ഞാൻ ഇക്കയോട് ചോദിച്ചു.
“ഇക്ക എന്തിനാ ഇത് വീണ്ടും ചെയ്തത്..? നമുക്ക് ഇങ്ങനെ ഉള്ള പണം വേണ്ട എന്ന് പറഞ്ഞതല്ലേ..?!”
“പറ്റിപ്പോയി റസി. ഇനി ഞാൻ ആവർത്തിക്കില്ല. ഒരിക്കലും. ഇനി നീ പറയുന്നത് കേട്ട് ഞാൻ കഴിഞ്ഞോളാം. ഇവർ ഇനിയും എന്നെ തല്ലും. എനിക്ക് അത് സഹിക്കാൻ പറ്റില്ല.”
“ഓരോ വേണ്ടാത്ത കാര്യം ചെയ്തു വെച്ചിട്ട്.. ഞാൻ സാറിനെ കണ്ട് നോക്കട്ടെ. സംസാരിച്ചു നോക്കട്ടെ. വേണമെങ്കിൽ സാറിന്റെ കാല് ഞാൻ പിടിക്കാം. ഇക്കയെ രക്ഷിക്കാൻ. അല്ലാതെ ഇപ്പോൾ ഞാൻ എന്ത് ചെയ്യാനാ. ” ഞാൻ ഇക്കയോട് പറഞ്ഞു.
“എന്ത് ചെയ്തിട്ടായാലും ആരുടെ കാല് പിടിച്ചിട്ടായാലും, എന്ത് പിടിച്ചിട്ടായാലും വേണ്ടില്ല. എന്നെ ഇവിടുന്ന് രക്ഷിക്കൂ റസി. എനിക്ക് തല്ല് കൊള്ളാൻ വയ്യ റസി. എനിക്ക് വേദനിക്കുന്നൂ റസീ. ”
ഇക്ക കൊച്ചു കുട്ടികളെ പോലെ കരഞ്ഞു പറഞ്ഞു..
ഒരേ സമയം എനിക്ക് ഇക്കയോട് ദേഷ്യവും സഹതാപവും സങ്കടവും വന്നു. ഇങ്ങനെ ഒരാളെ ഞാൻ എന്തിന് തിരഞ്ഞെടുത്തു. വീട്ടുകാരുടെ വാക്ക് കേൾക്കാതെ ഓരോന്ന് ചെയ്തതിന്റെ ശിക്ഷ ഇനി എന്തൊക്കെ ഞാൻ അനുഭവിക്കണം. എന്ന് എനിക്ക് തോന്നി.
ഞാൻ പോലീസ് സാറിനെ കാണാൻ പോയി. എന്നാൽ സാർ എന്നെ കാണാൻ പോലും കൂട്ടാക്കിയില്ല. അപ്പോൾ മറ്റൊരു പോലിസ് കാരൻ എന്നോട് പറഞ്ഞു.
” അതേ ഇത് വലിയ കേസ് ആണ്. ജാമ്യം പോലും കിട്ടില്ല. എത്ര വർഷം ജയിലിൽ കഴിയേണ്ടി വരും എന്നും പറയാൻ പറ്റില്ല. പിന്നെ അടി കിട്ടി കിട്ടി അയാളുടെ കാര്യം തീരും. ജയിലിൽ പോയാലും കിട്ടും അടി. അവന്റെ കാര്യം പോക്കാ. ഇനി രക്ഷപെടാൻ ഒരു വഴിയേ ഉള്ളൂ.എഫ് ഐ ആർ ഇടുന്നതിനു മുൻപ് സാറിനെ കണ്ട് കാര്യം പറഞ്ഞാൽ…. സാറിനെ കാണേണ്ട രീതിയിൽ കണ്ടാൽ ചിലപ്പോൾ കാര്യം നടക്കും. ”
ഞാൻ ആകെ പേടിച്ചു പോയി. എനിക്ക് എന്ത് ചെയ്യണം എന്ന് അറിയാത്ത അവസ്ഥയിൽ ആയി. സാറിനെ കാണേണ്ട രീതിയിൽ എന്ന് പറഞ്ഞാൽ.. അതിൽ പല അർത്ഥങ്ങളും ഉണ്ടെന്ന് എനിക്ക് തോന്നി. ഞാൻ അവരുടെ മുന്നിൽ കിടന്ന് പോലും കൊടുക്കേണ്ടി വരും . അതായിരിക്കും ചിലപ്പോൾ ആ പോലീസ് കാരൻ ഉദ്ദേശിച്ചത് എന്ന് എനിക്ക് തോന്നി. അങ്ങനെ എന്തെങ്കിലും നടന്നാൽ എന്റെ ഇക്ക അത് എങ്ങനെ സഹിക്കും.ഇക്കയ്ക്ക് അത് സഹിക്കാൻ കഴിയുമോ..? എനിക്ക് അറിയില്ല. അങ്ങനെ ഒന്നും സംഭവിക്കാതിരിക്കാൻ പ്രാത്ഥിച്ചുകൊണ്ട്
ഞാൻ എങ്ങനെയോ സാറിനെ കണ്ടു കാര്യം പറഞ്ഞു.
