കഴുകി തീരാൻ ആയപ്പോൾ രണ്ടും പേരും ഒരുങ്ങി ഇറങ്ങി.
” ഡ്രൈവർ വണ്ടി കഴുകി കഴിഞ്ഞില്ലേ ” ഗായത്രി വിളിച്ച് ചോദിച്ചു.
” അയിന് നീ ഏതാ ” അതെ ടോണിൽ തിരിച്ച് ചോദിച്ചു.
” അത് മതിയട അച്ചു കഴുകിയത് ” അമ്മ വീട് പൂട്ടി പുറത്തേക്ക് ഇറങ്ങി കൊണ്ട് പറഞ്ഞു. പിന്നെ ഒന്നും നോക്കില നേരെ വെല്ല്യ ഒരു തുണിക്കടയുടെ മുന്നിൽ നിർത്തി. ഞാൻ അവരെ കൊണ്ട് അകത്തേക്ക് കേറി. നേരെ പോയത് സാരി സെക്ഷനിലേക്ക് ആണ്. രണ്ട് പേരും കടയിലെ ഷെൽഫിലും തുണികൾ മുഴുവൻ താഴേക്ക് വലിച്ച് ഇടിപ്പിക്കുന്നുണ്ട്. ഇത് കൊറേ നേരം തുടർന്നപ്പോൾ എനിക്ക് ദേഷ്യം വരാൻ തുടങ്ങി. ഈ പോക്ക് പോകുകയാണെങ്കിൽ ഇന്ന് വേറെ ഒന്നും വാങ്ങാൻ പറ്റില്ല എനിക്ക് ഒന്ന് തോന്നി. ഞാൻ അവരോട് പറഞ്ഞിട്ട് നേരെ. വിട്ടു മെൻസ് ന്റെ സെക്ഷനിലേക്ക്. ഞാൻ അവിടെ കേറി ഒരു പാന്റും ഷർട്ടും വാങ്ങാൻ എന്ന് കരുതി പോകുമ്പോൾ ആണ് എന്റെ കൈയിൽ ഒരു പിടുത്തം വീണത് ഞാൻ നോക്കുമ്പോൾ ഗായത്രി ആണ്.
” നീ എങ്ങോട്ടാ ” ഞാൻ അവളോട് ചോദിച്ചു.
” നിനക്ക്‌ വേണ്ടി ഒരു ഷർട്ട്‌ സെലക്ട് ചെയ്യണം എന്നൊരു തോന്നൽ അതാ ഓടി വന്നേ ” ഗായത്രി പറഞ്ഞു.
” അല്ല അപ്പം അമ്മയോ ”
” ആന്റി തന്നെ എടുത്തോളാം എന്ന് പറഞ്ഞു ”
” മ്മ് ന്നാ വാ പോയി എടുക്കാം നിൻറെ സെലെക്ഷൻ നോക്കട്ടെ എങ്ങനെയാ എന്ന്……പിന്നെ എനിക്ക് ഒരുപാട് ഡ്രസ്സ്‌ വലിച്ച് ഇടുന്നത് ഇഷ്ടല്ല ആദ്യമേ പറഞ്ഞേക്കാം ” ഞാൻ ഗായത്രിയോട് പറഞ്ഞു.
” വാ ” അതും പറഞ്ഞ് ഗായത്രി എന്നെ ഷർട്ടിന്റെ ഭാഗത്തേക്ക് കൊണ്ട് പോയി. എന്നിട്ട് ഒരു ബ്ലൂ കളർ ഷർട്ട്‌ എടുത്ത് എനിക്ക് നേരെ നീട്ടി.
” ഇതെങ്ങനെ ഉണ്ട് അച്ചു ” ബ്ലൂ കളർ ഷർട്ട്‌ എന്റെ കൈയിൽ ഉള്ളത് കൊണ്ടാണെന്നു തോന്നുന്നു എനിക്ക് അങ്ങ് ഇഷ്ടപ്പെട്ടില്ല.
” എന്നാൽ വേറെ എടുക്കാം ” എന്റെ മുഖഭാവം കണ്ടിട്ട് ആണെന്ന് തോന്നുന്നു അങ്ങനെ പറഞ്ഞത്. അവൾ ഓരോ ഷർട്ടും എടുക്കും എന്റെ മേത്ത് വെച്ച് നോക്കും മാച്ച് ആണോ എന്ന്. അവസാനം അവൾ ഒരു ഓറഞ്ച് കളർ ഡ്രസ്സ്‌ എടുത്തു. അത് കണ്ടപ്പം എന്തോ വല്ലാത്ത ഒരു ആകർഷണം തോന്നി ആ കളറിനോട് ഒരു ഇഷ്ടം തോന്നി . പിന്നെ പാന്റ് എടുക്കാൻ പോയ എന്നെ അതെ കളറിൽ ഒരു മുണ്ടും വാങ്ങിപ്പിച്ചു അവൾ. ഇവൾക്കും എന്തേലും വാങ്ങണം ഞാൻ അത് എവിടുന്ന് കിട്ടും എന്ന് ആലോചിച്ചോണ്ട് നിക്കുമ്പോൾ ആണ് അവൾ എന്നെയും വലിച്ചോണ്ട് അമ്മേന്റെ അടുത്തേക്ക് കൊണ്ട് പോയി. അമ്മേടെ അടുത്തേക്ക് എത്തിയപ്പം ഇപ്പഴും ഒരു മാറ്റം ഇല്ലാ അതെ ഇരിപ്പ്‌ തന്നെയാണ്.
