“അറിയാം മാഡം. ഞാൻ അങ്ങനെ ചെയ്യില്ല.”
“നീ അങ്ങനെ ചെയ്യില്ലെന്ന് എനിക്ക് ഗൊത്തു. എന്റെ ഏറ്റവും വിശ്വസിക്കാവുന്ന കുട്ടി നീയാ, അതാ പ്രശ്നം.” മാഡം ചിരിച്ചു. “നിന്റെ ശരിക്കുള്ള കുഴപ്പം എന്താന്ന് അറിയാമോ? നീ ഭയങ്കര നല്ലതാ. ഒരിക്കൽ ക്ലാരയെ കണ്ടവർ മറക്കില്ല. എല്ലാ ആഴ്ചയും റിപ്പീറ്റ് റിക്വസ്റ്റ് വരുന്നു. കഴിഞ്ഞ മാസത്തെ ഒരു ആള്, എല്ലാ തിങ്കളാഴ്ചയും മെസേജ്, ‘മാഡം, ക്ലാര ഫ്രീയാണോ?’ ഞാൻ പറയും, ക്ലാരയ്ക്ക് അപ്പോളോ ഒപിയിലെ പോലെ വെയ്റ്റിങ് ലിസ്റ്റാ, ടോക്കൺ എടുത്ത് ഇരുന്നോ എന്ന്.”
റീനുവിന് ചിരി അടക്കാൻ പറ്റിയില്ല. “മാഡം, പ്ലീസ്.”
“എന്ത് പ്ലീസ്? ഇത് കോംപ്ലിമെന്റാ! ചില കുട്ടികളെ ഒരിക്കൽ ബുക്ക് ചെയ്യും, പിന്നെ ആരും വിളിക്കില്ല. നിന്നെ അവർ വീണ്ടും തേടി വരും. നീ അവരോട് സംസാരിക്കും, കേട്ടിരിക്കും. അവരുടെ ബോറൻ ജീവിതത്തിൽ നിനക്ക് ശരിക്കും താൽപ്പര്യമുണ്ടെന്ന് അവർക്ക് തോന്നും. അതൊരു കഴിവാ ചിന്നാ. അതുകൊണ്ടാ നിന്നെ നഷ്ടപ്പെടുമോന്ന് എനിക്ക് പേടി.”
“പിന്നെ നീയും ആസ്വദിച്ചിട്ടില്ലെന്ന് പറയല്ലേ,”
മാഡം കൂട്ടിച്ചേർത്തു. “ആ ഹെബ്ബാളിലെ പാർട്ടി കഴിഞ്ഞ് രണ്ട് ദിവസം നിന്റെ മുഖത്ത് ഒരു ചിരിയായിരുന്നു. വാർഡിൽ എല്ലാരും വിചാരിച്ചത് നിനക്ക് ലൈൻ സെറ്റായെന്നാ.”
റീനു ചുണ്ട് കടിച്ച് ചിരിച്ചു. “അത് ആസ്വദിച്ചില്ലെന്ന് ഞാൻ പറയില്ല. ആ ജെപി നഗറിലെ ആന്റിമാർ എന്നെ മേശപ്പുറത്ത് കേറ്റി ഡാൻസ് ചെയ്യിച്ചത് ഓർമയുണ്ടോ? അവരുടെ ഭർത്താക്കന്മാരുടെ കാര്യം പറഞ്ഞ് അവർ ചിരിച്ച ചിരി. പിന്നെ ആ പൈലറ്റ്, എന്നെ യൂണിഫോമിൽ തന്നെ വേണമെന്ന് പറഞ്ഞ ആള്. ഞാൻ ആശുപത്രീന്ന് നേരെ അതേ കോട്ടിൽ ചെന്നപ്പോ അയാളുടെ മുഖം. ഓരോ രാത്രിയും ഒരു പുതിയ കളി പോലെയാ മാഡം. ആര് എന്ത് ആഗ്രഹിക്കുന്നു, അത് ഞാൻ എങ്ങനെ കൊടുക്കും എന്ന്. അതിൽ ഒരു ലഹരിയുണ്ട്.”
“അതാ ഞാൻ പറഞ്ഞത്. ജന്മനാ കിട്ടിയ കഴിവാ.”
“അത് നിർത്തുമ്പോ ഇതൊക്കെ മിസ്സ് ചെയ്യുമോന്നും എനിക്ക് പേടിയുണ്ട്,” അവൾ സമ്മതിച്ചു. “പക്ഷേ ഒരു ഭാര്യ ആയിട്ട് അത് വേണ്ട.”
