” അച്ചു നീ ഇല്ലാതെ ഞാൻ എങ്ങനെയാ ഒറ്റക്ക് നിക്ക എനിക്ക് നിന്നെ കാണാതെ ഇരിക്കാൻ വയ്യ ” ഗായത്രി പറഞ്ഞു.
” എന്ന് കരുതി എനിക്ക് നിന്നേം കൊണ്ട് പോകാൻ പറ്റുമോ ” ഞാൻ അവളോട് ചോദിച്ചു.
” അതെന്താ എനിക്ക് വരാൻ പറ്റില്ലേ ” ഗായത്രി എന്നോട് ചോദിച്ചു.
” ഞാൻ എങ്ങനെയാ ഗായു നിന്നേം കൊണ്ട് പോകുവാ നിനക്ക് നിന്റെ വീട്ടുകാരുടെ കൂടെ ഓണം ആഘോഷിക്കണ്ടേ ”
” അതിപ്പം….. ” ഗായത്രി മറുപടി പറയാൻ പറ്റാതെ വിഷമിക്കുന്നത് കണ്ടപ്പോൾ എനിക്ക് എന്തോ ഒരു സങ്കടം തോന്നി.
” സാരമില്ലടി ഞാൻ പത്ത് ദിവസം കഴിഞ്ഞ് വരില്ലേ ”
” എന്നാലും പത്ത് ദിവസം ഞാൻ നിന്നെ എങ്ങനെയാ കാണാണ്ട് ഇരിക്ക്യ ” ഗായത്രി എന്നോട് ചോദിച്ചു.
” ഞാൻ ഒരു കൊല്ലത്തേക്ക് ഒന്നുമല്ല പോകുന്നെ ഒരാഴ്ചത്തെ കാര്യം അല്ലെ ഒള്ളു ” ഞാൻ അവളോട് പറഞ്ഞു.
” ഹ്മ്മ് ” അവൾ അതിനൊന്നും മൂളുക മാത്രം ചെയ്യതു.
” പിന്നെ…… നമ്മക്ക് പോയാലോ ” ഞാൻ അവളോട് ചോദിച്ചു.
” എന്തിനാ നേരത്തെ പോകുന്നെ ” അവൾ എന്നോട് ചോദിച്ചു.
” ഓ എന്റെ മണ്ടത്തി. ഞാൻ നാളെ പോകുവല്ലേ നിന്റെ കൈയിൽ നിന്നും സമ്മാനം എന്തേലും വാങ്ങിട്ട് പോകാലോ കൊറച്ചു ദിവസം നിന്നെ ഓർത്ത് ഇരിക്കലോ ” ഞാൻ പറഞ്ഞു.
” മതി മോനെ നിന്റെ ചാട്ടം എങ്ങോട്ടാ എന്നോക്കെ എനിക്ക് മനസിലായി. ഏത് സമയവും ചെക്കന് ഈ വിചാരമേ ഒള്ളു ”
” ഏറ്റില്ലാലെ ” ഞാൻ അവളോട് പറഞ്ഞു.
” ഇല്ല….. എന്റെ കൈയിൽ നിന്നും ഇനി അങ്ങനെ എന്തേലും കിട്ടണേൽ എന്റെ മോൻ ദേ ഈ കഴുത്തിൽ ഒരു മിന്ന് കെട്ട്. എന്നിട്ട് മോന് എന്തോരം വേണേലും തരാം ” ഗായത്രി പറഞ്ഞു.
” അപ്പം ഇനി ഒരുമ്മ ഒക്കെ വാങ്ങണേൽ ഞാൻ എന്ത് ചെയ്യും ” ഞാൻ ആത്മാഗതം പറഞ്ഞു.
” ഇപ്പ മോൻ ഞാൻ തന്നത് ഓർത്ത് അയവ് ഇറക്ക് ”
” അല്ലാതെ വേറെ വഴി ഇല്ലല്ലോ ” അതും പറഞ്ഞ് ഞാൻ കടലിലേക്ക് നോക്കി അപ്പഴാണ് പരിചയം ഉള്ള ഒരു പെണ്ണും ചെക്കനും പോകുന്നത് കണ്ടത്. പാർക്കിലേക്ക് പോയ ഇവൻ എങ്ങനെ ഇവിടെ എത്തി.
” ഡാ നിധിനെ ” അവൻ തന്നെ ആണോ എന്ന് ഉറപ്പിക്കാൻ വേണ്ടി വിളിച്ചു. എന്റെ വിളി കേട്ടിട്ട് അവർ തിരിഞ്ഞു നോക്കി.
” അച്ചു നീ എപ്പ വന്ന് ”
” ഞാൻ വന്നിട്ട് കൊറച്ച് നേരമേ ആയൊള്ളു ”
” നീ എങ്ങനെയാ വന്നേ നിനക്ക് ബൈക്ക് ഉണ്ടോ പാർക്കിൽ പോകാൻ ബൈക്ക് വേണ്ട പക്ഷെ ഇവിടെ വരാൻ വേണ്ടേ ” ഞാൻ അവനോട് ചോദിച്ചു.
