മിഥുൻ അക്കാര്യം അറിഞ്ഞപ്പോൾ വൈഗയുടെ ഡാൻസ് അഭിരുചിയെ പറ്റി അച്ഛനോട് അവതരിപ്പിച്ചു. അസ്സോസിയേറ്റിനോട് ഞാൻ സംസാരികാം എന്ന് അച്ഛനും സംമ്മതിച്ചു.
ഫെബ് 10 തിയതി ആയിരുന്നു പൂജ. വൈഗയോട് ഈ കാര്യം നേരിട്ട് പറയാൻ വേണ്ടി മിഥുൻ അവളുടെ പീരിയഡ്സ് കഴിയാൻ കാത്തിരുന്നു.
*******************
അടുത്താഴ്ച ഒരു വയസു കൂടെ കൂടുകയാണ്. ജീവിതം മുന്നോട്ട് പോകുമ്പോ മനസിലാക്കാൻ കൂടെയുള്ള ഒരാളെ കിട്ടുന്നത് വലിയകാര്യം തന്നെ, പക്ഷെ അത് ജീവിതവസാനം ഉണ്ടെങ്കിൽ അതൊരു ഭാഗ്യം തന്നെയാണ്. ഞാൻ ഓരോന്ന് ഓർത്തുകൊണ്ട് സോഫയിൽ, ഇരുന്നു അമ്മ പതിവില്ലാതെ ആ സമയത്തു വിളിച്ചപ്പോൾ ഞാൻ കുറെ നേരം സംസാരിച്ചു. മിഥുൻ എന്നെ വിളിക്കുമ്പോ എനിക്ക് കാൾ എടുക്കാൻ പറ്റിയില്ല .
ഞാൻ ബിസി ആണെന്ന് അറിഞ്ഞിട്ടും, മിഥുൻ ട്രൈ ചെയ്തോണ്ട് ഇരുന്നപ്പോൾ എനിക്ക് ചെറുതായി ദേഷ്യം വന്നു.
ഞാനതോണ്ട് അമ്മ ഒരു മണിക്കൂറോളം സംസാരിച്ചിട്ട് ഫോൺ വെച്ചപ്പോൾ തിരിച്ചു വിളിച്ചില്ല, ഞാൻ ടീവി ഓൺ ചെയ്തു കണ്ടോണ്ട് ഇരുന്നപ്പോൾ. മിഥുൻ വീടിനു മുൻപിലെത്തി കൊണ്ട് എന്നെ വിളിച്ചു.
കാൾ എടുക്കാത്തതിന് എന്നെ വഴക്കു പറഞ്ഞു. എനിക്ക് തിരിച്ചും നല്ല ദേഷ്യം വന്നു. പ്രായത്തിനു ബഹുമാനം തരാത്ത പോലെയുള്ള അവന്റെ അപ്പോഴുള്ള സംസാരത്തിൽ എനിക്ക് നല്ല കലി കയറി. എന്നിട്ടും ഞാൻ ചോദിച്ചില്ല എന്തിനാണ് വിളിച്ചത് എന്ന്. മിഥുൻ ഇറങ്ങിപോയപ്പോൾ ശാന്തേച്ചി കേട്ടുകൊണ്ട് ചോദിച്ചു, എന്താണ് ബഹളം എന്ന്. ഞാൻ അവരോടു ഒന്നും പറയാൻ നിന്നില്ല.
അന്ന് വൈകീട്ട് മിഥുൻ എന്നെ വീണ്ടും വിളിച്ചു. എന്റെ ദേഷ്യം പോകാത്തത് കൊണ്ട് ഞാൻ എടുത്തില്ല. വേറെയൊരു നമ്പറിൽ നിന്നും വിളിച്ചപ്പോൾ ഞാൻ എടുത്തു.
അതൊരു സിനിമയുടെ അസ്സോസിയേറ്റ് ആയിരുന്നു, ഡാൻസ് ന്റെ കാര്യം പറയാൻ വിളിച്ചതാണ്. ഡേറ്റ് ഫ്രീയാണോ എന്നൊക്കെ ചോദിച്ചു. ഞാൻ ആകെ അമ്പരന്നു. ആലോചിച്ചിട്ട് പറയാം എന്ന് പറഞ്ഞു.
