ഞാൻ വീടിന്റെ മുറ്റത്തേക്ക് ബൈക്ക് കേറ്റി. വീടിന്റെ മുൻപിലെ ലൈറ്റ് ഒന്നും ഇട്ടിട്ട് ഇല്ലാ. കൈയിൽ ഒരു നിലവിളക്കും പിടിച്ച് തിണ്ണയിലേക്ക് വരുന്ന ഗായത്രി നിലവിളക്കിന്റെ വെളിച്ചത്തിൽ ഗായത്രിയുടെ സൗന്ദര്യം എന്നെ മയക്കി കളഞ്ഞു. ഇത്രേയും ദിവസം അവളുടെ വീട്ടിൽ നിന്നിട്ടും ഈ ഒരു കാഴ്ച എനിക്ക് കാണാൻ പറ്റാത്തതിന്റെ ഒരു വിഷമം എനിക്ക് ഉണ്ടായിരുന്നു. ഗായത്രി വിളക്ക് വെച്ച് അകത്തേക്ക് പോയി.
ഞാൻ കൈയ്യും കാലും കഴുകി അകത്തേക്ക് കേറിയപ്പോൾ അടുക്കളയിൽ നിന്നും രണ്ടുപേരും കത്തി വെക്കുന്നു. ഞാൻ നേരെ റൂമിൽ പോയി ഫ്രഷ് ആയി താഴേക്ക് ഇറങ്ങി.
ഫുചർ അമ്മായിയമ്മയും മരുമോളും ഇപ്പഴേ സെറ്റ് ആണല്ലോ. അപ്പോൾ ഇതിനെ ഇറക്കി കൊണ്ട് വന്നാൽ വെല്ല്യ പ്രശ്നം ഉണ്ടാകില്ല ഒരു സമാധാനം ആയല്ലോ. ഞാൻ അതും ചിന്തിച്ചോണ്ട് നിൽക്കുമ്പോൾ ആണ് അമ്മ വിളിക്കുന്നത്
” അച്ചു നീ എന്ത് ആലോചിച്ചോണ്ട് ഇരിക്കുവാ. നിനക്ക്‌ കഴിക്കാൻ വേണ്ടേ ” അമ്മ എന്നോട് ചോദിച്ചു.
” ഹെയ് ഒന്നുമില്ല ചുമ്മാ ഓരോന്ന് ” ഞാൻ പറഞ്ഞ് ഒപ്പിച്ചു. അല്ലേൽ എനിക്ക് പറയാൻ പറ്റുമോ അമ്മായിയാമ്മേടെയും മരുമോളുടെയും കാര്യം ആലോചിച്ചത് ആണെന്ന്.
” നോക്കി നിൽക്കാതെ ഇറങ്ങി വാടാ ചെക്കാ കഴിക്കാൻ നോക്കാം ” അത് കേട്ടപ്പോൾ ഞാൻ താഴേക്ക് ഇറങ്ങി ചെന്നു കാരണം. അമ്മയുടെ സന്തോഷം തന്നെയാണ്. ഇറങ്ങി കസാര എടുത്ത് ടേബിളിന്റെ മുൻപിൽ ഇരുന്നു അമ്മ വിളമ്പി തന്നു കൂടെ ഞങ്ങളും ഇരുന്ന് കഴിച്ചു. കഴിപ്പ് ഒക്കെ കഴിഞ്ഞ് ഞാൻ സ്റ്റേറിന്റെ മുകളിൽ ഉള്ള സോഫയിൽ ഇരിക്കുകയാണ് അപ്പഴാണ് ഗായത്രി മുകളിലേക്ക് വന്നത്.
” നീ എന്താ ഇങ്ങോട്ട് വന്നേ ” ഗായത്രിയെ കണ്ടപ്പോൾ ഞാൻ ചോദിച്ചു.
” അത് ആന്റി പറഞ്ഞു നിൻറെ റൂമിന്റെ അടുത്ത് ഉള്ള റൂം നല്ലതാ താഴത്തെ റൂം അച്ഛൻ ഉപയോഗിക്കുന്നത എന്ന് ”
” അതിപ്പം ലാഭം ആയാലോ ”
” ലാഭമോ എന്താ അങ്ങനെ പറഞ്ഞെ ”
” അല്ല ഞാൻ എങ്ങനെ നിൻറെ അടുത്തേക്ക് വരും എന്ന് ആലോചിച്ച് ഇരിക്കുവാർന്നു ”
” അതെന്തിനാ അച്ചു രാത്രി നീ എന്റെ അടുത്തേക്ക് വരുന്നെ ” ഗായത്രി എന്നോട് സംശയത്തോടെ ചോദിച്ചു.
” ഓഓഓ എന്റെ കഴുതേ ഇവളെ ഇന്ന് ഞാൻ കൊല്ലും. എന്റെ പൊന്ന് ഗായു രാത്രി കാമുകൻമ്മാർ കാമുകിമാരുടെ അടുത്ത് എന്തിനാ വരുന്നെ ” ഞാൻ അവളോട് ചോദിച്ചു.
