അതേസമയം, ഷബീറിന്റെ വാഷ്റൂമിൽ ഫ്രഷ് ആവുകയായിരുന്നു ഉണ്ണി. വാഷ്ബേസിനിലെ ടാപ്പ് പൂർണ്ണമായി തുറന്ന് അവൻ തണുത്ത വെള്ളം മുഖത്തേക്ക് ആഞ്ഞൊഴിച്ചു. മുഖത്തെ വിയർപ്പും ക്ഷീണവും ആ തണുപ്പിൽ അലിഞ്ഞില്ലാതായി.
വാഷ്റൂമിലെ ചെറിയ കണ്ണാടിയിൽ നോക്കി അവൻ വെളുത്ത ടവൽ കൊണ്ട് മുഖം അമർത്തിത്തുടച്ചു. നനഞ്ഞ മുടി കൈകൾകൊണ്ട് തന്നെ പിന്നിലേക്ക് കോതിയൊതുക്കി.അവൻ മുഖമെല്ലാം കഴുകി ഒന്ന് ഫ്രഷ് ആയി പുറത്തേക്ക് വന്നു.
അവൻ നേരത്തെ ധരിച്ചിരുന്ന ആ കറുത്ത പാന്റും ഇളം നീല ഷർട്ടും നേരത്തെ നസീമ വലിച്ചൂരിയ ഷർട്ടിന്റെ ബട്ടൻസുകൾ അവൻ ഇട്ടു. ഡ്രെസ്സ് എല്ലാം ഒന്ന് ശരിയാക്കി.
നാളെ തന്റെ പ്രിയ സുഹൃത്തുക്കൾ ദൂരേക്ക് യാത്രപോകുമ്പോൾ, ഇന്നത്തെ ഈ രാത്രി അവർക്കൊപ്പം പരമാവധി ആഘോഷമാക്കാൻ തന്നെയായിരുന്നു അവന്റെ തീരുമാനം.
അവർ ഡോർ ലോക്ക് ചെയ്ത് പുറത്തേക്കിറങ്ങിയപ്പോൾ തന്നെ നൗഫലും ഹിബയും അങ്ങോട്ടെത്തി. നൗഫൽ ഒരു കാർഗോ ഷോർട്സും ഡാർക്ക് ഗ്രീൻ ടി-ഷർട്ടുമാണ് ധരിച്ചിരുന്നത്.
ഹിബയാകട്ടെ, ലൈറ്റ് ബ്ലൂ നിറത്തിലുള്ള ജീൻസും മനോഹരമായ ഒരു വൈറ്റ് ടി-ഷർട്ടും ധരിച്ച് വളരെ സുന്ദരിയായി കാണപ്പെട്ടു.
നാളെ വെളുപ്പിന് ഷബീറിനും
നൗഫലിനും ഗൾഫിലേക്ക് പോകേണ്ടതുണ്ട്.
പുറത്ത് ഷബീറിന്റെ ഫോർട്ടൂണർ കാർ കിടപ്പുണ്ടായിരുന്നു. ഉണ്ണി ഡ്രൈവിംഗ് സീറ്റിലേക്ക് കയറി. ഷബീർ മുൻസീറ്റിലും, നൗഫലും ഹിബയും നസീമയും പിന്നിലെ സീറ്റുകളിലുമായി ഇടം പിടിച്ചു.
വണ്ടി ഗേറ്റ് കടന്ന് ഹൈവേയിലേക്ക് പ്രവേശിച്ചു. നഗരത്തിലെ തിരക്കുകളിലേക്ക് കാർ മെല്ലെ ലയിച്ചുചേർന്നു. സന്ധ്യ മയങ്ങിത്തുടങ്ങിയിരുന്നു. തെരുവുവിളക്കുകൾ ഒന്നിനുപുറകെ ഒന്നായി തെളിഞ്ഞു.
കാറിൽ നേർത്ത ശബ്ദത്തിൽ എ.ആർ. റഹ്മാന്റെ ഒരു പഴയ മെലഡി ഒഴുകിക്കൊണ്ടിരുന്നു. അവർ ഉണ്ണിയുടെ വീട്ടിലേക്ക് ചെന്നു അവിടെ റെഡി ആയി നിന്നിരുന്ന അനിതയെയും കേറ്റി വീണ്ടും യാത്ര തുടർന്നു.
