“ജോ…!
തലകുനിച്ചിരിക്കുമ്പോൾ ആയിരുന്നു ചേച്ചിയുടെ വിളി കേട്ടത്… പതിയെയുള്ള വിളിയിൽ നിന്ന് തന്നെ മനസിലാക്കാം ചേച്ചി എത്ര മാത്രം അവശയായിരുനെന്ന്
ഞാൻ നോക്കുമ്പോൾ കണ്ടത് എന്നെ നോക്കി കണ്ണ് നിറച്ചു കിടക്കുന്ന ചേച്ചി ആയിരുന്നു
അത് കൂടെ കണ്ടപ്പോ എന്ത് പറയണമെന്നറിയാതെ ഞാൻ ഇരുന്നു
എങ്കിലും അവളുടെ കൈ രണ്ടും കൂട്ടിപ്പിടിച്ചുകൊണ്ട് പറഞ്ഞു
“സോറി…”
അത് മാത്രമേ എനിക്ക് പറയാൻ ഉണ്ടായിരുന്നുള്ളു
ചേച്ചി : എന്തിനാ ജോ… ഞാനല്ലേ അത് പറയേണ്ടത്… എല്ലാത്തിനും കാരണം ഞാനല്ലേ… ആർക്കും വേണ്ടാത്ത ഒരു പാഴ് ജന്മത്തിന് ജീവിക്കാൻ ഒരവസരം കൊടുത്തത് കൊണ്ടല്ലേ ഇങ്ങനെ ഓക്കേ ഉണ്ടായത്… അല്ലായിരുന്നെങ്കിൽ എന്നേ അവസാനിപ്പിച്ചേനെ ഈ ജീവിതം…
കരച്ചിലടക്കാൻ പാട് പെട്ടുകൊണ്ട് ചേച്ചി പറഞ്ഞു
അവളുടെ കയ്യിൽ ഒരല്പം ബലത്തിൽ തന്നെ ഞാൻ പിടിച്ചു.. പിന്നെ മുഖത്തൊരു ചിരി വരുത്തികൊണ്ട് ചേച്ചിയുടെ ചെവിയിൽ പതിയെ പറഞ്ഞു
“അങ്ങനെ ചത്താൽ എനിക്ക് പിന്നെ ആരുണ്ടെടി ചേച്ചി..”
കേട്ടത് വിശ്വസിക്കാനാവാതെ എന്നെ തന്നെ നോക്കി കിടക്കുകയായിരുന്നു ചേച്ചി…
എൻെറ വാക്കുകളുടെ അർത്ഥം മനസിലാക്കിയതും
അടക്കി പിടിക്കാൻ ശ്രമിച്ച കരച്ചിൽ ഒറ്റയടിക്ക് അണപ്പൊട്ടി പുറത്തേക്കൊഴക്കികൊണ്ടെന്നേ കെട്ടി പിടിച്ചു
ഇന്നലെ പിടിച്ചതിലും ശക്തിയിൽ
ചേച്ചിയുടെ ചൂടിലും കെട്ടിപ്പിടിത്തത്തിലും എനിക്ക് വീർപ്പുമുട്ടിയെങ്കിലും ഞാനതെല്ലാം ആസ്വദിക്കാൻ തുടങ്ങിയിരുന്നു
ഇതാണെന്റെ ചേച്ചി… ഞാൻ സ്നേഹിച്ച…
എന്നെപ്പോലുമറിയിക്കാതെ എന്നെ സ്നേഹിച്ച എന്റെ ചേച്ചി… ജോമോന്റെ മാത്രം ചേച്ചി
അന്ന് മുതൽ ഞാൻ അറിയാനും അനുഭവിക്കാനും ശ്രമിക്കുകയായിരുന്നു ചേച്ചിയെ… മുൻപത്തേക്കാൾ എത്രയോ മനോഹരമായിരുന്നു പിന്നീടുള്ള ജീവിതം
പക്ഷെ അധിക കാലം അത് തുടർന്ന് പോയില്ല.. ചേച്ചിയുടെ കല്യാണം നിശ്ചയിക്കാൻ അച്ഛനുമമ്മയും കൂടി തീരുമാനിച്ചു
ഇതറിഞ്ഞ ദിവസം എന്നെ ചുറ്റിപ്പിടിച്ചു കരഞ്ഞ ചേച്ചിയുടെ മുഖം ഒരിക്കലും ഞാൻ മറക്കില്ല… ഇനിയും ആ കണ്ണുകൾ നിറയാതിരിക്കാൻ ഞാൻ ഒരു തീരുമാനമെടുത്തു
ചേച്ചി അറിയാതെ ഞാൻ നാട്ടിലേക്ക് പോയി.. അമ്മയെയും അച്ഛനെയും കണ്ടു
വരുന്നത് വരട്ടെ എന്ന് കരുതി ഞങ്ങൾ തമ്മിലുള്ള ഇഷ്ടത്തേക്കുറിച്ച് പറഞ്ഞു
വിചാരിച്ചത് പോലെ തന്നെ വലിയൊരു ഭൂകമ്പം തന്നെ ഉണ്ടായെങ്കിലും എന്റെ അമ്മയും അച്ഛനുമല്ലേ അവർ….പിന്നെ ഞാൻ സ്നേഹിച്ചത് മറ്റാരെയും അല്ലല്ലോ…. ഈ കുടുംബത്തിൽ തന്നെ വളർന്ന ഒരുവളെ അല്ലേ
വീട്ടിൽ നിന്ന് പച്ചക്കൊടി കിട്ടിയത അടുത്ത നിമിഷം തന്നെ ട്രെയിൻ കയറി ബാംഗ്ലൂരിലേക്ക്
എന്നത്തെയും പോലൊരു വഴക്കും കഴിഞ്ഞു പിണങ്ങി മാറി നിന്ന ചേച്ചിയോട് നാട്ടിൽ പോയ കാര്യവും അമ്മയും അച്ഛനും സമ്മതിച്ച കാര്യവും പറഞ്ഞു
അന്ന് ചേച്ചിയുടെ കണ്ണിൽ കണ്ട തിളക്കം പിന്നീട് ഞാൻ കാണുന്നത് ഒന്നര വർഷത്തിന് ശേഷം നാട്ടിലെ പള്ളിയിൽ വെച്ച് അപ്പന്റെയും അമ്മയുടെയും ചേട്ടന്റെയും ചേട്ടത്തിയുടേം പിന്നെ അവരുടെ വാവയുടയും മുൻപിൽ വച്ച് അവളുടെ കഴുത്തിൽ മിന്ന് കെട്ടുമ്പോൾ ആയിരുന്നു
പടുത്തത്തിൽ ഉഴപ്പ് കാണിക്കുമ്പോഴും വികൃതി കാണിക്കുമ്പോഴും അവളെന്നിക്ക് ചേച്ചി ആണ്.. അല്ലാത്തപ്പോ പറഞ്ഞറിയിക്കാൻ പറ്റാത്ത വേറെ എന്തൊക്കെയോ ഒരു വികാരമാണെനിക്ക്
ചേച്ചിയോടുള്ള എന്റെ ഇഷ്ടം മനസിലാക്കിയ നിമിഷം മുതൽ ഞാൻ ആകെ മാറിപോയിരുന്നു… കാരണം….
“പ്രണയം എന്നും ഒരു പൈങ്കിളി ആണ്…!