ഞാൻ മിഥുനെ തിരിച്ചു വിളിച്ചപ്പോൾ അവൻ വീണ്ടും ചൂടായി. “അത് പറയാൻ അല്ലെടി ഞാൻ വിളിച്ചേ എന്ന് വീണ്ടും പറഞ്ഞു”
എന്നെ എടി പൊടിന്നു വിളിച്ചത് എനിക്ക് തീരെ ഇഷ്ടമായില്ല. ഒരു പക്ഷെ അവനും ദേഷ്യത്തിൽ വിളിച്ചതാകാം എന്ന് ഞാൻ മനസിലാക്കി.
“സോറി😚😚😚”
എന്ന് ഞാൻ ഒരു മെസ്സേജ് അയച്ചപ്പോൾ അവൻ പറഞ്ഞു … തിരിച്ചു വിളിക്കാതെ ആയപ്പോൾ നല്ല കലിപ്പിൽ ആയിരുന്നു ഞാൻ എന്ന് .. എനിക്ക് അപ്പോൾ എന്താണ് അവനോടു പറയണ്ടെതെന്നു മനസിലായില്ല. ഞാൻ അവനോടു അടുത്ത ദിവസം രാവിലെ വീട്ടിലേക്ക് വരാൻ പറഞ്ഞു.
പറഞ്ഞപോലെ മിഥുൻ കാലത്തു വന്നപ്പോൾ എന്റെ ഡാൻസ് ന്റെ ഫോട്ടോസ് ഞാൻ അവനു കൊടുത്തു. അവൻ അത് അസ്സോസിയേറ്റ് നു ഷെയർ ചെയ്തു.
മിഥുൻ തിരിച്ചു പോയപ്പോൾ ദാസിനോട് ഇത് എങ്ങനെ അവതരിപ്പിക്കുമെന്ന് ഞാൻ ആലോചിച്ചു. വൈകീട്ട് ഞാൻ ദാസിനോട് പറഞ്ഞു എനിക്കൊരു ഓപ്പേർട്ടുണിറ്റി കിട്ടിയിട്ടുണ്ട് ഡാൻസ് നു വേണ്ടി…. അത് ഞാൻ യൂസ് ചെയ്തോട്ടെ എന്ന് ചോദിച്ചു. ആദ്യം വേണ്ടെന്നു പറഞ്ഞെങ്കിലും പിന്നീട് ദാസ് സമ്മതിച്ചു.
ഞാൻ വീണ്ടും നല്ലപോലെ പ്രാക്ടീസ് ചെയ്യാൻ തുടങ്ങി. മിഥുൻ മിക്കപ്പോഴും വരും എന്നോട് സ്ട്രെയിൻ അധികം എടുകണ്ട ഈസി ആയി എടുത്ത മതി എന്നൊക്കെ പറഞ്ഞു ധൈര്യം തന്നു. സത്യത്തിൽ ഡാൻസ് ചെയ്തിട്ട് കുറെ നാളായത് കൊണ്ട് ചെറിയ പേടി ഉണ്ടായിരുന്നു.
എന്റെ 31ആം പിറന്നാൾ ദിവസം കാലത്തു 10:30 നു ഞാൻ വീണ്ടും കാലിൽ ചിലങ്ക കെട്ടി. ശിവകര ഡമരുകമെന്ന പാട്ടിനായിരുന്നു ഞാൻ എന്നെ മറന്നു ചുവടുവച്ചത്.
എല്ലാവര്ക്കും ഡാൻസ് നല്ലപോലെ ഇഷ്ടപ്പെട്ടു. കാണാൻ ഒത്തിരി പേരുണ്ടായിരുന്നു ആ ഓഡിറ്റിറോയത്തിൽ പക്ഷെ ദാസ് ഒഴികെ. ഡാൻസ് കഴിഞ്ഞപ്പോൾ സ്റ്റേജിന്റെ പിറകിൽ ഞാൻ സന്തോഷം കൊണ്ട് കരഞ്ഞപ്പോൾ. ഒത്തിരിനാളത്തെ എന്റെ മോഹങ്ങൾ ഞാൻ നേടിയത് മിഥുനിലൂടെ ആണെന്ന് കൂടെ അറിയുമ്പോൾ എനിക്ക് പ്രണയത്തിന്റെ മഴയിൽ നനഞ്ഞു കുളിരും പോലെ തോന്നി.