അതോ ഇനീം ഞാൻ അങ്ങോട്ട് എടുക്കണോ?” “ഞാൻ നടന്നോളാം ആദി കുട്ടാ”ന്ന് പറഞ്ഞിട്ട് പെണ്ണെന്റ നെഞ്ചിലൊരു മുത്തം തന്നിട്ട് എന്റെ മുഖത്തേയ്ക്ക് നോക്കി. എന്റെ മുഖത്തേയ്ക്ക് നിഷ്കളങ്കമായി നോക്കി കൊണ്ടിരിക്കുന്ന അനൂനെ നോക്കാതിരിക്കാൻ എനിക്കായില്ല. ഞാനവളുടെ മുഖത്തേയ്ക്ക് നോക്കീട്ട് അൽപ്പം ഗൗരവം ഭാവിച്ച് കൊണ്ട് ചോദിച്ചു: “നിന്റെ വാശിയൊക്കെ മാറിയോ?”
കൈകളിൽ കോരിയെടുത്തിരുന്ന അനൂനെ ഞാൻ താഴെയിറക്കിയതോടെ പെണ്ണ് നിവർന്ന് നിന്നിട്ട് ഡ്രസ്സ് നേരെയാക്കി കൊണ്ട് എന്നെ നോക്കി പുഞ്ചിരിച്ച് കൊണ്ട് പറഞ്ഞു. “നീ ബീച്ചിലേയ്ക്ക് പോകാന്ന് പറഞ്ഞപ്പോ എനിക്കെന്തോ അപ്പോ വല്യ ഇൻട്രസ്റ്റ് തോന്നീല്ല. അതാ ഞാൻ അങ്ങനെ പറഞ്ഞെ” “ഉം” ഞാൻ മുളി കൊണ്ട് പോക്കറ്റിൽ നിന്ന് ഫോണെടുത്ത് അതിൽ വെറുതെ നോക്കി കൊണ്ടിരുന്നു. അവളോടിപ്പോഴും ചെറിയ പിണക്കം എന്റെ മനസ്സിലുണ്ടെന്ന് മനസ്സിലാക്കിയ അനു “വാ ടാ കുറുമ്പാ നമ്മുക്ക് ബീച്ചിലേയ്ക്ക് നടക്കാംന്നെ”ന്ന് പറഞ്ഞ് അനു വന്നെന്റെ കൈയ്യിൽ ചുറ്റി പിടിച്ച് എന്നെയും കൊണ്ട് നടന്നിട്ട് തുടർന്നു: “സോറി ആദി കുട്ടാ. അപ്പോഴഞ്ഞ മൂഡിലാ ഞാനങ്ങനെ പറഞ്ഞത്. ഇനിയങ്ങനെ പറയൂലാ ഞാനെ”ന്ന് പറഞ്ഞ് പെണ്ണെന്റെ കവിളിൽ പിടിച്ച് വലിച്ചു. അനു സോറി പറഞ്ഞതോടെ മനസ്സിലുണ്ടായിരുന്ന ചെറിയ ദേഷ്യമൊക്കെ പോയപ്പോൾ ഞാനവളെയും ചേർത്ത് പിടിച്ച് ബീച്ചിന്റെ പ്രവേശന കവാടം ലക്ഷ്യമാക്കി നടന്നു. അപ്പോഴാണ് സൗമ്യ കൂടെ വന്ന കാര്യം ഓർമ്മ വന്ന ഞാൻ കക്ഷി ഞങ്ങളുടെ കൂടെയുണ്ടോന്നറിയാനായി പിറകിലോട്ട് തിരിഞ്ഞ് നോക്കിയപ്പോൾ സൗമ്യ ഫോണിൽ ഘടിപ്പിച്ച ഹെഡ് സെറ്റിലൂടെ ആരോടൊ സംസാരിച്ച് അൽപ്പം അകലെ നിന്ന് നടന്ന് വരുന്നുണ്ടായിരുന്നു. ഞാൻ തിരിഞ്ഞ് നോക്കിയത് കണ്ട അനു “എന്താ ആദീ. നീ ആരെയാ നോക്കുന്നെ”ന്ന് ചോദിച്ചു. “സൗമ്യേച്ചി എന്ത്യേന്ന് നോക്കീതാ” “ദേ അവള് ഹെഡ്സെറ്റ് ഒക്കെ വച്ച് ആരോടൊ ഫോണിൽ സംസാരിച്ച് ആടിയാടി നടന്ന് വരണത് കണ്ടില്ലേ നീ” അനു ചിരിച്ച് കൊണ്ടാണിത് പറഞ്ഞത്. “ആരോടായിരിക്കും സൗമ്യേച്ചി ഹെഡ് സെറ്റ് ഒക്കെ വച്ച് സംസാരിച്ചോണ്ടിരിക്കുന്നെ. പുള്ളിക്കാരീടെ ലൗവർ എങ്ങാനാണോ?” ഞാൻ ചിരിച്ച് കൊണ്ട് ചോദിച്ചു. “ലൗവ്വറോ അവൾക്കോ? നീ വല്ല നടക്കണ കാര്യം പറ മോനെ.” “അതെന്താ അനു കുട്ടി നീ അങ്ങനെ പറഞ്ഞെ?”