” ആവോ എനിക്ക് അറിയില്ലാ ” ഗായത്രി ഒറ്റ സ്വരത്തിൽ പറഞ്ഞു.
” നശിപ്പിച്ച് ” ഞാൻ പറഞ്ഞു.
” നിനക്ക്‌ കിടക്കണ്ടേ പോയി കിടന്നോ ” അതും പറഞ്ഞ് ഞാൻ അവളെ ഉന്തി തള്ളി റൂമിൽ ആക്കി ഞാൻ പോയി കിടന്നു. വേഗം തന്നെ ഉറങ്ങിപ്പോയി.
” അച്ചു എഴുന്നേൽക്കട ” ഞാൻ പതിയെ കണ്ണ് തിരുമ്മി നോക്കുമ്പോൾ കുളിച്ച് തലയിൽ ഒരു കെട്ട് ഉണ്ട്. എനിക്ക് ചായ തരാൻ വന്നതാണ് ഞാൻ ചായ വാങ്ങിക്കൊണ്ട് എഴുന്നേറ്റു.
” നീ എന്താ ഇന്ന് പതിവ് ഇല്ലാതെ നേരത്തെ എഴുന്നേറ്റെ ” ഞാൻ ഗായത്രിയോട് ചോദിച്ചു.
” അത് പിന്നെ ഇനി അടുക്കളയിൽ ഒക്കെ കേറി എന്തേലും ഉണ്ടാക്കാൻ പഠിക്കണം എന്നൊരു തോന്നൽ ”
” ആർക്ക് ” അവൾ പറഞ്ഞു തീരും മുൻപേ ഞാൻ ചോദിച്ചു.
” പോ അച്ചു കളിയാക്കാതെ ഞാൻ അല്ലാതെ വേറെ ആരാ ഇവിടെ ഒള്ളെ ” ഗായത്രി എന്നോട് പറഞ്ഞു.
” മ്മ്മ് ” ഞാൻ ഒന്ന് മൂളിക്കൊണ്ട് ചായ ഗ്ലാസ്സ് എടുത്ത് വായിലേക്ക് അടുപ്പിച്ചു. ഏലക്കയുടെ മണം മൂക്കിലേക്ക് ഇടിച്ചു കേറി ഞാൻ ആ മണം അടിച്ച് കുറച്ചു നേരം ആസ്വദിച്ചു നിന്നു.
” കുടിക്കുന്നില്ലേ അച്ചു ” ഉടനെ ഗായത്രിയുടെ ചോദ്യം എത്തി. ഞാൻ ചായ കുടിക്കാൻ തുടങ്ങി എനിക്ക് എന്തോ ഒരു മാറ്റം തോന്നി.
” ചായ നീ അല്ലെ ഉണ്ടാക്കിയെ ” ഞാൻ ഗായത്രിയോട് ചോദിച്ചു. അവൾ അതിശയഭാവത്തിൽ എന്നെ നോക്കി.
” അതെങ്ങനെ മനസിലായി ഞാന ഉണ്ടാക്കിയെ എന്ന് ” ഗായത്രി ആകാംഷയോട് ചോദിച്ചു.
” അമ്മ ഉണ്ടാക്കുന്ന ചായക്ക് ഒരു പ്രത്യേക രുചി ആണ് ” ഞാൻ അവളോട് പറഞ്ഞു.
” പക്ഷെ ആന്റി പറഞ്ഞു തന്ന പോലെ ആണല്ലോ ഞാൻ ഉണ്ടാക്കിയെ എന്നിട്ടും എങ്ങനെയാ നിനക്ക്‌ മാറ്റം തോന്നിയെ ” ഗായത്രിയുടെ ചോദ്യം കേട്ട് ഞാൻ ഒന്ന് ചിരിച്ചു.
” നിനക്ക്‌ എല്ലാം ഉണ്ടാക്കാൻ പഠിക്കണ്ടേ. ന്നാ വേഗം താഴേക്ക് ചെല്ലാൻ നോക്ക് ” ഞാൻ ഗായത്രിയോട് പറഞ്ഞു. എന്നിട്ട് ചായ ഗ്ലാസ്സ് അവൾക്ക് കൊടുത്തിട്ട് ഞാൻ നേരെ ബാത്‌റൂമിൽ കേറി ഫ്രഷ് ആയി ഫോൺ എടുത്ത് അതിൽ നോക്കി ഇരിക്കാൻ തുടങ്ങി. അപ്പഴാണ് അമ്മയുടെ വിളി വന്നേ ചായ കുടിക്കാൻ ഉള്ളെ ഞാൻ താഴേക്ക് ഇറങ്ങി ചെന്നു.
എന്നിട്ട് പ്ലേറ്റ് എടുത്തിട്ട് ഇരുന്നു . കൈയിൽ ഒരു പാത്രവുമായി ഗായത്രി വരുന്നു പുറകെ അമ്മയും. ഞാൻ രണ്ട് പേരെയും മാറിമാറി നോക്കി.
