അച്ചായത്തി ഫ്രം ബാംഗ്ലൂർ 9

Achayathi From Banglore Part 9 | Author : Adheera

[ Previous Part ] [ www.kambi.pw ]

സൂര്യന്റെ പ്രകാശ രശ്മികൾ ജനാലയിൽ കൂടി അരിച്ചിറങ്ങി റൂമിൽ ആകേ വെളിച്ചം പരന്ന് തുടങ്ങിയിരുന്നു,
അതിരാവിലെ പച്ചക്കറികളുമായി വരുന്ന വണ്ടികളുടെ ശബ്ദം കേട്ട് ആണ് ആൽബി കണ്ണ് തുറക്കുന്നത്,
ഒരു ഞെളിപിരിയോടെ പാതി ഉറക്കത്തിൽ നിന്നും കണ്ണ് തുറക്കുമ്പോൾ സ്റ്റെല്ലാ അരികിൽ ഉണ്ടായിരുന്നില്ല , ആൽബി എഴുനേറ്റ് ഹാളിലേക്ക് വന്നതും അവിടെയും അവളില്ല,
ബാൽക്കണിയിൽ നിന്ന് താഴേക്ക് നോക്കിയതും അവൾ പച്ചക്കറി വണ്ടിയുടെ അടുത്തുണ്ട് കൂടെ അന്ന മോളും.

കുറച്ചു കഴിഞ്ഞു പടികൾ കയറി വരുന്ന അവളെ നോക്കി ആൽബി ഒന്ന് ചിരിച്ചു,
” ഗുഡ് മോർനിംഗ് പെണ്ണേ ”

” ഗുഡ് മോർണിംഗ് ആൽബി, എഴുന്നേറ്റോ ”

” യെസ് , ഇപ്പോ തല പൊക്കിയതേ ഉള്ളൂ” ആൽബിയുടെ മറുപടിക്ക് ഒന്ന് ചിരിച്ച ശേഷം കവറും പിടിച്ച് സ്റ്റെല്ല അകത്തേക്ക് കയറി പോയി.
കുറച്ചു സമയം കൂടി അവിടെ നിന്ന ശേഷം ആൽബിയും അവർക്ക് പുറകെ കിച്ചണിലേക്ക് ചെന്നു..

” എടീ ഒരു ഷോപ്പിങ്ങിന് പോയാലോ..?? ”
പുറകിൽ നിന്നും കെട്ടി പിടിച്ചു കൊണ്ടുള്ള ആൽബിയുടെ ചോദ്യം കേട്ടതും സ്റ്റെല്ല ചെയ്ത് കൊണ്ടിരുന്ന പരുപാടി നിർത്തി തിരിഞ്ഞു നോക്കി
” നല്ല പ്ലാൻ ആണ് ഇന്ന് ലഞ്ചും പുറത്തുന്ന് തന്നെ ആക്കാം ”

“എവിടേക്കാ പോവുക..?? ”

” മടിവാളയിൽ ഏതൊക്കെയോ പുതിയ റെസ്റ്റുറന്റും വെറൈറ്റി ടെസ്റ്റൈൽ ഷോപ്പ്സ് ഒക്കെ തുറന്നിട്ടുണ്ട് എന്ന് പറയുന്നത് കേട്ടു, ആൽബി ഞാൻ ഇൻസ്റ്റയിൽ അയക്കുന്ന റീൽസ് ഒന്നും കാണാറില്ലേ..?? ”
സ്റ്റെല്ല അവനെ സംശയത്തോടെ നോക്കി.

“ആ കാണാറുണ്ടല്ലോ..!! ”
നോക്കാറില്ലെങ്കിലും അവൻ ഉണ്ടെന്ന് തലയാട്ടി.

” BTM സൈഡിൽ ഒരുപാട് പുതിയ ഷോപ്പ്സ് തുറന്നതിന്റെ റീൽസ് ഒക്കെ ഞാൻ അയച്ചിട്ടുണ്ട്, എന്തൊക്കെ തരം ഐറ്റംസ് ആണെന്നൊ ആൽബി, നമുക്കൊന്ന് പോയി കറങ്ങീട്ട് വരാം ”

” അപ്പോൾ ഇന്ന് ഉച്ചയ്ക്ക് പുറത്തു നിന്ന്..!! ” അവളുടെ ഇഷ്ടത്തിനൊത്ത് അവൻ രണ്ടു കൈ കൊണ്ടും തംസ് അപ്പ് ഇട്ട് സമ്മതം അറിയിച്ചു.

