“അല്ല.. ഞാനും ചേച്ചിയും തമ്മിൽ വഴക്കായ കാര്യം നിനക്കെങ്ങനെ അറിയാം..?
ഞാൻ അവനോട് ചോദിച്ചു.. അതിനവൻ ഒന്ന് ചിരിച്ചുകൊണ്ട് എന്റെ അടുത്ത് വന്നിരുന്നു
അഖിൽ : നിന്നെ ഇന്നലെ ഇവിടെ വന്നു കിടത്തിയപ്പോ തൊട്ട് എന്തൊക്കെയോ പിച്ചും പേയും പറയുന്നുണ്ടായിരുന്നു.. ഇടക്ക് ചേച്ചിയുടെ കാര്യവും.. അപ്പൊ തന്നെ എനിക്ക് കാര്യം ഏകദേശം പിടി കിട്ടി.. അപ്പൊ തന്നെ അമ്മുവിനെ വിളിച്ചു നിന്റെ ഫ്ലാറ്റിലേക്ക് വിട്ടു
“ചേച്ചിയെ കണ്ടോ..?
അഖിൽ : മ്മ്… നീ അവളെ തല്ലിയോ ഇന്നലെ..?
അല്പം ഗൗരവത്തിൽ അവൻ ചോദിച്ചു… തല്ലിന്റെ കാര്യം പറഞ്ഞപ്പോ ആദ്യം കൈ പോയത് ഇടതു കവിളിലേക്ക് ആയിരുന്നു
“ഞാൻ തല്ലിയില്ല.. പക്ഷെ എനിക്ക് കിട്ടി കനത്തിൽ ഒരെണ്ണം..”
അഖിൽ : നീ തല്ലാതെ എങ്ങനാ മൈരേ ചേച്ചിയുടെ നെറ്റി മുറിഞ്ഞത്…?
“നെറ്റി മുറിഞ്ഞെന്നോ… എങ്ങനെ..”
അപ്പോളാണ് ഇന്നലെ അവളെപ്പിടിച്ചു തള്ളിയത് ഓർമ്മ വന്നത്… അപ്പൊ തലയെവിടെയോ തട്ടിയ ശബ്ദമാണ് കേട്ടത്
കുറ്റബോധത്തോടെ ഞാൻ അവനെ നോക്കി
അഖിൽ : ഇനി അതോർത്ത് ഇരിക്കുകയൊന്നും വേണ്ട… ചെറിയ ഒരു മുറിവാ… അപ്പോ തന്നെ അമ്മുവത് മരുന്നൊക്കെ വെച്ചു കെട്ടികൊടുത്തു.. അങ്ങനയല്ലേ നിങ്ങൾ തമ്മിലുള്ള വഴക്കിന്റെ കാര്യം അറിഞ്ഞത്..
“മ്മ്… എനിക്കൊന്നും ചേച്ചിയെ കാണണമെടാ…”
അവന്റെ കൈ പിടിച്ചുഞാൻ പറഞ്ഞു
അഖിൽ : എന്തിനാടാ ഇനിയും.. ആ പാവത്തിനെ വിഷമിപ്പിക്കാനോ…
“ഞാൻ എങ്ങനെ വിഷമിപ്പിക്കാനാ അഖിലേ… എന്റെ വിഷമം ഒന്നും ആരും അറിയുന്നില്ലല്ലോ…”
നിറഞ്ഞ കണ്ണുകൊണ്ടു ഞാൻ പറഞ്ഞു
അത് കണ്ട അഖിൽ എന്റെ തോളിൽ കൈ വെച്ചു
എന്താണെന്ന അർത്ഥത്തിൽ ഞാൻ അവനെ നോക്കി
അഖിൽ : നീ ആലോചിച്ചു നോക്ക് ജോ… ചേച്ചി എല്ലാം ഞങ്ങളോട് പറഞ്ഞു…ആരുമില്ലാതെ ജീവിതത്തിനൊരു ലക്ഷ്യവും ഇല്ലാതെ നിന്ന അവൾക്ക് കൂടെ ആരെങ്കിലും ഓക്കേ ഉണ്ടെന്നു തോന്നിപ്പിച്ചത് നീയാ… ആ നിന്നെ സ്വന്തം ജീവനേക്കാൾ സ്നേഹിച്ചതാണോ ജോ ചേച്ചി ചെയ്ത തെറ്റ്…
അവൻ പറഞ്ഞ കാര്യങ്ങൾ ഓക്കേ ഞാൻ മനസിലാക്കാൻ ശ്രമിച്ചു
അഖിൽ : എനിക്കറിയാം നീ അവളെ ചേച്ചിയെന്ന് വിളിക്കുന്നത് എന്ത് അർഥത്തിൽ ആണെന്ന്..പക്ഷെ എങ്ങനെ ആണേലും സ്വന്തം ചേച്ചി ആവില്ലല്ലോ.. പിന്നെ എന്താ പ്രശ്നം
അവനെന്നെ പറഞ്ഞു മനസിലാക്കാൻ ശ്രമിച്ചു
“എടാ.. പക്ഷെ…”
അഖിൽ : ഒരു പക്ഷെയും ഇല്ല.. നീ നിന്റെ മനസ്സിനോട് തന്നെ ചോദിക്കാൻ ശ്രമിക്ക്…ചേച്ചിയുടെ വാക്കുകൾ തലകൊണ്ട് മനസിലാക്കാൻ ശ്രമിക്കാതെ ഹൃദയം കൊണ്ട് ശ്രമിക്ക്…
എന്റെ നെഞ്ചിൽ കൈ വെച്ചുകൊണ്ടവൻ പറഞ്ഞു
അഖിൽ : വാ… നിന്നെ കൊണ്ടാക്കാം..
