“അഹ് ശരിയെന്ന……….”
ഞാൻ കോൾ കട്ട് ചെയ്ത് നേരെ അടുക്കളയിലോട്ട് വിട്ടു……………ചായ വെക്കുമ്പോഴും വൈകുന്നേരത്തേക്കുള്ള ഫുഡ് ഉണ്ടാക്കുമ്പോഴെല്ലാം എനിക്ക് ഇത് വരെ തോന്നാത്തൊരു ഏകാന്തത അനുഭവപ്പെട്ടു ഇന്നലേം മിനിഞ്ഞാന്നും എന്റെ കൂടെ എപ്പോഴും ആരെങ്കിലും ഉണ്ടായിരുന്നു…….. ഇപ്പൊ തനിച്ചിരിക്കുമ്പോ ഈ ഒറ്റപ്പെടൽ എന്നെ വല്ലാതെ അസ്വസ്ഥാനക്കുന്നുണ്ട്………………. പക്ഷെ ഞാൻ ഏറ്റവും കൂടുതൽ മിസ്സെയ്തത് പൊന്നുനെയായിരുന്നു…………… അവളുടെ മണ്ടത്തരോം എന്റെ വാല് പോലെയുള്ള നടപ്പും ഇടിയും പിച്ചും മാന്തുമെല്ലാം ഞാൻ ഒരുപാട് മിസ്സ് ചെയ്ത് തുടങ്ങിയിരുന്നു………..
…….. ഫുഡും ഉണ്ടാക്കി വെച്ച് ടീവി സിനിമ കാണാനിരുന്നപ്പോ ഫോണിലേക്കൊരു കോൾ വന്നു പരിചയമില്ലാത്ത നമ്പറായതുകൊണ്ട് ആദ്യം എടുക്കാൻ മടിച്ചെങ്കിലും ഇനി പൊന്നു എങ്ങാനും ആണെങ്കിലോ എന്നോർത്ത് ഞാൻ ഫോണെടുത്തു……… പ്രതീക്ഷിച്ചതുപോലെ തന്നെ പൊന്നുവായിരുന്നു വിളിച്ചത്…….. കോളേടുത്തതും പറയാതെ പോയതുകൊണ്ടുള്ള പരിഭവം പറയാൻ തുടങ്ങി അവസാനം എന്റവസ്ഥാ അവളെ പറഞ്ഞു മനസിലാക്കിയപ്പോഴാണ് അവളൊന്ന് അടങ്ങിയത്………മുക്കാൽ മണിക്കൂറോളം ഞങ്ങള് തമ്മിൽ സംസാരിച്ച്……. അവളോട് സംസാരിച്ചപ്പോ ആ ഒറ്റപ്പെടലങ്ങോട്ട് മാറി…….. പിന്നെ എന്നും അവള് രാവിലേം വൈകുന്നേരോം വിളിക്കാൻ തുടങ്ങി…….. പിന്നെ പിന്നെ അവളിങ്ങോട്ട് വിളിക്കുന്നതിനും മുൻപ് ഞാനങ്ങോട്ട് വിളിക്കും…………. എന്തോ അവളോട്
സംസാരിക്കുന്നത് എനിക്ക് ഭയങ്കര സന്തോഷമുള്ള കാര്യമായി മാറി…………… അങ്ങനെ ശനിയാഴ്ചയായി…… ഉച്ചവരെ കിടന്നുറങ്ങി എഴുന്നേറ്റവളെ വിളിച്ചു……. ചുമ്മാ കുറെ നേരം ഓരോന്നും മിണ്ടീം പറഞ്ഞും ഇരുന്നു……… അവളോട് ഞാൻ ഇന്ന് ഞാൻ ഗരുഡൻ തൂക്കം കാണാൻ വരുന്ന് പറഞ്ഞില്ല ഒരു സർപ്രൈസ് കൊടുക്കാന്നുവെച്ചു…………….തൂക്കം എന്തായാലും അമ്പലത്തിൽ വന്ന് തൊടങ്ങുമ്പോ രാത്രി പതിനൊന്ന് മണിയടുത്താവും പിന്നെ നേരത്തെ പോയാവിടിരുന്നിട്ട് കാര്യമമില്ലല്ലോ……… വൈകുന്നേരം ആറുമാണിയായപ്പോഴേ ഞാൻ വെൽ ഡ്രസ്ടായിട്ട് ഇറങ്ങി……….. പോന്നവഴിക്ക് ഒന്ന് രണ്ട് ബ്ലോക്കിൽ പെട്ട കാരണം പത്തുമണിയായി അമ്പലത്തിലെത്തിയപ്പോ………… വണ്ടിയും കൊണ്ട് നടന്നിട്ടാണെൽ പാർക്ക് ചെയ്യാൻ നല്ല സ്ഥലമൊന്നും കിട്ടിയതുമില്ല……. സാധാരണ പൂരത്തിന് വരുമ്പോ വണ്ടി പൊന്നൂന്റെ വിട്ടിൽ വെച്ചിട്ടാണ് വരുന്നത് അവളുടെ വിട്ടിൽ നിന്ന് നടക്കാനൊള്ള ദൂരമേ ഉള്ളു ഉത്സവപറമ്പിലേക്ക്…….
