“ഏ…എന്നിട്ട് നീ എന്താ അവളോട് പറഞ്ഞെ?” അനു അമ്പരപ്പോടെയാണ് എന്നോടിത് ചോദിച്ചത്. “ഞാൻ പറഞ്ഞു ഞങ്ങള് നല്ല ഫ്രണ്ട്സാ അല്ലാതെ വേറെയൊന്നും ഞങ്ങള് തമ്മിലില്ലാന്ന് പറഞ്ഞു സ്ക്കൂട്ടായി. പക്ഷേ ഇപ്പോഴും പെണ്ണിനെന്തോ ഡൗട്ട് ഒക്കെ ഉണ്ട്.” ഞാൻ പുഞ്ചിരിച്ച് കൊണ്ട് പറഞ്ഞു. “എന്നിട്ട് ആദി കുട്ടൻ നമ്മുടെ കാര്യം ആരോടാ ആദ്യം പറയാൻ പോണേ?” ഗിയറിൽ പിടിച്ചിരുന്ന എന്റെ കൈയ്യിൽ പിടുത്തമിട്ട് കൊണ്ടായിരുന്നു അനൂന്റെ ചോദ്യം. “അഞ്ജൂസിനോട് തന്നെ പറയാം ഈ കാര്യം ആദ്യം. എന്നിട്ട് അമ്മയോട് പറയാം. വരട്ടെ സമയമുണ്ടല്ലോ” ഞാൻ അനൂന്റെ മുഖത്തേയ്ക്ക് തല വെട്ടിച്ച് നോക്കിയിട്ട് പുഞ്ചിരിച്ച് കൊണ്ടാണിത് പറഞ്ഞത്. പത്മിനി ആന്റി അനൂനെ ഞാൻ കല്യാണം കഴിച്ചോ എന്ന് തമാശ പോലെ പറഞ്ഞതാണേലും കാറിൽ കയറിയപ്പോൾ മുതൽ ഞങ്ങൾക്കിടയിലുള്ള സംസാരം ഞങ്ങൾ തമ്മിൽ ഇഷ്ടത്തിലാണെന്ന കാര്യം വീടുകളിൽ അവതരിപ്പിക്കണമെന്ന തീരുമാനത്തിലാണ് അവസാനിച്ചത്.പമ്പ് ജംഗ്ഷനിൽ ഞങ്ങളെ കാത്ത് നിന്ന സൗമ്യയെ അൽപ്പം അകലെ നിന്നായി കണ്ടതോടെ ഞങ്ങൾ സംസാരം നിർത്തി. സൗമ്യയുടെ അരികിലായി കാറ് നിറുത്തിയതോടെ കക്ഷി ഒന്ന് പുഞ്ചിരിച്ച് കൊണ്ട് ബാക്കിലെ ഡോർ തുറന്ന് കാറിൽ കയറി.അനൂന്റെ പോലെ റോസ് കളർ ലെഹംഗ്ഗ ചോളി തന്നെയാണ് സൗമ്യയും ഇട്ടിരിക്കുന്നത്. കക്ഷിയ്ക്ക് പൊക്കം അൽപ്പം കുറവാണ്. നടി രജീഷാ വിജയന്റെ ഒരു തനി പകർപ്പാണ് സൗമ്യ. കാറിൽ കയറിയതോടെ സൗമ്യ ചിരിച്ച് കൊണ്ട് പറഞ്ഞു: “ആദി, നിന്റെ വുഡ്ബീ യെ ഇങ്ങോട്ട് വിടെന്നെ അല്ലേൽ ഞാനിവിടെ ഒറ്റക്കാവില്ലേ” സൗമ്യ പറഞ്ഞത് കേട്ട് ഞെട്ടിയ ഞാൻ അനൂനെ നോക്കി. അനു അപ്പോൾ പുഞ്ചിരിച്ച് കൊണ്ട് എന്നോട് പറഞ്ഞു: “ഇതാ ഞാൻ പറയാനുണ്ടെന്ന് പറഞ്ഞെ. ഇവൾക്ക് നമ്മ്ടെ കാര്യമെല്ലാം അറിയാന്നേ” നിയാസും അമൃതും കൂടാതെ സൗമ്യ കൂടി ഞങ്ങൾ തമ്മിൽ ഇഷ്ടത്തിലാണെന്ന കാര്യം