ഇവര് നേരത്തെ ഇങ് എത്തിയോ
വാതില് തുറന്നകത്തു കേറിയപ്പോ കണ്ടു സോഫയിലിരുന്ന് അഞ്ചെണ്ണവും കൂടെ കലപില സംസാരിക്കുന്നത്.. ഇടക്ക് വഴക്ക് കൂടുന്നുമുണ്ട്
അപ്പോളാണ് ഞാൻ ശ്രദ്ധിച്ചത് ഇതിനൊക്കെ നടുവിലിരുന്നു ചിരി അടക്കി പിടിക്കാൻ പാട് പെടുന്ന ചേച്ചിയെ
രാവിലെ എന്ത് ഷോ കാണിച്ച ആളാണെന്നു നോക്കണേ.. ഇപ്പൊ നേഴ്സറി പിള്ളേരെപോലിരുന്നു കളിയും ചിരിയും
അടുക്കളയിൽ പോയി സാധനങ്ങൾ ഓക്കേ വച്ചു അവരുടെ മുൻപിൽ ഒഴിഞ്ഞ സീറ്റിൽ വന്നിരുന്നപ്പോ ആണ് എല്ലായെണ്ണവും എന്നെ ശ്രദ്ധിക്കുന്നത് തന്നെ
അതുവരെ കളിച്ചു ചിരിച്ചിരുന്ന ചേച്ചിയുടെ മുഖമെല്ലാം മാറി… പയങ്കര ആറ്റിട്യൂട് ഓക്കേ ഇട്ട് എന്നെയൊരു നോട്ടം
ഞാൻ അത് മൈൻഡ് ചെയ്യാൻ പോയില്ല.. ചേച്ചിയുടെ അടുത്തിരുന്ന അമിതയോട് ചോദിച്ചു
“നിങ്ങളൊക്കെ എപ്പോ വന്നു..?
അമിത : വന്നിട്ടധികം ആയില്ലെടാ.. ദയേച്ചിയോട് ചോദിച്ചപ്പോൾ പറഞ്ഞു നീ പുറത്തു പോയതാണെന്ന്
ചേച്ചിയെ മൈൻഡ് ചെയ്യാതെ ബാക്കി ഉള്ളവരോടൊക്കെ സംസാരിക്കുന്നത് ചേച്ചിക്കത്ര പിടിക്കുന്നില്ലെന്ന് എനിക്ക് മനസിലായി
മൂടി കെട്ടിയ മുഖവുമായി ചേച്ചി എന്നെത്തന്നെ നോക്കി ഇരിക്കുന്നുണ്ടായിരുന്നു
ഞങ്ങൾ രണ്ടു പേരുമുള്ള ഈ പിണക്കം അവിടെ മറ്റൊരാളും ശ്രദ്ധിക്കുന്നുണ്ടായിരുന്നു
വേറാരുമല്ല അമ്മു തന്നെ
എന്റെ കാലിൽ അവൾ നുള്ളിയപ്പോ ആണ് ഞാൻ അവളുടെ മുഖത്തേക്ക് നോക്കിയത്
ചേച്ചിയെ നോക്കി എന്താ പ്രശ്നം എന്നവൾ ആരും കേൾക്കാതെ ചോദിച്ചു
“അത് ഒന്നുമില്ലെടി.. ഇവിടെ പതിവാ..”
ചിരിച്ചുകൊണ്ട് ഞാനവളോട് പറഞ്ഞു
അമ്മുവിനോടുള്ള എന്റെ ചിരിയും കളിയും കണ്ടു ചേച്ചി പെട്ടെന്ന് എണീറ്റുകൊണ്ട് ജെസ്നയോട് പറഞ്ഞു
ചേച്ചി : നിങ്ങൾ സംസാരിച്ചിരിക്ക്.. ഞാൻ കുടിക്കാൻ എന്തെങ്കിലും എടുക്കാം..
അതും പറഞ്ഞവൾ തിരിഞ്ഞതും അമ്മുവും കൂടെ എണീക്കാൻ തുടങ്ങി
അമ്മു : ഞാനും വരാം ചേച്ചി
ചേച്ചി : ഏയ് വേണ്ട അമ്മു.. നിങ്ങൾ സംസാരിച്ചിരിക്ക്
“കേട്ടല്ലോ.. നീയിവിടെ ഇരിക്ക്..”