അവൾ കൈവരിയിൽ ചാരി. അകലെ റോഡിലൂടെ ഒരു ബൈക്ക് പോയി.
“മാഡം, ഞാൻ ശരിക്കും ചോദിക്കുവാ. ഇതിൽ നിന്ന് ഇറങ്ങണമെന്ന് തോന്നിയാൽ എന്ത് ചെയ്യണം? എങ്ങനെയാ?” ഇത്തവണ മാഡം ചിരിച്ചില്ല.
“അതൊക്കെ സരിയാകും. ഒരു കാര്യം ഓർമ വേണം റീനൂ. നിന്നെ ആരും ഇതിലേക്ക് കൊണ്ടുവന്നതല്ല. നീ എന്റെ അടുത്തേക്ക് വന്നതാ. നിന്റെ ലോൺ, നിന്റെ കാരണങ്ങൾ, നിന്റെ തീരുമാനം. ഞാൻ വാതിൽ തുറന്നുതന്നു, അത്രേ ഉള്ളൂ. അപ്പോ ഇറങ്ങുന്നതും നിന്റെ ഇഷ്ടം മാത്രം. ആരും തടയില്ല, ആരും ഭീഷണിപ്പെടുത്തില്ല. ഞാൻ അങ്ങനത്തെ ബിസിനസ് അല്ല
നടത്തുന്നെ.”
“താങ്ക്സ് മാഡം.”
“പക്ഷേ വൃത്തിയായിട്ട് ചെയ്യണം. ഏറ്റത് മുഴുവൻ തീർക്ക്. എന്നിട്ട് ഒരു ഡേറ്റ് പറ. ഞാൻ ക്ലാരയുടെ പ്രൊഫൈൽ ക്ലോസ് ചെയ്യും, എല്ലാ ഫോട്ടോയും എല്ലാ നമ്പറും ഡിലീറ്റ് ചെയ്യും. രാജിക്കത്ത് പോലെ, നോട്ടീസ് പീരിയഡ്.” ഒരു ചെറിയ ചിരി.
“ആ ഡേറ്റ് വരെ മണ്ടത്തരം ഒന്നും കാണിക്കരുത്. ക്ലയന്റിനെ പ്രേമിക്കുന്ന പോലത്തെ.”
റീനു ഒരു നിമിഷം ഒന്നും മിണ്ടിയില്ല. കുറച്ച് മുമ്പ് താൻ പറഞ്ഞതൊക്കെ മനസ്സിൽ വെച്ചാണ് മാഡം ഇത് പറയുന്നതെന്ന് അവൾക്ക് മനസ്സിലായി.
“ഇല്ല മാഡം.”
“ഗുഡ്. സരി, ഇനി ബിസിനസ് പറയാം. പേന ഉണ്ടോ?”
അവൾ ഫോണിലെ കലണ്ടർ തുറന്നു. അതിൽ ക്ലാരയുടെ അപ്പോയിന്റ്മെന്റുകൾ എല്ലാം ‘ഡെന്റിസ്റ്റ്’, ‘ബാങ്ക്’, ‘ഷോപ്പിങ്’ എന്നിങ്ങനെയുള്ള പേരുകളിലാണ്. “പറഞ്ഞോ.”
“മാസം തീരുന്നതിന് മുമ്പ് ആറ് ബുക്കിങ്. രണ്ട് ബാച്ചിലർ പാർട്ടി. ഒന്ന് വൈറ്റ്ഫീൽഡിൽ ഒരു വില്ലയിൽ, ഇരുപത്തൊന്നാം തീയതി. മറ്റേത് ഒരു വീക്കെൻഡ്, കൂർഗിലെ റിസോർട്ടിൽ, അവർ കാർ അയക്കും. കോർപ്പറേറ്റ് പയ്യന്മാരാ, കുഴപ്പമില്ല.”
“ഓക്കെ.”
“രണ്ട് കിറ്റി പാർട്ടി. പെണ്ണുങ്ങൾ മാത്രം. ഇന്ദിരാനഗറും ജെപി നഗറും. ആ ആന്റിമാരെ നിനക്ക് ഗൊത്തല്ലോ. അവർക്ക് കൂടുതലും തമാശ, ഡ്രിങ്ക്സ്, ഗോസിപ്പ്, കുറച്ച് ഷോ. പ്രശ്നമില്ല. പക്ഷേ കഴിഞ്ഞ തവണത്തെ ജെപി നഗർ ഗ്രൂപ്പ്, ഓർമയില്ലേ. അതുകൊണ്ട് എന്തിനും റെഡിയായി പോണം.”