ജെസ്ന ഇരുന്നിടത്തു നിന്ന് തുള്ളിചാടാൻ തുടങ്ങി
“നിനക്കൊക്കെ ബിരിയാണി ഇത്രക്ക് ഇഷ്ടാണോ…?
അമിത : ഞങ്ങൾക്കല്ല ജോ.. അമ്മുവിന്.. ബിരിയാണിയെന്ന് പറഞ്ഞാ പെണ്ണ് ചാവും
ഞാൻ അമ്മുവിനെ നോക്കി…ആദ്യരാത്രിയിൽ ചെക്കന്റെ മുൻപിലിരിക്കുമ്പോൾ പെണ്ണിന്റെ മുഖത്തു കാണുന്നത് പോലൊരു നാണം അവളുടെ മുഖത്തു കണ്ടു
അഖിൽ : ആഹ്.. പെണ്ണിന്റെ നാണം നോക്കിക്കേ… ബിരിയാണി കൊതിച്ചി ആണോടി നീ
“എന്നാ മിക്കവാറും ആ കൊതി ഇന്ന് മാറും… ചേച്ചി ഉണ്ടാക്കുന്ന ബിരിയാണിയാ… നിനക്ക് പിന്നെ ജീവിതത്തിലിനി ബിരിയാണി തിന്നണമെന്ന് തോന്നില്ല..”
കിട്ടിയ അവസരത്തിൽ ചേച്ചിയെ ഒന്ന് കളിയാക്കിയത് ആണെങ്കിലും ചേച്ചിയുടെ മുഖം കണ്ടപ്പോ ഏറ്റില്ല എന്ന് മനസിലായി
സാധാരണ ദേഷ്യം പിടിക്കാറാണ് പതിവ് പക്ഷെ ഇന്നെന്തോ ചേച്ചി ഒന്നും മിണ്ടാതെ ചെറിയൊരു ചിരിയോടെ നിൽക്കുകയാണ് ചെയ്തത്
മുഖത്തു ചിരി ഉണ്ടെങ്കിലും ഉള്ളിലെവിടെയോ എന്തോ ഒരു വിഷമം ഉള്ളതായി എനിക്ക് തോന്നി
എന്റെ തോന്നൽ തെറ്റായിരുന്നില്ല.. ചിരിക്കുന്ന ചുണ്ടുകൾ ഉണ്ടെങ്കിലും ചേച്ചിയുടെ കണ്ണുകൾ ചെറുതായി ചുവന്നത് ഞാൻ കണ്ടു
പെട്ടെന്ന് തന്നെ ചേച്ചി തിരിഞ്ഞു നടന്നു.. എന്തോ ആ പോക്ക് കണ്ടപ്പോ എനിക്കൊരു വയ്യായിക തോന്നി
ബാക്കി ഉള്ളവരെ നോക്കിയപ്പോ എല്ലാവരും അവരവരുടെതായ ലോകത്ത് ആയിരുന്നു
ഞാൻ വേഗം എണീറ്റു അടുക്കളയിലേക്ക് പോയി
പക്ഷെ അടുക്കളയിൽ ചേച്ചി ഉണ്ടായിരുന്നില്ല
ചേച്ചിയുടെ മുറിയിൽ പോയി നോക്കി.. അവിടെയും കണ്ടില്ല.. തിരിച്ചിറങ്ങാൻ തുടങ്ങുമ്പോൾ ആയിരുന്നു ബാത്റൂമിൽ നിന്ന് വെള്ളം വീഴുന്ന ശബ്ദം കേട്ടത്
അപ്പൊ മനസിലായി ആളതിൽ കാണുമെന്നു
ചേച്ചി തിരിച്ചിറങ്ങുന്നത് വരെ ഞാൻ അവിടെ കാത്തു നിന്നു
അല്പം കഴിഞ്ഞപ്പോ വാതിൽ തുറന്നവൾ പുറത്തിറങ്ങി
ഒരു റോസ് ബനിയൻ ആയിരുന്നു ഇട്ടിരുന്നത്.. അതിലൊക്കെ വെള്ളം വീണ പാടുകൾ കാണാമായിരുന്നു
മുഖം കഴുകി ഇറങ്ങിയതാണ് ചേച്ചി.. മുഖത്തു വെള്ളത്തുള്ളിൽ ഇപ്പോഴും അവശേഷിച്ചിരുന്നു.. കണ്ണുകളൊക്കെ ചുവന്നു കലങ്ങി തന്നെ ആണ് കിടക്കുന്നത്
അത് കണ്ടപ്പോ എനിക്ക് തന്നെ വിഷമം തോന്നി
ചേച്ചി : നീയെന്താ ജോ ഇവിടെ നിൽക്കുന്നെ.. അവരൊക്കെ അവിടെ ഇരിക്കുവല്ലേ
എനിക്ക് നേരെ മുഖം തരാതെ ചേച്ചി പറഞ്ഞു…
എന്നെ നോക്കിയാൽ കരഞ്ഞു കലങ്ങിയ കണ്ണുകൾ ഞാൻ കണ്ടുപിടിച്ചാലോ എന്ന പേടിയാണ്
ഞാൻ ചേച്ചിയുടെ മുൻപിലേക്ക് നിന്നു
സാധാരണയായി ഞാൻ നിൽക്കുന്നതിലും അടുത്തായി ഞാൻ നിന്നു
എന്താ എന്ന ഭാവത്തിൽ ചേച്ചി എന്നെ മുഖമുയർത്തി നോക്കി
ചേച്ചിയുടെ കവിളിൽ പറ്റിയിരുന്ന വെള്ള തുള്ളികൾ ഇടതു കൈ കൊണ്ട് ഞാൻ തുടച്ചു
എന്തോ.. എനിക്ക് അപ്പൊ അങ്ങനെ ചെയ്യാനാണ് തോന്നിയത്
ചേച്ചി ഇപ്പോഴും അനങ്ങാതെ നിൽപ്പാണ്.. എന്നെ തന്നെ നോക്കി
“ഞാൻ കാരണമാണോ ഈ കണ്ണ് നിറഞ്ഞത്..?
