നീയവനേതാന്ന് പറയെടി
ആഹ് എനിക്കങ്ങും അറിയത്തില്ല
എവിടാരുന്നു രണ്ട് ദിവസം അവൾ കുറച്ചു
അടുത്തേക്ക് വന്നു കുട ഉയർത്തി പിടിച്ചു എന്റെ മുഖത്ത് കൂടി വെയിൽ അടിക്കാത്ത വിധം പിടിച്ചു ബൈക്കിന്റെ കണ്ണാടിയിൽ പിടിച്ചു നിന്നോണ്ട് ചോദിച്ചു
താഴെ നിന്നു കുറച്ചു ബൈക്കുകൾ കയറി വരുന്നുണ്ടായിരുന്നു എല്ലാത്തിലും രണ്ട് പേര് വീതം യമഹ RX100 രാജ് ദൂത് എസ്ടി അങ്ങനെ പലതരം ബൈക്കുകൾ അതിലൊരെണ്ണം മാത്രം ബുള്ളറ്റ് അത് ഞങ്ങളെ കടന്നു പോയപ്പോൾ അവളുടെ മുഖത്തുണ്ടായ ഭാവമാറ്റം ഞാൻ തിരിച്ചറിഞ്ഞു ഞാനാ ബുള്ളറ്റ് നോട്ട് ചെയ്തു അവൻ സൈഡ് മിററിലൂടെ ഞങ്ങളെ തന്നെ നോക്കി കൊണ്ടാണ് പോവുന്നത്
പറ എവിടാരുന്നു രണ്ട് ദിവസം
ഒരുപാടു കാലത്തെ അടുപ്പമുള്ള ആളുകളെ പോലെയായിരുന്നു അവളുടെ പെരുമാറ്റം
വീട്ടിലൊന്നു പോയി
എന്താ വിശേഷം
ഏട്ടന് ഒരു വാവയുണ്ടായി
അപ്പോ ചെറിയച്ഛൻ ആയതിന്റെ ചിലവൊന്നുമില്ലേ
പിന്നെന്താ ചെയ്യാലോ
എന്ത് വേണം
മ്മ്മ്മ്മ്…..അവൾ ഒരു നിമിഷം ആലോചിച്ചു
മസാല ദോശ
അത്രേയുള്ളോ
അത് മതി
എവിടന്നു വേണം നമ്മുടെ കാന്റീനിൽ നിന്നോ അതോ പുറത്തു ഏതെങ്കിലും ഹോട്ടലിൽ നിന്നു വേണോ
കാന്റീനിൽ നിന്നു മതി
എന്നാ ഇന്ന് ക്ലാസ് കഴിയുമ്പോൾ പോവാം
അയ്യോ അത് പറ്റില്ല ബസ് മിസ്സാകും
ഞാൻ കൊണ്ടു വിടാം
അത് വേണ്ട ഞാൻ ബസിനു പൊക്കോളാം
പിന്നെ എപ്പോഴാ
ഞാൻ പറയാം
എന്നാ കയറിക്കോ ഈ കയറ്റം കയറി കഷ്ടപ്പെടേണ്ട
ആരേലും കാണൂലെ
കണ്ടോട്ടെ
ഉവ്വാ എന്റെ അമ്മയറിഞ്ഞാ എന്നെ തല്ലികൊല്ലും
ഞാൻ അമ്മയോട് വന്നു ചോദിക്കാം
എന്ത് ബൈക്കിൽ കയറ്റി കൊണ്ടു പൊക്കോട്ടെ ന്നോ
അല്ല നിന്നെ കെട്ടി എന്റെ വീട്ടിൽ കൊണ്ടു പൊക്കോട്ടെയെന്നു
നടന്നത് തന്നെ
ഉണ്ണിക്കെന്തറിയാം എന്നെ പറ്റി
അമ്മ ദേവകിയമ്മ അച്ഛൻ മരിച്ചു പോയി ഒരനിയൻ ലതീഷ് എൽ പി സ്കൂളിൽ പഠിക്കുന്നു
ഇടവന്നമുക്ക് ജംഗ്ഷനിൽ നിന്നു ഇടത്തോട്ട് പോകുന്ന മൺ റോഡിലെ മൂന്നാമത്തെ വീട്
ഇത്രേയല്ലേയുള്ളൂ
അവൾ ശരിക്ക് ഞെട്ടുന്നത് ഞാൻ കണ്ടു
