അങ്ങനെ കഴിഞ്ഞയാഴ്ച ഒരു ദിവസം ഓഫീസിൽ നിന്ന് എന്റെ ഫ്ലാറ്റിലേക്ക് മടങ്ങി എത്തിയപ്പോള്‍ അഞ്ചന ചേച്ചി എന്റെ ഫ്ലാറ്റിലെ ഹാളിലിരുന്ന് കരയുകയായിരുന്നു.
കാരണം ചോദിച്ചതിന് വീട്ടിലുള്ളവരെ മിസ്സ് ചെയ്യുന്നു എന്നാണ് പറഞ്ഞത്. പക്ഷേ അത് മാത്രമായിരിക്കില്ല ചേച്ചിയുടെ പ്രശ്നമെന്ന് എനിക്ക് അറിയാമായിരുന്നു.
പിന്നെയും, നാല് ദിവസത്തിന് മുന്‍പും ചേച്ചി കരയുന്നത് ഞാൻ കണ്ടു. ചോദിച്ചതിന് അതേ കാരണം തന്നെയ പറഞ്ഞത്.
അതുകഴിഞ്ഞ്‌ ഇപ്പൊ, രണ്ട് ദിവസത്തിന് മുന്‍പ്, ചേച്ചി എന്റെ മുറിയിലിരുന്ന് കരയുകയായിരുന്നു. എത്ര ചോദിച്ചിട്ടും കാരണം ഒന്നുമില്ല എന്ന് മാത്രം പറഞ്ഞു.
ഞാൻ നിര്‍ബന്ധിച്ചപ്പോ, “നീയും എനിക്ക് സമാധാനം തരില്ലേ?” എന്ന് ദേഷ്യത്തില്‍ ചോദിച്ചിട്ട് എന്റെ ഫ്ലാറ്റിൽ നിന്നിറങ്ങി പോയി.
അവസാനം സഹികെട്ട് ഇന്നലെ പ്രഷോബ് ചേട്ടനെ പാർക്കിംഗിൽ കാത്തിരുന്നു കണ്ടു.
അയാളോട് കാര്യം ചോദിച്ചപ്പോ,
“ഒരിക്കലും അവളെ ഞാന്‍ പുറത്ത്‌ കൊണ്ട്‌ പോകുന്നില്ല, ഒറ്റയ്ക്കിരുന്ന് അവള്‍ക്ക് ബോര്‍ അടിക്കുന്നു, പിന്നെ ജോലിക്ക് എങ്കിലും പോകാൻ അവളെ ഞാൻ അനുവദിക്കണം —ഇതൊക്കെയാണ് അവളുടെ പ്രശ്‌നം, വിക്രം.” പ്രഷോബ് ചേട്ടൻ നിസ്സാരമായി പറഞ്ഞു. “പിന്നെ എപ്പോഴും ഞാൻ കുടിക്കുന്നു എന്നത് അവൾക്ക് വലിയ പ്രശ്നമായി തോന്നാന്‍ തുടങ്ങിയിരിക്കുന്നു.” അയാൾ ദേഷ്യത്തില്‍ പല്ലിറുമി.
അയാളുടെ സംസാരം കേട്ട് ആ മോന്തകിട്ട് കൊടുക്കാനാണ് തോന്നിയത്.
“എന്നെ നിയന്ത്രിക്കാൻ വന്നാല്‍ എന്റെ തനിനിറം അവള്‍ കാണും, വിക്രം. അവള്‍ക്ക് ജോലിക്ക് പോണം പോലും! പക്ഷെ അതൊന്നും എനിക്ക് ഇഷ്ടമല്ല. കുണ്ടിയും മുലയും കുലുക്കി കൊണ്ട്‌ പോകുന്നവർ പോട്ടെ, പക്ഷേ എന്റെ ഭാര്യ പോകണ്ട.” അത്രയും പറഞ്ഞ ശേഷം അയാളുടെ സംസാരം അല്‍പ്പം മയത്തിലായി. “നി പറഞ്ഞാൽ അവൾ കേള്‍ക്കും, വിക്രം, അതുകൊണ്ട്‌ അവളോട് ഞാൻ പറയുന്ന എല്ലാ കാര്യങ്ങളും കേട്ട് അടങ്ങി ഒതുങ്ങി നിൽക്കാൻ പറ. പിന്നെ അവളോട് ഞാൻ ഒരു പ്രതേക കാര്യം ആവശ്യപ്പെട്ടിരുന്നു, അതും അവളോട് സമ്മതിക്കാന്‍ നി പറയണം, വിക്രം.”
