“അമ്മുവോ… നീ എന്തൊക്കെയാടി പറയുന്നേ…?
കെട്ടി പിടിച്ചു നിന്ന അവളെ എന്നിൽനിന്നകറ്റി നിർത്തികൊണ്ട് ഞാൻ ചോദിച്ചു
ചേച്ചി : പറ്റില്ല ജോ എനിക്കിനി… പറയണ്ടെന്ന് കരുതിയതാ… ഇനിയും പറഞ്ഞില്ലേ ഞാൻ ചത്തു പോവുമെടാ… എനിക്ക് നീയില്ലാതെ പറ്റില്ലെടാ…സത്യമായിട്ടും…ഒരുപാട് ഇഷ്ടവാ നിന്നെ…നീയില്ലെ ഞാൻ ചത്തു പോവുമെടാ.. ഉറപ്പായും..
“നീയെന്താ പറഞ്ഞെ…. ഇഷ്ടാണെന്നോ…. അതൊന്നും ശരിയാവുകേല..”
വേഗന്ന് ഞാൻ അവളിൽ നിന്ന് വിട്ടുമാറി ബെഡിൽ ഇരുന്നു
ഇവളെന്തൊക്കെയാ വിളിച്ചു പറയുന്നേ.. ദേഷ്യം ആണെന്ന് കരുതി
ഞാൻ എന്റെ ചേച്ചിയെ പോലെയേ കണ്ടിട്ടുള്ളു ഇത്രയും കാലം… പക്ഷെ അവളെന്നെ ഒരനിയനെപോലെ തന്നെ അല്ലേ കാണുന്നത് എന്നെ എനിക്ക് സംശയം തോന്നാൻ തുടങ്ങിട്ട് കൊറച്ചു കാലമായി
എങ്കിലും എന്റെ വെറും സംശയം മാത്രമാവും അതെല്ലാമെന്ന് കരുതി ഞാൻ സമാധാനിച്ചുരുന്നു
തലക്ക് കൈ കൊടുത്തിരുന്നുഞാൻ ഇപ്പൊ നടന്നതെല്ലാം ആലോചിക്കാൻ തുടങ്ങി
പെട്ടെന്ന് ചേച്ചി നിലത്തേക്ക് വീണെന്റെ കാല് പിടിച്ചു
മുൻപത്തെതിലും ഉറക്കെ കരഞ്ഞുകൊണ്ട് എന്റെ കാലുരണ്ടും കൂട്ടി പിടിച്ചു കിടക്കുവാണ് ചേച്ചി
അവളെ തട്ടി മാറ്റാൻ ഞാൻ ശ്രമിച്ചു പക്ഷെ പിടിക്കുന്നതിന്റെ ശക്തി കൂടിയതല്ലാതെ ഒരല്പം പോലും കുറഞ്ഞില്ല
ചേച്ചി : പ്ലീസ് ജോ… എനിക്ക് മറക്കാൻ പറ്റില്ലെടാ നിന്നെ… ഒരുപാട് തവണ ഞാൻ ശ്രമിച്ചു നോക്കിയതാ.. പക്ഷെ… പക്ഷെ പറ്റിയില്ലെടാ.. നീയെന്നെ വിട്ട് പോകുമോന്ന പേടി കാരണമാ ജോ ഞാനൊന്നും പറയാതിരുന്നേ… എനിക്കറിയാം നിനെക്കെന്നെ വേറൊരു രീതിയിലും കാണാൻ പറ്റുകേലന്ന്… പക്ഷെ പറ്റിപ്പോയെടാ…
കരഞ്ഞു കൊണ്ട് ചേച്ചി ഓരോന്ന് പറയാൻ തുടങ്ങി
“മാറി നില്ലെടി…”
സകല ശക്തി എടുത്തു ഞാൻ ചേച്ചിയെ തള്ളി മാറ്റി… ഓർക്കപ്പുറത്ത് കിട്ടിയൊരു തള്ളലിൽ ചേച്ചി തെറിച്ചു വീണു
എവിടെയോ ഇടിക്കുന്ന ശബ്ദം കേട്ടെങ്കിലും തിരിഞ്ഞു പോലും നോക്കാതെ ഞാൻ റൂമിൽ നിന്ന് ഇറങ്ങി നടന്നു
കണ്ണുകളൊക്കെ പതിവിലധികം നിറഞ്ഞു വന്നു… മുമ്പിൽ കാഴ്ചകളൊക്കെ മങ്ങുന്നത് പോലെ… കാലുകളെ തളർച്ച പിടി കൂടി തുടങ്ങി
