അതും പറഞ്ഞു ആതു എന്റെ കാലിൽ പിടിക്കാനായി നോക്കി. പക്ഷെ ഞാൻ അവളെ തടഞ്ഞു. അപ്പോൾ അവൾ വീണ്ടും പറഞ്ഞു.
“പാവം അമ്മയും വല്യമ്മയും. അവർക്ക് എപ്പോഴും കിച്ചു ഏട്ടന്റെ കാര്യം പറയാനേ നേരം കാണൂ. എന്നിട്ട് രണ്ടാളും കരയും. അവർക്ക് എന്ത് സ്നേഹം ആണെന്നോ കിച്ചു ഏട്ടനോട്.. എന്നിട്ട കിച്ചു ഏട്ടൻ അവരോട്
ഇങ്ങനെ പെരുമാറുന്നത്.
എന്തിനാ കിച്ചു ഏട്ടന് അവരോട് രണ്ടാളോടും ഇങ്ങനെ ദേഷ്യം.? അവർ കിച്ചു ഏട്ടനോട് എന്ത് തെറ്റ് ചെയ്തിട്ടാ…
എന്നോട് കിച്ചു ഏട്ടൻ എന്ത് ദേഷ്യം കാണിച്ചാലും ഞാൻ കിച്ചു ഏട്ടനോട് ദേഷ്യം കാണിക്കില്ല. ഞാൻ എപ്പോഴും കിച്ചു ഏട്ടാ കിച്ചു ഏട്ടാ എന്ന് വിളിച്ചു കിച്ചു ഏട്ടന്റെ അടുത്തു വരും. ”
“നിന്നോട് ആരാ ഇപ്പോൾ ഇങ്ങോട്ട് വരാൻ പറഞ്ഞത്..?” ഞാൻ ചോദിച്ചു.
“അത് ഞാൻ പറഞ്ഞില്ലേ. എന്റെ അമ്മ പറഞ്ഞിട്ട്. കിച്ചു ഏട്ടന് കുടിക്കാൻ ഉള്ള വെള്ളവുമായി വന്നത് ആണെന്ന്. ”
“വെള്ളം ഇവിടെ കൊണ്ട് വന്നു വെച്ചില്ലേ.. എന്നാ ഇനി പോയിക്കോ”
“ഇല്ല. ഞാൻ പോകില്ല. കിച്ചു ഏട്ടൻ എന്നോട് ദേഷ്യം ഇല്ലെന്ന് പറയാതെ ഞാൻ പോകില്ല.”
“ആരാ നിന്റെ കിച്ചു ഏട്ടൻ..? എന്നെ കിച്ചു ഏട്ടൻ എന്ന് വിളിക്കാൻ നിന്നോട് ആരാ പറഞ്ഞത്..?”
“അത് ആരാ പറയേണ്ടത്. ? അമ്മയും വല്യമ്മയും എപ്പോഴും കിച്ചു എന്നാണല്ലോ കിച്ചു ഏട്ടന്റെ പേര് പറയാറ്. അപ്പോൾ എനിക്ക് കിച്ചു ഏട്ടൻ എന്ന് വിളിച്ചൂടെ..?”
“ആരാ നിന്റെ വല്യമ്മ..?”
“അത് കാർത്തിക വല്യമ്മ. കാത്തു വല്യമ്മ.”
“നിന്റെ കാർത്തിക വല്യമ്മ പറഞ്ഞോ നിന്നോട് എന്നെ ഇങ്ങനെ വിളിക്കാൻ…?”
“ഇല്ല. അങ്ങനെ പറഞ്ഞില്ല. പക്ഷെ!! പിന്നെ ഞാൻ കിച്ചു ഏട്ടനെ എന്താ വിളിക്കേണ്ടത്..കിച്ചു ഏട്ടാ…? കിച്ചു ഏട്ടൻ തന്നെ പറഞ്ഞോ. കിച്ചു ഏട്ടനെ ഞാൻ എന്ത് വിളിക്കണം എന്ന്. ഞാൻ അത് പോലെ വിളിക്കാം. ”
” അത് നീ പോയി നിന്റെ അമ്മയോട് ചോദിക്ക്. നിന്റെ അമ്മ പറഞ്ഞു തരും. ഞാൻ ആരാണെന്നും.