“എന്തായാലും നാളത്തെ യാത്ര വലിയൊരു സംഭവമാകണം, ബിസിനസ്സിൽ നല്ല വളർച്ച ഉണ്ടാവട്ടെ, ഇവിടുത്തെ കാര്യങ്ങൾ ഓർത്തു ഇനി ടെൻഷൻ വേണ്ടല്ലോ. ഞാൻ ഉണ്ടല്ലോ ഇവിടെ” ഉണ്ണി ഡ്രൈവ് ചെയ്യുന്നതിനിടയിൽ പറഞ്ഞു.
“ദുബായിലെ ആ ഡീൽ കൂടി ശരിയായാൽ പിന്നെ നമുക്ക് തിരിഞ്ഞു നോക്കേണ്ടി വരില്ല.”
ഷബീർ സീറ്റിലേക്ക് ഒന്നുകൂടി ചാരിയിരുന്ന് പറഞ്ഞു, “അതെ ഉണ്ണി. ഇത്രയും കാലത്തെ നമ്മുടെ കഷ്ടപ്പാടാണ്. പക്ഷേ, നമ്മൾ രണ്ടാളും പോയാൽ ഇവിടുത്തെ എല്ലാ കാര്യങ്ങളും നീ ഒറ്റയ്ക്ക് നോക്കേണ്ടി വരുമല്ലോ എന്നൊരു ടെൻഷൻ എനിക്കുണ്ട്.”
പിന്നിൽ നിന്നും നൗഫൽ ഇടപെട്ടു, “അതിനെക്കുറിച്ച് നീ ഓർത്ത് വിഷമിക്കേണ്ട ഷബീറേ. ഉണ്ണിയുള്ളപ്പോൾ ഇവിടുത്തെ കാര്യങ്ങൾ എല്ലാം പെർഫെക്ട് ആയിട്ട് നോക്കിക്കോളും. അല്ലേ ഉണ്ണി?”
ഉണ്ണി ചിരിച്ചുകൊണ്ട് തലകുലുക്കി. “അതൊക്കെ ഞാൻ നോക്കിക്കോളാം. നിങ്ങൾ അവിടെ പോയി മീറ്റിംഗ് സക്സസ് ആക്കാൻ നോക്ക്. ബാക്കി കാര്യങ്ങൾ നമുക്ക് പിന്നീട് ആലോചിക്കാം.”
പിൻസീറ്റിൽ നസീമയും ഹിബയും പരസ്പരം കൈകൾ കോർത്തുപിടിച്ചിരിക്കുകയായിരുന്നു. തങ്ങളുടെ ഭർത്താക്കന്മാർ
ഗൾഫിലേക്ക് പോകുന്നതിന്റെ ചെറിയൊരു സങ്കടം അവരുടെ മുഖത്തുണ്ടായിരുന്നു. എങ്കിലും അവരുടെ ബിസിനസ്സ് വളരുന്നതിലെ സന്തോഷവും അവർക്ക് മറച്ചുവെക്കാനായില്ല.
“നിങ്ങൾ രണ്ടുപേരും അവിടെ പോയിട്ട് ഞങ്ങളെ മറക്കുമോ ആവോ,” ഹിബ കുസൃതിയോടെ ചോദിച്ചു.
നൗഫൽ തിരിഞ്ഞുനോക്കി കണ്ണിറുക്കിക്കൊണ്ട് പറഞ്ഞു, “നിങ്ങളെ മറന്നിട്ട് ഞങ്ങൾക്കെന്താ പരിപാടി? ദിവസം മൂന്നുനേരം വിഡിയോ കോൾ ചെയ്തില്ലെങ്കിൽ നിങ്ങൾ ഞങ്ങളെ ജീവിക്കാൻ അനുവദിക്കില്ലല്ലോ.”
ആ തമാശ കേട്ട് എല്ലാവരും പൊട്ടിച്ചിരിച്ചു. കാറിലെ അന്തരീക്ഷം പെട്ടെന്ന് തന്നെ വളരെ ലഘുവായി മാറി.
അര മണിക്കൂറത്തെ യാത്രയ്ക്ക് ശേഷം അവർ നഗരത്തിലെ ഏറ്റവും വലിയ ഷോപ്പിംഗ് മാളിലെത്തി. മാളിൽ നല്ല തിരക്കുണ്ടായിരുന്നു. വർണ്ണശബളമായ ലൈറ്റുകളും വിവിധ കടകളിലെ ഡിസ്പ്ലേകളും കണ്ണഞ്ചിപ്പിക്കുന്നതായിരുന്നു.