” എടാ അച്ചു നീ ഇവൾക്ക് കൂടെ എന്തേലും എടുക്കാൻ കൂട് ” ഞങ്ങളെ കണ്ടപ്പോൾ അമ്മ പറഞ്ഞു. ഇനി എന്റെ ഊഴം ആണല്ലോ എന്ന് കരുതി ഞാൻ അവളേം കൊണ്ട് പോയി. നേരെ ഗേൾസിന്റെ സെക്ഷനിലേക്ക് പോയി . ഗായത്രി എന്റെ പുറകെ വരുന്നുണ്ട്.
” നിനക്ക്‌ എന്ത് ഡ്രസ്സ്‌ ആ വാങ്ങുക ” ഞാൻ അവളോട് ചോദിച്ചു.
” എനിക്ക് ഒന്നും വേണം ന്ന് ഇല്ലാ അച്ചു ”
” അതൊന്നും പറ്റില്ല . എനിക്ക് ഇഷ്ടപ്പെട്ടത് ഒന്ന് ഞാൻ എടുക്കും നീ അത് ഇട്ടൊളണം ” ഞാൻ അവളോട് പറഞ്ഞു.
” മ്മ് ” ഗായത്രി അതിന് ഒന്ന് മൂളുക മാത്രം ചെയ്തു.
” മാം…..സാർ ഏത് ടൈപ്പ് ഡ്രസ്സ്‌ ആണ് എടുക്കുന്നത് ” അവിടെ നിന്ന ഒരു സെയിൽസ് ഗേൾ ഞങ്ങളോട് ചോദിച്ചു. അത് കേട്ടപ്പോൾ ഗായത്രി എന്നെ നോക്കി.
” ധാവണി…..? ” ഞാൻ പറഞ്ഞു. അത് കേട്ടപ്പോൾ ഗായത്രി എന്നെ നോക്കി.
” ഓക്കേ സാർ വരൂ ” ഞങ്ങൾ രണ്ടും ആ കുട്ടിയുടെ പുറകെ വന്നു.
” എടാ അച്ചു ധാവണി ഒക്കെ വേണോ ” ഗായത്രി എന്നോട് ചോദിച്ചു.
” ന്തേ നീ ഇടില്ലേ ”
” അതല്ല ഇടും എന്നാലും ”
” ഒരു എന്നാലും ഇല്ലാ വാ നമ്മക്ക് വേഗം എടുക്കാം ” ഞങ്ങൾ അവിടെ എത്തി. ഞാൻ അവളുടെ കൂടെ തന്നെ നിന്നു.
” മാം ഏത് കളർ ആണ് നോക്കുന്നത് ” ആ കുട്ടി ഗായത്രിയോട് ചോദിച്ചു.
” അത് ” അതും പറഞ്ഞു ഗായത്രി എന്നെ നോക്കി.
” ഒരു ബ്ലൂ കളർ എടുക്ക് ”
” ഓക്കേ സാർ ” അതും പറഞ്ഞ് ആ കുട്ടി അവിടെ ഇരുന്ന കുറച്ച് നീല കളർ ധാവണികൾ എടുത്ത് ഞങ്ങളെ കാണിച്ചു. എന്തോ അതൊന്നും കണ്ടിട്ട് എനിക്ക് ഒരു തൃപ്തി വന്നില്ലാ. അപ്പഴാണ് എനിക്ക് ഗായത്രി എടുത്ത് തന്നെ ഓറഞ്ച് ഷർട്ടിന്റെ കാര്യം ഓർമ വന്നത്.
” അതെ ഓറഞ്ച് കളർ ഇല്ലേ ” ഞാൻ അവരോട് ചോദിച്ചു.
” ഉണ്ട് സാർ ” അതും പറഞ്ഞ് ആ പെൺകുട്ടി വേറെ കൊറേ ഓറഞ്ച് കളർ എടുത്ത് മുൻപിൽ എടുത്ത് വെച്ചു. എന്നിട്ട് അതിൽ നിന്നും ഓരോന്നും എടുത്ത് കാണിച്ചു. അതിലും എനിക്ക് ഒന്നും ഇഷ്ടമായില്ല.