” അപ്പന്റെ ചേദക് ഉണ്ടാർന്നെടാ ഇന്ന് വീട്ടിൽ.
അപ്പപ്പിന്നെ ഞാൻ അതെടുത്ത് ഇങ്ങ് പോന്നു ” നിധിൻ പറഞ്ഞു.
” അതെന്തായാലും നന്നായില്ലേ അതോണ്ട് രണ്ടിനും ചെത്തി നടക്കാൻ വണ്ടി ഉണ്ടല്ലോ” ഞാൻ അത് പറഞ്ഞ് കഴിഞ്ഞപ്പോൾ ഗായത്രി എന്റെ കൈയിൽ ഒന്ന് പിച്ചി. ഞാൻ ഗായത്രിനെ നോക്കുമ്പോൾ അവൾ രൂക്ഷമായി എന്നെ നോക്കുന്നു. അവളുടെ ആ ഭാവം അവരെ കൂടുതൽ കാണിക്കണ്ട എന്ന് കരുതി ഞാൻ അവനോട് പൊക്കോളാൻ പറഞ്ഞു.
” നിനക്ക് എന്താ അച്ചു ബോധം ഇല്ലേ ” ഗായത്രി എന്നോട് ചോദിച്ചു
” അതെന്താ നീ അങ്ങനെ ചോദിച്ചേ ” ഞാൻ ഗായത്രിയോട് ചോദിച്ചു.
” എടാ പൊട്ടാ അവരുടെ വരവ് കണ്ടാൽ അറിയില്ലേ ആദ്യത്തെ ആണെന്ന് . ആ കൊച്ചിന്റെ പതുങ്ങൽ കണ്ടാൽ അറിയാം ”
” നമ്മൾ പിന്നെ ഇതിന്റെ പിഎച്ചിടി എടുത്ത ആൾക്കാർ ആണല്ലോ……. ഇതൊക്ക നമ്മുടെ വീട്ടിൽ അറിഞ്ഞാൽ അറിയാം, പതുങ്ങൽ ആണോ , പേടിയാണോ , എന്താണോ എന്ന് ” ഞാൻ പറഞ്ഞു.
” എടാ പട്ടി മനുഷ്യനെ പേടിപ്പിക്കല്ലേ ” ഗായത്രി എന്നോട് പറഞ്ഞു.
” പേടിപ്പിച്ചതല്ല ഒള്ളത് പറഞ്ഞതാ ”
” അച്ചു നമ്മക്ക് പോകാം ”
” ഇത്ര പെട്ടന്നോ ” ഞാനവളോട് ചോദിച്ചു.
” ഹാ….. പോകാം എനിക്ക് എന്തോ വയ്യായിക ” അവളുടെ ആ സംസാരം കേട്ടപ്പോൾ തന്നെ എനിക്ക് കാര്യം മനസിലായി ഞാൻ പോകുന്നതിനുള്ള സങ്കടം ആണെന്ന്.
” ന്നാ വാ പോകാം ” ഞാൻ എഴുന്നേറ്റു. അവൾക്ക് വേണ്ടി കൈ നീട്ടി ഗായത്രി കൈയിൽ പിടിച്ച് എഴുന്നേറ്റു. ഞങ്ങൾ രണ്ടും കൂടെ നടന്ന് ബൈക്കിന്റെ അടുത്ത് എത്തി. അപ്പഴാണ് ഐസ് ക്രീം വണ്ടി കണ്ടത് ഞാൻ അവളെ ഒന്ന് നോക്കി. ആൾക്ക് സങ്കടം ഉണ്ടെങ്കിലും കണ്ണ് കാക്ക കൂട്ടിൽ തന്നെ. ഞാൻ അവളേം കൂട്ടി നേരെ വണ്ടിന്റെ അടുത്തേക്ക് നടന്നു.
” എന്താ വേണ്ടേ നിനക്ക് ” ഞാനവളോട് ചോദിച്ചു.
” നമ്മക്ക് മറ്റേ കൂൾ ബാറിൽ നിന്നും കഴിക്കാം ”
” ഏത് കൂൾ ബാർ ” ഞാൻ ഗായത്രോയോട് ചോദിച്ചു.
” കോളേജിന്റെ അടുത്ത് ഉള്ള നമ്മൾ അന്ന് ഇറങ്ങി പോയ കട ” ഗായത്രി പറഞ്ഞു.
