അമിത : ദയേച്ചി ഒന്ന് ഇങ്ങട് വരോ…?
അടുക്കളയിൽ നിന്ന് അമിത വിളിച്ചു ചോദിച്ചു
ചേച്ചി : ഹാ വരാം…
തിരിച്ചു മറുപടി പറഞ്ഞുകൊണ്ട് ചേച്ചി എന്നെന്നോക്കി
“എന്താ..?
അപ്പോളാണ് ചേച്ചിയുടെ ചുരുട്ടി പിടിച്ച വലം കൈ എനിക്ക് നേരെ നീതിയത്
എന്താണെന്ന ഭാവത്തിൽ ഞാനവളെ നോക്കി
എന്റെ നോട്ടം മനസിലാക്കിയെന്നവണ്ണം ചേച്ചി കൈ തുറന്നു
ചുരുട്ടി പിടിച്ചു കയ്യിൽ ഒരുപിടി അണ്ടിപ്പരിപ്പും മുന്തിരിയും ആയിരുന്നു
നെയ്യിൽ വറുത്തത് കൊണ്ട് അവളുടെ കൈ വെള്ളയിൽ എണ്ണ പറ്റിയിരുന്നു.. വെട്ടമടിച്ചത് തിളങ്ങുന്നതായി തോന്നി
ചേച്ചി : എടുത്തോ… ഇനി ഇത് കിട്ടിയില്ലെന്നു പറഞ്ഞു കൊതികുത്തി നടക്കണ്ട
ഞാൻ അത് വാങ്ങാതെ കൈ കെട്ടി നിന്നു
ഇനിയെന്താ എന്ന ഭാവത്തിൽ അവളെന്നെ നോക്കി
അപ്പോൾ ഞാൻ വാ പൊളിച്ചു കാണിച്ചു
അത് കണ്ട് ഒന്ന് ചിരിച്ചുകൊണ്ട് കയ്യിലുള്ളതെല്ലാം എനിക്ക് വായിൽ വെച്ചു തന്നു
എന്നിട്ട് കയ്യിലെ എണ്ണ മുഴുവൻ എന്റെ കുറ്റി താടിയിൽ തേച്ചിട്ട് ചേച്ചി ഓടി
“ടി ചേച്ചി..”
അവളുടെ പിറകെ ഓടാൻ പോകുന്നത് പോലെ ഞാൻ ഭാവിച്ചു.. അപ്പോളേക്കും അവൾ അടുക്കളയിൽ എത്തിയിരുന്നു
പിന്നെ വായിൽ ഉള്ളത് ചവച്ചുകൊണ്ട് ഞാൻ കവിളിലെ എണ്ണ തുടച്ചുകൊണ്ട് നിന്നു
ഞാൻ പോലുമറിയാതെ മനസ്സൊക്കെ നിറഞ്ഞത് പോലെ… സന്തോഷം മാത്രം തോന്നുന്ന നിമിഷങ്ങൾ.. ശെരിക്കും ഞാനതെല്ലാം ആസ്വധിക്കുകയായിരുന്നു
ഉച്ചയാവറായപ്പോഴേക്കും ഭക്ഷണമൊക്കെ റെഡിയായി ഞങ്ങൾ കഴിക്കാൻ തുടങ്ങിയിരുന്നു… ഞാൻ അമ്മുവിനോട് പറഞ്ഞത് പോലെയൊന്നുമായിരുന്നില്ല ചേച്ചിയുടെ ബിരിയാണി
ഞാൻ കുറ്റം പറഞ്ഞത് കൊണ്ടാണെന്നു തോന്നുന്നു അവൾ വേറെന്തെക്കെയോ ചേർത്തിട്ടുണ്ട് ഇതിൽ…എന്നത്തേയും പോലെയല്ല.. വേറെന്തോ ഒരു പ്രത്യേക രുചി
എല്ലാം കഴിഞ്ഞൊരു മൂന്ന് മണിവരെ അവർ ഞങ്ങടെ കൂടെ ഉണ്ടായിരുന്നു
ഹാളിലിരുന്നെല്ലാവരും ഓരോ തമാശകൾ പറയാൻ തുടങ്ങി
അതെല്ലാം കേട്ട് എന്റെ അടുത്തിരുന്ന് ചേച്ചി ചിരിച്ചു മറിയുകയായിരുന്നു
അവരെല്ലാം പോയി കഴിഞ്ഞപ്പോ പെട്ടെന്നൊരു ശാന്തത വെന്നത് പോലെ തോന്നി..ഒരുതരം ഒറ്റപ്പെടൽ
പക്ഷെ അത് പോകാൻ അധികം നേരമൊന്നും വേണ്ടി വന്നില്ല… ഞാനും ചേച്ചിയും കൂടി പഴയ പരുപാടി തന്നെ തുടങ്ങി
