഹാരവും വാങ്ങിച്ചു കൊടുത്ത് കഴുകാനുള്ള തുണികളും എടുത്ത് അവൻ വീട്ടിലേക്ക് ഇറങ്ങി…കുളിച്ചു വേണ്ട ഡ്രെസ്സുമെടുത്തു തിരികെ ഹോസ്പിറ്റലിൽ എത്തി….
മടിയിൽ ഫ്രൂട്ട്സ് പ്ലേറ്റ് വച്ചു പെറുക്കി കഴിക്കുവായിരുന്നു ഫിദ…അവനെ കണ്ടതും മുഖം വിടർന്നു…മേരിയമ്മച്ചിടെ കയ്യിൽ നിന്നും കുഞ്ഞുമണിയെ വാങ്ങി അവളുടെ അടുത്തേക്കിരുന്നു….പാൽമണമുള്ള കുഞ്ഞുചുണ്ടിൽ ഒരുമ്മ കൊടുത്തിട്ടവൻ അവളെ നോക്കി…കുശുമ്പോടെ നോക്കിയിരിപ്പുണ്ട്…..അതു കണ്ടതും കുസൃതിയോടെ അവൻ കുഞ്ഞിപ്പെണ്ണിന്റെ മുഖമാകെ ഉമ്മ വച്ചു….ഒരു കൊട്ടക്കുണ്ട് മുഖമിപ്പോ…
“എന്നാടി….കുഞ്ഞിയോട് കുശുമ്പെടുക്കുന്നോ…”
അതു കേട്ടതുമവൾ മുഖം വെട്ടിതിരിച്ചു…നിറഞ്ഞ സ്നേഹത്തോടെയവൻ ഒന്നുയർന്ന കവിളിലും കൊടുത്തു….
“ഈ പിള്ളേര്…”
“എണീറ്റു പോയെടാ ചെറുക്കാ…പെറ്റു കിടക്കുന്ന പെണ്ണിനോടാ കിന്നാരം…”
അവളതിനൊന്ന് ചിരിച്ചു കൊടുത്തു…പഴേ ആൾകാരല്ലേ…
“ഡോക്ടർ റൗണ്ട്സ് നു വന്നിരുന്നു…നാളെ ഡിസ്ചാർജ് ആകുമെന്ന് പറഞ്ഞു…”
“മ്മ്മ്…നിന്റെ വേദനയൊക്കെ മാറിയിട്ട് പോയാലും മതി…പറയാം ഡോക്ടറോട്…”
“വേണ്ട…അത് കുറഞ്ഞോളും…പതിയെ അവന്റെകയ്യിൽ പിടിച്ചു നടന്നു കൊണ്ടാണവൾ പറയുന്നത്…
കുഞ്ഞിപ്പെണ്ണ് പകലെല്ലാം സുഖമായുറങ്ങും എന്നിട്ട് രാത്രിയാണ് അങ്കം…….
മേരിയമ്മച്ചിയവളെ ചൂട് വെള്ളത്തിൽ കുളിപ്പിച്ചിറക്കി…തല ഒന്നു നനഞ്ഞപ്പോൾ അവൾക്കാകെ ഒരു ആശ്വാസം…കുഞ്ഞിനെ കുളിപ്പിക്കാതെ തുടച്ചെടുക്കുന്നത് അവൾ നോക്കിനിന്നു….
പിറ്റേന്ന് രാവിലെ ഡിസ്ചാർജ് ആയി ഉച്ചയോടെ അവർ വീട്ടിലേക്ക് മടങ്ങി….
വീട്ടിൽ ചെന്നുകയറിയതും മേരിയമ്മയവളോട് അവന്റെ മുറി ഏതാ കൊച്ചേന്ന് ചോദിച്ചു അവൾ കാട്ടികൊടുത്തതും കുഞ്ഞിനേയും കൊണ്ടവർ മറ്റേ മുറിയിലേക്ക് കയറി…
”കൊച്ചേ…ഇനിയൊരു 3 മാസത്തേക്ക് അവനെ കൂടെ കിടത്തുവൊന്നും വേണ്ട…ഇവിടെ കിടന്നാൽ മതി…ഈ സമയത്തു കെട്ടിയോന്മാര് അടുത്തൊക്കെ കിടന്നാ കൊച്ചിന് തന്നെയാ അതിന്റെ കേട്….മേലുവേദനയൊന്നും പിന്നെ ജീവിതത്തിൽ മാറുകേലാ…..“
അവൾ തലകുലുക്കിയെങ്കിലും അവനില്ലാതെ തനിക്കുറങ്ങാൻ പറ്റുമോ എന്നോർത്തു….
മേരിയമ്മച്ചി സാധനങ്ങൾ അവിടെ വച്ചിറങ്ങുന്നത് കണ്ടാണവൻ അവിടേക്ക് വന്നത്…
”ഇതെന്നാടി ഇവിടെ…അപ്പുറത്തല്ലേ കുറച്ചൂടെ സൗകര്യം…“
”അമ്മച്ചി പറഞ്ഞു ഇവിടെ കിടക്കാൻ “
”അതെന്താ…“