” മ്മ്മ് വാ ” ഞാൻ അവളേം കൂട്ടി ബൈക്കിൽ കേറി കോളേജിന്റെ അടുത്തേക്ക് ഉള്ള കൂൾ ബാറിലേക്ക് വെച്ച് പിടിച്ചു. ഏകദേശം ഒരു പത്തിരുപത്തഞ്ചു മിനിറ്റ് കൊണ്ട് ഞങ്ങൾ കൂൾ ബാറിൽ എത്തി. ഞങ്ങൾ രണ്ടും ഇറങ്ങി അകത്തേക്ക് നടന്നു അപ്പഴാണ് ഞങ്ങളെ ഞെട്ടിച്ചു കൊണ്ട് ആ കാഴ്ച കാണുന്നത് ആന്റിയും അങ്കിളും കൂടെ ഇരുക്കുന്നു. ഒരു കപ്പ് ഐസ് ക്രീംന്റെ അപ്പുറവും ഇപ്പുറവും ഇരുന്ന് കഴിക്കുന്നു. അത് കണ്ടപ്പോൾ തന്നെ എന്റെ കിളികൾ ഏത് വഴിക്ക് പോയെന്ന് എനിക്ക് ഒരു പിടിയും ഉണ്ടായിരുന്നില്ല. മുൻപോട്ട് നടക്കാൻ തുടങ്ങിയ ഗായത്രിനെ ഞാൻ തടഞ്ഞു.
” എന്താ അച്ചു ” ഗായത്രി എന്നോട് ചോദിച്ചു.
” ആ ഇരിക്കുന്നത് ആരൊക്കെ ആണെന്ന് നിനക്ക് അറിയോ ” ഞാൻ അവരെ ചൂണ്ടിക്കാണിച്ചു ചോദിച്ചു.
അവരെ രണ്ട് പേരെയും കണ്ടപ്പോൾ ഗായത്രി ഒന്ന് ഞെട്ടി. അവരുടെ സ്വർഗത്തിൽ കട്ടുറുമ്പ് ആകണ്ട എന്ന് കരുതി ഞാൻ ഗായത്രിനെയും കൂട്ടി പുറത്തേക്ക് ഇറങ്ങി.
” അവർ റൊമാന്റിക് ആണെന്ന് പറഞ്ഞപ്പോൾ ഞാൻ ഇത്രേം വിചാരിച്ചില്ല ” ഞാൻ അവളോട് പറഞ്ഞു.
” അറിയില്ലേൽ കണ്ട് പഠിക്ക് അങ്ങനെയൊക്കെ ആണ് റൊമാൻസ് ” ഗായത്രി പറഞ്ഞു.
” എന്റെ റൊമാൻസിന് എന്താടി ഒരു കൊഴപ്പം ” ഞാൻ അവളോട് ചോദിച്ചു.
” കൊഴപ്പങ്ങളെ ഒള്ളു , എപ്പഴും ഒരു വിചാരമേ ഒള്ളു ” ഗായത്രി എന്നെ നോക്കി പറഞ്ഞു.
” ഓഹോ എന്നാലേ എന്റെ റൊമാൻസ് അങ്ങനെയാ നീ പറ്റുവാണേൽ ഇഷ്ടപെട്ടാൽ മതി ” ഞാൻ അവളോട് പറഞ്ഞിട്ട് പോയി ബൈക്കിൽ കേറി ഇരുന്നു. ഗായത്രി ഒന്നും മിണ്ടത്തെ വന്ന് പുറകിൽ കേറി ഇരുന്നു. എനിക്ക് ആ ഒരു വിചാരമേ ഒള്ളു എന്ന് ഗായത്രി പറഞ്ഞപ്പോൾ എനിക്ക് എന്തോ ഞാൻ അത്രക്ക് മോശമായ ഒരാൾ ആണെന്ന് ആണോ…….? അങ്ങനെ ആണോ അവൾ എന്നെ കരുതിയിരിക്കുന്നത് എന്ന തോന്നൽ മനസ്സിൽ നിറഞ്ഞു.
ബൈക്ക് നിർത്തി അവളെ നോക്കാതെ ഞാൻ വീട് തുറന്ന് അകത്തേക്ക് കേറി. ഞാൻ നേരെ എന്റെ റൂമിൽ കേറി ഗായത്രി എന്റെ പുറകെ പാഞ്ഞു വരുന്നുണ്ടായിരുന്നു ഞാൻ അവൾ റൂമിൽ കേറുന്നതിന് മുൻപേ ഞാൻ ഡോർ ലോക്ക് ചെയ്തു. അവൾ കതകിൽ തട്ടി അച്ചു തുറക്ക് എന്ന പറയുന്നുണ്ടായിരുന്നു.
ഡ്രസ്സ് മാറി ഷവർ തുറന്ന് അതിന്റെ മുൻപിൽ കുറെ നേരം നിന്നു എന്തോ വെള്ളത്തുള്ളികൾ ശരീരത്തിൽ തട്ടുബോൾ മൊത്തത്തിൽ ഒരു തണുപ്പാണ് നീണ്ട നേരത്തെ കുളിക്ക് ശേഷം ഞാൻ പുറത്തിറങ്ങി. കതകിൽ ഉള്ള ഗായത്രിയുടെ തട്ടൽ നിന്നിരുന്നു.