Related Posts
ഞാൻ വിചാരിച്ചത് പോലൊരു ending എനിക്ക് കിട്ടുന്നില്ല..എങ്കിലും അവസാനിപ്പികയാണ്…
ഇന്നിവരെല്ലാം കൂടെ വന്ന് എന്ത് പ്രശ്നം ആണോ ഉണ്ടാക്കാൻ പോണേ എന്ന് ആലോചിച്ചു ഞാൻ അവിടെ തന്നെ ഇരുന്നു കൊറച്ചു നേരം
മറ്റുള്ളവരേക്കാൾ പ്രശ്നം അമ്മുവാണ്… ചേച്ചിക്ക് പ്രേമം എന്ന് പറഞ്ഞാൽ എന്തോ അലർജി പോലെ ആണിപ്പോ.. അതിന്റെ ബാക്കി ആയിട്ടാണ് അന്ന് ഒരു വഴക്ക് ഞങ്ങൾ തമ്മിൽ നടന്നത്
എങ്കിലും എന്നെ പിണക്കണ്ട എന്ന് കരുതി പ്രേമിക്കാൻ ഒക്കെ അനുവാദം കിട്ടിയെങ്കിലും എന്റെ മനസ്സിന് തോന്നിയ ഒരാളെ കിട്ടിയിരുന്നില്ല എന്നത് ആയിരുന്നു സത്യം
എങ്കിലും ചേച്ചിയോട് വഴക്ക് കൂടാൻ വേണ്ടി ഞാൻ അമ്മുവിനെ ചെറുതായി ഒന്ന് എന്റെ crush ആക്കി മാറ്റി 😁
പക്ഷെ അമ്മുവിനോട് ഇതുവരെ അങ്ങനെ ഒരു വികാരം തോന്നിയിട്ടില്ല താനും
എന്നും രാത്രി ബാക്കി ഉള്ളവർ വിളിക്കുമ്പോഴും ഞാൻ ചേച്ചിയോട് പറഞ്ഞിരുന്നത് അമ്മുവിന്റെ പേരായിരുന്നു
അപ്പൊ കലിപ്പിച്ചൊരു ഒരു നോട്ടം ഉണ്ട് ചേച്ചിയുടെ.. അത് കാണുമ്പോൾ എന്തോ മനസ്സിനൊരു സുഖം ആയതോണ്ട് ഞാനെന്നും അമ്മുവിന്റെ പേര് പറയൽ ഒരു ശീലമാക്കിയിരുന്നു.. ക്ലാസ്സ്‌ കഴിഞ്ഞു വരുമ്പോൾ എന്റെ അന്നത്തെ വിശേഷങ്ങൾ അന്വേഷിക്കാൻ ചേച്ചി വരുമ്പോൾ ഞാനാദ്യം എടുത്തിടുന്നത് അമ്മുവിന്റെ കാര്യമാണ്
അത് കേൾക്കുമ്പോൾ വന്ന സ്പീഡിൽ തന്നെ ചേച്ചി തിരിച്ചു പോകും.. പിന്നെ രാത്രി അതിന്റെ ബാക്കിയായി ഒരു യുദ്ധം
അങ്ങനെ ഉള്ള എന്റെയും ചേച്ചിയുടെയും ഇടയിലേക്കാണിപ്പോ എല്ലാം കൂടെ തുള്ളിച്ചാടി വരാൻ പോണത്
“ഇന്നിവിടെ എന്തെങ്കിലും ഒക്കെ നടക്കും..”
ഒരാത്മഗതം പറഞ്ഞുകൊണ്ട് ഞാൻ ബെഡിൽ നിന്നെണീറ്റു
ആദ്യം ചേച്ചിയെ ഒന്ന് സോപ്പിട്ടു നിർത്തണം
അടുക്കയിൽ നിന്ന് ഏതോ ഇംഗ്ലീഷ് പാട്ട് ചെറിയ ശബ്ദത്തിൽ കേൾക്കാമായിരുന്നു
ഫ്രിഡ്ജിന് മുകളിൽ ചെറിയ സ്പീക്കർ വെച്ചു പാട്ടും കേട്ട് നല്ല പാചകത്തിൽ ആണ് കക്ഷി
ഇടക്ക് പാട്ടിന്റെ ഓരോ വരികൾ പാടി ഉള്ളിന്റെ ഉള്ളിലെ ഇല്ലാത്ത ഗായികയെ പുറത്തു കൊണ്ടുവരാനും ശ്രമിക്കുന്നുമുണ്ട്
ഞാൻ ആദ്യമേ ചെന്നു പാട്ട് ഓഫ്‌ ചെയ്തു
അപ്പൊ തന്നെ പുള്ളിക്കാരി എന്നെ തിരിഞ്ഞു നോക്കി
എന്തടാ പന്നി എന്ന് കണ്ണ് കൊണ്ട് ചോദിക്കുന്നത് പോലെ.. ഏയ്യ് തോന്നിയതാവും
“അത് ഒണ്ടല്ലോ ചേച്ചി.. ഒരു കാര്യം പറയാൻ ഉണ്ടായിരുന്നു…”
ഞാൻ അവളുടെ അടുത്തേക്ക് വന്നുകൊണ്ട് പറഞ്ഞു
ചേച്ചി : അതിന് നീയെന്തിനാ പാട്ട് നിർത്തിയത്..?