ഒടുക്കമൊരു തല്ലും കഴിഞ്ഞ് എല്ലാം ഒതുങ്ങി വന്നപ്പോഴേക്കും രാത്രി എട്ട് മണി കഴിഞ്ഞിരുന്നു
ഉച്ചക്കത്തേതിന്റെ ബാക്കിയും കഴിച്ച് ഞാൻ കേറി കിടന്നു
പിന്നെ എപ്പോഴോ ചേച്ചിയും വന്നെന്റെ അടുത്തുകിടന്നു
സമയം ഏറെ കഴിഞ്ഞിട്ടും എനിക്ക് ഉറക്കം വരുന്നില്ലായിരുന്നു… ചേച്ചിയും ഉറങ്ങി കാണില്ലെന്ന് എനിക്ക് തോന്നി
അന്നത്തെ ദിവസത്തെ സംഭവങ്ങൾ എല്ലാം കൂട്ടിയും കിഴിച്ചും നോക്കിയിട്ടേ പുള്ളിക്കാരി സാധാരണ ഉറങ്ങാറുള്ളു
ഇപ്പോളും എന്തേലുമൊക്കെ ആലോചിച്ചു കിടക്കുക തന്നെ ആവും
സംശയം തെറ്റിയില്ല… മെല്ലെ തിരിഞ്ഞു നോക്കിയപ്പോ കണ്ടു മുകളിലേക്ക് നോക്കി കണ്ണു തുറന്നുകിടക്കുന്ന ചേച്ചിയെ
“ടി നീ ഉറങ്ങിയില്ലേ..?
ചേച്ചി : ഇല്ലെടാ ഉറക്കം വരുന്നില്ല
“അതെന്താ ഇപ്പൊ അങ്ങനെ…?
ചേച്ചി : വെറുതെ.. ഓരോന്നാലോചിച്ചു കിടക്കുവായിരുന്നു..
“നീയിപ്പോ അമ്മുവിനെക്കുറിച്ചല്ലേ ഓർത്തത്..?
വെറുതെ ഒരു വഴക്കിടാൻ വേണ്ടി ഞാൻ അമ്മുവിന്റെ പേരെടുത്തിട്ടു
പക്ഷെ എന്റെ പ്ലാനുകൾ എല്ലാം എട്ട് നിലയിൽ പൊട്ടി താഴെ പോയി
അത്ഭുതത്തോടെ വാ പൊളിച്ചെന്നെ നോക്കുവായിരുന്നു ചേച്ചി
ചേച്ചി : നിനക്കെങ്ങനെ മനസിലായി..?
“ഏഹ്.. ഇതൊക്കെ എന്ത്…. ഞാനിങ്ങനെ ഇടക്കിടെ മൈൻഡ് റീഡിങ് ഓക്കേ നടത്താറുണ്ട്..”
അല്പം ജാടയിട്ടുകൊണ്ട് ഞാൻ പറഞ്ഞു
ചേച്ചി : ഒന്ന് പോടാ.. മൈൻഡ് റീഡിങ്.. വെറുതെ ചക്ക ഇട്ടപ്പോ മുയല് ചത്തെന്ന് പറഞ്ഞത് പോലെയാ നിന്റെ കാര്യം
എന്റെ ജാഡയെ പുച്ഛിച്ചു തള്ളിക്കൊണ്ട് ചേച്ചി പറഞ്ഞു
“ചക്കയാണോ മുയലാണോ എന്നൊന്നും എനിക്കറിയുകേല.. പക്ഷെ ഞാൻ പറഞ്ഞത് സത്യം ആയിരുന്നു… നീ അമ്മുവിനെക്കുറിച്ചോർത്തു കൊണ്ട് കിടക്കുവായിരുന്നു… ഇനി പറ എന്താ ആലോചിച്ചത്..?
ചേച്ചി : കാര്യമായി ഒന്നുമോർത്തില്ല… വെറുതെ നിനക്ക് ഇഷ്ടം തോന്നാൻ മാത്രം എന്താ അവൾക്കുള്ളത് എന്ന് ആലോചിക്കുവായിരുന്നു
ചേച്ചി നഖം കടിച്ചുകൊണ്ട് ചോദിച്ചു
“അതിന് നീയിവിടെകിടന്ന് ആലോചിച്ചിട്ട് എന്ത് കാര്യം.. എന്നോട് ചോദിച്ചാൽ പോരെ..”
ചേച്ചി : ആണോ… എന്നാ പറ… അവൾക്ക് എന്താ ഇത്ര സ്പെഷ്യൽ ആയിട്ടുള്ളത്..?
