“കുറച്ച് പിണക്കം ബാക്കി നിക്കട്ടേട്ടോ. ഇനി ഞാനിവിടെ നിന്നാ അച്ഛനും അമ്മേം അന്വേഷിച്ചിങ്ങോട്ടെയ്ക്ക് വരും അതിനു മുൻപെ ഞാനങ്ങ് ചെല്ലട്ടേന്ന്” പറഞ്ഞ് എന്നെ നോക്കി ചിരിച്ച് കൊണ്ട് ഒരു ടാറ്റയും തന്ന് അനു ഗേറ്റ് തുറന്ന് അവളുടെ വീട്ടിലേയ്ക്ക് നടന്നു. അനു നടന്ന് നീങ്ങുന്നത് നോക്കി നിന്ന ഞാൻ കാറുമായി എന്റെ വീട്ടിലേയ്ക്ക് തിരിച്ചു. രാത്രി ഭക്ഷണമൊക്കെ കഴിഞ്ഞ് ഉറങ്ങാൻ കിടന്ന ഞാൻ അനുവുമായി ഇഷ്ടത്തിലാണെന്ന കാര്യം എങ്ങനെ വീട്ടിൽ പറയുന്നതിനെ കുറിച്ചും അത് പറഞ്ഞാലുള്ള അവരുടെ പ്രതികരണങ്ങൾ എന്താകുമെന്നൊക്കെ വെറുതെ ഒന്ന് മനസ്സിൽ സങ്കൽപ്പിച്ച് നോക്കി എപ്പോഴൊ ഉറങ്ങി. “ആദി … എഴുന്നേറ്റേ” എന്നെ കുലുക്കി വിളിച്ചുണർത്തുന്ന അനൂന്റെ മുഖമാണ് ഞാൻ കണിയായി കണ്ടത്. കണ്ണ് തിരുമി കൊണ്ട് ചുമരിലെ ക്ലോക്കിലേയ്ക്ക് നോക്കിയപ്പോൾ സമയം 6 മണി. ബെഡിനടുത്തുള്ള ഡ്രസ്സിംഗ് ടേബിളിലെ കണ്ണാടിയ്ക്ക് മുന്നിൽ മഞ്ഞ ചുരിദാറിട്ട് കണ്ണെഴുതി കൊണ്ടിരിക്കുന്ന അനൂനെ ബെഡിൽ എഴുന്നേറ്റ് ഇരുന്ന് താടിയ്ക്ക് കൈ കൊടുത്തിരുന്ന് കണ്ണിമ ചിമ്മാതെ നോക്കിയിരുന്നപ്പോഴാണ് ഒരു വർഷം മുൻപത്തെ ഫ്ലാഷ് ബാക്ക് സീനുകൾ ആലോചിച്ച് കിടന്നതിന്റെ ഹാങ് ഓവർ എന്നെ വിട്ട് മാറിയത്. ഞാൻ അവളെ നോക്കിയിരിക്കുന്നത് കണ്ട് പെണ്ണെന്റ നേരെ അവളുടെ തലയിൽ മുടിയുണങ്ങാനായി ചുറ്റി വച്ച തോർത്ത് എന്റെ നേരെ എറിഞ്ഞിട്ട് അൽപ്പം ഗൗരവത്തിൽ പറഞ്ഞു: “മോനൂസ്സെ, നീ എന്താ എന്നെ ആദ്യായിട്ട് കാണുന്നത് പോലെ നോക്കുന്നെ? വേഗം പോയി കുളിച്ച് റെഡിയാവാൻ നോക്ക്യേ വേഗം” “നിനക്ക് ഒടുക്കത്തെ ഗ്ലാമറല്ലേ മോളെ. അതാ ഞാൻ ഇങ്ങനെ നോക്കിയിരുന്ന് പോയത്” ചിരിച്ച് കൊണ്ടിത് പറഞ്ഞ് ബെഡിൽ നിന്നെഴുന്നേറ്റ് അനൂന്റെ അടുത്തെത്തിയ ഞാൻ ഡ്രസ്സിംഗ് ടേബിളിന് മുന്നിൽ സ്റ്റൂളിലിരിക്കുന്ന പെണ്ണിന്റെ കഴുത്തിൽ പതിയെ വട്ടം പിടിച്ചു. ഞാൻ പറഞ്ഞതിഷ്ടപ്പെട്ട അനു എന്റെ വലത്തെ കൈയ്യിൽ ഒരുമ്മ തന്നിട്ട് പറഞ്ഞു: “എന്റെ മോനൂസും ഒടുക്കത്തെ ഗ്ലാമറ് തന്നാ. ഇപ്പോ എന്റെ മോൻ വേഗം പോയി കുളിച്ച് വാ നമ്മുക്ക് പോവണ്ടേന്ന്” പറഞ്ഞ് അനു സ്റ്റൂളിൽ നിന്ന് എഴുന്നേറ്റിട്ട് എന്റെ തോളിൽ കൈ വച്ച് എന്നെ പതിയെ ഉന്തി ബാത്ത്റൂമിൽ കയറ്റി ഡോറടച്ചു. പത്ത് ഇരുപത് മിനിറ്റിനുള്ളിൽ കുളിയും പല്ല് തേപ്പും ബാക്കി പരിപാടികളൊക്കെ തീർത്ത് പുറത്തിറങ്ങിയ ഞാൻ അനു ബെഡിൽ എനിക്ക് ഇടനായി തേച്ച് വച്ച വൈറ്റ് ഷർട്ടും ബ്ലൂ ജീൻസും എടുത്തിട്ടു കൊണ്ട് റൂമിന് പുറത്തിറങ്ങിയപ്പോ അനു ട്രിപ്പിന് പോകുമ്പോൾ കൊണ്ടു പോകാനുള്ള സാധനങ്ങളടങ്ങിയ ട്രോളി ബാഗും വലിച്ച് കൊണ്ട് തിടുക്കത്തിൽ ഉമ്മറത്തേയ്ക്ക് നടക്കുന്നതാണ് കണ്ടത്. ഫുൾ സ്ലീവ് ഷർട്ടിന്റെ കൈ തെറുത്ത് കേറ്റി വച്ച് അവശേഷിക്കുന്ന പെട്ടിയെടുത്ത് ഞാൻ ഉമ്മറത്തെത്തി. ഞാൻ ചെല്ലുമ്പോൾ അനു സാൻട്രോ കാറിന്റെ ഡിക്കിയിൽ പെട്ടിയെടുത്ത്
വക്കുന്നുണ്ടായിരുന്നു. “ആഹാ … സാൻട്രോയ്ക്ക് പോയാ മതിയോ?” ഞാൻ പുഞ്ചിരിച്ച് കൊണ്ട് ചോദിച്ചിട്ട് പെട്ടിയുമായി അനൂന്റെ അരികിലെത്തി. “നമ്മള് ഫസ്റ്റ് യാത്രയൊക്കെ ഇവന്റൊപ്പം അല്ലേ പോയെ. അപ്പോ നമ്മുടെ ഹണിമൂൺ ട്രിപ്പിനും ഇവനെ കൊണ്ട് പോവ്വാന്നെ” അനു എന്റെ കവിളിൽ പിടിച്ച് കൊണ്ട് കൊഞ്ചിയാണിത് പറഞ്ഞത്. എന്റെ കവിളിൽ കൈ കൊണ്ട് ചേർത്ത് പിടിച്ച് നിന്ന അനൂന്റെ കവിളിൽ
കൈ ചേർത്ത് പിടിച്ച് കൊണ്ട് ഞാൻ പറഞ്ഞു: “എന്റെ അനൂസിന്റെ ഇഷ്ടമെന്താണോ അത് തന്നെയാ എന്റേം ഇഷ്ടം.” “എന്നാ പോയാലോ?” അനു ചിരിച്ച് കൊണ്ട് ചോദിച്ചിട്ട് കാറിന്റെ കീ എന്റെ കൈയ്യിൽ തന്നു. സാൻട്രോക്കപ്പുറമായി കിടക്കുന്ന എന്റെ റെഡ് പോളോ കുട്ടനെ ഒന്ന് ചെന്ന് നോക്കാതിരിക്കാൻ എനിക്കായില്ല. അഞ്ചാറ് ദിവസം ഹണി മൂണിന് പോകുന്നതിനാൽ സ്ഥലത്തില്ലാതല്ലേ തിരിച്ച് വരുമ്പോൾ പൊടി കയറി കാറ് വൃത്തികേടാകുമെന്ന് തോന്നിയ ഞാൻ പോക്കറ്റിൽ കിടന്ന പോളോയുടെ കീ ലെസ്സ് എൻട്രി റിമോർട്ടെടുത്ത് കാറ് തുറന്ന് കാറിൽ നിന്ന് പുതിയ ബോഡി കവറെടുത്ത് ചെക്കനെ പുതപ്പിച്ച ശേഷം സാൻട്രോ സ്റ്റാർട്ട് ചെയ്ത് ഗേറ്റിന് വെളിയിലിറക്കി. അതോടെ അനു ഗേറ്റ് പൂട്ടി വന്ന് ഫ്രണ്ട് സീറ്റിൽ കയറി ഇരുന്നിട്ട് എന്റെ തുടയിൽ കൈ വച്ച് ചിരിച്ച് കൊണ്ട് പറഞ്ഞു “എന്നാ നമ്മുക്ക് പോയാലോ മോനൂസ്സെ?” “പിന്നെന്താ” ന്ന് പറഞ്ഞ ഞാൻ അനൂന്റെ വലത്തെ തുടയിൽ പിടിച്ചൊരു ഞെക്ക് കൊടുത്തിട്ട് അവളെ നോക്കി ഒരു വഷളൻ ചിരി ചിരിച്ചിട്ട് കാറ് മുന്നോട്ടെടുത്തു. :: അടുത്ത ഭാഗവുമായി അധികം താമസിയാതെ വരാം. ചില പുതിയ കളികൾ കാണിക്കാനുള്ളതല്ലേ? (തുടരും ….)