പെണ്ണെവിടുന്നാ???”
“അവന്റെ കൂടെ ജോലി ചെയ്യുന്നതാ അമേരിക്കയിൽ
Pediatrician ആയിട്ട്…..
അവര് തമ്മിൽ ഇഷ്ടത്തിലായിരുന്നു…
എന്നോട് ചോദിച്ചു അച്ഛൻ അവളുടെ വിട്ടിൽ പോയി പെണ്ണ് ചോദിക്കുവോന്ന്….
അവന്റെ ആഗ്രഹം പോലെ നടക്കട്ടെന്നോർത്ത് ഞാൻ പോയി ചോദിച്ചു….
അവർക്കും സമ്മതം പിന്നെ വെച്ചുനീട്ടൻ തോന്നിയില്ല അതാ ഇത്ര പെട്ടെന്ന് നടത്തുന്നത്……”
” അഹ് അപ്പൊ ഞാൻ തലേദിവസം തന്നെ വന്നേക്കാം…..”
“തലേദിവസോ ഒരാഴ്ച മുന്നേ വന്നേക്കണം അവന് അനിയന്മാരെന്ന് പറയാൻ നിങ്ങള് രണ്ടുപേരെ ഉള്ളു
അപ്പൊ നിങ്ങള് വന്നെല്ലാം നോക്കി നടത്തണം……”
“അത് പിന്നെ പറയാനുണ്ടോ ഞാൻ നേരത്തെ എത്തിയേക്കാം….”
“എടാ നിന്റെ നമ്പർ ഇങ്ങ് തന്നെ..
എന്റെൽ നിന്റെ പഴയ നമ്പറാ…..”
ഞാനെന്റെ നമ്പർ പറഞ്ഞു കൊടുത്തതും പുള്ളി പതിയെ പുറത്തേക്കിറങ്ങി……
ഞാൻ പുള്ളിടെ പുറകെ ചെന്നു
“വല്യച്ഛ പോകുവാണോ??”
“ആ പോകുവാടാ മുവാറ്റുപുഴയിലാണ് സുമതിടെ വീട് അവിടെ കേറീട്ടു വേണം വീട്ടിപ്പോവാൻ…..”
“എന്നാലും ഫുഡ്‌ കഴിച്ചിട്ട് പോകരുന്നു…..”
“പിന്നെ ഒരുദിവസം കഴിക്കടാ ഇപ്പൊ പോയിട്ട് തിരക്കുണ്ട് അതാ…….
ശെരിയെന്ന ഞാൻ പോകുവാ……”
അതുപറഞ്ഞു പുള്ളി കാറിൽ കേറി പോയി……
ചുമ്മാ ഹാളിൽ ബീറും കുടിച്ചോണ്ടിരുന്നപ്പോഴാണ്
ഞാൻ ഇന്നത്തെ ഡേറ്റ് അറിയാനായിട്ട് കാലണ്ടർ നോക്കിയത്…..
…… ദൈവമേ ഇന്ന് പത്താം തിയതി ആണോ
അപ്പൊ കല്യാണത്തിന് 16 ദിവസം കൂടെ ഉള്ളു…
എന്തായാലും കല്യാണത്തിന് പോകാതിരിക്കാൻ പറ്റില്ല
ചിക്കു ചേട്ടനുമായിട്ട് അങ്ങനൊരു ബന്ധമാണ്….
ഇപ്പൊ വന്ന രാജൻ വല്യച്ഛന്റെ മോന്റെ മോനാണ്
രഞ്ജിത്ത് എന്ന ചിക്കു ചേട്ടൻ……
…….. എന്റെ കുഞ്ഞിലേ ഞാൻ ഏറ്റവും ആരാധിച്ചിരുന്ന മനുഷ്യൻ
ഒരു റോൾ മോഡൽ എന്നൊക്കെ പറയാം….
നല്ല പേഴ്സണാലിറ്റി ഉള്ള വ്യക്തി……
എന്നേക്കാൾ എഴുവയസ് മുത്തതായത് കൊണ്ടും അമ്മേടെ കുടുംബത്തിലെ ഏറ്റവും മൂത്ത പേരക്കുട്ടിയായത് കൊണ്ടും എനിക്ക് പുള്ളിനെ നല്ല പേടിയായിരുന്നു……
പിന്നെ പിന്നെ പുള്ളിടെ കൂടെ കൂട്ടുകൂടി തുടങ്ങിയപ്പോ
പേടി മാറി ബഹുമാനം ആയി………
…… എന്റെ ഉള്ളിലെ കൊച്ചു ഗായകനെ കണ്ടുപിടിച്ചത് പുള്ളിയാണ്……
……… എല്ലാവരും കുഞ്ഞിലേ തങ്ങളുടെ ആഗ്രഹം പറഞ്ഞപ്പോ പുള്ളി പറഞ്ഞത് ഒരു ഡോക്ടർ ആവണമെന്നായിരുന്നു…… പിന്നെ അമേരിക്കയിൽ പോണം എന്നും……
പുള്ളി ഇപ്പൊ അമേരിക്കയിൽ ഡോക്ടറാണ്…….