അതികം ശബ്ദമില്ലാതെ ഞാൻ ചോദിച്ചു
അപ്പോഴേക്കും ചേച്ചിയുടെ കണ്ണുകൾ നിറഞ്ഞിരുന്നു… കരച്ചിലിന്റെ വക്കോളാം എത്തിയെങ്കിലും അവളത് പിടിച്ചു നിർത്തി
എങ്കിലും കടിച്ചു പിടിച്ചു ചുണ്ടുകൾ വിറക്കുന്നുണ്ടായിരുന്നു
ചേച്ചിയുടെ ചുവന്ന ചുണ്ടുകൾ ആദ്യമായാണ് ഞാൻ ഇത്രയും അടുത്ത് നിന്ന് കാണുന്നത്
“ഞാൻ കാരണമാണോ..?
ഒന്ന് കൂടെ ഞാൻ ചോദിച്ചു
നിറഞ്ഞ കണ്ണും വിറക്കുന്ന ചുണ്ടുമായി അല്ല എന്നാ ഭാവത്തിൽ ചേച്ചി പതിയെ ഇരുവശത്തേക്കും തല ചരിച്ചു കാണിച്ചു
“കള്ളം പറയണ്ട… എനിക്കറിയാം ഞാൻ കാരണമാണെന്ന്….സോ..
സോറി പറയാൻ വേണ്ടി വന്നതും ചേച്ചി വലം കൈ കൊണ്ടെന്റെ വാ പൊത്തി പിടിച്ചു
ചേച്ചി : വേണ്ട ജോ.. ഞാൻ കരഞ്ഞതൊന്നുമല്ല…കണ്ണില്…
“കണ്ണില് കരട് പോയത് കൊണ്ടായിരിക്കും… അല്ലേ…?
ചേച്ചിയുടെ കൈ തട്ടി മാറ്റി ഞാൻ ചോദിച്ചു
അതിനവൾക്ക് ഉത്തരമൊന്നും ഉണ്ടായിരുന്നില്ല പറയാൻ
തല കുനിച്ചു നിന്നു… ആ നിൽപ്പ് കണ്ടപ്പോ എനിക്ക് ചിരിയാണ് തോന്നിയത്
“പോട്ടെടി ചേച്ചി.. വിട്ട് കള… ഞാൻ വെറുതെയൊരു തമാശക്ക് വേണ്ടി പറഞ്ഞതല്ലേ അങ്ങനെയൊക്കെ… അല്ലേലും അമ്മേടെ അടുത്ത് നിന്നല്ലേ നീ ബിരിയാണി ഉണ്ടാക്കാൻ പഠിച്ചേ… അപ്പൊ അതെങ്ങനാ മോശം ആകുന്നെ…”
ചേച്ചി : അപ്പൊ നീയല്ലേ കൊറച്ചു മുന്നേ പറഞ്ഞത്..?
അപ്പോളേക്കും അവളുടെ മുഖത്തെ വിഷാധ ഭാവമൊക്കെ മാറി ജന്മനാ ഉള്ള കുട്ടിത്തഭാവം
വന്നിരുന്നു
“അത് വെറുതെ.. നിന്റെ ദേഷ്യം കാണാൻ വേണ്ടി… പക്ഷെ കണ്ടതോ..ഇവിടെ വന്നിരുന്നു കരയുന്ന ഒരുത്തിയെയും..”
