” അതിനല്ലേ നമ്മൾ പോകുന്നത്. അവിടെ പോയാൽ ഒരുപാട് സമയം ചിലപ്പോൾ നിൽക്കേണ്ടിവരും. അപ്പോൾ എന്തെങ്കിലും കഴിക്കാതെ പോയാൽ ശരിയാവില്ല. നിനക്ക് വിശക്കും.. ഞാൻ പലപ്പോഴും ഇവിടുന്ന് ഒരു ഷെയ്ക്ക് കുടിക്കാറുണ്ട് . നമുക്ക് അത് കുടിച്ചിട്ട് പോകാം. ”
അപ്പോഴേക്കും കടയിലെ ആൾ ജോയലിന്റെ കാറിനടുത്തേക്ക് വന്നു എന്നിട്ട് ചോദിച്ചു..
” സാർ പതിവുള്ളതാണോ..? ”
“ആ അതേ. ഇന്ന് രണ്ടെണ്ണം. എടുത്തോ. പിന്നെ ക്യാഷ് നട്ടും, ബദാമും , പിസ്തയും , വാൽനട്ടും, എല്ലാം കുറച്ച് നന്നായി കൂട്ടിയെടുത്തോ. ഇത്തിരി ഐസ്ക്രീം കൂടുതൽ ചേർത്തോ. മധുരവും തണുപ്പും നല്ലതാ.”
അതും പറഞ്ഞ് ജോയൽ റസിയയെ ഒന്ന് നോക്കി ചിരിച്ചു.
“അങ്ങനെ എടുക്കാൻ പറയാം സാർ.” അതും പറഞ്ഞ് അയാൾ കടയിലേക്ക് പോയി.
“‘ കാര്യങ്ങളൊക്കെ നടക്കുകയാണെങ്കിൽ. ഇനിയെന്നും ഇതുപോലെയൊക്കെ കഴിക്കണം. ഇതൊന്നുമല്ല വേറെയും ചിലതുണ്ട്. നല്ല ഫ്രൂട്ട്സ് ഒക്കെ ഇട്ട് അടിക്കുന്ന ഷെയ്ക്ക്. അതൊക്കെ കഴിച്ചാൽ റസിയയുടെ മൊഞ്ച് കൂടിക്കൂടി വരും. അതൊക്കെ ഞാൻ വാങ്ങിത്തരും. പിന്നെ എന്നും കുറച്ചൊക്കെ അധ്വാനിക്കാനുള്ളതല്ലേ. അതുകൊണ്ട് അതൊക്കെ കുടിക്കണം.”
ജോയൽ പറഞ്ഞു.
കുറച്ചു സമയം കഴിയുമ്പോഴേക്കും ഷെയ്ക്ക് വന്നു. അതും വലിയൊരു ക്ലാസിൽ. റസിയ അത് വാങ്ങി മെല്ലെ കുടിക്കാൻ തുടങ്ങി.
ഇതുവരെ ഇങ്ങനെയൊന്നും കുടിച്ചതായി റസിയക്ക് ഓർമ്മ പോലുമില്ല. അത്രയും രുചിയുണ്ടായിരുന്നു അതിന്. കുറച്ചു കുടിക്കുമ്പോൾ തന്നെ റസിയയുടെ വയറു നിറഞ്ഞതായി തോന്നി. എങ്കിലും അവൾ അത് മുഴുവൻ കുടിച്ചു.
” ഇനി വേണോ..? ” ജോയൽ ചോദിച്ചു.
“വേണ്ട. എന്റെ വയറു നിറഞ്ഞു. എനിക്ക് വേണമെന്നില്ലായിരുന്നു. പക്ഷേ സാർ വാങ്ങി തന്നതുകൊണ്ട് കുടിച്ചത് ആണ്.” അവൾ പറഞ്ഞു.