“എന്ത് പ്രത്യേക കാര്യമാ ചേട്ടൻ ആവശ്യപ്പെട്ടത്?” സംശയത്തോടെ ഞാൻ ചോദിച്ചു.
“അത് ഞങ്ങളുടെ പ്രശ്നമാണ്, അതുകൊണ്ട്‌ കാര്യമൊന്നും നീ അറിയേണ്ട. അവളെ നി ഉപദേശിച്ചാൽ മാത്രം മതിയാവും.” അയാൾ കടുപ്പിച്ചു പറഞ്ഞു.
വേണമെങ്കിൽ സ്വയം ചെന്ന് ഉപദേശിക്ക്, എന്ന് അലറാൻ തോന്നിയെങ്കിലും എന്നെ ഞാൻ സ്വയം നിയന്ത്രിച്ചു.
പക്ഷേ ചേട്ടൻ എന്നോട് പറഞ്ഞ കാര്യങ്ങൾ ഒന്നുംതന്നെ ചേച്ചിയോട് ഞാൻ പറഞ്ഞില്ല.
അയാള്‍ പറഞ്ഞത് പോലെ ചേച്ചിയെ ഞാൻ ഉപദേശിച്ചതുമില്ല. അതുപോലെ, ആ ‘പ്രത്യേക കാര്യം’ ചേട്ടന് സമ്മതിച്ചു കൊടുക്കണമെന്ന് ഞാൻ ചേച്ചിയോട് ആവശ്യപ്പെട്ടതുമില്ല.
കാര്യമറിയാതെ ആരെയും ഞാൻ ഉപദേശിക്കില്ല, ചേട്ടന് വേണ്ടി ചേച്ചിയോട് എന്തെങ്കിലും ആവശ്യപ്പെടാനും പോണില്ല.
കഴിഞ്ഞതൊക്കെ ചിന്തിച്ചു കൊണ്ട്‌ ഞാൻ താമസിക്കുന്ന ബിൽഡിംഗ് പാർക്കിംഗിൽ വണ്ടി നിര്‍ത്തുമ്പോള്‍ മണി ഏഴു കഴിഞ്ഞിരുന്നു. ഇന്ന്‌ വെള്ളിയാഴ്ച ആയത് കൊണ്ട്‌ പ്രഷോബ് ചേട്ടൻ രാത്രി 11:30 കഴിയാതെ വരില്ല എന്നാണ് കരുതിയത്.
പക്ഷേ പതിവിന് വിപരീതമായി പ്രഷോബ് ചേട്ടന്റെ കാർ പാർക്കിംഗിൽ കിടക്കുന്നത് കണ്ടപ്പോ അല്‍ഭുതം തോന്നി.
അയാൾ നന്നായോ?!
നാലാമത്തെ ഫ്ലോറിൽ ലിഫ്റ്റിന്‍റെ ഡോർ തുറന്നതും പ്രഷോബ് ചേട്ടന്റെ ഫ്ലാറ്റിനുള്ളിൽ നിന്ന് നേരിയ ശബ്ദം പുറത്തേക്ക്‌ വരുന്നുണ്ടായിരുന്നു. ഒന്നും വ്യക്തമായില്ലെങ്കിലും, അവർ തമ്മില്‍ വഴക്ക് കൂടുന്നെന്ന് ഞാൻ ഊഹിച്ചു.
ഞാൻ അവരുടെ ഡോറിനോട് ചേര്‍ന്ന് നിന്നതും അവർ പറയുന്നത് കേള്‍ക്കാന്‍ കഴിഞ്ഞു. ഞാൻ ചെയ്യുന്നത് തെറ്റാണെന്ന്‌ അറിഞ്ഞിട്ടും കാത് കൂർപ്പിച്ച് ഞാൻ നിന്നു.
“— എന്ന് പറഞ്ഞില്ലേ..” ചേച്ചി ചീറിയത് കേട്ടു.
“നിനക്ക് എത്ര പറഞ്ഞാലും മനസ്സിലാവില്ല, അല്ലേ? എന്റെ ഫ്രണ്ട്സ് ഇവിടെ വരും. ജസ്റ്റ് നിന്നെ ഞാൻ അവര്‍ക്ക് പരിചയപ്പെടുത്തും. പിന്നെ ഞങ്ങൾ ഞങ്ങളുടെ പാട്ടിന്‌ കുടിക്കും. അതുകൊണ്ട്‌ അവർ വരുമ്പോ നി ഇവിടെ വേണം, അഞ്ചന. അല്‍പ്പനേരം മാത്രം അവരോട് നി സംസാരിച്ചാൽ മതി, അതുകഴിഞ്ഞ്‌ നി വിക്രമന്‍റെ റൂമിൽ പൊക്കൊ, കഴപ്പമില്ല. നിനക്ക് കിടക്കാനുള്ള സൗകര്യമൊക്കെ വിക്രം ഒരുക്കി തരും.”
