“ആര് പറഞ്ഞു അവന് നിന്നെ കാണുന്നത് പോലും ഇഷ്ട്ടം അല്ലെന്ന്..? അത് നിന്നോടുള്ള ഇഷ്ടക്കൂടുതൽ കൊണ്ടാ. അവൻ ഏറ്റവും കൂടുതൽ ഇഷ്ട്ടപെട്ടതും ആഗ്രഹിച്ചതും നിന്നെയാ. അവന് വേണ്ടിയിരുന്നത് തന്നെ നിന്നെയാ. നിന്നെ കിട്ടാത്തത് കൊണ്ടാ അവൻ ഇങ്ങനെ നാടും വീടും വിട്ട് ഒറ്റയ്ക്ക് അലഞ്ഞു നടക്കുന്നത്. ”
” ചേച്ചി പ്ലീസ് ഇങ്ങനെ ഒന്നും പറയല്ലേ..? എന്റെ നെഞ്ചിൽ ഇനിയും കുത്തല്ലേ..? ഞാൻ കാരണം ആണ് എന്റെ കിച്ചു. ”
“ആ അതൊക്കെ പോട്ടെ.. അവൻ തനിച്ചാണോ ഉള്ളത്..?”
“അല്ല ചേച്ചി. കൂടെ വേറെ ആരൊക്കെയോ ഉണ്ട്…”
“വേറെ ആര്. അവൻ അങ്ങനെ ഒന്നും പതിവ് ഇല്ലല്ലോ.? ആരാ അവർ.?”
“എനിക്ക് അറിയില്ല ചേച്ചി. രണ്ടു പെണ്ണുങ്ങൾ ആണ്. ”
“ങ്ങേ!!! എന്ത് പെണ്ണുങ്ങളോ..? നിനക്ക് ആള് മാറിയോ ? അത് നമ്മുടെ കിച്ചു തന്നെ ആണോ.,?”
“അതേ ചേച്ചി കിച്ചു തന്നെയാ. കിച്ചുവിന്റെ നിഴൽ കണ്ടാൽ പോലും എനിക്ക് മനസ്സിലാവില്ലേ..? ”
“എന്നിട്ട് അവന്റെ ഉള്ള് കാണാൻ നിനക്ക് കഴിഞ്ഞില്ലല്ലോടി. അങ്ങനെ ആയിരുന്നെങ്കിൽ.. ഇപ്പോൾ ഇതിന്റെയൊക്കെ ആവശ്യം ഉണ്ടാകുമായിരുന്നോ..?”
“ചേച്ചി. ഇനിയും അങ്ങനെ പറയല്ലേ..? എന്നെ ചേച്ചിക്ക് നല്ലത് പോലെ അറിയുന്നതല്ലേ..?”
“ശരി. അത് വിട്.
അപ്പോൾ അതാരാ കിച്ചുവിന്റെ കൂടെ ഉള്ള ആ പെണ്ണുങ്ങൾ..? ”
“അറിയില്ല ചേച്ചി. ഞാൻ എങ്ങനെ ചോദിക്കാൻ ആണ്. ചോദിച്ചാലും എന്നോട് പറയുമോ..?”
“ആഹ്! അതും ശരിയാ. അതിരിക്കട്ടെ . അവർ എങ്ങനെ കാണാൻ കൊള്ളാവുന്നവർ തന്നെ ആണോ..?”
“അതേ ചേച്ചി. അതിൽ ഒന്ന് നമ്മുടെ ആതുവിനെക്കാളും ഒന്നോ രണ്ടോ വയസ് കൂടുതൽ പ്രായം കാണും. മറ്റേയാൾക്ക് അതിനേക്കാളും കൂടും. എന്നാലും നമ്മുടെ കിച്ചുവിനെക്കാൾ കുറച്ചു പ്രായം കുറവാണെങ്കിലേ ഉള്ളൂ. കണ്ടാലും അത്രയേ തോനുള്ളൂ.. അവരൊക്കെ നല്ല കൂട്ടരാ. അല്ലെങ്കിൽ നമ്മുടെ കിച്ചു കൂടെ കൂട്ടില്ലല്ലോ.!!?”
“അവർ അവന്റെ ആരാ.? എന്താ? എന്നെങ്കിലും അവൻ പറഞ്ഞോ.?”
“അവൻ എന്റെ മുഖത്ത് പോലും നോക്കിയില്ല ചേച്ചി. പിന്നെ ഞാൻ എങ്ങനെ …? ”
ഇന്ദു അത്രയും പറഞ്ഞു നിർത്തി.
“അതിരിക്കട്ടെ .അവർ എങ്ങനെയാ കാണാൻ കൊള്ളാവോ.?”
“മ്. കൊള്ളാം. രണ്ടാളും നല്ല സുന്ദരികൾ തന്നെയാ. ചേച്ചി ഞാൻ അവർക്ക് കുടിക്കാൻ എന്തെങ്കിലും കൊടുക്കട്ടെ. ഞാൻ പിന്നെ വിളിക്കാം.”
അതും പറഞ്ഞു ഫോൺ വെച്ച ഇന്ദു കരഞ്ഞുകൊണ്ട് തന്നെ അടുക്കളയിൽ എന്തൊക്കെയോ പണി ചെയ്യാൻ തുടങ്ങി.
ഇന്ദുവിനോട് അങ്ങനെ പറഞ്ഞ ശേഷം നേരെ നടന്നു
മുകളിലെത്തിയ ഞാൻ എന്റെ മുറിയുടെ വാതിൽ തുറന്ന് അകത്ത് കയറി. ഞാൻ എന്റെ മുറി മുഴുവനും നോക്കി. അവിടെ എല്ലാം വൃത്തിയാക്കി വെച്ചിട്ടുണ്ട്. കട്ടിലും കിടക്കയും എല്ലാം വൃത്തിയാക്കി നല്ല വരിയൊക്കെ വിരിച്ചു വെച്ചിട്ടുണ്ട്. എന്നെങ്കിലും ഞാൻ വരും എന്ന് അവർ പ്രതീക്ഷിച്ചു കാണും. ഓരോ ദിവസവും അവർ അതിനായി കാത്തിരിക്കുന്നുണ്ടാകും.
ഞാൻ നേരെ ജനലിനടുത്തേക്ക് ചെന്നു.
ജനൽ വാതിൽ തള്ളി തുറന്ന് ഞാൻ പുറത്തേക്ക് നോക്കി. അവിടെ നിന്ന് നോക്കിയാൽ കാണും ഇന്ദുവിന്റെ വീട് നിൽക്കുന്ന സ്ഥലം.
ഇന്ദുവിനോട് സംസാരിച്ചശേഷം നേരെ മുകളിലേക്ക് വന്ന ഫരി എന്റെ റൂമിന്റെ വാതിൽ മെല്ലെ തള്ളി തുറന്ന് അകത്ത് കയറി.
ഫരി റൂമിലേക്ക് കയറി വന്നത് ഞാൻ അറിഞ്ഞിരുന്നില്ല. അവൾ വന്ന് പിറകിൽ നിന്നും എന്നെ കെട്ടിപിടിച്ചുകൊണ്ട് ചോദിച്ചു.
“സാർ എന്താ ഇങ്ങനെ പുറത്തേക്ക് നോക്കി ആലോചിച്ചു നിൽക്കുന്നത്…?””
ഞാൻ പിറകിലേക്ക് കൈ നീട്ടി അവളെ കെട്ടിപിടിച്ചു.
“സാറിന്റെ ദേഷ്യം ഇനിയും മാറിയില്ലേ..? ഞങ്ങളോടും ദേഷ്യം ഉണ്ടോ..?”
അത് കേട്ട് ഞാൻ തിരിഞ്ഞു നിന്നിട്ട് അവളെ എന്നോട് ചേർത്ത് പിടിച്ചു. അവൾ എന്റെ നെഞ്ചിൽ തല ചായിച്ചു.