” വേറെ ഉണ്ടോ ”
” നോക്കട്ടെ സാർ ” ആ കുട്ടി അവിടെ ഒരു റൂമിലേക്ക് കേറി പോയി.
” അച്ചു നമ്മക്ക് വേറെ ഏതേലും നോക്കാം ” ഗായത്രി എന്നോട് പറഞ്ഞു.
” നിക്ക് ആ കുട്ടി വരട്ടെ അതിലും ഇല്ലേൽ നമ്മക്ക് വേറെ നോക്കാം ” ഞാൻ ഗായത്രിയോട് പറഞ്ഞു.
അകത്തേക്ക് പോയ ആ കുട്ടി കൈയിൽ കുറെ ഡ്രെസ്സുമായി വന്ന് ഒറ്റകൈയിൽ വേറെ ഒന്ന് അല്ലാതെയും എടുത്തിട്ട് ഉണ്ട്.
” സാർ ഇത് കൂടെ നോക്കാം ” അതും പറഞ്ഞ് കൊണ്ട് വന്നത് എല്ലാം എടുത്ത് ഞങ്ങളെ കാണിച്ചു.
അത് കണ്ടിട്ടും എനിക്ക് ഇഷ്ടപ്പെട്ടില്ല.
” സാർ ഇനി സിംഗിൾ കളർ ഇല്ലാ മിക്സഡ് ഉണ്ട് അത് നോക്കണോ ” ആ കുട്ടി ഞങ്ങളോട് ചോദിച്ചു.
” സാർ ഞാൻ ജസ്റ്റ്‌ ഒരെണ്ണം എടുത്തിട്ട് ഉണ്ട് അതൊന്ന് നോക്കാം ”
” മ്മ് ” താല്പര്യം ഇല്ലെങ്കിലും ഞാൻ ഒന്ന് മൂളി.
ആാാ കുട്ടി പിങ്കും ഓറഞ്ചും കൂടിയ ഒന്നാണ് എടുത്ത്. ആ കളർ കണ്ടപ്പോൾ എനിക്ക് എന്തോ അത് വല്ലാതെ അങ്ങ് ഇഷ്ടപ്പെട്ടു. ഞാൻ ഗായത്രിയുടെ മുഖത്തേക്ക് നോക്കി അവൾക്കും ഇഷ്ടപ്പെട്ടത് പോലെ ഇണ്ട്.
” ഇതെങ്ങനെ ഉണ്ട് ” ഞാൻ ഗായത്രിയോട് ചോദിച്ചു.
” എനിക്ക് ഇഷ്ടപ്പെട്ടു ” അപ്പഴേക്കും അമ്മയും പുറകെ വന്നു.
” നിങ്ങൾ എടുത്തോ ” അമ്മ ഞങ്ങളോട് ചോദിച്ചു.
” ഹാ ഇത് എടുത്തു ആന്റി എങ്ങനെ ഉണ്ട് ” ഗായത്രി അമ്മേനോട് പറഞ്ഞു.
” ആഹാ കൊള്ളാലോ നിനക്ക്‌ ചേരും ” അമ്മ ഗായത്രിയോട് പറഞ്ഞു.
” അമ്മ സാരി എടുത്തോ ”
” ഞാൻ എടുത്തു ”
” അല്ല മോളെ ഇതിന്റെ ബ്ലൗസ് തുണി ” അമ്മ സെയിൽസ് ഗേളിനോട് ചോദിച്ചു.
” ഉണ്ട് മാം ” അത് പറഞ്ഞ് ഓറഞ്ച് കളർ തുണി എടുത്ത് കാണിച്ചു.
” ഇത് ഇവിടെന്ന് തന്നെ സ്‌റ്റിച്ച് തരാം മാം ജസ്റ്റ്‌ ഒന്ന് സ്‌റ്റിച്ചിങ് സെക്ഷനിലേക്ക് പോയാൽ ഇപ്പോൾ തന്നെ ചെയ്യ്ത് തരാം ”
” അമ്മേ എന്നാൽ നിങ്ങൾ രണ്ട് പേരും അത് ചെയ്തിട്ട് വാ ഞാൻ വണ്ടിയിൽ ഉണ്ടാകും ” അതും പറഞ്ഞ് ഞാൻ പുറത്തേക്ക് ഇറങ്ങി. വണ്ടിയിൽ ചെന്ന് ഇരുന്നു. ഫോൺ എടുത്ത് യൂട്യൂബ് ഓൺ ആക്കി ഓരോന്ന് കണ്ട് കൊണ്ട് ഇരുന്നു. അരമണിക്കൂർ ഒക്കെ കഴിഞ്ഞപ്പോൾ അമ്മയും ഗായത്രിയും കൈയിൽ കവറുകളുമായി കാറിന്റെ അടുത്തേക്ക് വന്നു.