ചേച്ചി : പോടാ… ഞാൻ കരഞ്ഞൊന്നുമില്ല
രണ്ടു കൈ കൊണ്ടുമെന്നേ ചുറ്റി പിടിച്ചുകൊണ്ടു ചേച്ചി പറഞ്ഞു
“പിന്നെ നീയിവിടെ വന്നു പത്രം വായിക്കുകയായിരുന്നോടി ചേച്ചി..”
ചേച്ചി : അയ്യോ..
പെട്ടെന്ന് എന്നെ തള്ളിമാറ്റിക്കൊണ്ട് ചേച്ചി നിലവിളിച്ചു…
“എന്താടി…?
ആധിയോടെ ഞാൻ ചോദിച്ചു
ചേച്ചി : അടുപ്പത്ത് പാത്രം വെച്ചിട്ടാ ഞാൻ വന്നേ… മറന്നു പോയാ കാര്യം..
സ്വയം തലക്ക് അടിച്ചുകൊണ്ട് ചേച്ചി തിരിഞ്ഞു നടന്നു
ചേച്ചി പോകുന്നതും നോക്കി ഞാനവിടെ നിന്നു
പിന്നെ ഞാൻ ഹാളിലേക്ക് ചെന്നു ബാക്കി ഉള്ളവരുടെ കൂടെ കൂടി
ഇടക്ക് അമ്മുവും ബാക്കി പെണ്ണുങ്ങളും അടുക്കളയിൽ പോയി സഹായിക്കും.. ഞാനും അഖിലും ഓരോന്ന് പറഞ്ഞു വെറുതെ ടീവി കണ്ടിരുന്നു
ഇടക്ക് അടുക്കളയിലേക്ക് പോകുമെങ്കിലും അപ്പൊ തന്നെ ചേച്ചി എന്നെ അവിടുന്ന് ഓടിച്ചു വിടും
ചേച്ചിക്കറിയാം ഞാൻ അവളെയോ അമ്മുവിനെയോ കാണാൻ വേണ്ടി പോകുന്നത് അല്ലെന്ന് 😁
ബിരിയാണിയിൽ ഇടാൻ വേണ്ടി അണ്ടിപ്പരിപ്പും മുന്തിരിയും നെയ്യിൽ വറത്തു മാറ്റി വെച്ചത് ഒണ്ടാവും അടുക്കളയിൽ
പണ്ട് മുതൽക്കേ ഉള്ള ശീലമാണ് അതിൽ നിന്ന് ഓരോന്ന് പെറുക്കി തിന്നുക എന്ന്.. വീട്ടിൽ നിന്നാണെങ്കിൽ അമ്മയുടെ കയ്യിൽ നിന്നടി കിട്ടും ഇവിടെ ആണെങ്കിൽ ചേച്ചിയുടെ കയ്യിൽ നിന്നും
വന്നു വന്നിപ്പോ ഒരെണ്ണം പോലും എടുക്കാൻ പറ്റാത്ത അവസ്ഥയായി
കൊറേ നേരമിരുന്നു സംസാരിച്ചു കഴിഞ്ഞപ്പോ അഖിലും എണീറ്റ് പെണ്ണുങ്ങളുടെ കൂടെ അടുക്കയിലേക്ക് പോയി
എനിക്കവിടം ഇന്ന് നിരോധിത മേഖല ആയതുകൊണ്ട് ഞാൻ ബാൽക്കണിയിൽ നിന്ന് കാറ്റ് കൊള്ളാൻ തുടങ്ങി
കൊറേ നേരം അവിടെ തന്നെ നിന്ന് ഓരോന്നാലോചിക്കാൻ തുടങ്ങി
ഇടക്കെപ്പോഴോ ചേച്ചി എന്റെ അടുത്തു വന്നു നിന്നിരുന്നു… കാര്യാമായി എന്തോ ആലോചനയിൽ ആയിരുന്ന ഞാൻ അവളെ കണ്ടില്ല
പിന്നെ കാറ്റത്ത് അവളുടെ മുടി എന്റെ മുഖത്തു വന്നടിച്ചപ്പോ ആണ് ഞാൻ അറിഞ്ഞത്
ചേച്ചി : എന്താ ജോ വല്യ ആലോചനയിൽ ആയിരുന്നല്ലോ
“ഏയ്യ് ഒന്നുമില്ലെടി ചേച്ചി.. ഞാൻ ഇങ്ങനെ വെറുതെ നിന്ന് കാറ്റ് കൊള്ളുവായിരുന്നു…”
പുറത്തേക്ക് തന്നെ നോക്കിക്കൊണ്ട് ഞാൻ പറഞ്ഞു.. അത് അവൾ മൂളിക്കേട്ട് കൊണ്ട് നിന്നു