” എന്താ അച്ചു നോക്കുന്നെ……. ഇന്ന് ഗായൂട്ടി ആണ് ചായ ഉണ്ടാക്കിയെ ” അത് പറഞ്ഞു തീരലും അമ്മ ഗായത്രിയുടെ കൈയിൽ ഉള്ള പാത്രത്തിന്റെ അടപ്പ് തുറന്നു. ചൂട് ഉള്ള ആവി പറന്നു.
” അമ്മേ വെറുതെ എന്റെ വയറ് കേടാക്കണോ ” ഞാൻ അമ്മേനോട് അപേക്ഷ പോലെ ചോദിച്ചു എന്നിട്ട് ഗായത്രിയുടെ മുഖത്തേക്ക് നോക്കി. അവിടെ ഒരു നിരാശ ഭാവം കണ്ടപ്പോൾ എനിക്ക് എന്തോ ഒരു വല്ലയിക തോന്നി. അങ്ങനെ രണ്ടും കല്പ്പിച്ചു വിളമ്പാൻ പറഞ്ഞു. അത് പറഞ്ഞപ്പോൾ ഗായത്രിയുടെ മുഖത്ത് ഒരു ചിരി വിടർന്നു. അത് ധാരാളം ആയിരുന്നു എന്ത് വിഷം വേണേലും വലിച്ച് കേറ്റാൻ.
ഉപ്പുമാവ് എടുത്ത് വായിലേക്ക് വെച്ചു. സംഭവം പൊളി ആയിരുന്നു. മോശം പറയാൻ പാടില്ല ഈ വെള്ളി പോയ പെണ്ണിന് ഇതൊക്കെ അറിയാം ലെ. ഞാൻ ആസ്വദിച്ച് കഴിക്കാൻ തുടങ്ങി.
” എങ്ങനെ ഉണ്ടെടാ ” അമ്മ എന്നോട് ചോദിച്ചു.
” അമ്മേ സാധനം പൊളിച്ചിട്ട് ഉണ്ട് ” അതും പറഞ്ഞ് ഞാൻ ഗായത്രിയുടെ മുഖത്തേക്ക് നോക്കി. ആള് ഫുൾ സന്തോഷത്തിൽ ആണ് എന്റെ നോട്ടം കൂടെ എത്തിയപ്പോൾ ചിരിയുടെ കൂടെ നാണവും നിറഞ്ഞു.
” എടാ അച്ചു ” കഴിക്കുന്നതിന്റെ ഇടക്ക് അമ്മ എന്നെ വിളിച്ചു.
” എന്തെമ്മേ ”
” നമ്മക്ക് ടൗണിൽ ഒന്ന് പോണം ”
” എന്തേലും വാങ്ങാൻ ഉണ്ടോ ” ഞാൻ ചോദിച്ചു.
” എടാ പൊട്ടാ ഓണം അല്ലെ വരുന്നെ ഓണക്കോടി എടുക്കണ്ടേ ” അമ്മ എന്നോട് പറഞ്ഞു.
” അതങ്ങ് നേരത്തെ പറഞ്ഞാൽ പോരെ . എപ്പഴാ പോണ്ടേ നാളെയോ നാളെ കഴിഞ്ഞോ ” ഞാൻ ചോദിച്ചു.
” നാളെയും നാളെ കഴിഞ്ഞൊന്നും അല്ല ഇന്ന് പോണം ”
” ഇന്നോ എന്തിന് ” ഞാൻ അമ്മേനോട് ചോദിച്ചു.
” എന്റെ അച്ചു ഇന്ന് പോയാൽ വെല്ല്യ തിരക്ക് ഒന്നും ഉണ്ടാകില്ല . അതുകൊണ്ട് നമ്മൾ ഇന്ന് പോകും ” അമ്മ എന്നോട് പറഞ്ഞു.
” മ്മ് ”
” മൂളിക്കൊണ്ട് നിൽക്കാതെ പോയി ഒരുങ്ങാൻ നോക്കടാ ചെക്കാ ” അമ്മ എന്നോട് പറഞ്ഞു…. ഞാൻ പോയി ഒരു പാന്റും ഷർട്ടും മാറി താഴേക്ക് വന്നു. ഗായത്രിനെയും അമ്മനെയും കാണാൻ ഇല്ലാ ആ പെണ്ണുങ്ങളുടെ കാര്യം അല്ലെ ഒരു സമയം പിടിക്കുലോ. ഞാൻ വണ്ടിയുടെ ചാവിയും എടുത്ത് പുറത്തേക്ക് ഇറങ്ങി. കാറ് മൂടി ഇട്ടിരുന്ന തുണി മാറ്റി. ചുമന്ന കളർ പോളോ വണ്ടി സ്റ്റാർട്ട്‌ ചെയ്യ്ത് പുറത്തേക്ക് എടുത്തു. എന്റെ ഇഷ്ടത്തിന്റെ പുറത്ത് വാങ്ങിതാണ്. ഞാൻ ഒരു ബക്കറ്റിൽ വെള്ളവും എടുത്ത് വന്ന് കാർ കഴുകി.