എന്നാൽ അയാൾ അയഞ്ഞില്ല. ഒടുവിൽ അയാൾ പറഞ്ഞു
ഒരു ഇരുപത്തിയഞ്ചു ലക്ഷം തരാമെങ്കിൽ ഞാൻ നിന്റെ ഇക്കയെ മാപ്പ് സാക്ഷിയാക്കി ഒഴിവാക്കി തരാം. എന്നാലും കുറച്ചു നാൾ ജയിലിൽ കിടക്കേണ്ടി വരും എന്ന് ആ സാർ പറഞ്ഞു.. ഒരു കേസും ഇല്ലാതെ വെറുതെ വിടണമെങ്കിൽ അതിൽ കൂടുതൽ ആകുമെന്ന്. ചിലപ്പോൾ അമ്പത് ലക്ഷം വരെ വേണ്ടി വരും എന്നൊക്കെയാ അവിടുത്തെ മറ്റൊരു പോലിസ് കാരൻ പറഞ്ഞത്
എന്റെ കൈയിൽ എവിടുന്നാ സാറെ ഇത്രയും പൈസ. ഇക്കയുടെ കൈയിലും ഒന്നും ഇല്ലായിരുന്നു.
ഞാൻ ഇക്കയോട് ഈ കാര്യം പറഞ്ഞു. അപ്പോൾ ഇക്കയാണ് പറഞ്ഞത്.
നീ ഏതെങ്കിലും സ്വർണ്ണക്കടയിൽ പോയി ഒന്നോ രണ്ടോ മാല മോഷ്ടിക്കാൻ നോക്ക്. സ്വർണ്ണത്തിന് ഇപ്പോൾ നല്ല വില ആണെന്ന്. അത് വിറ്റ് പണം കൊടുത്ത് നമുക്ക് ഈ കേസിൽ ഊരി പോരാം. എന്നിട്ട് എവിടെയേലും പോയി ജീവിക്കാം. അല്ലാതെ വേറെ വഴിയൊന്നും ഇല്ല.
അത് കേട്ടപ്പോൾ എനിക്ക് ഇക്കയോട് വീണ്ടും ശരിക്കും വെറുപ്പ് തോന്നി. എങ്കിലും എന്റെ ഇക്കയല്ലേ. അങ്ങനെ വെറുക്കാനും ഉപേക്ഷിക്കാനും എനിക്ക് കഴിയുമോ.? അതുകൊണ്ടാണ് ഞാൻ ഇങ്ങനെ ഒരു കാര്യം ചെയ്തത്.
സാറേ ഇതാണ് സാറെ എന്റെ ജീവിതം.
അതുകൊണ്ടാ ഞാൻ ഇങ്ങനെ ഇവിടെ വന്നു ചെയ്തു പോയത്. എന്നെ രക്ഷിക്കണം സാറെ. എന്നെ പോലീസിൽ ഏൽപ്പിക്കല്ലേ സാറെ. എന്റെ ഇക്കയെ രക്ഷിക്കണേ സാറെ. ഞാൻ സാറിന്റെ കാല് പിടിക്കാം സാറെ. എനിക്ക് വേറെ വഴി ഇല്ലാഞ്ഞിട്ട സാറേ.. ”
സൂപ്പർ ഇനി എന്നാ