കയ്യിലെ സ്റ്റീലിന്റെ തവി പൊക്കിപിടിച്ചുകൊണ്ട് എന്നോട് ചോദിച്ചു… ഞാൻ അവളിൽ നിന്ന് ഒരല്പം വിട്ടു നിന്നു
അതാവും എനിക്ക് നല്ലതെന്ന് തോന്നി
“അതീ പാട്ട് കേട്ട് നിന്നാൽ പിന്നെ ഞാൻ പറയുന്നത് എങ്ങനെ നീ കേൾക്കും..?
ചേച്ചി : അച്ചോടാ… എന്റെ ചെവിക്ക് ഇപ്പോഴും വലിയ പ്രശ്നമൊന്നുമില്ല.. നീ വന്ന കാര്യം പറഞ്ഞിട്ട് പോകാൻ നോക്ക് ചെക്കാ.. എനിക്ക് ഒരുപാട് പണിയുള്ളതാ
അതും പറഞ്ഞു തിരിഞ്ഞു നിന്ന് പാത്രത്തിൽ എന്തോ ഇളക്കാൻ തുടങ്ങി
അടുപ്പിനെ ചൂട് കാരണം ചേച്ചിയുടെ നെറ്റിയിലൊക്കെ വിയർപ്പ് തുള്ളികൾ പറ്റിയിരുന്നു
നല്ല വെളുത്ത നെറ്റിയിൽ ഇതുപോലെ വിയർപ്പ്തുള്ളികൾ നിൽക്കുന്നത് കാണാൻ ഇത്രക്ക് ഭംഗി ഉണ്ടെന്ന് ഞാൻ അന്നാണ് മനസിലാക്കിയത്
പക്ഷെ ആ കാഴ്ച അധികനേരം നീണ്ടു നിന്നില്ല
ഇടതു കൈ കൊണ്ട് ചേച്ചി നെറ്റി തുടച്ചിട്ട് എന്നെ നോക്കി എന്താ എന്ന് ചോദിച്ചു
“നീ രാവിലെ കുളിച്ചില്ലേ..?
അവളെന്നെ ഒന്ന് സംശയഭാവത്തോടെ നോക്കി
ചേച്ചി : അതെന്താ നീ അങ്ങനെ ചോദിച്ചേ..?
“ഒന്നുമില്ല… നെറ്റിയൊക്കെ വിയർത്തത് കണ്ട് ചോദിച്ചതാ…”
ചേച്ചി : അതേ മോനെ ഞാൻ ഫ്രഡ്ജിനകത്തല്ല നിൽക്കുന്നെ… അടുപ്പിന് മുൻപിലാ… അല്ലാ… ഞാനിതു ആരോടാ ഈ പറയുന്നേ…
എന്നെനോക്കി ഒരു പുച്ഛഭാവത്തിൽ ചേച്ചി പറഞ്ഞു
ഞാൻ പിന്നെ മറുത്തൊന്നും പറയാൻ നിന്നില്ല.. നേരെചൊവ്വേ ഒരു ചായപോലും ഉണ്ടാക്കാൻ അറിയാത്ത ഞാനൊക്കെ എന്ത് പറയാനാ
“നീ അത് വിട്.. ഇന്ന് എന്റെ കൊറച്ചു ഫ്രഡ്സ് വരുന്നുണ്ട്…”
ചേച്ചി : അതിന്…?
എന്നെ മൈൻഡ് ചെയ്യാതെ ചെയ്യുന്ന ജോലിയിൽ തന്നെ ശ്രദ്ധ കൊടുത്തുകൊണ്ട് ചേച്ചി പറഞ്ഞു
“അതിന് ഒന്നുമില്ല… അമ്മുവും കാണും കൂടെ..”