എന്നെ എന്ത് വിളിക്കണം എന്നും. “.
“ശരി. അത് ഞാൻ പോയി അമ്മയോട് ചോദിച്ചോളാം. പക്ഷെ കിച്ചു ഏട്ടൻ ഇപ്പോൾ എന്നോട് ഒരു കാര്യം പറയണം. കിച്ചു ഏട്ടന് എന്തിനാ എന്നോട് ദേഷ്യം എന്ന്. ? അത് എന്ത് തന്നെ ആയാലും. ഇനി എന്നോട് ഒരു ദേഷ്യവും ഇല്ലെന്നും. ”
അതും പറഞ്ഞു അവൾ വീണ്ടും എന്റെ കാലിൽ പിടിച്ചു എന്നിട്ട് പറഞ്ഞു.
“പറ. എന്നോട് പറ. കിച്ചു ഏട്ടന് എന്നോട് ഒരു ദേഷ്യവും ഇല്ലെന്ന്. എന്നാലേ ഞാൻ ഈ കാലിൽ നിന്ന് പിടി വിടൂ. ”
ഇങ്ങനെ ഒരു കുറുമ്പി. എന്റെ ഗൽബിയെ പോലെ തന്നെ. ഞാൻ അറിയാതെ ചിരിച്ചു പോയി. എന്നിട്ട് അവളെ പിടിച്ചു മാറ്റിയിട്ട് ഞാൻ പറഞ്ഞു.
“എനിക്ക് നിന്നോട് ദേഷ്യം ഒന്നും ഇല്ല. ഇനി ഉണ്ടെങ്കിൽ തന്നെ
അതും നീ പോയി നിന്റെ അമ്മയോട് ചോദിച്ചാൽ മതി. എല്ലാം നിന്റെ അമ്മയ്ക്ക് അറിയാം. ”
“ഇനി ഞാൻ പോയിക്കോളാം. കിച്ചു ഏട്ടൻ ചിരിക്കുന്നത് ഞാൻ കണ്ടല്ലോ. അപ്പോൾ എന്നോട് ദേഷ്യം ഇല്ലന്നല്ലേ അതിന്റെ അർത്ഥം. പിന്നെ കിച്ചു ഏട്ടൻ എന്നോട് പറഞ്ഞില്ലേ എന്നോട് ദേഷ്യം ഇല്ലെന്ന്. എനിക്ക് അത് മതി. അതുപോലെ ഇനി എന്റെ അമ്മയോടും വല്യമ്മയോടും ഉള്ള കിച്ചു ഏട്ടന്റെ ദേഷ്യവും മാറണം..
. ഇനി കിച്ചു ഏട്ടൻ കിടന്ന് ഉറങ്ങിക്കോ. ഗുഡ് നൈറ്റ് കിച്ചു ഏട്ടാ.”
അതും പറഞ്ഞു ആതു താഴേക്ക് ഇറങ്ങി പോയി. ഞാൻ അവിടെ ഇരുന്ന് ചിരിച്ചുപോയി. ഞാൻ വേഗം എന്റെ തോർത്തും എടുത്തു കുളിക്കാൻ കയറി. അതുപോലെ വേഗം കുളിച്ചു ഇറങ്ങി. അപ്പോൾ ഒരു ആശ്വാസം തോന്നി.
ഞാൻ കട്ടിലിൽ കയറി കിടന്നു. അപ്പോൾ വാതിൽ തുറന്ന് ഗൽബി അകത്തേക്ക് വന്നു. ഒരു പാവാടയും ബ്ലൗസും ആയിരുന്നു അവളുടെ വേഷം. അത് പക്ഷെ അവൾ സാധാരണ ഉടുക്കുന്നത് ആയിരുന്നില്ല. പുതിയത് ആയിരുന്നു. അതുകൊണ്ട് അവളുടെ വയറൊന്നും കാണുന്നുണ്ടായിരുന്നില്ല.