സമയം പതിയ മുന്നോട്ട് പോയിക്കൊണ്ടിരുന്നു കിച്ചണിൽ നിന്നും റൂമിലേക്ക് എത്തിയ ആൽബി തന്റെ ചാർജറിനു വേണ്ടി തിരയുകയായിരുന്നു,
പേഴ്സിനും ഫോണിനും ഒപ്പം ചേർത്ത് വച്ചിരിക്കുന്ന ആ കാർഡിലേക്ക് പെട്ടെന്നാണ് അവൻറെ ശ്രദ്ധ പതിഞ്ഞത്, ആൽബി അത് പതിയെ കയ്യിലേക്ക് എടുത്തു
ഒരു ചുവപ്പു നിറത്തിലുള്ള വിസിറ്റിംഗ് കാർഡ് ഒരു വശത്ത് ഹാർലി ഡേവിസൺ ബൈക്കിന്റെ ചിത്രം മറുവശത്ത് മാധവ് എന്ന പേരും ഒരു ഫോൺ നമ്പറും,
അവനതിന്റ അതിന്റെ ഭംഗി തിരിച്ചും മറിച്ചും ഒന്നു കൂടി നോക്കി ശേഷം അതുപോലെതന്നെ പേഴ്സിന്റെ ഉള്ളറയിലേക്ക് തിരികെ വെച്ചു.

രാവിലത്തെ പ്രഭാത ഭക്ഷണം കഴിച്ച ശേഷം കുറച്ചു സമയം ഫോണിൽ നോക്കി അവർ സമയം ചെലവഴിച്ചു,
1 മണിയോട് അടുത്തതും പുറത്തുനിന്ന് കഴിക്കാം എന്നുള്ള തീരുമാനത്തിൽ പോകാൻ തയ്യാർ റെഡി ആയിരുന്നു.
ആൽബി കാർ എടുത്ത് വന്നപ്പോഴേക്കും സ്റ്റെല്ല ഒരുങ്ങി തയ്യാറായിട്ടുണ്ടായിരുന്നു ഒരു വെള്ള കളർ ലഗിൻസും റോസ് കളർ ടോപ്പും ഇട്ട് അത്യാവശ്യം ഒരുക്കത്തോടെ ആണ് അവൾ ഇറങ്ങിയത്..

ആൽബി തന്റെ പതിവ് പോലെ ഒരു ട്രാക്ക് സ്യൂട്ടും ബനിയനും ധരിച്ചിരിക്കുന്നത് കണ്ട് അവൾക്ക് ചെറുതായി ദേഷ്യം വന്നു.
” നിങ്ങൾ ആണുങ്ങൾ എവിടെപ്പോയാലും ഒരു മെനക്കും വൃത്തിക്കും പോകത്തില്ലയോ..??”

” ഇതിന് എന്താ കുഴപ്പം..?? ”

” ഞാൻ ഇത്രയും നന്നായി ഒരുങ്ങി കെട്ടി വന്നതല്ലേ, ആൽബിക്ക് ഒരു ജീൻസ് എങ്കിലും ഇട്ടു കൂടായിരുന്നോ..?? ഇത് ചുമ്മാ ഏതാണ്ട് ഗ്രൗണ്ടിൽ കളിക്കാൻ പോകുന്ന പിള്ളേരെ പോലെ..!!”

” ഒന്ന് പോയെ പെണ്ണേ ഞാൻ ആരെയും പെണ്ണ് കാണാൻ പോകുകയൊന്നും അല്ലല്ലോ അവിടെ ചെന്ന് കഴിയുമ്പോൾ ത്രീഫോർത്ത് ഇട്ട് നടക്കുന്ന ആൾക്കാരെ കാണാം, അപ്പോഴാ…!! ”
ആൽബിയും വിട്ടു കൊടുത്തില്ല.