അവൾ വേഗം കണ്ണാടിക്ക് മുന്നിലേക്ക് ഓടി. അഴിഞ്ഞു കിടന്ന മുടി ഒതുക്കി കെട്ടി.. അവൾ വേഗം ഡ്രസ്സ് ഒക്കെ ചേഞ്ച് ചെയ്തു, ഒരു കസവു സാരി തന്നെ ഉടുത്തു, ഒരുവിധം മാന്യമായി വസ്ത്രം ധരിച്ചു.
വൈകുന്നേരം ആവാറായപ്പോളേക്കും ഒരു കറുത്ത ആഡംബര കാർ ഗേറ്റിന്റെ മുന്നിൽ വന്നു നിന്നു. അതിൽ നിന്ന് ഇറങ്ങിയ ആളെ കണ്ടപ്പോൾ ഗായത്രിയുടെ ശ്വാസം ഒന്ന് നിലച്ചു. പഴയ അർജുനല്ല ഇത്, ഒരുപാട് മാറിയിരിക്കുന്നു. അമ്മയും അനിയനും ഒക്കെ വീട്ടിൽ ഉണ്ട് താൻ ഒറ്റയ്ക്ക് അല്ല എങ്കിലും കിഷോർ ഇതുവരെയും എത്താത്തതിൽ അവൾക് നല്ല ബുദ്ധിമുട്ട് ഉണ്ടാകുന്നുണ്ടായിരുന്നു.. വാതിൽ തുറക്കാതെ ഇരുന്നാലോ എന്നും അവൾ ഒരു നിമിഷം ആലോചിച്ചു പോയി.
ബെൽ അടിച്ചു. ഗായത്രി വാതിൽ തുറന്നു. മുന്നിൽ അർജുൻ. അവൻ അവളെ നോക്കി ഒന്ന് പുഞ്ചിരിച്ചു. ഗായത്രി വിചാരിച്ചതുപോലെ അവളുടെ ശരീരത്തിലേക്കോ മുലകളിലേക്കോ ഉള്ള ഒരു വന്യമായ
നോട്ടം പക്ഷെ അവന്റെ ഭാഗത്തുനിന്ന് ഉണ്ടായില്ല. പകരം, തികഞ്ഞ മാന്യതയോടെ അവൻ അകത്തേക്ക് കയറി. അമ്മ അപ്പോളേക്കും ഇറങ്ങി വന്നു..
വിശേഷങ്ങൾ ഒക്കെ തിരക്കി. ചായ എടുക്കാം എന്നും പറഞ്ഞ അകത്തേക്ക് പോയി.
അർജുൻ സോഫയിൽ വളരെ ശാന്തനായി ഇരുന്നു. അവൾ എവിടെയും ഇരിക്കാതെ കുറച്ചു അകലം മാറി ഭിത്തിയിൽ ചാരി നിന്നു.
അവന്റെ കണ്ണുകളിൽ ഒരു തരം തെളിച്ചമുണ്ടായിരുന്നു. ഗായത്രി വിചാരിച്ചതുപോലെ ഒരു അവിഹിത മോഹിയായല്ല, മറിച്ച് ഒരു കുടുംബസുഹൃത്തായിട്ടാണ് അവൻ സംസാരിച്ചത്.
“നീ എന്തിനാ ഇത്രയും ടെൻഷൻ അടിക്കുന്നത്? സുമിത്ര ചേച്ചി വിളിച്ചപ്പോൾ എനിക്ക് ശരിക്കും വിഷമം തോന്നി. കഷ്ടപ്പാടുകൾ ആർക്കാണ് ഇല്ലാത്തത്? പക്ഷേ അതോർത്ത് നീ ഇങ്ങനെ നീറി കഴിയേണ്ട കാര്യമില്ല,” അർജുൻ പതുക്കെ പറഞ്ഞു.
“അതല്ല അർജുൻ… കുറച്ചു കട ബാധ്യതകൾ ഉണ്ട്.”
അപ്പോഴാണ് കിച്ചു വാതിൽ തുറന്ന് അകത്തേക്ക് വന്നത്. ഗായത്രി വേഗം അവന്റെ അടുത്തേക്ക് പോയി.