ചേച്ചി പറഞ്ഞതും എണീക്കാൻ തുടങ്ങിയ അമ്മുവിനെ ഞാൻ അവിടെ പിടിച്ചിരുത്തി
അത് കൂടെ കണ്ടപ്പോൾ ചേച്ചി എന്നെ കലിപ്പിച്ചൊരു നോട്ടവും നോക്കി ചവുട്ടിതുള്ളി അകത്തേക്ക് പോയി
ബാക്കി ഉള്ളവർ എന്താ സംഭവം എന്ന് മനസിലാവാതെ അവളെ നോക്കി.. പിന്നെ എന്നെയും
എന്നെ നോക്കിയപ്പോ ഞാൻ എല്ലാവരെയുമൊന്ന് ചിരിച്ചു കാണിക്കുക മാത്രമാണ് ചെയ്തത്
അഖിൽ : എന്താടാ ഇത്.. നീയും നിന്റെ ചേച്ചിയും തമ്മിൽ കീരിയും പാമ്പും ആണെന്ന് തോന്നുന്നല്ലോ
“കീരിയും പാമ്പുമൊക്കെ എത്രയോ ഭേദം ആണ് മോനെ ഇതൊക്കെ വെച്ചു നോക്കുമ്പോൾ… ആ പോയ സാധനമില്ലേ… അതിനെ ഏത് ജീവിയുമായി താരതമ്യം ചെയ്യണമെന്ന് ഇതുവരെ എനിക്ക് മനസിലായിട്ടില്ല…”
ഞാൻ കളിയായി പറഞ്ഞു
അമിത : കഷ്ടം ഒണ്ട് ജോ…ദയേച്ചി എന്ത് പാവമാണെന് അറിയോ..
പാവമോ.. ഇതൊക്കെ എപ്പോ
“നീയൊക്കെ ഇന്ന് കണ്ടതല്ലേ ഉള്ളു അതിനെ.. ഞാനേ മൂന്നാല് കൊല്ലമായി കാണുന്നു.. പാവം ആണ് പോലും..”
അമ്മു : മൂന്നാല് കൊല്ലമോ…? അതെന്താടാ അങ്ങനെ ഒരു കണക്ക്
അപ്പോഴാണ് ഞാൻ എന്താ പറഞ്ഞതെന്ന് എനിക്ക് മനസിലായത്.. ഞാൻ ഇവരോടാരും എനിക്ക് ചേച്ചിയെ എങ്ങനെയാ കിട്ടിയതെന്ന് പറഞ്ഞിട്ടില്ല… അതുകൊണ്ട് തന്നെ ഇവർക്കെല്ലാം ദയ എന്റെ സ്വന്തം ചേച്ചി ആണ്…
“അത് പിന്നെ ചേച്ചി എന്റെ സ്വന്തം ചേച്ചി അല്ല..”
ഒടുക്കം ആ കാര്യം അവരോടു പറയാൻ ഞാൻ തീരുമാനിച്ചു… വെറുതെ മറച്ചുപിടിച്ചിട്ട് എന്തിനാ
ഡെൽന : സ്വന്തം ചേച്ചി അല്ലെന്നോ.. പിന്നെ എങ്ങനാ..
അമ്മു : ജോ ഒന്ന് തെളിച്ചു പറ
എല്ലാവർക്കും എന്താ കാര്യമെന്ന് അറിയാൻ നല്ല ആകാംഷ ഉള്ളതായി തോന്നി… നാല് വർഷം മുൻപ് ചേച്ചിയെ ഞാൻ ആദ്യമായി കണ്ടത് മുതൽ ഉള്ള കാര്യങ്ങൾ അവരോട് പറഞ്ഞു
അഖിൽ : അല്ല മോനെ.. ഇതിനിടക്ക് ഒരു വർഷം നീ എന്ത് ചെയ്യുവായിരുന്നു
അവൻ ചോദിച്ചത് വേറൊന്നുമല്ല പ്ലസ് ടു കഴിഞ്ഞൊരുവർഷം ഞാൻ വേറെ എവിടെയും പോയിട്ടില്ല