അങ്ങനൊരാവസ്ഥയിലായിരുന്നിട്ടും പോലും ഞാൻ കാറുമെടുത്ത് പുറത്തേക്കിറങ്ങി
ചേച്ചിയുടെ വാക്കുകൾ അത്രയേറെ എന്നെ വിഷമിപ്പിച്ചിരുന്നു
എവിടേക്ക് പോണമെന്നു അറിയാതെ ഞാൻ നിന്നു.. പിന്നെ അഖിലിന്റെ ഹോസ്റ്റലിലേക്ക് വണ്ടി വിട്ടു
വേറെ എവിടെ പോകണമെന്ന് എനിക്ക് അറിയില്ലായിരുന്നു… അവനെ ഫോണിൽ വിളിച്ചു വരാൻ പറഞ്ഞു ഞാൻ കാറിലിരുന്നു കരയാൻ തുടങ്ങി
സ്റ്റിയറിങ്ങിൽ തലതല്ലി കരയുന്ന എന്നെ കണ്ടുകൊണ്ടാണ് അഖിൽ ഓടി വന്നത്
ജീവിതത്തിൽ ആദ്യമായിട്ടാണ് ഞാനിതുപോലൊരാവസ്ഥയിലൂടെ കടന്നു പോകുന്നത്.. അതുകൊണ്ട് തന്നെ ഇതിനെയെങ്ങനെ മറികടക്കണമെന്ന് എനിക്കൊരു എത്തും പിടിയും കിട്ടിയില്ല
പാതി ബോധത്തിൽ ഞാനറിഞ്ഞു ആരൊക്കെയോ കൂടിയെന്നെ താങ്ങിയെടുത്തൊരു ബെഡിൽ കിടത്തുന്നത്
ഇടക്കെപ്പോഴോ ബോധം വന്നപ്പോ മങ്ങിയ കാഴ്ച്ചയിൽ കണ്ടു തലയ്ക്കു മുകളിൽ കറങ്ങുന്ന ഫാൻ
അതിന്റെ തണുപ്പിൽ ഞാനൊന്ന് മയങ്ങി
പിന്നെ കണ്ണ് തുറക്കുന്നത് അഖിലിന്റെ ശബ്ദം കേട്ടാണ്
ഉറക്കച്ചടവിൽ ഞാൻ പാതി എണീറ്റ് നോക്കിയപ്പോ കണ്ടു വാതിൽക്കൽ നിന്നുകൊണ്ടവൻ ആരോടോ ഫോണിൽ സംസാരിക്കുന്നത്
മെല്ലെ എണീറ്റിരുന്ന് ഞാൻ ചുറ്റിനും നോക്കി
അതികം വലുപ്പമില്ലാത്ത ഒരു മുറിയും ഒരു കട്ടിലും.. അതിലാണ് ഞാൻ കിടക്കുന്നത്
അടുത്തായുള്ള ബെഞ്ചിലും ഷെൽഫിലും നിരന്നു കിടക്കുന്ന പുസ്തകങ്ങളും തുണികളും
തുറന്നിട്ട ജനലിലൂടെ എന്റെ മുഖത്തേക്കടിക്കുന്ന സൂര്യപ്രകാശം എനിക്ക് ശല്യമായി തോന്നി
പെട്ടെന്നാണ് ഇന്നലത്തെ കാര്യങ്ങൾ എല്ലാം എന്റെ ഓർമ്മയിലേക്ക് വന്നത്
നടന്നതൊക്കെ ഓർത്തെന്റെ കണ്ണ് നിറഞ്ഞു.. ചേച്ചിയുടെ വാക്കുകൾ ഓർമ്മ വന്നപ്പോ മനസ്സിലെവിടെയോ ഒരു ദേഷ്യം ഉടലെടുത്തു
അപ്പോളാണ് ഞാൻ മറ്റൊരു കാര്യം ഓർത്തത്
ഇപ്പൊ നേരം വെളുത്തിരിക്കുന്നു
ഞാൻ ഇന്നലെ ഫ്ലാറ്റിൽ നിന്നിറങ്ങിയപ്പോ രാത്രി ആയിരുന്നു.. ഇത്രയും സമയം ഞാൻ അഖിലിന്റെ കൂടെ ആയിരുന്നു
മനസ്സിലേക്ക് ചേച്ചിയുടെ വാക്കുകൾ കേറി വന്നു
“എനിക്ക് നീയില്ലാതെ പറ്റില്ലെടാ…സത്യമായിട്ടും…ഒരുപാട് ഇഷ്ടമാ നിന്നെ…നീയില്ലെ ഞാൻ ചത്തു പോകുമെടാ.. ഉറപ്പായും..”