“ഞാൻ പറയുന്നത് ചേട്ടനും മനസ്സിലാക്കില്ല, അല്ലേ എനിക്ക് ആരെയും പരിചയപ്പെടേണ്ട. ഇപ്പൊ തന്നെ വിക്രമന്‍റെ ഫ്ലാറ്റിലേക്ക് ഞാൻ പോകുവാ. നിങ്ങളും കൂട്ടുകാരും എന്ത് വേണമെങ്കിലും ഇവിടെ ചെയ്തോ.” ചേച്ചി ദേഷ്യത്തില്‍ പറഞ്ഞു.
ഒപ്പം ചേച്ചി കരയുന്നതും ഞാൻ കേട്ടു.
“ഞാൻ പറയുന്നത് നി കേള്‍ക്കില്ല, അല്ലേടി?” ഒരു ഭ്രാന്തനെ പോലെ ചേട്ടൻ അലറി.
അതുകേട്ട് ഞാൻ ഞെട്ടി പോയി. കാരണം, ഇതുപോലെ ചേട്ടൻ വയലന്റ് ആകുന്നത് ഞാൻ കണ്ടിട്ടേയില്ല. ചേച്ചിയെ അയാൾ ഉപദ്രവിക്കുമെന്ന് ഞാൻ ഭയന്നു.
ചേട്ടൻ ചേച്ചിയെ തല്ലുമെന്ന് തോന്നിയതും ഞാൻ വേഗം അവരുടെ കോളിങ് ബെൽ അടിച്ചു.
ഉടനെ ഉള്ളില്‍ കേട്ടുകൊണ്ടിരുന്ന എല്ലാ ശബ്ദങ്ങളും നിലച്ചു, പക്ഷേ സമയം കുറെ കഴിഞ്ഞിട്ടും വാതില്‍ ആരും തുറന്നില്ല.
എന്തായാലും പ്രഷോബ് ചേട്ടൻ ഇപ്പൊ വാതിലിൽ ഘടിപ്പിച്ചിരുന്ന പീപ് ഹോളിലൂടെ നോക്കി പുറത്ത്‌ ഞാനാണെന്ന് മനസ്സിലാക്കിക്കാണും, സംശയമില്ല.
വാതില്‍ തുറന്നില്ലെങ്കിലും സാരമില്ല, താല്‍ക്കാലിക മായിട്ടെങ്കിലും അവരുടെ പ്രശ്നത്തിന് ഒരു ശമനം ഉണ്ടായല്ലോ, അത് മതി.
ഞാൻ പോയി എന്റെ ഫ്ലാറ്റ് തുറന്നു. പക്ഷേ അകത്ത് കേറും മുന്‍പ് ചേട്ടന്റെ ഫ്ലാറ്റും തുറന്ന ശബ്ദം കേട്ടിട്ട് ഞാൻ തിരിഞ്ഞു നോക്കി.
ചേച്ചി മുഖം കഴുകി വന്നത് പോലെ തോന്നി. ഇവിടെ ഒന്നും സംഭവിച്ചില്ല എന്നപോലെ ചേട്ടൻ പുഞ്ചിരിച്ചു. ആ കണ്ണുകൾ കണ്ടാലറിയാം, ചേട്ടൻ നല്ലപോലെ കുടിച്ചിട്ടുണ്ട്.
“എടാ നീ വന്നോ?” അയാൾ ചോദിച്ചു. “പിന്നെ എന്റെ നാല് ഫ്രണ്ട്സ് ഇവിടെ ഇപ്പൊ വരും, ഈയാഴ്ച എന്റെ വക ചെറിയൊരു പാര്‍ട്ടിയുണ്ട്. പക്ഷേ ഞങ്ങൾ കുടിക്കുന്നത് അഞ്ചനയ്ക്ക് ബുദ്ധിമുട്ടാവും.” ചേട്ടൻ ഒന്ന് നിര്‍ത്തിയിട്ട് തുടർന്നു, “അതുകൊണ്ട്‌ അവൾ നിന്റെ ഫ്ലാറ്റിൽ കിടക്കുന്നതിൽ നിനക്ക് ബുദ്ധിമുട്ടുണ്ടൊ, വിക്രം?” അയാൾ ചേച്ചിയെ ദേഷ്യത്തില്‍ ഇരുത്തിയൊന്ന് നോക്കിയ ശേഷം എന്നോട് ചോദിച്ചു.