“ടാ എന്റെ പ്ലസ് ടു എക്സാം കഴിഞ്ഞ സമയത്താ ചേച്ചിക്ക് ഇവിടെ ജോലി കിട്ടിയത്.. ഒറ്റക്ക് എങ്ങനെയാ ഇതുപോലൊരു സിറ്റിയിൽ വന്നു നിൽക്കുന്നതെന്ന് പറഞ്ഞു അച്ഛനും അമ്മയും കൂടെ എന്നെ ഇവളുടെ കൂടെ ഇങ്ങോട്ട് വിട്ടു… പിന്നെ നാട്ടിൽ അഡ്മിഷൻ കിട്ടിയെങ്കിലും ചേച്ചി ഒറ്റക്ക് ആവുമല്ലോ എന്ന് കരുതി പോയില്ല.. ഇവിടുത്തെ ഏതെങ്കിലും കോളേജിൽ തന്നെ ചേരാമെന്ന് കരുതി.. പക്ഷെ അപ്പോഴേക്കും ടൈം കഴിഞ്ഞിരുന്നു..പിന്നെ ഒരുവർഷം വെയിറ്റ് ചെയ്തു.. അങ്ങനെ ആണ് ആ വർഷം പോയത്..”
അമിത : ശെരിക്കും ഇപ്പൊ നിനക്ക് എത്ര വയസ്സുണ്ടിപ്പോ…
“വയസ്സൊക്കെ എന്തിനാടി.. എന്തായാലും നിന്നെക്കാളും ഒരു വയസ്സിനു മൂപ്പ് കാണും..”
അമ്മു : അയ്യെടാ… ദേ നോക്കിയേ ജെസ്നേ.. മൂപ്പുള്ള ഒരാൾ
എന്നെ കളിയാക്കികൊണ്ട് എല്ലാം കൂടിരുന്നു ചിരിക്കാൻ തുടങ്ങി… എനിക്ക് എന്തിന്റെ കേടായിരുന്നു ഈ മണ്ടൂസുകളുടെ അടുത്ത് ജീവചരിത്രം എഴുന്നള്ളിക്കാൻ
അപ്പോളേക്കും എല്ലാവർക്കുമുള്ള ചായയുമായി ചേച്ചി തിരിച്ചു വന്നിരുന്നു
അഖിൽ : എന്താ ദയേച്ചി ഇന്ന് സ്പെഷ്യൽ…?
ഈ മലരൻ വാ തുറക്കുന്നത് തിന്നാനും ചളിയടിക്കാനും മാത്രമാണോ..
ചേച്ചി : ബിരിയാണി ഉണ്ടാക്കാടാ…
ജെസ്ന : ശെരിക്കും…
ജെസ്ന ഇരുന്നിടത്തു നിന്ന് തുള്ളിചാടാൻ തുടങ്ങി
“നിനക്കൊക്കെ ബിരിയാണി ഇത്രക്ക് ഇഷ്ടാണോ…?
അമിത : ഞങ്ങൾക്കല്ല ജോ.. അമ്മുവിന്.. ബിരിയാണിയെന്ന് പറഞ്ഞാ പെണ്ണ് ചാവും
ഞാൻ അമ്മുവിനെ നോക്കി…ആദ്യരാത്രിയിൽ ചെക്കന്റെ മുൻപിലിരിക്കുമ്പോൾ പെണ്ണിന്റെ മുഖത്തു കാണുന്നത് പോലൊരു നാണം അവളുടെ മുഖത്തു കണ്ടു
അഖിൽ : ആഹ്.. പെണ്ണിന്റെ നാണം നോക്കിക്കേ… ബിരിയാണി കൊതിച്ചി ആണോടി നീ
“എന്നാ മിക്കവാറും ആ കൊതി ഇന്ന് മാറും… ചേച്ചി ഉണ്ടാക്കുന്ന ബിരിയാണിയാ… നിനക്ക് പിന്നെ ജീവിതത്തിലിനി ബിരിയാണി തിന്നണമെന്ന് തോന്നില്ല..”
