അമ്മ വലിയ കാര്യം പറയുന്നപോലേ പറഞ്ഞു…
“അതിന്…. ”
പുച്ഛം കൂടെപ്പിറപ്പായി പിറന്ന ദേവൂചേച്ചിക്ക് ഇതൊക്കെ എന്ത്….
“ദേ ദേവു നീ എന്റെ കയ്യിൽനിന്നും വാങ്ങും.. ട്ടോ….”
“ഓഹ് പിന്നേ…. ”
ചേച്ചി പിന്നേയും കുറച്ചു പുച്ഛമിട്ടു മിണ്ടാതെ ഇരുന്നു….
“അതൊക്കെ ശരി ഇതിൽ ഞാനും ദേവുചേച്ചിയുമായി എന്താ ബന്ധം….”
ഞാൻ എന്റെ സംശയം അമ്മയോട് ചോദിച്ചു……..
“ആ… അതിലേക്കാ ഞാനും വരുന്നേ…. ഈ മയമോളും ആദിമോനുമായി നിങ്ങടെ കല്ല്യാണം ആദ്യമേ ഉറപ്പിച്ചതായിരുന്നു….മായ സിദ്ധു ജനിച്ച അതേ ദിവസമായിരുന്നു ജനിച്ചത്…. ആദി നമ്മുടെ കുടുംബത്തിലെ ആദ്യത്തെ സന്ദതിയും….”
അമ്മയുടെ വാക്കുകൾ കേട്ട് കട്ടിലിന്മേൽ ഇരുന്നവർ എല്ലാവരും തമ്മിൽ മുഖം നോക്കി.
“എന്ത്…??”
കല്ല്യാണി അതിശയത്തോടെ ചോദിച്ചു.
ഇവളെക്കെന്താ ഇത്ര പ്രശ്നം എന്റെ കല്ല്യാണമല്ലേ ഉറപ്പിച്ചിട്ടുണ്ടായിരുന്നത്….
“നിങ്ങളോടാരാ തള്ളേ എന്റെ സമ്മതമില്ലാതെ എന്റെ വിവാഹം ഉറപ്പിക്കാൻ പറഞ്ഞേ… സിദ്ധു എന്തായാലും കെട്ടി ഈ പേരും പറഞ്ഞു ആരെങ്കിലും എന്റടുത്തു വന്ന ഈ ദേവിക ആരാന്ന് എല്ലാവരും അറിയും…..😤”
“പണ്ടത്തെ വീടുകൾ തമ്മിലുള്ള തീരുമാനങ്ങളായിരുന്നു മക്കളേ… ആ സമയത്ത്. പാരമ്പര്യം, ബന്ധം, വീടിന്റെ അഭിമാനം… അതൊക്കെ നോക്കിയായിരുന്നു തീരുമാനങ്ങൾ എടുക്കുമായിരുന്നത്…..”
പറഞ്ഞു കഴിഞ്ഞതും അമ്മ ഒരു ശ്വാസം വിട്ടു….ശേഷം….
“നമ്മൾ ഇവിടേ വരുന്ന രണ്ട് ദിവസം മുന്നേ അവർ എന്നെയും നിങ്ങടെ അച്ഛനെയും വിളിച്ചിരുന്നു… സിദ്ധുവിന്റെയും മായയുടെയും കല്ല്യാണകാര്യം പറയാൻ…. എനിക്ക് പണ്ടേ അവരുടെ കുടുംബത്തിലേക്ക് നിങ്ങളേ പറഞ്ഞുവിടാൻ താൽപ്പര്യമുണ്ടായിരുന്നില്ല… അത്കൊണ്ട് ഞാൻ അന്ന് എന്തൊക്കയോ പറഞ്ഞു ആ വിഷയം മാറ്റി….. പക്ഷേ ഇപ്പോൾ അവരുടെ പെട്ടെന്നുള്ള വരവ് എനിക്കത്ര പന്തിയായി തോന്നുന്നില്ല…..”