ഇന്നവൾക്കൊരു സർപ്രൈസ് കൊടുക്കാന്നോർത്തത് കൊണ്ട് മാമന്റെ വീട്ടിലേക്ക് പോയില്ല………… വണ്ടി അമ്പലത്തിന്റെ കുറച്ചകലെയുള്ള ഒരു വീടിന്റെ മുന്നിൽ വെച്ച് നേരെ അമ്പലത്തിലേക്ക് നടന്നു………..
…….. അമ്പലത്തിലേക്ക് കേറിയതും വല്ലാത്തൊരനുഭമായിരുന്നു എനിക്ക്……………….
……പൊടി നിറഞ്ഞ അന്തരീക്ഷവും……….ബജ്ജീയുടെയും പോപ്കോണിന്റെയും മണവും……… മരത്തിൽ വെച്ചിരിക്കുന്ന പല കളറിലെ ലൈറ്റുകളും………………..വലിയ LED ബാറിൽ തെളിഞ്ഞു വരുന്ന ദേവിയുടെ രൂപവും….. ചെണ്ടകൊട്ടും…… ആൾതിരക്കുമെല്ലാം……… പുത്തനുടുപ്പിട്ട് ഒരുങ്ങി സുന്ദരികളായിട്ട് നിൽക്കുന്ന പെൺകുട്ടികളും … എന്നെ മറ്റൊരു ലോകത്തേക്കെത്തിച്ചു……ആദ്യമായി പൂരം കാണുന്ന കൊച്ചുകുട്ടിയെ പോലെ ഞാൻ നോക്കി നിന്നു…………
കൊറേ നേരം കറങ്ങി നടന്നു ഓരോ കടേലും കേറി ഓരോ സാധനത്തിന്റേം വില ചോദിച്ചു ബജ്ജീയുൾപ്പടെ കിട്ടിയതെല്ലാം മേടിച്ചു തിന്നു കിട്ടിയതെല്ലാം കുടിച്ചു…….. സത്യം പറഞ്ഞാൽ എനിക്ക് പത്തുവയസായിരുന്നപ്പോ ഞാനെങ്ങനെയാണോ പൂരം ആഘോഷിച്ചത് അതുപോലെയാണ് എന്റെ പത്തൊമ്പതാം വയസിലും ഞാൻ പൂരം ആഘോഷിക്കുന്നത്………. കുറെ നേരം തിക്കിനും തിരക്കിനും ഇടയിൽ കൂടി നടന്നപ്പോ അപ്രതീക്ഷിതമായിട്ടാണ് ചേട്ടനേം ഏട്ടത്തിനേം കാണുന്നത്!!!…. ഞാൻ രണ്ട് ദിവസം മുൻപ് തൂക്കം കാണാൻ വരുവൊന്ന് ചോദിച്ചപ്പോ ഇല്ലെന്ന് പറഞ്ഞതാ പന്നി…… എന്നിട്ടവൻ പെണ്ണുപിള്ളേമായിട്ട് തെണ്ടി നടക്കുന്നു…..!!!!