ഞാൻ എന്റെ മുഖവും തലയും ഒന്ന് വെറുതെ പരതി……
പെട്ടെന്നാണ് അവളെന്നെ കെട്ടി പിടിച്ചത്…..
സിവനെ……
അവൾ കെട്ടിപിടിച്ചപ്പോൾ ഉണ്ടായ ഗന്ധവും ആ തണുപ്പും എന്നേ വേറേ ഏതോ ഒരു ലോകത്തേക്ക് കൂട്ടികൊണ്ട് പോയി…..
എല്ലാവരും ഒരു ഷോക്കിൽ നിൽക്കുകയാണ്…. പക്ഷേ എന്റെ കണ്ണുകൾ ആദ്യം തിരഞ്ഞത് കല്ലുവിനെയാണ്….
ഞാൻ അവളേ നോക്കിയപ്പോൾ നിലത്തു തീ കൊളുത്തി വിട്ട പടക്കം പോലെ ആയിരുന്നു അവൾ…..എപ്പോ വേണമെങ്കിലും പൊട്ടിത്തെറിക്കാവുന്ന ഒരു പടക്കം…
അവളുടെ കൈ എന്റെ കൈയിൽ പിടിച്ചു വച്ചിരുന്നെങ്കിലും, ആ പിടിയിൽ ഇപ്പോള് ഭീഷണി ഇല്ല…… വെറും ദേഷ്യം മാത്രം……
സൂക്ഷിച്ച് നോക്കിയപ്പോൾ ആ ദേഷ്യം എന്നോടല്ല മറിച് അവളോടാണ് എന്ന് എനിക്ക് മനസ്സിലായി…. കാരണം മായയെ നോക്കി ദഹിപ്പിക്കുകയാണ് പെണ്ണ്….
മായ ഒന്നും പറയാതെ കുറച്ചു നേരം കൂടേ എന്റെ നെഞ്ചിൽ തല ചേർത്ത് നിന്നു ശേഷം എന്നിൽ നിന്നും പതിയേ വിട്ടുമാറി…
ശരിക്കും ഹൃദയം പുറത്തേക്കു തുള്ളുന്നതുപോലെയായിരുന്നു എനിക്ക് ആ നിമിഷങ്ങളത്രയും….
മായ എന്റെ മുഖത്ത് നോക്കി ഒരു ചിരി ചിരിച്ചു…….അതൊരു സാധാരണ ചിരിയല്ലായിരുന്നു.
ഹൃദയത്തിന്റെ അടിത്തട്ടിലെല്ലാം മറഞ്ഞിരിക്കുന്ന വാതിലുകൾ തുറക്കുന്ന, അതി മനോഹരമായ ചിരി…..
ഞാനും മുഖത്ത് ഒരു ചിരി വരുത്തി….
“സിദ്ധു…. സുഖമല്ലേ….. ”
മായ എന്റെ കൈ പിടിച്ചു കൊണ്ട് ചോദിച്ചു….
“മ്മ്….”
ഒന്ന് മൂളാനേ എനിക്ക് കഴിഞ്ഞുള്ളു…. അല്ലാതെ എന്ത് ചെയ്യാൻ…..
അവളുടെ പെരുമാറ്റം എന്നേ ശരിക്കും അറിയുന്നപോലെയാണ്…..
എന്നാൽ ഞാൻ അവളേ എന്റെ ഒരു സ്വപ്നത്തിൽ പോലും കണ്ടിട്ടില്ല…..
ഇവൾ ആരാണ്……? ഈ ഒരു ചോദ്യം എന്റെ മനസ്സിൽ മുഴുവൻ അലയടിക്കാൻ തുടങ്ങി….
അവൾ എന്നിൽ നിന്നും പൂർണമായി വിട്ടുമാറി കല്ല്യാണിയുടെ അടുത്തേക്ക് നീങ്ങി…..
അവരുടെ കണ്ണുകൾ പരസ്പരം ഉടക്കി…..
രണ്ടുപേരുടെയും മുഖത്ത് ചിരിയുണ്ട്…. പക്ഷേ ഒന്നും പരസ്പരം മിണ്ടുന്നില്ല…. അവർ കണ്ണുകൾകൊണ്ട് പോരടിക്കുന്നപോലെയാണ് എനിക്ക് തോന്നിയത്…..
ഒടുവിൽ മൗനം മായ തന്നെ ബേധിച്ചു….
“ചേച്ചി……സുഖല്ലേ…… ”
അവൾ കല്ല്യാണിയേ നോക്കി ചോദിച്ചു….
എന്ത് നല്ല കൊച്ച് ആദ്യായിട്ട് കാണുകയാണെങ്കിലും എല്ലാരോടും സുഖ വിവരങ്ങൾ ഓക്കേ ചോദിക്കുന്നു…. കുടുംബത്തിൽ പിറന്ന കൊച്ച് തന്നെ…. 😌
എന്നിരുന്നാലും എന്റെ മനസ്സിൽ ഉടക്കിയത് അവളുടെ ചേച്ചി വിളിയായിരുന്നു….
ഇവൾ അപ്പോൾ കല്യാണിയേക്കാൾ ഇളയതാണോ….? 🤔
ഞങ്ങൾ തമ്മിൽ ഒരേ പ്രായം ആയിരിക്കണം അപ്പോൾ….
കല്ല്യാണിയുടെ മറുപടി കേൾക്കാൻ വേണ്ടി ഞാൻ അവളെ നോക്കി……
മൈര്…… ഇവൾ ഇപ്പോ പൊട്ടി തെറിക്കോ…?
മുഖം ഒക്കെ ചുവന്ന് തക്കാളി പരുവം ആയിരിക്കുന്നു…..ഇതിനും മാത്രം മായ ഇവളോട് എന്താ ചോയ്ച്ചേ…..
കല്ല്യാണി മറുപടിയായി ഒരു ചിരിയാണ് കൊടുത്തേ….
ഇതിനും ബേധം മിണ്ടാതെ ഇരുന്നാൽ മതിയായിരുന്നു എന്ന് തോന്നിപ്പിക്കും വിധം ഒരു കൊല ചിരി….
“മതി…. വിശേഷങ്ങൾ ഒക്കെ ആഹാരം കഴിച്ചതിനു ശേഷം ചോദിക്കാം… എല്ലാവരും ഇവിടേ തന്നെ ഉണ്ടല്ലോ….”
ലക്ഷ്മിയാന്റിയുടെ മറുപടിയായിരുന്നു അത്….
അവർക്ക് ഇവരുടെ വരവ് അത്ര പിടിച്ചിട്ടില്ല… പ്രത്യേകിച്ച് എന്നേ കെട്ടി പിടിച്ചത്….
എല്ലാവരും ഉള്ളിലേക്ക് കയറി….
പോവുന്ന വഴി മായ എന്നേ നോക്കി ചിരിക്കാനും മറന്നില്ല….
ഞാനും എന്തെങ്കിലും ഒക്കെ കഴിക്കാം എന്ന് വച്ചിട്ടാണ് ഉള്ളിലേക്ക് കയറിയത്…..എന്നാൽ എന്റെ കൈകളിൽ കല്ല്യാണിയുടെ പിടി വീണിരുന്നു…..ഒരു വല്ലാത്തതരം പിടി…. നഖം ഒക്കെ കുത്തകേറിന്ന… തോന്നണേ….
“ഒന്ന് പതുക്കെ നടക്കടി…. ഞാൻ എന്താ എങ്ങോട്ടേലും ഓടി പോവാൻ നിക്കാണോ… ”