അറിഞ്ഞപ്പോൾ ആദ്യമൊന്ന് അമ്പരന്നെങ്കിലും സൗമ്യയുടെ സംസാരത്തിൽ നിന്ന് ഞങ്ങൾക്കനുകൂലമാണ് കക്ഷിയെന്ന് മനസ്സിലായതോടെ ഞാൻ അനൂന്റെ ഇടത്തെ കൈയ്യിൽ പിടിച്ച് കൊണ്ട് ശബ്ദം താഴ്ത്തി പറഞ്ഞു: “അനൂട്ടി … നീ പോയി സൗമ്യേച്ചിയുടെ അടുത്തിരുന്നോ” “ഇപ്പോ ഞാൻ സൗമ്യയ്ക്ക് കമ്പനി കൊടുക്കാൻ ബാക്കിൽ ഇരിക്ക്യാൻ പോവ്വാ. തിരിച്ച് വരുമ്പോ ഞാൻ എന്റെ ആദീടെ കൂടെ മുൻപിലാ ഇരിക്കുന്നേ കേട്ടോടീ സൗമ്യേന്ന്” ചിരിച്ച് കൊണ്ട് പറഞ്ഞ അനു മുന്നിലെ സീറ്റിൽ നിന്നിറങ്ങി ബാക്ക് സീറ്റിൽ സൗമ്യയ്ക്കരികിൽ പോയി ഇരുന്നതോടെ ഞാൻ കാർ സ്റ്റാർട്ടാക്കി മുന്നോട്ടെടുത്തു. രണ്ട് പെണ്ണുങ്ങൾ സംസാരം തുടങ്ങിയാൽ പിന്നെ എന്തൊക്കെ പറയുമെന്ന് ഞാൻ പ്രത്യേകിച്ച് പറയേണ്ട കാര്യമില്ലാലോ? അനുവുമായി സംസാരിച്ച് കൊണ്ടിരിക്കുന്നതിനിടയിൽ സൗമ്യ സീറ്റിൽ അൽപ്പം മുന്നോട്ടാഞ്ഞിരുന്നിട്ട് എന്റെ തോളിൽ കൈ കൊണ്ട് തട്ടിയിട്ട് പറഞ്ഞു: “ആദി… എന്താ നിന്റെ ഫ്യൂച്ചർ പ്ലാൻ?
അനൂന്റെ കാര്യം നീ വീട്ടിൽ അധികം വൈകാതെ പറയണംട്ടോ. വീട്ടിൽ വരുന്ന കല്യാണാലോചന ഓരോന്ന് പറഞ്ഞ് ഒഴിവാക്കി എത്ര നാളാന്ന് വെച്ചാ ഇവള് പിടിച്ച് നിൽക്കാ.” “എന്റെ കോഴ്സ് തീരുന്നതിനു മുന്നേ അനൂന്റെ കാര്യം ഞാൻ വീട്ടിൽ പറയും സൗമ്യേച്ചി.” അനൂനെ കാറിനുള്ളിലെ കണ്ണാടിയിൽ നോക്കി കൊണ്ട് ഞാൻ സൗമ്യയ്ക്ക് മറുപടി പറഞ്ഞു. “നിന്നെ ടെൻഷനടിപ്പിക്കാൻ വേണ്ടി പറഞ്ഞതല്ലാ ട്ടോ ആദി. ഈ പെണ്ണിന്റെ ടെൻഷൻ കാണാറുള്ളത് കൊണ്ട് പറഞ്ഞതാ ഞാൻ” “ഏയ് അത് സാരൂല്ല സൗമ്യേച്ചി. ഇന്ന് കാറിൽ കയറിയപ്പോ മുതൽ ഞാനും അനുവും സംസാരിച്ച് കൊണ്ടിരുന്നത് ഈ കാര്യത്തെ കുറിച്ചായിരുന്നു.” ഞാൻ സൗമ്യേയോട് പറഞ്ഞു. പിന്നെ കുറേ നേരം ഞങ്ങൾ കാറിൽ ഒന്നും സംസാരിച്ചില്ല. മരട് എത്താറായപ്പോൾ “നല്ല ഹോട്ടൽ കണ്ടാ പറയണേ ചായ കുടിക്കാന്ന്” സൗമ്യ പറഞ്ഞതോടെ വഴിയരികിൽ കണ്ട