” അപ്പോൾ ഞാൻ തരുന്നത് എന്തും കുടിക്കും അല്ലേ…? ഗുഡ് ഗേൾ. ഇങ്ങനെ വേണം. ”
റസിയ ഒന്നും മിണ്ടിയില്ല ജോയൽ തുടർന്നു പറഞ്ഞു.
“ഒരു പെണ്ണിന്റെ നിസ്സഹായാവസ്ഥയെ ഞാൻ ചൂഷണം ചെയ്യുനതായി തോന്നുന്നുണ്ടോ..? ”
റസിയ ജോയലിനെ നോക്കി.
“അങ്ങനെ തോന്നിയാലും സാരമില്ല. പതുക്കെ അതൊക്കെ മാറിക്കോളും. ”
ജോയൽ വീണ്ടും സ്റ്റേഷനിലേക്ക് പുറപ്പെട്ടു. അവർ വേഗം തന്നെ പോലീസ് സ്റ്റേഷനിൽ എത്തി. അവിടെ ഒരു സെല്ലിൽ അടച്ചിട്ടിരിക്കുകയായിരുന്നു ബഷീറിനെ.. ജോയൽ റസിയയെയും കൂട്ടി . ജോർജ് സാറിനെ കാണാൻ പോയി.
“ആ. നിങ്ങൾ എത്തിയോ..? ജോയലേ ആദ്യമേ പറഞ്ഞില്ലേ.? ഇത് അങ്ങനെ വെറുതെ വിടാൻ പറ്റിയ കേസ് അല്ലെന്ന്. ? പിന്നെ ഇവളെയും കൊണ്ട് ഇങ്ങോട്ട് വന്നിട്ട് വല്ല കാര്യവും ഉണ്ടോ..?”
” എന്റെ പൊന്നു സാറേ . സാർ വിചാരിച്ചാൽ. എങ്ങനെയെങ്കിലും അയാളെ വിടാൻ പറ്റുമോ എന്ന് നോക്ക്. നമുക്ക് കാണേണ്ടത് പോലെയൊക്കെ കാണാം എന്ന് ഞാൻ പറഞ്ഞില്ലേ… ”
” എന്ന് വെച്ച്. ഞാൻ നേരത്തെ പറഞ്ഞല്ലോ.? മിനിമം 500 കോടിക്ക് മുകളിൽ വരുന്ന സാധനമാണ് അയാളുടെ കയ്യിൽ നിന്നും പിടിച്ചെടുത്തത്. അതങ്ങനെ പെട്ടെന്ന് എഴുതിത്തള്ളാൻ പറ്റുമോ..?”
” അത് സാറേ. നമ്മൾ നേരത്തെ പറഞ്ഞതുപോലെ. എത്ര വേണമെന്ന് സാർ പറഞ്ഞാൽ മതി. ഞങ്ങൾ അത് തരാം. അയാളെ വെറുതെ വിടണം.”
” എത്ര തരും. 50. 50 തരാൻ ഉണ്ടാകുമോ ഇവളുടെ കയ്യിൽ.?: 50 ലക്ഷം.? ”
അതുകേട്ട് റസിയയുടെ മുഖം വാടി.
” ഇല്ല സാറേ അത്രയൊന്നും പറ്റില്ല. സാർ വല്ലതും കുറച്ചു താ. ഒരു അഞ്ചോ പത്തോ ആണെങ്കിൽ ഞങ്ങൾ നോക്കാം. ” ജോയൽ പറഞ്ഞു
” 10 പറഞ്ഞാൽ എത്ര പത്ത് ലക്ഷമോ..?. അതൊന്നും നടക്കില്ല. താൻ പോയെ. ഇപ്പോൾ പത്രക്കാർ വരും. അതിനുമുമ്പ് താൻ പോയാൽ . താൻ കേസിൽ നിന്ന് രക്ഷപ്പെടും. ഇല്ലെങ്കിൽ തന്നെയും ഈ കേസിൽ കുടുക്കും.”
സൂപ്പർ ഇനി എന്നാ