കാഴ്ച പ്രശ്നമുള്ളത് കൊണ്ട് അധികം നേരവും വിനയന്റെ കാര്യങ്ങളിൽ ശ്രദ്ധിച്ചു കൊണ്ട് തന്നെയാണ് അവൾ കഴിഞ്ഞു പോവുന്നത്. അവൻ പണിക്ക് പോകുമ്പോ വീട്ടിലെ അടുക്കളയിലും ഒതുങ്ങി.
വീട്ടു ജോലികളെല്ലാം മായയുടെ തലയിൽ വച്ചു കൊടുത്ത ഭാരതിയമ്മ മാത്രം അവളുടെ മുന്നിൽ വളരെ കടുപ്പിച്ചു നിന്നു. ഒരൗദാര്യം പോലെയാണ് അവളവിടെ കഴിയുന്നതെന്ന് സൂചിപ്പിക്കും വിധം.
എല്ലാമൊന്ന് പൊരുത്തപ്പെടാൻ അവൾക്ക് ഏകദേശം മൂന്നു നാല് മാസങ്ങളെടുത്തു. കൂടുതലായി ആഗ്രഹങ്ങളൊന്നുമില്ലെങ്കിലും ഉള്ള ആഗ്രഹങ്ങളെ ഉള്ളിൽ തന്നെ വച്ച് മൂടി. ചില സമയങ്ങളിൽ ഇങ്ങനെ തന്നെയാണ് നല്ലതെന്നും തോന്നും. വലിയ വീട്ടിലേക്ക് കല്യാണം കഴിഞ്ഞത് തന്നെ ഭാഗ്യമാണെന്ന് വിശ്വസിച്ചു.
ഭക്ഷണ കാര്യത്തിൽ മാത്രം ബുദ്ധിമുട്ടുകളില്ല. എല്ലാം വേണ്ടുവോളം ഉണ്ടാവണമെന്ന് അച്ഛന് നിർബന്ധമായിരുന്നു. അത്കൊണ്ടെന്താ.. സ്വന്തം വീട്ടിൽ കഴിയുമ്പോഴുണ്ടായതിൽ നിന്നും അല്പം വണ്ണം കൂടി. അമ്മായിഅമ്മക്കാണെങ്കിൽ അതിൽ അസൂയയും കൂടി. തന്റെ രക്ഷക്കായി അച്ഛനുള്ളത്
കൊണ്ട് ആശ്വാസമായിരുന്നു അവൾക്ക്. രണ്ടു മൂന്ന് തവണ തന്റെ പേരിൽ അവര് വഴക്ക് കൂടുന്നതും അവൾ ശ്രദ്ധിച്ചിരുന്നു. അപ്പോഴെല്ലാം അച്ഛൻ തന്നെയാണ് ആധിപത്യം കൈവരിക്കാറുള്ളത്. അച്ഛൻ പുറത്ത് പോയി കഴിഞ്ഞാൽ ഭാരതി അതെല്ലാം അവളോട് തീർക്കും അതൊക്കെ ഇപ്പോ അവൾക്ക് ശീലമായി തുടങ്ങി. ഭാരതിയമ്മയുടെ അഹങ്കാരം നിറഞ്ഞ സ്വഭാവത്തിന് മുന്നിൽ ആ വീട്ടിൽ ആകെയുള്ള ആശ്വാസം അമ്മായിഅച്ഛന്റെ സ്നേഹമാണ്. ആരുടെ പക്ഷം നിൽക്കണമെന്നറിയാത്ത വിനയേട്ടന്റെ അവസ്ഥ അവൾക്ക് നന്നായി അറിയാം.
വിനയനുമായുള്ള ലൈംഗീക ജീവിതം അമ്പേ പരാജയമല്ലെങ്കിലും വികാര വിചാരങ്ങളെയും അതിന്റെ തീവ്രതയെ കുറിച്ചും കൂടുതൽ ആഗ്രഹിക്കേണ്ടെന്ന് ഈ കഴിഞ്ഞ മാസങ്ങൾ കൊണ്ട് തന്നെ അവൾക്ക് മനസിലായതാണ്. വിനയേട്ടനെ കുറ്റം പറയുവാനും കഴിയില്ല. അതിലൂടെയവൾ മനസ്സിനെ നിയന്ത്രിക്കാനും പഠിച്ചു.