ആര്യാസ് ഹോട്ടലിന് മുന്നിൽ ഞാൻ കാർ നിർത്തി. കാറിൽ നിന്നിറങ്ങിയ ഞങ്ങളെല്ലാവരും ഫാമിലി റൂമിൽ പോയി ഇരുന്നു. അനു എന്റെയൊപ്പം തന്നെയാണ് ഇരുന്നത്. രാവിലെ ഒന്നും കഴിച്ചിട്ടില്ലാന്ന് പറഞ്ഞ സൗമ്യ ഞങ്ങൾക്കും കൂടി മസാല ദോശ ഓർഡർ ചെയ്തു. ഭക്ഷണം കൊണ്ട് വരുന്നതും നോക്കിയിരിക്കുമ്പോൾ സൗമ്യ പറഞ്ഞു: “സത്യം പറയാലോ ആദി. നിങ്ങള് രണ്ടാളും തമ്മില് ഇഷ്ടത്തിലാണെന്ന് ഈ പെണ്ണ് എന്നോട് പറഞ്ഞപ്പോൾ ആദ്യം ഞാൻ വിശ്വസിച്ചില്ലാ പിന്നെ നിങ്ങള് രണ്ട് പേരും ഒരുമിച്ചുള്ള പിക്ചറൊക്കെ ഇവള് കാണിച്ച് തന്നപ്പോഴാ എനിക്ക് വിശ്വാസമായേ” സൗമ്യ പറഞ്ഞത് കേട്ട് ഞാൻ അനൂനെ നോക്കിയപ്പോൾ കക്ഷി എന്നെ നോക്കി ഒരു കള്ള ചിരി ചിരിക്കുന്നുണ്ട്. “എന്താ പറയാ സൗമ്യേച്ചി അങ്ങനെയൊരബദ്ധം എനിക്കും പറ്റി” ഞാൻ ചിരിച്ച് കൊണ്ട് പറഞ്ഞു. ഞാൻ പറഞ്ഞതിഷ്ടപ്പെടാതിരുന്ന പെണ്ണ് എന്റെ കൈ തണ്ടയിൽ നുള്ളി പറിച്ച് കൊണ്ടിരുന്നു. അനൂന്റെ പിച്ചലിൽ വേദനിച്ച ഞാൻ കൈ തടവി കൊണ്ട് അനൂനെ നേരെ തല വെട്ടിച്ച് കൊണ്ട് ചിരിച്ചിട്ട്”ചുമ്മാ പറഞ്ഞതാന്ന്” പറഞ്ഞ് മേശയിൽ കൈ നീട്ടി വച്ചിരുന്ന അനൂന്റെ വലത്തെ കൈയ്യിൽ എന്റെ ഇടം കൈ ചേർത്ത് പിടിച്ചിരുന്നു. ഞങ്ങളുടെ പ്രവൃത്തി കണ്ട് ചിരി വന്ന സൗമ്യ ഞങ്ങളെ രണ്ടാളെയും നോക്കി ചിരിച്ചിട്ട് പറഞ്ഞു. “നിങ്ങള് രണ്ടും നല്ല ചേർച്ചയാട്ടോ ആദി. നിങ്ങളെ രണ്ടിനേം ഒരുമിച്ച് കണ്ടാ ഒരേ പ്രായമാന്നെ കാണുന്നോര് കരുതൂ” “അതുകൊണ്ടല്ലേ ഞാനിതിന്റെ പിറകെ നടന്ന് ഇതിനെയങ്ങ് വളച്ചേ” ന്ന് പറഞ്ഞ് അനൂന്റെ തോളിൽ കൈയ്യിട്ടിട്ട് അനൂനെ ഞാൻ എന്നിലേക്ക് ചേർത്തിരുത്തി. സൗമ്യ കാണുന്നതിന്റ ചമ്മലിൽ അനു എന്റെ കൈ തോളിൽ നിന്ന് എടുത്ത് മാറ്റിയിട്ട് സൗമ്യയെ നോക്കി നാണിച്ച് കൊണ്ട് ഒരു ചിരി പാസാക്കി. ഞങ്ങളുടെ പ്രവൃത്തികളെല്ലാം സൗമ്യ പുഞ്ചിരിയോടെ നോക്കിയിരിപ്പുണ്ടായിരുന്നു. അപ്പോഴെയ്ക്കും ഓർഡർ