പുള്ളിക് കല്യാണം നോക്കി തുടങ്ങിയപ്പോഴേ
കല്യാണം ആഘോഷം ആക്കണമെന്ന് ഞങ്ങളെല്ലാം കൂടി തീരുമാനം എടുത്തതാണ്……
ഇപ്പൊ അതിനു പറ്റിയ സാഹചര്യം അല്ലല്ലോ…..
…………..അവിടെ പോയി അവരെ കണ്ട് ഒരു വിഷും ചെയ്തിട്ട് തിരിച്ചുപോരാം എന്ന് ഞാൻ തീരുമാനിച്ചു……
______________________________________________
കല്യാണത്തിന് രണ്ട് ദിവസം കൂടി ബാക്കിയുള്ളപ്പോ
രാജൻ വല്യച്ഛൻ എന്നെ വിളിച്ചു കല്യാണ വീട്ടിലേക്ക്
ചെല്ലാൻ പറഞ്ഞു…….
മനസില്ല മനസോടെ ഞാൻ വല്യച്ഛന്റെ വീട്ടിലേക് യാത്ര തിരിച്ചു…….
വല്യച്ഛന്റെ വീട്ടിലേക്കുള്ള അവസാന 5കിലോമീറ്റർ റോഡ് ഒരു കായലോര റോടാണ്………
തികച്ചും ഒരു ഗ്രാമീണ പ്രദേശം………..
ഇഷ്ടം പോലെ വയലുകളും ചെറിയ പുഴകളും………
തൊടുപുഴയിൽ നിന്ന് ഏകദേശം രണ്ടര മണിക്കൂർ യാത്രയുണ്ടായിരുന്നു അങ്ങോട്ട്………..
….. ഗേറ്റിനുള്ളിലേക്ക് വണ്ടി കേറ്റിയതും എന്റെ നോട്ടം പോയത് ……….നാലുകെട്ട് പോലെ പണിത വീടിന്റെ
മുകളിലേക്കായിരുന്നു ഒരുപാട് ഓർമ്മകൾ ഉള്ള സ്ഥലം…………. ചിക്കു ചേട്ടനും എന്റെ ചേട്ടനും ഞാനും പൊന്നുവും ഒരുമിച്ചിരിക്കുന്നതും പാട്ടുപാടുന്നതും
എല്ലാ ഒരു നിമിഷം മനസിലേക്ക് വന്നു…….
………വണ്ടി ആ വിശാലമായ മുറ്റത്തിന്റെ ഒരു സൈഡിലായി ഒതുക്കി വെച്ചു
വീടിന്റെ ഭംഗി നോക്കി നിന്നു…..
പഴയ നാലുകെട്ട് മോഡലിൽ പണിത വീട്
ഓറഞ്ചും കാപ്പിയും കലർന്ന കളറിലുള്ള പെയിന്റ് ആ വീടിന് ഒരു പ്രത്യേക ഭംഗി നല്കുന്നുണ്ടായിരുന്നു……
കല്യാണത്തിന്റെ ഭാഗമായിട്ട് ഒരു ചെറിയ റൂം സെപ്പറേറ്റ് എടുത്തിട്ടുണ്ടെന്നല്ലാതെ വീടിന് കൂടുതൽ മാറ്റാംമൊന്നും വന്നിട്ടില്ല…….
ഞാൻ വീടിനകത്തേക്ക് കേറി…..
മുടിയൊക്കെ വളർത്തി ഒരു പുതിയ ലുക്കിൽ കേറി ചെന്നകൊണ്ടാണെന്ന് തോന്നുന്നു പകുതിപേർക്കും എന്നെ മനസിലായില്ല……
രാജൻ വല്യച്ഛന്റെ ഭാര്യ ദേവകി അമ്മക്ക് പോലും എന്നെ മനസിലായില്ല……..
ഞാൻ വീടിനകത്തേക്ക് കേറിയതും ഒരു ചേട്ടൻ എന്റടുത്തേക്ക് വന്നു……
“ചേട്ടാ രാജൻ വല്യച്ഛൻ എന്തെ???”