ഇതൊക്കെ ആര് പറഞ്ഞു
കെട്ടാൻ പോവുന്ന പെണ്ണിന്റെ ഡീറ്റെയിൽസ് ഒക്കെ അന്വേഷിക്കണ്ടേ ടി
ഓഹോ കെട്ടുന്ന കാര്യമൊക്കെ ഒറ്റയ്ക്ക് അങ്ങ് തീരുമാനിച്ചാ മതിയോ
ഞാനെന്റെ
കാര്യം പറഞ്ഞു
ഞാനേ എന്നെ കെട്ടാൻ ഒരു ചെറുക്കനെ കിട്ടുമോ എന്നറിയാനല്ല കോളജിൽ ചേർന്നേ പഠിക്കാനാ
എന്റെ മുഖം മങ്ങി
ഇത്രയുമൊക്കെ അവളോട് പറയാൻ പറ്റിയതെത്ര നാള് കഷ്ട്ടപെട്ടിട്ടാ എല്ലാം വെറുതെയായി
എന്തായാലും നിർത്തിയതല്ലേ കോളജ് വരെ ഞാനും വരാം
അവൾ കുട മടക്കി ബൈക്കിൽ കയറി ഒരു സൈഡ് ചെരിഞ്ഞു എന്നെ തൊടാതെ ഇരുന്നു
കോളജ് ഗേറ്റ് കടന്ന് പാർക്കിങ് ഏരിയയിലേക്ക് തിരിഞ്ഞതും അവൾ പെട്ടെന്ന് എന്റെ വയറിൽ കൈ ചുറ്റിയിരുന്നു
ആദ്യം പോയ ബൈക്കുകാരെല്ലാം അവിടെ കൂടി നിൽപുണ്ടായിരുന്നു ഞാൻ ബൈക്ക് നിർത്തി
അവൾ ഇറങ്ങി എനിക്ക് വേണ്ടി കാത്തു നിന്നു
ഞാൻ ഒതുക്കി നിർത്തി താക്കോൽ എടുത്ത് വിരലിലിട്ട് കറക്കികൊണ്ട് അവളുടെ അടുത്തേക്ക് വന്നു ഞങ്ങൾ ഒരുമിച്ചു മുകളിലെ നിലയിലേക്ക് നടന്നു
ബുള്ളറ്റ് ഓടിച്ചവനെ ഞാനൊന്നു തറച്ചു നോക്കിയിട്ടാണ് ഞാൻ നടന്നു പോയത്
അവരുടെ കണ്ണിൽ നിന്നു മറഞ്ഞതും അവൾ അതിവേഗം സ്റ്റെപ്പുകൾ കയറി
ഇതെങ്ങോട്ടാ ഓടണേ
എന്റെ ചോദ്യമവൾ കേട്ടില്ലന്ന് നടിച്ചു തിരിഞ്ഞു പോലും നോക്കാതെ പോയി
ഞങ്ങൾ ഒരുമിച്ചു ബൈക്കിൽ വരുന്നതു മുകൾ നിലയിൽ നിന്നു വിനോദ് കണ്ടിരുന്നു
ഞാൻ സ്റ്റെപ് കയറി ഇടനാഴിയിൽ എത്തുമ്പോഴേക്കും അവൾ ക്ലാസ്സിൽ കയറിയിരുന്നു
അവൻ ഓടി വന്നുഅളിയാ കൊട് കൈ അവൻ കൈ നീട്ടി
എന്റെ കൈ പിടിച്ചു കുലുക്കി
എല്ലാം ഒക്കെ ആയില്ലേ ഇന്ന് നമ്മൾ ആഘോഷിക്കുന്നു അളിയന്റെ വക പാർട്ടി രണ്ട് കുപ്പിയെടുക്കുന്നു അളിയന്റെ റൂമിൽ നമ്മൾ കൂടുന്നു തകർക്കുന്നു
ഒന്നും ഓക്കെ ആയില്ലടാ
അതങ്ങു പൂഞ്ഞാറ്റിൽ നിന്നു ഞ്ഞാ പോയേടത്തു പോയി പറഞ്ഞാമതി നീ ഞാൻ കണ്ടു രണ്ടും കൂടി കെട്ടിപിടിച്ചുള്ള വരവ്
കാര്യം നടന്നപ്പോ ഒരു മാതിരി കൊണച്ച പണി കാണിക്കരുത്