അവളുടെ പേര് പറഞ്ഞതെ ചേച്ചി എന്നെ ഇടം കണ്ണിട്ടൊന്ന് നോക്കി.. പിന്നെ വല്യ ഭാവ വ്യത്യാസം ഒന്നുമില്ലാതെ പാചകത്തിൽ ശ്രദ്ധിച്ചു
ചേച്ചി : വരട്ടെ… എനിക്കുമോന്ന് കാണാമല്ലോ നിന്റെ അമ്മുവിനെയൊന്ന്
“അതാ എനിക്ക് പറയാൻ ഉള്ളെ… ഞാൻ ഒരുവിധത്തിൽ കരക്കടിപ്പിച്ചു കൊണ്ടുവരുന്ന തോണിയാ അത്..നീയൊരു പ്രേമവിരോധി ആണെന്ന് കരുതി ഇതിലും ഉടക്കൊന്നും വെക്കരുത്…”
ചേച്ചി : ഓ ഞാനായിട്ട് ഒടക്കാനും ഒടിക്കാനും വരുന്നില്ല… പിന്നെ നിന്റെ അമ്മുവും കുമ്മുവുമൊക്കെ വരുന്നത് കൊള്ളാം.. എന്റെ മെക്കിട്ടേങ്ങാനും കേറാൻ വന്നാൽ… തൂക്കി എടുത്തു വെളിയിൽ കളയും എല്ലാത്തിനെയും..
ഒരു ഭീഷണി സ്വരത്തിൽ ചേച്ചി പറഞ്ഞു
“എടി ചേച്ചി അവരൊന്നും നീ കരുതുന്നത് പോലെ പ്രശ്നക്കാർ ഒന്നുമല്ല… എല്ലാം പാവങ്ങളാ..”
ചേച്ചി : നിന്റെ കൂട്ടുകാരല്ലേ… മനസിലാവും… മോൻ ചെല്ല്.. എനിക്ക് പിടിപ്പത് പണിയുള്ളതാ
ചേച്ചി അതും പറഞ്ഞെന്നെ ഹാളിലേക്ക് തള്ളി വിട്ടു
എന്തായാലും ഇവിടുത്തെ കാര്യം ഓക്കേ ആയി.. ഇനി വരുന്നതുങ്ങളുടെ കാര്യം എന്താവോ എന്തോ
ചേച്ചി : ടാ ഒന്ന് നിന്നെ..
ഓരോന്നാലോചിച്ചു നടക്കുമ്പോ ആണ് ചേച്ചി പിന്നിൽനിന്ന് വിളിച്ചത്
“എന്നാ….?
ചേച്ചി : നീ ഒന്ന് പുറത്തു പോണം.. കൊറച്ചു സാധനങ്ങൾ വാങ്ങാൻ ഒണ്ട്
“ഓ അതാണോ… എന്താ വാങ്ങേണ്ടേ..?
ഗ്യാസ് ഓഫ്‌ ചെയ്ത് ചേച്ചി റൂമിലേക്ക് പോയി
കൊറച്ചു കഴിഞ്ഞു ഒരു പേപ്പറിന്റെ കഷ്ണവുമായി വന്നു
വാങ്ങാൻ ഉള്ള സാധനങ്ങളുടെ ലിസ്റ്റ് ആയിരുന്നത്
“ഇത് ഒരുപാടൊണ്ടല്ലോ..നീയെന്താ ഇവിടെ പച്ചക്കറിക്കട തുടങ്ങാൻ പോണോ..?
ലിസ്റ്റ് കണ്ട് ഞാൻ ചോദിച്ചു
ചേച്ചി : വേണേൽ വാങ്ങിയാൽ മതി.. അല്ലേ നിന്റെ ഫ്രഡ്സ് വന്നു പച്ചവെള്ളം കുടിച്ചിട്ട് പൊക്കോട്ടെ
ഓ.. ഇത് അവർക്ക് വേണ്ടി ഉള്ളതായിരുന്നല്ലേ
“ശെരി ശെരി… ഞാൻ പോയിട്ട് വരാം..”
ഞാൻ പുറത്തേക്ക് നടന്നു
ചേച്ചി : നിനക്ക് പൈസ വേണ്ടേ..അവിടെപ്പോയി ചിരിച്ചു കാണിച്ചാലൊന്നും സാധനം കിട്ടുകേല
ജോലി ഉള്ളതിന്റെ അഹങ്കാരം കാണിക്കുവാണോ ചേച്ചി… അതും ഈ എന്നോട്
“ഇതൊക്കെ വാങ്ങാൻ ഉള്ള കാശൊക്കെ എന്റേൽ ഉണ്ടെടി ഭൂതമേ..”
അവളെ ഇടക്ക് സ്നേഹം കൂടുമ്പോൾ ഇതുപോലെ ഓരോന്ന് വിളിക്കും.. എന്തോ ചേച്ചിക്ക് അത് കേൾക്കുമ്പോൾ കലി ഇളകും
