ഇന്ദു തേങ്ങിക്കൊണ്ട് പറഞ്ഞു..
“എടി. ഇന്ദു അവൻ നിന്നോട് എന്തെങ്കിലും പറഞ്ഞോ..?”
“ഇല്ല ചേച്ചി. കിച്ചു എന്നോട് ഒന്നും പറഞ്ഞില്ല.. ”
“ഹാവൂ. ആശ്വാസം. പിന്നെ നീ എന്തിനാ കരയുന്നത്.? അവൻ നിന്നെ ഒന്നും പറഞ്ഞില്ലല്ലോ..? പിന്നെ എന്തിനാ നീ കരയുന്നത്.
നിന്നെ ഇപ്പോൾ തന്നെ അവിടെ നിന്ന് ഇറക്കി വിടും എന്നായിരുന്നു എന്റെ പേടി.”
ഇന്ദു കരയുന്നത് മനസ്സിലാക്കികൊണ്ട് ചേച്ചി ചോദിച്ചു.
“എന്നെ ഇറക്കി വിട്ടാൽ ഞാൻ കിച്ചുവിന്റെ കാലിൽ കെട്ടിപിടിച്ചു കരയും ചേച്ചി. പക്ഷെ കിച്ചു എന്നെ ഒന്ന് നോക്കുന്നു പോലും ഇല്ല. എന്നോട് മിണ്ടുന്നില്ല. ഞാൻ എന്ത് തെറ്റ് ചെയ്തിട്ടാ ചേച്ചി കിച്ചു എന്നോട് ഇങ്ങനെ പെരുമാറുന്നത്..? ”
“അതൊന്നും ഇല്ലെടി. നീ കരയേണ്ട. എല്ലാം ശരിയാവും. അവനെ നമുക്ക് അറിയാലോ..? സ്നേഹക്കൂടുതൽ കൊണ്ടാ അവൻ ഇങ്ങനെ പെരുമാറുന്നത്.. അവന് നിന്നെ ഒരുപാട് ഇഷ്ട്ടം ആയിരുന്നു..”
“അതിന് ഞാൻ എന്ത് ചെയ്യാൻ ആണ് ചേച്ചി. ചേച്ചിക്ക് എന്നെ അറിഞ്ഞൂടെ. ഞാൻ അവനെ അങ്ങനെ ഒന്നും. ”
‘ “അതു പോട്ടെ! ഒന്നും ഇല്ലെങ്കിൽ നിനക്ക് അവനെ കാണാൻ എങ്കിലും കഴിഞ്ഞില്ലേ ..? എന്റെ കാര്യം അങ്ങനെ ആണോ.? എന്നോട് പോലും അവൻ ദേഷ്യം കാണിച്ചു നടക്കുന്നത്
നിനക്ക് അറിയില്ലേ. ഞാൻ അവനോട് എന്ത് ചെയ്തിട്ടാ.?
ഇന്ദുവും ചേച്ചിയും ഒരുപോലെ കരഞ്ഞു. എന്നിട്ട് ചേച്ചി ചോദിച്ചു.
“എടി. അവൻ ആതു മോളോട് എങ്ങനെയാ..? അവളോട് അവൻ മിണ്ടുന്നുണ്ടോ..?”
“ഇല്ല ചേച്ചി. മോളോടും അങ്ങനെ തന്നെയാ. പക്ഷെ മോള് ആളറിയാതെ കിച്ചുവിനോട് എന്തൊക്കെയോ പറഞ്ഞു. അതിന്റെ ദേഷ്യത്തിൽ ആയിരിക്കും കിച്ചു ചേച്ചിയെ വിളിച്ചത്..എങ്കിലും ഞാൻ അവളെക്കൊണ്ട് കിച്ചുവിനോട് മാപ്പ് പറയിച്ചു. . ”
“നിനക്ക് എങ്ങനെ അറിയാം. കിച്ചു എന്നെ വിളിച്ചെന്ന്…?”