അമ്മയുടെ മുഖത്ത് ഒരു പേടി കാണാം….
“അതിന് അമ്മ എന്തിനാ ഇങ്ങനെ ടെൻഷൻ ആവുന്നത്…..”
നന്ദു ചേച്ചി എന്റെ മനസ്സറിഞ്ഞതുപോലെ അമ്മയോട് ചോദിച്ചു…
“ടെൻഷൻ ആവണം മോളേ….ആ കുട്ടികളും അവരുടെ അമ്മയും പാവങ്ങളാണെങ്കിലും ആ പരമേശ്വരനും അയാളുടെ മോനും നിങ്ങൾ വിചാരിക്കുന്ന പോലെയല്ല…അവർ എന്തും ചെയ്യാൻ മടിക്കില്ല…..സിന്ധുവിന്റെ വിവാഹം കഴിഞ്ഞ സ്ഥിതിക്ക് അവർ ദേവുവിന്റെ കാര്യത്തിനാണോ ഇവിടേ വരേ വന്നത് എന്ന് എനിക്ക് നല്ല പേടിയുണ്ട്…..”
മുറിയിലാകെ ഒരു മൗനം പരന്നു….
“ഇവിടേ ഒരു മോന്റെ മോനും എന്റെ ചേച്ചിമാരേ ഒന്നും ചെയ്യില്ല…. ലേ ദേവൂസേ…”
ഞാൻ ചേച്ചിയുടെ കവിൾ മെല്ലെ പിടിച്ചുവലിച്ചു കൊണ്ടു പറഞ്ഞു…
അത്രയും നേരം ദേഷ്യം കൊണ്ട് ചുവന്ന ചേച്ചിയുടെ മുഖത്ത് ഒരു ചിരി പടർന്നു….
സത്യം പറഞ്ഞാൽ ദേവിക ആരാന്ന് എന്റെ വീട്ടുകാർക്ക് ഇപ്പോഴും അറിയില്ല… അത് അറിയണമെങ്കിൽ ആ ബാങ്ക് ബാലൻസും കോൺടാക്ട് ലിസ്റ്റും എടുത്ത് നോക്കിയാൽ മതി….. 😌
“എന്നാലും എന്റെ പൊന്ന് തള്ളേ നിങ്ങൾ എന്തിനാ മായയുടെ കാര്യം വന്നപ്പോൾ ഒഴിഞ്ഞു മാറാൻ നിന്നത്… ഇല്ലായിരുന്നെങ്കിൽ നിങ്ങൾക്ക് ഇപ്പോ ഒരു സുന്ദരി കൊച്ചിനെ മരുമകൾ ആയി കിട്ടുമായിരുന്നില്ലേ…. ”
ചേച്ചിയുടെ മടിയിൽ തലവച്ചു കിടക്കുന്ന കല്ല്യാണിയേ ഒന്നിളക്കാനായി ഞാൻ പറഞ്ഞു….
പറഞ്ഞു കഴിഞ്ഞതേ ഓർമ്മയുള്ളൂ….. കിട്ടി ഒരു ചവിട്ട്….
കല്ല്യാണിയാണ്…..
ഞാൻ അവളേ നോക്കിയതും അവൾ ചിരികൊട്ടികൊണ്ട് മുഖം തിരിച്ചു…..
അത്രക്കായോ….
“എടി……….”
ഞാൻ തമാശരൂപേനെ അടിക്കാൻ ഓങ്ങിയതും ചേച്ചിയെന്റെ കൈ തട്ടി മാറ്റി……
“അത് നീ ചോദിച്ചു വാങ്ങിയതാ… അതിനെങ്ങാനും എന്റെ കൊച്ചേനെ തൊട്ടലുണ്ടല്ലോ… ഹാ….. ”
ചേച്ചി കല്ല്യാണിയുടെ മുടിയിൽ തഴുകി പറഞ്ഞു…