അതും പറഞ്ഞു അഖിൽ എണീറ്റു നടന്നു
പിറകെ ഞാനും
വണ്ടി ഓടിച്ചത് അഖിലായിരുന്നു… ആ സമയമെല്ലാം ഞാൻ കണ്ണടച്ചു കിടന്നു
അഖിൽ പറഞ്ഞത് പോലെ ഞാൻ ചേച്ചിയെ മനസിലാക്കാൻ ശ്രമിച്ചു
ഏറെ നേരെത്തെ ആലോചനക്കൊടുവിൽ എനിക്ക് പല കാര്യങ്ങളും മനസിലായി
അല്പം സമയത്തിനുള്ളിൽ ഞങ്ങൾ ഫ്ലാറ്റിൽ എത്തി
താഴെ പാർക്കിങ്ങിൽ തന്നെ അമ്മുവിന്റെ സ്കൂട്ടി ഉണ്ടായിരുന്നു
അവരിതുവരെ പോയില്ലെന്ന് എനിക്ക് മനസിലായി
റൂമിനോട് അടുക്കുന്തോറും എനിക്ക് ടെൻഷൻ കൂടി വന്നു
ചേച്ചിയെ എങ്ങനെ ഫേസ് ചെയ്യുമെന്ന പേടി ആണ് അതിന് കാരണം
ഫ്ലാറ്റിന്റെ വാതിൽ തുറന്ന് അഖിൽ ആദ്യം അകത്തു കയറി
പിന്നാലെ അല്പം മടിയോടെ ഞാനും
അവിടെ കണ്ട കാഴ്ച എന്റെ കിളി പറത്തി എന്നത് ആവും സത്യം
ഒരു യുദ്ധഭൂമിക്ക് സമാന്തരം ആയിരുന്നു അവിടുത്തെ അവസ്ഥ
മറിഞ്ഞു കിടക്കുന്ന കസേരകളും പൊട്ടിയ ഗ്ലാസ്സും പത്രങ്ങളുമെല്ലാം വാരി കൂട്ടുന്ന തിരക്കിൽ ആയിരുന്നു അമ്മു
എന്നെ കണ്ടതും മുഖത്തൊരു മങ്ങിയ ചിരിയുമായി അവൾ എന്റെ അടുക്കലേക്ക് വന്നു
അമ്മു : അവിടെ തന്നെ നിക്കാതെ കേറി വാടാ
ഉള്ളിലേക്ക് കയറിയതും എന്റെ റൂമിൽ നിന്ന് കാറ്റ് പോലെ ഇറങ്ങി വരുന്ന അമിതയെ ആണ് കണ്ടത്
മുഖമൊക്കെ കടന്നല് കുത്തിയത് പോലെ വീർപ്പിച്ചു പിടിച്ചാണ് വരുന്നത്
അവളെ കണ്ട് ചിരിക്കാൻ ഒരു ശ്രമം നടത്തിയെങ്കിലും അത് വിചാരിച്ചത്ര നടന്നില്ല
അമിത എന്റെ മുൻപിൽ വന്നതും വലതു കൈ കൊണ്ട് തലേന്ന് ചേച്ചി അടിച്ച അതേ കവിളിൽ തന്നെ ശക്തിയായി ഒരു കുത്ത് തന്നു
സകല ദൈവങ്ങളെയും ഒരൊറ്റ നിമിഷം വിളിച്ചുകൊണ്ടു ഞാൻ സോഫയിൽ ഇരുന്നു
അമിത : എന്തിനാടാ തെണ്ടി നീ ചേച്ചിയെ ഇങ്ങനെ കരയിപ്പിച്ചത്
ചേച്ചിയുടെ കാര്യവും കവിളിലേ വേദനയും കൂടെ ചേർന്നപ്പോ കണ്ണൊക്കെ നിറഞ്ഞൊരു പരുവം ആയിരുന്നു
“സോറിടി… വേണന്നു വെച്ചിട്ടല്ലായിരുന്നു… പറ്റിപ്പോയി…”
അമ്മു : വിട്ട് കള ജോ… നീ ചെറിയൊരു പ്രശ്നം വരുമ്പോൾ തന്നെ ഇങ്ങനെ തളരാതെ
എന്റെ അടുക്കൽ വന്നിരുന്നുക്കൊണ്ട് അമ്മു എന്നോട് പറഞ്ഞു
“അമ്മു സോറി…ഞങ്ങടെ വഴക്കിനിടയിൽ ഞാൻ നിന്നെയും പിടിച്ചിട്ടു..”