“കിച്ചൂ… ഇതാണ് അർജുൻ, പണ്ട് തൊട്ടപ്പുറത്ത് ഉണ്ടായിരുന്ന… സുമിത്ര ചേച്ചി പറഞ്ഞിട്ട് വന്നതാ, ഇവൻ ഇപ്പോൾ കൊച്ചിയിലാണ് സെറ്റിൽഡ്,” ഗായത്രി അവനെ പരിചയപ്പെടുത്തി.
കിച്ചു കൈകൊടുത്തു. അർജുന്റെ ആ ആത്മവിശ്വാസം നിറഞ്ഞ പെരുമാറ്റം കിച്ചുവിനെ ഒന്ന് തണുപ്പിച്ചു. അവർ രണ്ടുപേരും ഒത്തിരി നേരം സംസാരിച്ചു. കിച്ചു തന്റെ സാമ്പത്തിക തകർച്ചയും ജോസിന്റെ ഭീഷണിയും എല്ലാം വിസ്തരിച്ചു പറഞ്ഞു.
അർജുൻ എല്ലാം കേട്ട് കുറച്ച് നേരം എന്തോ ആലോചിച്ച് ഇരുന്നു.. എന്നിട്ട് ഒരു കാൾ ചെയ്യട്ടെ എന്ന് പറഞ്ഞ് ബാൽക്കണിയിൽ പോയി ആരോടോ എന്തൊക്കെയോ സംസാരിച്ചു.. കിച്ചു അപ്പോൾ എണീറ്റ് പോയി ബാഗിൽ
ഉണ്ടായിരുന്ന മിക്സ്ച്ചർ എടുത്ത് ഗായത്രിയെ ഏൽപിച്ച് പ്ലേറ്റിൽ ആക്കി കൊണ്ട് വരാൻ പറഞ്ഞു, അപ്പോളേക്കും അർജുൻ കാൾ കഴിഞ്ഞ് തിരികെ എത്തിയിട്ടുണ്ടായിരുന്നു.
അർജുൻ കിച്ചുവിന്റെ അടുത്ത് വന്നിരുന്ന് തോളിൽ ഒന്ന് തട്ടി.
“കിച്ചൂ, ഞാൻ ഒരു കാര്യം പറയട്ടെ…. എനിക്ക് പനമ്പള്ളി നഗറിൽ ഒരു ഫ്ലാറ്റ് ഉണ്ട്, സത്യം പറഞ്ഞാൽ അത് ഇപ്പോൾ വെറുതെ അടച്ചിട്ടിരിക്കുകയാണ്. അവിടെ എനിക്ക് വേറെ ആരെയും താമസിപ്പിക്കാൻ താല്പര്യമില്ല. നിങ്ങൾക്ക് ബുദ്ധിമുട്ട് ഒന്നുമില്ല എങ്കിൽ, നിങ്ങൾ അങ്ങോട്ട് മാറിക്കോളൂ.”
കിച്ചു അത്ഭുതത്തോടെ നോക്കി. “അർജുൻ… അത്… അവിടെ വാടകയൊക്കെ വലിയ തുകയാവില്ലേ? ഞങ്ങൾക്ക് ഇപ്പോൾ…”
അർജുൻ അവനെ തടഞ്ഞു. “വാടകയെക്കുറിച്ച് നിങ്ങൾ ആലോചിക്കുകയെ വേണ്ട. നമുക്കിടയിൽ എന്ത് വാടക? ഗായുവിനെയും ഫാമിലിയെ ഒക്കെ വർഷങ്ങൾ ആയി അറിയുന്നതല്ലേ , അവിടെ ഒരാൾ താമസിച്ചാൽ എനിക്ക് അതൊരു ആശ്വാസമാണ്. ആൾപ്പാർപ്പില്ലാതെ ഇരുന്നാൽ വീട് നശിച്ചു പോകും. ആ ഫ്ലാറ്റിൽ ഒരു ആളനക്കം ഉണ്ടാകുന്നത് എനിക്ക് നല്ലതാ…
അമ്മയെ അങ്ങോട്ട് കൊണ്ട് പോയി താമസിപ്പിച്ചാലോ എന്ന് ആലോചിച്ചതാണ് പക്ഷെ അമ്മ ഉടനെ എങ്ങോട്ടുമില്ല എന്ന വാശിയിലാ..