കിട്ടിയ അവസരത്തിൽ ചേച്ചിയെ ഒന്ന് കളിയാക്കിയത് ആണെങ്കിലും ചേച്ചിയുടെ മുഖം കണ്ടപ്പോ ഏറ്റില്ല എന്ന് മനസിലായി
സാധാരണ ദേഷ്യം പിടിക്കാറാണ് പതിവ് പക്ഷെ ഇന്നെന്തോ ചേച്ചി ഒന്നും മിണ്ടാതെ ചെറിയൊരു ചിരിയോടെ നിൽക്കുകയാണ് ചെയ്തത്
മുഖത്തു ചിരി ഉണ്ടെങ്കിലും ഉള്ളിലെവിടെയോ എന്തോ ഒരു വിഷമം ഉള്ളതായി എനിക്ക് തോന്നി
എന്റെ തോന്നൽ തെറ്റായിരുന്നില്ല.. ചിരിക്കുന്ന ചുണ്ടുകൾ ഉണ്ടെങ്കിലും ചേച്ചിയുടെ കണ്ണുകൾ ചെറുതായി ചുവന്നത് ഞാൻ കണ്ടു
പെട്ടെന്ന് തന്നെ ചേച്ചി തിരിഞ്ഞു നടന്നു.. എന്തോ ആ പോക്ക് കണ്ടപ്പോ എനിക്കൊരു വയ്യായിക തോന്നി
ബാക്കി ഉള്ളവരെ നോക്കിയപ്പോ എല്ലാവരും അവരവരുടെതായ ലോകത്ത് ആയിരുന്നു
ഞാൻ വേഗം എണീറ്റു അടുക്കളയിലേക്ക് പോയി
പക്ഷെ അടുക്കളയിൽ ചേച്ചി ഉണ്ടായിരുന്നില്ല
ചേച്ചിയുടെ മുറിയിൽ പോയി നോക്കി.. അവിടെയും കണ്ടില്ല.. തിരിച്ചിറങ്ങാൻ തുടങ്ങുമ്പോൾ ആയിരുന്നു ബാത്റൂമിൽ നിന്ന് വെള്ളം വീഴുന്ന ശബ്ദം കേട്ടത്
അപ്പൊ മനസിലായി ആളതിൽ കാണുമെന്നു
ചേച്ചി തിരിച്ചിറങ്ങുന്നത് വരെ ഞാൻ അവിടെ കാത്തു നിന്നു
അല്പം കഴിഞ്ഞപ്പോ വാതിൽ തുറന്നവൾ പുറത്തിറങ്ങി
ഒരു റോസ് ബനിയൻ ആയിരുന്നു ഇട്ടിരുന്നത്.. അതിലൊക്കെ വെള്ളം വീണ പാടുകൾ കാണാമായിരുന്നു
മുഖം കഴുകി ഇറങ്ങിയതാണ് ചേച്ചി.. മുഖത്തു വെള്ളത്തുള്ളിൽ ഇപ്പോഴും അവശേഷിച്ചിരുന്നു.. കണ്ണുകളൊക്കെ ചുവന്നു കലങ്ങി തന്നെ ആണ് കിടക്കുന്നത്
അത് കണ്ടപ്പോ എനിക്ക് തന്നെ വിഷമം തോന്നി
ചേച്ചി : നീയെന്താ ജോ ഇവിടെ നിൽക്കുന്നെ.. അവരൊക്കെ അവിടെ ഇരിക്കുവല്ലേ
എനിക്ക് നേരെ മുഖം തരാതെ ചേച്ചി പറഞ്ഞു…
എന്നെ നോക്കിയാൽ കരഞ്ഞു കലങ്ങിയ കണ്ണുകൾ ഞാൻ കണ്ടുപിടിച്ചാലോ എന്ന പേടിയാണ്
ഞാൻ ചേച്ചിയുടെ മുൻപിലേക്ക് നിന്നു
സാധാരണയായി ഞാൻ നിൽക്കുന്നതിലും അടുത്തായി ഞാൻ നിന്നു
എന്താ എന്ന ഭാവത്തിൽ ചേച്ചി എന്നെ മുഖമുയർത്തി നോക്കി
ചേച്ചിയുടെ കവിളിൽ പറ്റിയിരുന്ന വെള്ള തുള്ളികൾ ഇടതു കൈ കൊണ്ട് ഞാൻ തുടച്ചു
എന്തോ.. എനിക്ക് അപ്പൊ അങ്ങനെ ചെയ്യാനാണ് തോന്നിയത്