സൗമ്യയെ കുറിച്ചറിയാനുള്ള ആകാംക്ഷയിൽ ഞാൻ അനൂനോട് ചോദിച്ചു. “ഞങ്ങളെല്ലാം ഓഫീസിലുള്ള മെയിൽ സ്റ്റാഫിനോടെല്ലാം നല്ല ഫ്രണ്ട്ലിയാ. ഈ സൗമ്യ ഒറ്റൊരാളോടു പോലും മിണ്ടത്തുമില്ലാ കമ്പനിയാവേമില്ല” അനു ചിരിച്ച് കൊണ്ട് പറഞ്ഞു. “അപ്പോ എന്നോട് നല്ല ഫ്രണ്ട്ലിയായിട്ട് സൗമേച്ചി പെരുമാറുന്നതോ?” “അതെന്താന്ന് എനിക്കറിയൂല്ല. ചിലപ്പോ നീ എന്നെ കെട്ടാൻ പോകുന്നത് കൊണ്ടായിരിക്കും” അനു ചിരിച്ച് കൊണ്ട് പറഞ്ഞു. അപ്പോഴെയ്ക്കും സൗമ്യ കോൾ വിളിയൊക്കെ അവസാനിപ്പിച്ച് ഞങ്ങളുടെ അടുത്ത് നടന്നെത്തിയിട്ട് ചിരിച്ച് കൊണ്ട് ചോദിച്ചു “നിങ്ങളെന്നെ കാത്ത് നിൽക്കായിരുന്നോ?” “അതെയെന്ന്” ഞാൻ മറുപടി പറഞ്ഞതോടെ സൗമ്യ അനൂന്റെ കൈയ്യിൽ വന്ന് പിടിച്ചിട്ട് അനൂനോടായി പറഞ്ഞു: “നമ്മുടെ ജ്യോതിയാ വിളിച്ചേ. കല്യാണത്തിനു പോയ വിശേഷങ്ങൾ അറിയാൻ വേണ്ടി വിളിച്ചതാ അവള്” ഞാൻ മനസ്സിലാകാത്ത പോലെ അനൂനെ നോക്കിയപ്പോൾ “ഞങ്ങളുടെ കൂടെ വർക്ക് ചെയ്യുന്നതാ ജ്യോതി. അവളിപ്പോ മാറ്റേണിറ്റി ലീവിലാ അതാ കല്യാണത്തിന് വരാഞ്ഞതെ”ന്ന് അനു എന്നോടായി
പറഞ്ഞു. “ഓ… അങ്ങനെ”ന്ന് പറഞ്ഞിട്ട് ഞാൻ മുന്നിൽ നടന്നു. എന്റെ പിറകിലായി അനുവും സൗമ്യവും ഓരോ കാര്യങ്ങളൊക്കെ സംസാരിച്ച് നടന്നു. അങ്ങനെ നടന്ന് ഞങ്ങൾ ബീച്ചിലെത്തി. ബീച്ചിൽ നല്ല തിരക്കായിരുന്നു. വെയിൽ മങ്ങിയിട്ടുണ്ടായിരുന്നതിനാൽ ആളുകളൊക്കെ തിരമാലയിൽ കാൽ
നനയ്ക്കാനും ചിലരൊക്കെ കടലിൽ ഇറങ്ങി മുങ്ങി കുളിക്കുന്നുമൊക്കെ ഉണ്ടായിരുന്നു. കടൽ കരയിലെ പൂഴി മണലിലൂടെ വെറുതെ നടന്ന് നീങ്ങിയ ഞാനും അനുവും സൗമ്യയും നടന്ന് കാല് കഴച്ചപ്പോൾ ആളുകൾ അധികമില്ലാത്ത ഭാഗത്ത് കടൽ കരയിലെ പൂഴി മണ്ണിൽ കാൽ നീട്ടി വെച്ച് കടലിലേയ്ക്ക് നോക്കി ഇരുന്നു. ആ സമയം കടലിൽ നിന്നു വീശിയ കാറ്റിൽ ലയിച്ചിരുന്ന പോയ ഞങ്ങൾ കുറേ നേരം ഒന്നും സംസാരിക്കാതെ അതേ ഇരിപ്പിരുന്നു. ഞങ്ങൾക്കിടയിലെ നിശബ്ദത കീറി മുറിച്ചത് പോലെ സൗമ്യയുടെ മൊബൈൽ റിംഗ് ചെയ്തു. അതോടെ സൗമ്യ “ഞാനിപ്പോ വരാന്ന്” പറഞ്ഞ് ഞങ്ങളുടെ അടുത്ത് നിന്ന് എഴുന്നേറ്റ് നീങ്ങി. സൗമ്യ പോയതോടെ അനു എന്റെ തോളിലേയ്ക്ക് തല ചായ്ച്ചിരുപ്പായി. അതോടെ ഞാനവളെ തോളിൽ കൈയ്യിട്ട് എന്നിലേയ്ക്ക് ചേർത്ത് പിടിച്ചിട്ട് വിളിച്ചു. “അനു കുട്ടി …” “ഉം” അനു മൂളി. “മോള് എനിക്കൊരു കാര്യത്തിൽ വാക്ക് തരാമോന്ന്” ചോദിച്ച് കൊണ്ട് ഞാനവൾക്ക് നേരെ എന്റെ ഉള്ളം കൈ നിവർത്തി പിടിച്ചു. അതോടെ അനു എന്റെ മുഖത്തേയ്ക്ക് ഉറ്റ് നോക്കി കൊണ്ട് എന്റെ ഉള്ളം കൈയ്യിൽ അവൾ കൈ ചേർത്ത് വച്ച് കൊണ്ട് തിരിച്ച് ചോദിച്ചു: “എന്താ എന്റെ ആദിയ്ക്ക് അറിയേണ്ടത്?” “നമ്മള് രണ്ടാളും ഇഷ്ടത്തിലാണെന്നറിഞ്ഞ് എല്ലാരും നമ്മളെ എതിർക്കാണെങ്കിൽ” ഞാൻ പറഞ്ഞ് നിർത്തിയിട്ട് അനൂനെ നോക്കി. “എതിർക്കാണെങ്കിൽ എന്താ?” അനു പരിഭ്രമം നിറഞ്ഞ് മുഖ ഭാവത്തോടെയാണ് എന്നോട് തിരിച്ച് ചോദിച്ചത്. “ഞാൻ വന്ന് വിളിച്ചാ നീ എന്റൊപ്പം ഇറങ്ങി വരാന്ന് എനിക്ക് വാക്ക് തരണം” ഞാനൊറ്റ ശ്വാസത്തിൽ പറഞ്ഞിട്ട് അനൂനെ നോക്കി. “ഒരുമിച്ച് ജീവിക്കുമെങ്കി അത് നിന്റെ കൂടെയായിരിക്കും ഇതെന്റ വാക്കാ…. മറിച്ചെന്തെങ്കിലും സംഭവിച്ചാ പിന്നെ ആരും എന്നെ ജീവനോടെ കാണില്ലാ നോക്കിക്കോ” ന്ന് ശബ്ദം ഇടറി പറഞ്ഞ അനു എന്റെ തോളിലേയ്ക്ക് മുഖം അമർത്തി വിതുമ്പി. എന്റെ കൂടെ ജീവിക്കാൻ സാധിച്ചില്ലെങ്കിൽ ജീവനോടെ അവളുണ്ടാകില്ലാന്ന് പറഞ്ഞത് കേട്ട് ഞെട്ടിയ ഞാൻ അനൂനെ വട്ടം കെട്ടി പിടിച്ച് കൊണ്ട് പറഞ്ഞു: “അനു കുട്ടി കരയല്ലേ ഡാ നമ്മള് ഒരുമിച്ച് ജീവിക്കും അതാരൊക്കെ എതിർത്താലും നമ്മളൊന്നല്ലേ ഡാ” “എന്നാലും, ഓരോന്നൊക്കെ ആലോചിക്കുമ്പോ പേടിയാവാ ആദി.” അനു വിതുമ്പി കൊണ്ട് പറഞ്ഞു. ഇനിയും ഇതിനേ കുറച്ച് തന്നെ സംസാരം തുടർന്നാൽ പെണ്ണ് വീടെത്തുന്ന വരെ കരച്ചിലാകുമെന്ന് മനസ്സിലാക്കിയ ഞാൻ അനൂന്റെ മുടിയിലൂടെ വിരലോടിച്ച് കൊണ്ട് പറഞ്ഞു. “നമ്മുക്ക് ഇനി ഒരു കൊല്ലം സമയമില്ലേ ഡാ? അതിനുള്ളിൽ നമ്മുടെ കാര്യത്തിൽ നല്ലത് നടക്കുമെന്നാ എന്റെ മനസ്സ് പറയുന്നേ. എന്റെ മോള് ഓരോന്ന് ആലോചിച്ച് മനസ്സ് വിഷമിക്കണ്ടാട്ടോ”ന്ന് പറഞ്ഞ് അനൂന്റെ മുഖം ഞാനെന്റെ കൈകളിൽ കോരിയെടുത്തു. നിറഞ്ഞ കണ്ണുകളോടെ എന്റെ മുഖത്തേയ്ക്ക്