അമ്മുവിന്റെ പേരും പറഞ്ഞു വഴക്കുണ്ടാക്കിയത് ഓക്കേ ഓർത്തു ഞാൻ പറഞ്ഞു… അതെല്ലാം ഒരു ചിരിയോടെ കേട്ടിരിക്കുക മാത്രമാണ് അവൾ ചെയ്തത്
“എടി എനിക്ക് ചേച്ചിയെ ഒന്ന് കാണാൻ പറ്റുമോ…?
ചേച്ചിയെ കാണാനുള്ള ആഗ്രഹം കൊണ്ട് ഞാൻ ചോദിച്ചു
അമിത : കാണുന്നതൊക്കെ കൊള്ളാം… വിളിച്ചെണീപ്പിക്കരുത്… രാവിലെവരെയിരുന്നു കരഞ്ഞിട്ട് ഇപ്പൊ ആണ് ഒന്ന് മയങ്ങിയത്
ഞാൻ എണീറ്റെന്റെ മുറിയിലേക്ക് നടന്നു
വാതിക്കൽ എത്തുന്നത് വരെ എനിക്ക് അറിയില്ലായിരുന്നു… ചേച്ചി ആയി കാണണോ അതോ അവളുടെ ഇഷ്ടം പോലെ എന്റെ പെണ്ണായി കാണണോ എന്ന്…
മനസ്സിൽ ആകെ പാടെ ഒരു വടം വലി തന്നെ നടക്കുകയായിരുന്നു… തല്ക്കാലം എല്ലാവരെയും മാറ്റി നിർത്തി ഒരു ദീർഘ നിശ്വാസം എടുത്തിട്ട് ഞാൻ വാതിൽ തുറന്നു
അകത്തു കയറിയതെ കണ്ടു എന്റെ നിക്കറും ബനിയനുമിട്ട് ബെഡിൽ ചുരുണ്ടു കൂടി കിടക്കുന്ന ചേച്ചിയെ
ഗർഭപത്രത്തിൽ കുഞ്ഞു കിടക്കുന്നത് പോലെ കാൽമുട്ട് രണ്ടും മുൻപിലേക്ക് മടക്കി ആണ് കിടക്കുന്നത്
ചെറിയ സ്പീഡിലുള്ള ഫാനിന്റെ കാറ്റിൽ മുടിയിഴകൾ പാറി പറന്നു കിടക്കുകയാണ്
ഞാൻ ചേച്ചിയുടെ അരികിൽ മുട്ടുകുത്തി നിന്നു
നെറ്റിയിൽ ചെറിയൊരു ബാൻഡ് എയ്ഡ് ഒട്ടിച്ചിട്ടുണ്ട്.. മെല്ലെ അതിൽ തൊട്ട് നോക്കി
വേദന കൊണ്ടാണെന്നു തോന്നുന്നു നെറ്റി മടക്കികൊണ്ട് വീണ്ടും ചുരുണ്ടു കൂടി കിടക്കാൻ ശ്രമിച്ചു
കാറ്റത്തു പാറുന്ന മുടിയൊക്കെ ഒരു വശത്തേക്ക് ആക്കികൊണ്ട് ഞാൻ അവിടെ തന്നെ ഇരുന്നു
“മറ്റാരേക്കാളും നിന്നെ മനസിലാക്കാൻ പറ്റുമെന്ന് കരുതി നടന്നവനാ ഞാൻ… ആ എനിക്ക് മനസിലാക്കാൻ പറ്റാതെ പോയല്ലോടി ചേച്ചി നിനക്ക് എന്നോടുള്ള ഇഷ്ടം..”
ചേച്ചിയുടെ തലയിൽ തലോടിക്കൊണ്ട് ഞാൻ അത് പറയുമ്പോൾ എന്റെ കണ്ണ് നിറഞ്ഞിരുന്നു
അങ്ങനെ അവളുടെ കൂടെ ഇരിക്കുമ്പോൾ ഞാൻ അറിയുകയായിരുന്നു എനിക്ക് അവളോടുള്ള ഇഷ്ടം എന്തായിരുന്നെന്ന്… ചേച്ചി എനിക്ക് ആരായിരുന്നു എന്ന്