അങ്ങനെ ഇപ്പോഴിതാ വിവാഹ ജീവിതം എട്ടു മാസം പിന്നിടുന്നു.
ഇന്ന്,
ഭാരതിയുടെ ചേച്ചിയുടെ മകന്റെ കല്യാണത്തിന് പോകാനുള്ള ഒരുക്കത്തിലാണ് ബാലനും കുടുംബവും.
എത്തേണ്ട സ്ഥലത്ത്നാല് മണിക്കൂർ യാത്രയുള്ളത് കൊണ്ട് എല്ലാർക്കും പോകാൻ വേണ്ടി വണ്ടി റെഡിയാക്കി അത് വരാൻ വേണ്ടി കാത്തിരിക്കുകയിരുന്നു ബാലൻ.
അപ്പോഴാണ് വസ്ത്രം മാറി റെഡിയായി വരുന്ന മകനെയും പുറകിൽ മരുമകളെയും കാണുന്നത്. നേരിയ കോട്ടന്റെ കാപ്പി നിറമുള്ള ബ്ലൗസും മഞ്ഞ സാരിയുമായിരുന്നു മായ ഉടുത്തത്.
മാസങ്ങൾക്ക് ശേഷം തന്റെ മരുമകളെ സാരിയുടുത്തു ഭംഗിയായി ഒരുങ്ങി കണ്ടതിൽ വളരെ സന്തോഷവാനായിരുന്നു ബാലചന്ദ്രൻ..!
ഒന്നുകിൽ അടുക്കളയിലോ അല്ലെങ്കിൽ മകന്റെ കൂടെ അവനെ സഹായിച്ചോ എന്തെങ്കിലും പണിയിൽ ഏർപ്പെട്ടോ അല്ലാതെ ഈ കാലത്തിനിടക്ക് അവളെ ഇങ്ങനെ പുറത്തേക്കൊന്നും ഇറങ്ങി കണ്ടിട്ടില്ല.
അവളിങ്ങനെ കഷ്ടപ്പെടുന്നത് കാണുമ്പോ ചിലപ്പോഴൊക്കെ ബാലനും
തോന്നും ഒന്നും വേണ്ടിയിരുന്നില്ലെന്ന്. താനായിരുന്നല്ലോ എല്ലാത്തിനും മുൻകൈ എടുത്തത്.
എന്നാൽ ഇന്നത്തെ ദിവസം സന്തോഷമുള്ളതാണ്. കല്യാണ ദിവസത്തിന് ശേഷം ഇപ്പഴാണ് അവളെ വീണ്ടും ഒരുങ്ങി കാണുന്നത്. കണ്ടതിൽ വച്ച് പൊതുവെ ഒന്നിനും താല്പര്യം കാണിക്കാത്ത അവളിൽ ഇന്നത്തേയീ മാറ്റം അയാളിൽ അല്പം അത്ഭുതവും ഉണ്ടാക്കിയിരുന്നു.
അങ്ങനെ കല്യാണത്തിന് പോകാനായി ബാലന്റെ ഒരു സുഹൃത്ത് വഴി ഏല്പിച്ചിരുന്ന ടെമ്പോ വാൻ സമയത്തിന് തന്നെയത്തി. ഒപ്പം അളിയൻ ബാബുവും. അതായത് ഭാരതിയുടെ കല്യാണം കഴിയാത്ത ചേട്ടൻ.
അവര് തമ്മിൽ നല്ല അളിയനളിയൻ ബന്ധമാണ്. കാരണം പെങ്ങളുടെ സ്വഭാവം ബാബുവിന് നന്നായി അറിയാം.
രണ്ടാളും വണ്ടിയുടെ പുറകിലെ സീറ്റിൽ തന്നെ ഇരിപ്പിടം പിടിച്ചു.
മുൻപിലുള്ള സീറ്റുകളിലായി വിനയനും മായയും അതിന്റെ പുറകിൽ ഭാരതിയും.
ഇടയിലുള്ള സീറ്റുകൾ നാലെണ്ണം കാലിയായിരുന്നു.