ചേച്ചിയുടെ അപ്പോഴത്തെ മാനസികാവസ്ഥ എനിക്കിപ്പോഴാണ് മനസിലായത്…
ഞാൻ ആണെങ്കിൽ അപ്പോഴത്തെ ദേഷ്യത്തിൽ ഇറങ്ങി പോരുകയും ചെയ്തു
ചേച്ചി പറഞ്ഞത് പോലെ എന്നെ നഷ്‍ടമായി എന്ന തോന്നലിൽ അവളെന്തെങ്കിലും ചെയ്തു കാണുമോ എന്ന് ഞാൻ ഭയന്നു
എന്റെ കൈകൾ വിറക്കാൻ തുടങ്ങി.. എണീക്കാൻ ശ്രെമിച്ചെങ്കിലും പറ്റുന്നുണ്ടായിരുന്നില്ല
അവസമായി മുറിവിട്ടിറങ്ങുമ്പോൾ ഞാൻ കേട്ടത് ശക്തിയായി എവിടെയോ എന്തോ ഇടിക്കുന്ന ശബ്ദവും ചേച്ചിയുടെ അടക്കി പിടിച്ചുള്ള കരച്ചിലുമാണ്…
അവളുടെ നിലവിളി എന്റെ തലക്ക് ചുറ്റും കറങ്ങുന്നതായി എനിക്ക് തോന്നി
ശക്തിയായി ബെഡിൽ അടിച്ചുകൊണ്ട് ഞാൻ ചാടി എണീറ്റു.. എങ്കിലും ബാലൻസ് തെറ്റി ഞാൻ വീഴാൻ പോയി
അപ്പോളേക്കും അഖിലെന്നെ വന്നു പിടിച്ചിരുന്നു
അഖിൽ : ജോ നീ ഓക്കേ അല്ലേ…കൊഴപ്പമൊന്നുമില്ലല്ലോ..?
അവനെന്നോട് ചോദിച്ചു.. എന്റെയീ അവസ്ഥ
കണ്ടുള്ള ഒരു പേടി അവന്റെ ശബ്ദത്തിൽ നിഴലിച്ചിരുന്നു
“കൊഴപ്പമില്ലെടാ.. എനിക്ക് പോണം… ചേച്ചി.. ചേച്ചിയവിടെ ഒറ്റക്ക…”
അവനെ പിടിച്ചു നിന്നുകൊണ്ട് ഒരുവിധം ഞാൻ പറഞ്ഞൊപ്പിച്ചു
അഖിൽ : നീയൊന്ന് ആദ്യം ഇവിടെ ഇരിക്ക്‌…ഒന്ന് വിശ്രമിക്ക് നീ
അവനെന്നെ ആശ്വസിപ്പിക്കാൻ ശ്രമിക്കുന്നുണ്ടായിരുന്നില്ല.. പക്ഷെ അതൊന്നും എന്റെ തലയിൽ കേറിയില്ല.. ചേച്ചിക്ക് എന്തോ സംഭവിച്ചെന്ന് എന്റെ മനസ്സ് പറഞ്ഞുകൊണ്ടിരുന്നു
“വേണ്ടെടാ..ചേച്ചി ഒറ്റക്ക…”
അഖിൽ : ദയേച്ചി ഒറ്റക്കല്ല…ഇന്നലെ അമ്മുവും അമിതയും ചേച്ചിയുടെ കൂടെ ഉണ്ടായിരുന്നു
അവൻ പറഞ്ഞത് കേട്ട് വിശ്വാസം വരാതെ അവനെ ഞാൻ നോക്കി
അഖിൽ : നേരാ ജോ.. ഇന്നലെ നീ ഇവിടെ വന്ന അവസ്ഥ നിനക്ക് ഓർമ്മ ഒണ്ടോ… കരഞ്ഞു തളർന്നു നിനക്ക് വല്ലതും ആയിപോകുമോ എന്ന് വരെ ഞാൻ പേടിച്ചുപോയി… പിന്നെ ഞാനും സെക്യൂരിറ്റിയും കൂടിയ നിന്നെ ഇവിടെ കൊണ്ട് വന്നു കിടത്തിയത്
ഇതെല്ലാം എനിക്ക് പുതിയ അറിവായിരുന്നു
“അതെന്താ..?
അഖിൽ : എന്താന്നോ… എണീറ്റു നിക്കാൻ പോലും പറ്റാത്ത വിധം നീ തളർന്നു പോയിരുന്നു… അല്ല മോനെ.. ആ അവസ്ഥയിൽ നീയെങ്ങനാ വണ്ടിയൊടിച്ചു ഇവിടെ വരെ വന്നത്
“എനിക്ക് അറിയില്ലെടാ ഒന്നും.. ഓർമ്മ കിട്ടുന്നില്ല…”
തലക്ക് കൈ വെച്ചുകൊണ്ട് ഞാൻ കട്ടിലിൽ ഇരുന്നു… അമ്മുവും അമിതയും ചേച്ചിയുടെ കൂടെ ആണെന്ന് അറിഞ്ഞപ്പോ മനസ്സിലെവിടെയോ ഒരാശ്വാസം തോന്നി
