“അധികം വൈകാതെ നിൻ്റെ കല്യാണം വേണം…കൃത്യമായി പറഞ്ഞാ 2 മാസം കഴിഞ്ഞാൽ, കർമ്മങ്ങൾ കഴിഞ്ഞാൽ നമുക്ക് ആലോചിച്ച് തുടങ്ങണം…..”
“അച്ഛ… ഞാൻ അങ്ങനെ കല്യാണത്തെ പറ്റി ഒന്നും ഇപ്പൊ ചിന്തിക്കുന്നില്ല എന്ന് പറഞ്ഞത് അല്ലേ…”
“പക്ഷെ നീ ഇപ്പോൾ സ്ത്രീസുഖം ശരിക്ക് അറിഞ്ഞു കഴിഞ്ഞു….” അത് കേട്ടപ്പോൾ ഉഷമ്മ ഒന്ന് ഞെട്ടി അച്ഛൻ്റെ പിറകിൽ ആയി നിൽക്കുന്നതിനാൽ അദ്ദേഹം അത് കണ്ടില്ല…
“അതും അവളിലൂടെ കൂടെ ഇനി നീ അത് അറിയും… യക്ഷിയായി വേഴ്ചയിൽ ഏർപ്പെട്ടാൽ പിന്നെ നിന്നിൽ രതിമോഹം അടക്കി നിർത്താൻ പ്രണയവും തന്ത്രവിധി പ്രകാരം ഒരു വിവാഹവും നടത്തിയേ പറ്റൂ….”
“അങ്ങനെ ആണേൽ എനിക്ക് മീരയെ കല്യാണം കഴിക്കണം….” ഞാൻ പെട്ടെന്ന് പറഞ്ഞു
“അവൾക്ക് സമ്മതം ആണെങ്കിൽ അവളെ, അല്ലെങ്കിൽ ഹർഷയെ, അല്ലാതെ വേറെ വഴിയില്ല…” അച്ഛൻ്റെ സ്വരം ഉറച്ചതായിരുന്നു….
“മീരയ്ക്ക് ശ്രീയെ ഇഷ്ടം ആണ്, മുരളി ഏട്ടാ…”
“ഉം എന്തായാലും കാർത്തിക പൗർണമി കഴിയാതെ ഇതേപ്പറ്റി ഒരു ചർച്ച വേണ്ട… ഇതൊന്നും വേറെ ആരും അറിയുകയും വേണ്ട…. ആദ്യം കർമ്മങ്ങൾ നടക്കട്ടെ….”
“ഉം..” ഞാനും ഉഷയും തലയാട്ടി..
“എങ്കിൽ ശരി
നമുക്ക് പോകാം…ഈ രണ്ട് മാസം നീ മാനസികമായി കല്യാണത്തിനും തയാറെടുത്തോ ശ്രീഹരി….”
**********************************************
വീട്ടിലെത്തി കട്ടിലിൽ വെറുതെ കിടക്കുമ്പോൾ ഞാൻ ആകെ അസ്വസ്ഥമായി, മീര സമ്മതിച്ചില്ലേൽ ഹർഷയെ കല്യാണം കഴിക്കേണ്ടി വരും… മീര ഒരിക്കലും സമ്മതിക്കും എന്ന് തോന്നുന്നില്ല, അവൾക്ക് എന്നെ ഇഷ്ടം ആണേലും തുറന്ന് പറയും എന്ന് ഒരു ഉറപ്പുമില്ല….