“അത്.. അത് .. കിച്ചു ഫോണിൽ സംസാരിക്കുന്നത് ഞാൻ കേട്ടൂ.”
ഇന്ദു പൊട്ടിക്കരഞ്ഞുകൊണ്ട് പറഞ്ഞു.
“എടി നീ അവൻ പറഞ്ഞത് എല്ലാം കേട്ടോ..?”
ഇന്ദു കരഞ്ഞു കൊണ്ടുതന്നെ പറഞ്ഞു
“കേട്ടു ചേച്ചി. ഞാൻ കേട്ടു. എന്റെ ഞെഞ്ചു തകർന്ന് പോയി ചേച്ചി.”
“എടി നീ ഇങ്ങനെ കരയാതെ. ഞാൻ വേഗം നാട്ടിൽ വരാം. നമുക്ക് അവനോട് സംസാരിക്കാം. എല്ലാം അവന്റെ തെറ്റിദ്ധാരണ ആണെന്ന് അവനെ പറഞ്ഞു മനസിലാക്കാം.”
“എന്ത് മനസ്സിലാക്കാൻ ആണ് ചേച്ചി. എന്ത് പറഞ്ഞാലും കിച്ചു അതെല്ലാം വിശ്വസിക്കുമോ.? ഇനി വിശ്വസിച്ചാലും അവൻ എന്നോട് അങ്ങനെ….. അവന്റെ ഉള്ളിൽ ഞാൻ.. എനിക്ക് എന്ത് ചെയ്യാൻ കഴിയും ചേച്ചി.” ഇന്ദു തേങ്ങി തേങ്ങി പാതി പതിയായി പറഞ്ഞു നിർത്തി.
“നീ അതൊന്നും കാര്യമാക്കേണ്ട. അതൊക്കെ നമുക്ക് ശരിയാക്കാം. അവൻ കുറച്ചു ദിവസം അവിടെ ഉണ്ടായിരുന്നാൽ മതിയായിരുന്നു.”
“എനിക്ക് തോന്നുന്നില്ല ചേച്ചി. ചേച്ചിയെങ്കിലും ഇവിടെ ഉണ്ടായിരുന്നു എങ്കിൽ. ഒരു പക്ഷെ കുറച്ചു ദിവസം എങ്കിലും ഇവിടെ നിന്നേനെ. എന്നെ കാണുന്നത് പോലും എന്റെ കിച്ചൂന് ഇഷ്ട്ടം അല്ല ചേച്ചി. പിന്നെ കിച്ചു ഇവിടെ നിൽക്കുമോ..?”
“അതൊക്കെ നിന്നോളും. കുറേ നാള് കൂടിയല്ലേ വിളിക്കാതെ തന്നെ അവൻ വീട്ടിലേക്ക് വന്നത്. അപ്പോൾ കുറച്ചു ദിവസം അവൻ അവിടെ നിൽക്കും. നീ അവന് വേണ്ടത് എന്താണെന്ന് വെച്ചാൽ എല്ലാം ചെയ്തു കൊടുക്ക് .
പിന്നെ മോൾക്ക് ഉള്ള എന്റെ സമ്മാനം ഞാൻ എന്റെ ഷെൽഫിൽ വെച്ചിട്ടുണ്ട്. മറ്റന്നാൾ നീ അത് എടുത്തു കൊടുക്കണം. എല്ലാവർഷവും ഞാൻ നേരിട്ട് കൊടുക്കുന്നതല്ലേ..? ”
“അതൊക്കെ ഞാൻ ചെയ്തോളാം ചേച്ചി. പിന്നെ കിച്ചുവിന് വേണ്ടത് എന്ത് വേണമെങ്കിലും ഞാൻ ചെയ്തു കൊടുക്കാം. പക്ഷെ അവന് എന്നെ കാണുന്നത് പോലും ഇഷ്ട്ടം അല്ലെങ്കിൽ പിന്നെ ഞാൻ എന്ത് ചെയ്യാനാ..?”