“അവര് തുണിയെടുക്കാനായിട്ട് ശങ്കരൻ ചേട്ടന്റെ വിട്ടിൽ പോയിരിക്കുവാ……”
“എപ്പഴാ വരുന്നതെന്ന് വല്ലോം പറഞ്ഞോ????”
“രാവിലെ പോയതാ ഓരോന്നര മണിക്കൂർ കഴിയുമ്പോ വരും……
….. അല്ല മോൻ ഏതാ ഇതിനു മുൻപ് കണ്ടിട്ടില്ലല്ലോ???”
“എന്റെ പേര് അക്ഷയ് ശങ്കരന്റെ മോനാ!
….. അല്ല ചേട്ടൻ ഏതാ??”
“ഞാൻ ഇവിടെ ജോലി ചെയ്യുന്നതാ ഡ്രൈവർ ആയിട്ട്
പേര് വിശ്വനാഥൻ….”
“ചേട്ടാ ഇപ്പൊ ഇവിടെ ആരാ ഉള്ളത്??”
“അകത്ത് രഞ്ജിത്ത് ഉണ്ട്!!!”
“രഞ്ജിത്തേട്ടന്റെ റൂം എവിടെ പൊക്കത്താണോ?????”
“അഹ് മോളിൽ നാലാമത്തെ മുറി….”
ഞാൻ പുള്ളിയോട് ഒരു താങ്ക്സും പറഞ്ഞിട്ട് നേരെ മുകളിലേക്ക് പോയി…….
ഓരോ മുറി കേറി തപ്പിയിട്ടും ആളെ കാണാതെ വന്നപ്പോ ഞാൻ ബാൽക്കണിയിലേക്ക് പോയി….
അവിടെ ചെന്നപ്പോ ദേ പുള്ളിയെവിടെ ഫോണും വിളിച്ചോണ്ട് നിൽക്കുന്നു…….
“രഞ്ജിത്തേട്ട……”
എന്റെ വിളി കേട്ടതും ആളെ മനസിലാവാത്തത് പോലെ പുള്ളി എന്നെ നോക്കി……..
കുറച്ചുനേരം നോക്കി നിന്നട്ടും പുള്ളിക്കെന്നെ മനസിലായില്ലെന്ന് മനസിലായി…….
“എന്നെ മനസിലായില്ലല്ലേ ”
“സൗണ്ട് കേട്ട് നല്ല പരിചയം പക്ഷെ ആളെ പിടികിട്ടുന്നില്ല ”
പുള്ളിയൊന്ന് ആലോചിക്കുന്നത് പോലെ കാണിച്ചിട്ട് എന്നോട് പറഞ്ഞു……
“എന്റെ പേര് അക്ഷയ് ശങ്കർ…
എല്ലാവരും അച്ചുവെന്ന് വിളിക്കും…..”
ഞാൻ സ്വയം പരിചയപ്പെടുത്തുന്നത് പോലെ പറഞ്ഞു…..
“ഡാ അച്ചുട്ടാ നീയായിരുന്നോ ഇത്….
സത്യായിട്ടും നിന്നെ കണ്ടിട്ട് എനിക്ക് മനസിലായില്ല….
നീ ശെരിക്കും മാറിപ്പോയി…..
മുടിയൊക്കെ വളർത്തി നേരത്തേക്കാളും തടി വെച്ചിട്ടുണ്ട് ………”
“അഹ് ശെരിയ ഇപ്പൊ കളിക്കാനൊന്നും പോവാത്ത കാരണം തടിയൊക്കെ കൂടി ബോഡിയൊക്കെ ശരിയാക്കി എടുക്കണം…….”
“അമ്മേം അച്ഛനും ചേട്ടനുമൊക്കെ വന്നോ??? ”
“ഇല്ല അവര് ഇന്ന് വര്വോന്നറിയില്ല…….
എന്നെ രാവിലെ രാജൻ വല്യച്ഛൻ വിളിച്ചാരുന്നു പുള്ളിയാ ഇന്നിങ്ങോട്ട് വരാൻ പറഞ്ഞത്……
“ആ നീ വന്നത് നന്നായി…. ഞാനിവിടെ ഒറ്റക്ക് ബോറടിച്ചിരിക്കുവാരുന്നു……”
“അതീ നിപ്പ് കണ്ടപ്പോഴേ തോന്നി……”
ഞങ്ങൾ മിണ്ടീം പറഞ്ഞും നിന്നപ്പോഴാണ് പുള്ളിക് ഒരു കാൾ വന്നത് ……