ഞാൻ ഓരോന്ന് ആലോചിച്ചു പിന്നെ മുറി വിട്ട് പുറത്തേക്ക് ഇറങ്ങി… എന്തായാലും മീരയെ ഒന്ന് കാണണം, അവളുടെ മുഖം കണ്ടാൽ മനസ്സ് ഒന്ന് തണുക്കും…
ഞാൻ മീരയെ അന്വേഷിച്ച് ഇറങ്ങി, അവൾ അമ്മുവിനെ പഠിപ്പിക്കുന്ന നേരം ആണ്… ഞാൻ അവർ ഇരിക്കാറുള്ള മുറിയിലേക്ക് നടന്നു…
“മീരചേച്ചിക്ക് എന്തിനാ ദേഷ്യം വരുന്നേ, അമ്മമ്മ പറഞ്ഞതാ ചെറിയച്ചൻ ഹർഷ ചേച്ചിയെ കല്യാണം കഴിക്കും എന്ന് അതിന് എന്നോട് എന്തിനാ ദേഷ്യപ്പെടുന്നേ…”
“നിന്നോട് ചൂടാക്കുന്നത് പഠിക്കാൻ ഉള്ള സമയത്ത് പഠിക്കാൻ ആണ്… അല്ലാതെ നിൻ്റെ അമ്മമ്മയുടെ കഥ പറയാൻ അല്ല… കേട്ടോ…”
“മീര ചേച്ചിക്ക് കുശുമ്പ… ചെറിയച്ചനെ കല്യാണം കഴിക്കാൻ പറ്റാത്തതിൻ്റെ…”
“എടീ നിന്നെ….ഞാൻ…” അമ്മു പെട്ടെന്ന് മുറിയുടെ പുറത്തേക്ക് ഇറങ്ങി ഓടി….മീരയ്ക്ക് പിടിത്തം കിട്ടിയില്ല… ഇതൊക്കെ കേട്ട് ഞാൻ പുറത്ത് നിന്നിരുന്നു ഓടി പോകുന്ന അമ്മുമോളോ, മുറിക്കകത്ത് ഉള്ള മീരയോ അത് അറിഞ്ഞിരുന്നില്ല…
“പിന്നെ ഒരു ഹർഷ… ഒരു ഹർഷക്കും എൻ്റെ ശ്രീയെ ഞാൻ കൊടുക്കില്ല… ശ്രീ എൻ്റെയാ എൻ്റെ മാത്രം…” അമ്മുവിനോട് ഉള്ള ദേഷ്യത്തിൽ ഇത്തവണ മീര അത് പറഞ്ഞത് കുറച്ച് ഉറക്കെ ആയിരുന്നു ഓടി പോകുന്ന അമ്മുമോൾ അത് കേട്ടില്ലെങ്കിലും ഞാൻ ശരിക്കും കേട്ടു…
എൻ്റെ മനസ്സ് നിറഞ്ഞു…
ഞാൻ മുറിയുടെ വാതിൽക്കലേക്ക് നീങ്ങി പുറത്തേക്ക് വരുന്ന മീര എന്നെ കണ്ട് ഞെട്ടി.. അവളെന്തെങ്കും പറയും മുന്നേ അവളുടെ മുഖം കോരിയെടുത്തു ഞാൻ ആ നെറ്റിയിൽ ചുംബിച്ചു…
“ശ്രീ…എന്താ ചെയ്യുന്നേ…” അവൾ ദേഷ്യം അഭിനയിച്ചു…
ഞാൻ അവളെ തള്ളി മുറിക്ക് അകത്തേക്ക് കയറ്റി…
“മീരേ നീ രാവിലെ എൻ്റെ നെറ്റിയിൽ ഉമ്മ വച്ചതും അപ്പൊ പറഞ്ഞതും ഇപ്പൊ പറഞ്ഞതും എല്ലാം ഞാൻ കേട്ടു…”
“ഞാൻ….അത്…എനിക്ക്…”
“എന്തിനാ മീരെ, എന്നെ ഇനിയും വട്ട് തട്ടുന്നത്… എനിക്ക് നിന്നെ എന്ത് ഇഷ്ടം ആണെന്ന് അറിയോ…”
“എനിക്ക് അറിയാം ശ്രീ… പക്ഷേ എൻ്റെ ചേച്ചിക്ക് പറ്റിയത് എനിക്ക് പറ്റരുതല്ലോ…”
“ഒരിക്കലും ഇല്ല… നിൻ്റെ കഴുത്തിൽ താലി ചാർത്തും വരെ നിന്നെ തൊടില്ല പോരെ…”
“അയ്യട…അത്ര നല്ല കുഞ്ഞ് ഒന്നും ആകണ്ട… എവിടെ വരെ പോകാം എന്ന് എനിക്ക് അറിയാം…” അവൾ ഒരു കുസൃതി ചിരി ചിരിച്ചു…
https://imgh.in/host/4g8z34
പിന്നെ അവൾ മുന്നോട്ട് വന്ന് നിലത്ത് കാലുകൾ ചെറുതായി ഊന്നി എൻ്റെ ചുണ്ടിൽ ചുണ്ട് ചേർത്തു…