മുത്തശ്ശി കഥ കേൾക്കാനിരിക്കുന്ന കുട്ടിയുടെ ഭാവത്തോടെ ചേച്ചിയെന്റെ വാക്കുകൾക്ക് വേണ്ടി കാത്തിരുന്നു
“അധികമൊന്നുമില്ല…ആരും നോക്കി പോകുന്ന സൗന്ദര്യം ഒണ്ട് അമ്മുവിന്..”
അത് കേട്ടപ്പോ സ്ത്രീജനഹമായി കണ്ടു വരുന്ന കുശുമ്പിന്റെ അസുഖം ചേച്ചിയിലും മുളയിട്ടു
ചേച്ചി : അതെന്താ അങ്ങനെ…നിന്റെ പറച്ചിൽകേട്ടാൽ തോന്നും എനിക്കൊന്നും സൗന്ദര്യം ഇല്ലെന്ന്…
ചേച്ചി പറഞ്ഞതിലും കാര്യമുണ്ട്.. ഇവരെ രണ്ടു പേരെയും പിടിച്ചു നിർത്തിയാൽ അല്പം കൂടെ സൗന്ദര്യം കൂടുതൽ ചേച്ചിക്ക് ആണ്.. എങ്കിലും നമ്മള് വിട്ട് കൊടുക്കാൻ പാടില്ലല്ലോ
“അതൊന്നും പറഞ്ഞിട്ട് കാര്യമില്ല മോളെ… എന്തോ അവൾക്ക് ഒരു പ്രത്യേക തരം ആകർഷണം ഒണ്ട്..”
ചേച്ചി : ഹ്മ്മ്… വേറെ എന്തൊക്കെ ഒണ്ട്
അല്പം നിരാശ ഭാവത്തോടെ ചേച്ചി എന്നോട് ചോദിച്ചു
ചേച്ചിയുടെ ഈ ഭാവമെല്ലാം എന്റെ മനസ്സിലെ സംശയം കൂട്ടികൊണ്ടേ ഇരുന്നു… ഇന്നും ഇന്നലെയും തുടങ്ങിയ സംശയം അല്ല.. കൊറച്ചു കാലമായി തുടങ്ങിയത്
“നല്ലൊരു പേഴ്സണാലിറ്റി ഒണ്ട്…”
ഇതെല്ലാം ചേച്ചി മൂളി കേൾക്കുക മാത്രമാണ് കേൾക്കുന്നത്
“ചേച്ചി ഞാനൊരു കാര്യം ചോദിക്കട്ടെ…. നിനക്ക് ഒരാളോട് ഇഷ്ടം തോന്നാൻ എന്തൊക്കെ കാര്യങ്ങൾ ആവും ആദ്യം ശ്രദ്ധിക്കുക…?
എന്റെ ചോദ്യം കേട്ട് ചേച്ചി എന്നെ സംശയഭാവത്തോടെ നോക്കി
“വെറുതെ അറിയാൻ വേണ്ടി ചോദിച്ചതാ…”
ചേച്ചി : മ്മ്… എന്റെ കാര്യം ആണെങ്കിൽ നിന്നെപ്പോലെ സൗന്ദര്യം ഒന്നും ഞാൻ നോക്കുകേല…
“പിന്നെ എന്താ നോക്കുക..?
ചേച്ചി : സ്വഭാവം.. ചിന്താഗതി.. അങ്ങനെയൊക്കെ
“ചിന്താഗതിയോ… അതെങ്ങനാ നോക്കുന്നെ..?
ചേച്ചി : അത് ഉണ്ടായിരുന്നേൽ നീയീ ചോദ്യം ചോദിക്കുകലായിരുന്നു ജോ
അതും പറഞ്ഞു ചേച്ചി ചിരിക്കാൻ തുടങ്ങി
“ഓ… എനിക്കാ സാധനം കൊറച്ചു കുറവാ..”
ചേച്ചി : കുറച്ചു കുറവോ…കുറച്ചതികം
“ടി മതി മതി.. നിർത്തിക്കോ..”
അവളുടെ ഒടുക്കത്തെ ചിരി സഹിക്കാൻ വയ്യാതെ ഞാൻ പറഞ്ഞു
“അല്ലെടി ചേച്ചി.. ചേട്ടൻ പോയിട്ട് കൊറേ ആയില്ലേ… നിന്റെ ഈ സ്വഭാവവും ചിന്താഗതിയുമുള്ള ആരെയും പിന്നെ കണ്ടില്ലേ…”
എന്റെയാ ചോദ്യം ചിരിച്ചുകൊണ്ടിരുന്ന അവളെ നിശബ്ദതയാക്കി
